This document is an excerpt from the EUR-Lex website
Document 32018D2009
Council Decision (CFSP) 2018/2009 of 17 December 2018 amending and extending Decision 2013/233/CFSP on the European Union Integrated Border Management Assistance Mission in Libya (EUBAM Libya)
Deċiżjoni tal-Kunsill (PESK) 2018/2009 tas-17 ta' Diċembru 2018 li temenda u testendi d-Deċiżjoni 2013/233/PESK dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
Deċiżjoni tal-Kunsill (PESK) 2018/2009 tas-17 ta' Diċembru 2018 li temenda u testendi d-Deċiżjoni 2013/233/PESK dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
ST/14056/2018/INIT
ĠU L 322, 18.12.2018, p. 25–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
18.12.2018 |
MT |
Il-Ġurnal Uffiċjali tal-Unjoni Ewropea |
L 322/25 |
DEĊIŻJONI TAL-KUNSILL (PESK) 2018/2009
tas-17 ta' Diċembru 2018
li temenda u testendi d-Deċiżjoni 2013/233/PESK dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 42(4) u l-Artikolu 43(2) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fit-22 ta' Mejju 2013, il-Kunsill adotta d-Deċiżjoni 2013/233/PESK (1) li tistabbilixxi l-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya). |
(2) |
Fis-17 ta' Lulju 2017, il-Kunsill adotta d-Deċiżjoni (PESK) 2017/1342 (2) li testendi l-mandat ta' EUBAM Libya sal-31 ta' Diċembru 2018 u li tipprevedi ammont ta' referenza finanzjarja sat-30 ta' Novembru 2017. |
(3) |
Fl-20 ta' Novembru 2017, il-Kunsill adotta d-Deċiżjoni (PESK) 2017/2162 (3) li tipprevedi ammont ta' referenza finanzjarja sal-31 ta' Diċembru 2018. |
(4) |
Wara r-Rieżami Strateġiku ta' EUNAVFOR MED operation Sophia, EUBAM Libya u ċ-Ċellola tal-UE ta' Kollegament u Ippjanar, il-Kumitat Politiku u ta' Sigurtà rrakkomanda li l-mandat jiġi emendat u estiż sat-30 ta' Ġunju 2020. |
(5) |
Jenħtieġ li d-Deċiżjoni 2013/233/PESK tiġi emendata u estiża skont dan. |
(6) |
L-EUBAM Libya ser titmexxa fil-kuntest ta' sitwazzjoni li tista' tiddeterjora u li tista' timpedixxi l-kisba tal-objettivi tal-azzjoni esterna tal-Unjoni kif stipulati fl-Artikolu 21 tat-Trattat, |
ADOTTA DIN ID-DEĊIŻJONI:
Artikolu 1
Id-Deċiżjoni 2013/233/PESK hija emendata kif ġej:
(1) |
L-Artikolu 2 u l-Artikolu 3 huma sostitwiti b'dan li ġej: “Artikolu 2 Objettivi L-objettivi tal-EUBAM Libya għandhom ikunu li tassisti lill-awtoritajiet Libjani fit-tisħiħ tal-istrutturi tas-sigurtà tal-istat fil-Libja, b'mod partikolari fl-oqsma tal-ġestjoni tal-fruntieri, l-infurzar tal-liġi u l-ġustizzja kriminali bil-għan li tikkontribwixxi għall-isforzi biex jitkissru n-netwerks tal-kriminalità organizzata involuti b'mod partikolari fil-faċilitazzjoni tal-migrazzjoni illegali, it-traffikar tal-bnedmin u t-terroriżmu fil-Libja u fir-reġjun tal-Mediterran Ċentrali. Artikolu 3 Kompiti 1. Sabiex jintlaħqu l-objettivi stipulati fl-Artikolu 2, l-EUBAM Libya għandha:
2. L-EUBAM Libya għandha tippromwovi d-drittijiet tal-bniedem u l-ugwaljanza bejn is-sessi fl-attivitajiet kollha tagħha. 3. L-EUBAM Libya ma għandha twettaq l-ebda funzjoni eżekuttiva.”. |
(2) |
Fl-Artikolu 13(1) jiżdied is-subparagrafu li ġej: “L-ammont ta' referenza finanzjarja maħsub biex ikopri n-nefqa relatata mal-EUBAM Libya għall-perijodu mill-1 ta' Jannar 2019 sat-30 ta' Ġunju 2020 għandu jkun ta' EUR 61 678 576,39.”. |
(3) |
Fl-Artikolu 16, it-tieni sentenza hija sostitwita b'dan li ġej: “Hija għandha tapplika sat-30 ta' Ġunju 2020.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Hija għandha tapplika mill-1 ta' Jannar 2019.
Magħmul fi Brussell, is-17 ta' Diċembru 2018.
Għall-Kunsill
Il-President
E. KÖSTINGER
(1) Id-Deċiżjoni tal-Kunsill 2013/233/PESK tat- 22 ta' Mejju 2013 dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya) (ĠU L 138, 24.5.2013, p. 15).
(2) Id-Deċiżjoni tal-Kunsill (PESK) 2017/1342 tas-17 ta' Lulju 2017 li temenda u testendi d-Deċiżjoni 2013/233/PESK dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya) (ĠU L 185, 18.7.2017, p. 60).
(3) Id-Deċiżjoni tal-Kunsill (PESK) 2017/2162 tal-20 ta' Novembru 2017 li temenda d-Deċiżjoni 2013/233/PESK dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya) (ĠU L 304, 21.11.2017, p. 50).