This document is an excerpt from the EUR-Lex website
Document 32018D2014
Commission Implementing Decision (EU) 2018/2014 of 14 December 2018 amending Annex I to Decision 2010/221/EU as regards the list of areas in Ireland free of Ostreid herpesvirus 1 μvar (OsHV-1 μVar) (notified under document C(2018) 8618) (Text with EEA relevance.)
Deċiżjoni ta' Implimentazzjoni tal-Kummissjoni (UE) 2018/2014 tal-14 ta' Diċembru 2018 li temenda l-Anness I tad-Deċiżjoni 2010/221/UE rigward il-lista taż-żoni fl-Irlanda li huma ħielsa mill-Ostreid herpesvirus 1 μvar (OsHV-1 μVar) (notifikata bid-dokument C(2018) 8618) (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2018/2014 tal-14 ta' Diċembru 2018 li temenda l-Anness I tad-Deċiżjoni 2010/221/UE rigward il-lista taż-żoni fl-Irlanda li huma ħielsa mill-Ostreid herpesvirus 1 μvar (OsHV-1 μVar) (notifikata bid-dokument C(2018) 8618) (Test b'rilevanza għaż-ŻEE.)
C/2018/8618
ĠU L 322, 18.12.2018, p. 55–56
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32021D0260
18.12.2018 |
MT |
Il-Ġurnal Uffiċjali tal-Unjoni Ewropea |
L 322/55 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/2014
tal-14 ta' Diċembru 2018
li temenda l-Anness I tad-Deċiżjoni 2010/221/UE rigward il-lista taż-żoni fl-Irlanda li huma ħielsa mill-Ostreid herpesvirus 1 μvar (OsHV-1 μVar)
(notifikata bid-dokument C(2018) 8618)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2006/88/KE tal-24 ta' Ottubru 2006 dwar il-ħtiġiet tas-saħħa tal-annimali għall-annimali tal-akkwakultura u l-prodotti tagħhom, u dwar il-prevenzjoni u l-kontroll ta' ċertu mard f'annimali akkwatiċi (1), u b'mod partikolari l-Artikolu 43(2) tagħha,
Billi:
(1) |
L-Anness I tad-Deċiżjoni tal-Kummissjoni 2010/221/UE (2) jistabbilixxi lista ta' Stati Membri, żoni u kompartimenti li huma meqjusin ħielsa minn ċertu mard imsemmi fil-Parti II tal-Anness IV tad-Direttiva 2006/88/KE. Stat Membru elenkat għal marda partikolari f'dawk iż-żoni jista' jeżiġi l-konformità ma' ċerti miżuri nazzjonali approvati minn dik id-Deċiżjoni biex jiġi limitat l-impatt ta' dawk il-mardiet. |
(2) |
Fil-preżent, f'dik il-lista hemm għadd ta' kompartimenti fit-territorju tal-Irlanda li huma meqjusin ħielsa mill-virus tal-Ostreid herpesvirus 1 μvar (OsHV-1 μVar). Minħabba tifqigħa reċenti tal-OsHV-1 μVar li seħħet fil-Kompartiment 6 fil-Bajja ta' Poulnasharry, li l-Irlanda informat lill-Kummissjoni dwarha, jenħtieġ li jiġu aġġornati d-demarkazzjonijiet ġeografiċi taż-żoni ħielsa minn din il-marda fl-Irlanda. |
(3) |
Għaldaqstant jenħtieġ li l-Anness I tad-Deċiżjoni 2010/221/UE jiġi emendat skont dan. |
(4) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Fir-raba' kolonna tat-tabella fl-Anness I tad-Deċiżjoni 2010/221/UE, “Id-demarkazzjoni ġeografika taż-żona b'miżuri nazzjonali approvati”, fir-ringiela tal-“Ostreid herpesvirus 1 μνar (OsHV-1 μVar)”, l-entrata għall-Irlanda hija sostitwita b'dan li ġej:
“Il-kompartiment 1: Il-Bajja ta' Sheephaven
Il-kompartiment 3: Il-Bajjiet ta' Killala, Broadhaven u Blacksod
Il-kompartiment 4: Il-Bajja ta' Streamstown
Il-kompartiment 5: Il-Bajjiet ta' Bertraghboy u Galway
Il-kompartiment A: Il-Mafqas tal-Bajja ta' Tralee.”
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, l-14 ta' Diċembru 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 328, 24.11.2006, p. 14.
(2) Id-Deċiżjoni tal-Kummissjoni 2010/221/UE tal-15 ta' April 2010 li tapprova miżuri nazzjonali biex jiġi limitat l-impatt ta' ċertu mard fl-annimali tal-akkwakultura u annimali akkwatiċi selvaġġi b'konformità mal-Artikolu 43 tad-Direttiva tal-Kunsill 2006/88/KE (ĠU L 98, 20.4.2010, p. 7).