Artikolu 1

Suġġett

Din id-Deċiżjoni temenda l-ispeċifikazzjonijiet komuni għar-reġistri nazzjonali tal-vetturi u tistabbilixxi l-ispeċifikazzjonijiet tekniċi u funzjonali għar-Reġistru Ewropew tal-Vetturi.

Artikolu 2

Emendi għall-ispeċifikazzjonijiet komuni għar-reġistri nazzjonali tal-vetturi

L-Anness tad-Deċiżjoni 2007/756/KE huwa emendat skont l-Anness I ta' din id-Deċiżjoni.

Artikolu 3

Irtirar tar-reġistrazzjonijiet żejda

Artikolu 4

Speċifikazzjonijiet tar-Reġistru Ewropew tal-Vetturi

L-ispeċifikazzjonijiet tekniċi u funzjonali tar-Reġistru Ewropew tal-Vetturi għandhom ikunu dawk li ġew stabbiliti fl-Anness II.

Artikolu 5

Entità tar-reġistrazzjoni

Artikolu 6

Reġistrazzjoni ta' vetturi awtorizzati għat-tqegħid fis-suq

Artikolu 7

Arkitettura tar-Reġistru Ewropew tal-Vetturi

Artikolu 8

Migrazzjoni mir-reġistri nazzjonali tal-vetturi għar-Reġistru Ewropew tal-Vetturi

Artikolu 9

Tħassir

Id-Deċiżjoni 2007/756/KE titħassar b'effett mis-16 ta' Ġunju 2021.

Artikolu 10

Dħul fis-seħħ u applikazzjoni

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

It-Taqsimiet 2.2, 2.3, 2.4, 2.5, 3, 4.3 u 5 tal-Anness II u l-Appendiċijiet 1 sa 6 ta' dak l-Anness għandhom japplikaw mis-16 ta' Ġunju 2021.

ANNESS I

L-Anness tad-Deċiżjoni 2007/756/KE huwa emendat kif ġej:

(1)

il-punt 3.2.1 huwa sostitwit b'dan li ġej: “3.2.1.   Applikazzjoni għal reġistrazzjoni Il-formola fl-Appendiċi 4 għandha tintuża għall-applikazzjoni għal reġistrazzjoni. L-entità li tapplika għar-reġistrazzjoni ta' vettura għandha timmarka l-kaxxa “Reġistrazzjoni ġdida”. Għandha timla l-formola u tibgħatha: — lir-RE tal-Istat Membru fejn qed tintalab ir-reġistrazzjoni, billi jimtlew il-kaxxi kollha, — lir-RE tal-ewwel Stat Membru fejn biħsiebha topera, għal vettura li ġejja minn pajjiż terz (ara l-punt 3.2.5(2)). F'dak il-każ, il-formola għandha tinkludi minn tal-inqas l-informazzjoni dwar l-identifikazzjoni tas-sid tal-vettura u tal-kustodju tagħha, ir-restrizzjonijiet dwar kif tista' tintuża l-vettura, u l-entità responsabbli għall-manutenzjoni.”;

(2)	fil-punt 3.2.3, jiżdied il-paragrafu li ġej: “Ir-RE għandha tirreġistra t-tibdil fl-NVR fi żmien 20 jum tax-xogħol minn meta tirċievi fajl komplut ta' applikazzjoni. Ir-RE għandha, qabel ma tiskadi din l-iskadenza, jew tirreġistra l-vettura jew inkella titlob korrezzjoni/kjarifika.”;

(3)

il-punt 3.2.5 huwa sostitwit b'dan li ġej: “3.2.5.   Awtorizzazzjoni f'diversi Stati Membri 1. Il-vetturi għandhom jiġu rreġistrati biss fl-NVR tal-Istat Membru fejn jiġu awtorizzati l-ewwel għat-tqegħid fis-servizz jew, għall-vetturi li tkun inħarġitilhom awtorizzazzjoni għat-tqegħid fis-suq skont id-Direttiva (UE) 2016/797 tal-Parlament u tal-Kunsill (*1), dawn għandhom jiġu rreġistrati biss fi Stat Membru fiż-żona tal-użu tal-awtorizzazzjoni għat-tqegħid fis-suq, mingħajr preġudizzju għat-trasferiment tar-reġistrazzjoni f'NVR differenti skont il-punt 3.2.6(2). 2. Il-vetturi li jidħlu fis-sistema ferrovjarja tal-Unjoni minn pajjiżi terzi u li jkunu rreġistrati f'reġistru tal-vetturi li ma jkunx konformi ma' din l-ispeċifikazzjoni jew li ma jkunx konness ma' EC VVR għandhom jiġu rreġistrati biss fl-NVR tal-ewwel Stat Membru fejn ikun maħsub li l-vettura titħaddem fis-sistema ferrovjarja tal-Unjoni. 3. Il-vetturi li jidħlu fis-sistema ferrovjarja tal-Unjoni minn pajjiżi terzi u li jkunu rreġistrati f'reġistru tal-vetturi li ma jkunx konformi ma' din l-ispeċifikazzjoni u li jkunu konnessi mal-EC VVR, meta ftehim internazzjonali li l-Unjoni Ewropea tkun parti kontraenti għalih ikun jipprevedi dan, ma għandhomx jiġu rreġistrati f'xi NVR. 4. Għal kwalunkwe vettura, l-NVR fejn tkun irreġistrata għandu jinkludi d-data relatata mal-punti 2, 6, 12 u 13 għal kull wieħed mill-Istati Membri fejn din il-vettura tkun ingħatat awtorizzazzjoni għat-tqegħid fis-servizz. Din id-dispożizzjoni hija mingħajr preġudizzju għall-Artikoli 3 u 5. (*1)  Id-Direttiva (UE) 2016/797 tal-Parlament Ewropew u tal-Kunsill tal-11 ta' Mejju 2016 dwar l-interoperabbiltà tas-sistema ferrovjarja fl-Unjoni Ewropea (ĠU L 138, 26.5.2016, p. 44)”;"

(4)

fit-Taqsima 3.2, jiżdied il-punt 3.2.6 li ġej: “3.2.6.   Trasferiment tar-reġistrazzjoni u tibdil tal-EVN 1. L-EVN għandu jitbiddel meta ma jirriflettix il-kapaċità tal-interoperabbiltà jew il-karatteristiki tekniċi skont l-Appendiċi 6 minħabba modifiki tekniċi fil-vettura. Tali modifiki tekniċi jistgħu jeħtieġu awtorizzazzjoni ġdida għat-tqegħid fis-servizz skont l-Artikoli 21 sa 26 tad-Direttiva 2008/57/KE tal-Parlament Ewropew u tal-Kunsill (*2) jew awtorizzazzjoni ġdida għat-tqegħid fis-suq u, fejn ikun xieraq, awtorizzazzjoni tat-tip ta' vettura ġdida, skont l-Artikoli 21 u 24 tad-Direttiva (UE) 2016/797. Il-kustodju għandu jinforma lir-RE tal-Istat Membru fejn tkun irreġistrata l-vettura b'dak it-tibdil u, jekk ikun applikabbli, bl-awtorizzazzjoni l-ġdida għat-tqegħid fis-servizz jew b'awtorizzazzjoni ġdida għat-tqegħid fis-suq. Dik ir-RE għandha tassenja EVN ġdid lill-vettura. 2. L-EVN jista' jitbiddel fuq talba tal-kustodju permezz ta' reġistrazzjoni ġdida tal-vettura fl-NVR ta' Stat Membru differenti konness mal-EC VVR u permezz tal-irtirar sussegwenti tar-reġistrazzjoni l-qadima. (*2)  Id-Direttiva 2008/57/KE tal-Parlament Ewropew u tal-Kunsill tas-17 ta' Ġunju 2008 dwar l-interoperabilità tas-sistema ferrovjarja fil-Komunità (ĠU L 191, 18.7.2008, p. 1).”;"

(5)

it-Taqsima 3.3 hija sostitwita b'dan li ġej: “3.3.   Drittijiet ta' aċċess Id-drittijiet ta' aċċess għad-data ta' NVR minn Stat Membru partikolari “XX” huma elenkati fit-tabella ta' hawn taħt: Entità Drittijiet ta' qari Drittijiet ta' aġġornament Ir-RE tal-Istat Membru “XX” Id-data kollha Id-data kollha fir-reġistru tal-vetturi tal-Istat Membru “XX” NSA Id-data kollha L-ebda Aġenzija Id-data kollha L-ebda Kustodju Id-data kollha dwar il-vetturi li huwa kustodju tagħhom L-ebda ECM Id-data kollha, għajr ir-referenzi tas-sid, dwar il-vetturi li għalihom huwa ECM L-ebda Sid Id-data kollha dwar il-vetturi li huwa sid tagħhom L-ebda Impriża ferrovjarja Id-data kollha, għajr ir-referenzi tas-sid, abbażi ta' numru wieħed jew iktar tal-vetturi L-ebda Amministratur tal-infrastruttura Id-data kollha, għajr ir-referenzi tas-sid, abbażi ta' numru wieħed jew iktar tal-vetturi L-ebda Il-korp investigattiv imsemmi fl-Artikolu 22 tad-Direttiva (UE) 2016/798 tal-Parlament Ewropew u tal-Kunsill (1) u l-korp regolatorju msemmi fl-Artikolu 55 tad-Direttiva 2012/34/UE tal-Parlament Ewropew u tal-Kunsill (2) Id-data kollha dwar il-vetturi li qed jiġu kkontrollati jew ivverifikati L-ebda Korp tal-ħruġ tad-dikjarazzjoni tal-verifika “KE” (l-applikant) Id-data kollha dwar il-vetturi li għalihom huwa l-korp tal-ħruġ tad-dikjarazzjoni tal-verifika “KE” (l-applikant), għajr ir-referenzi tas-sid L-ebda Utent leġittimu ieħor rikonoxxut mill-NSA jew mill-Aġenzija (3) Irid jiġi definit kif xieraq, durata possibbilment limitata, għajr ir-referenzi tas-sid L-ebda Id-drittijiet tal-aċċess għad-data tal-NVRs jistgħu jiġu estiżi għall-entitajiet rilevanti ta' pajjiż terz jew għal organizzazzjoni intergovernattiva rilevanti meta ftehim internazzjonali li l-Unjoni Ewropea tkun parti kontraenti għalih ikun jipprevedi dan.”;

(6)

L-Appendiċijiet 1 u 2 huma sostitwiti b'dan li ġej: “ APPENDIĊI 1 IKKODIFIKAR TAR-RESTRIZZJONIJIET 1.   PRINĊIPJI Ir-restrizzjonijiet imsemmija fl-awtorizzazzjoni għat-tqegħid fis-servizz skont l-Artikoli 21 sa 26 tad-Direttiva 2008/57/KE jew fl-awtorizzazzjoni għat-tqegħid fis-suq u, fejn ikun xieraq, l-awtorizzazzjoni tat-tip ta' vettura ġdida, skont l-Artikoli 21 u 24 tad-Direttiva (UE) 2016/797 għandhom jiġu assenjati kodiċi armonizzat jew kodiċi nazzjonali. 2.   STRUTTURA Kull kodiċi huwa kombinazzjoni ta': — kategorija ta' restrizzjoni, — tip ta' restrizzjoni, — valur jew speċifikazzjoni, magħqudin flimkien b'tikka (.): [Kategorija].[Tip].[Valur jew speċifikazzjoni]. 3.   KODIĊIJIET TA' RESTRIZZJONI 1. Il-kodiċijiet ta' restrizzjoni armonizzati għandhom ikunu applikabbli fl-Istati Membri kollha. Il-lista tal-kodiċijiet ta' restrizzjoni armonizzati għas-sistema ferrovjarja tal-Unjoni għandha tinżamm aġġornata mill-Aġenzija u għandha tiġi ppubblikata fis-sit web tagħha. Jekk awtorità nazzjonali għas-sikurezza tqis li jeħtieġ li jiżdied kodiċi ġdid fil-lista ta' kodiċijiet ta' restrizzjoni armonizzati, din għandha titlob lill-Aġenzija tevalwa l-inklużjoni ta' dan il-kodiċi l-ġdid. Fejn ikun xieraq, l-Aġenzija għandha tevalwa t-talba, b'konsultazzjoni ma' awtoritajiet nazzjonali oħra għas-sikurezza. Meta jkun xieraq, l-Aġenzija għandha tinkludi kodiċi ta' restrizzjoni ġdid fil-lista. 2. L-Aġenzija għandha żżomm il-lista tal-kodiċijiet ta' restrizzjoni nazzjonali aġġornata. L-użu tal-kodiċijiet ta' restrizzjoni nazzjonali għandu jkun limitat għal dawk ir-restrizzjonijiet li jirriflettu karatteristiki partikolari tas-sistema ferrovjarja eżistenti ta' Stat Membru u li x'aktarx ma jiġux applikati bl-istess tifsira fi Stati Membri oħra. Għal tipi ta' restrizzjonijiet li mhumiex indikati fil-lista msemmija fil-punt 1, l-awtorità nazzjonali għas-sikurezza għandha titlob lill-Aġenzija tinkludi kodiċi ġdid fil-lista ta' kodiċijiet ta' restrizzjoni nazzjonali. Fejn ikun xieraq, l-Aġenzija għandha tevalwa t-talba, b'konsultazzjoni ma' awtoritajiet nazzjonali oħra għas-sikurezza. Jekk ikun xieraq, l-Awtorità għandha tinkludi kodiċi ta' restrizzjoni ġdid fil-lista. 3. Il-kodiċi ta' restrizzjoni għall-awtoritajiet multinazzjonali għas-sikurezza għandu jiġi trattat bħala kodiċi ta' restrizzjoni nazzjonali. 4. L-użu ta' restrizzjonijiet mhux ikkodifikati għandu jkun limitat għal dawk ir-restrizzjonijiet li minħabba n-natura partikolari tagħhom, x'aktarx ma jiġux applikati għal diversi tipi ta' vetturi. L-Aġenzija għandha żżomm lista unika ta' kodiċijiet ta' restrizzjoni għall-EVR, ir-reġistru Ewropew ta' tipi ta' vetturi awtorizzati msemmi fl-Artikolu 48 tad-Direttiva (UE) 2016/797, il-punt uniku ta' servizz u l-Bażi tad-Data tal-Interoperabbiltà u tas-Sikurezza tal-Aġenzija Ferrovjarja Ewropea. 5. Fejn ikun rilevanti, l-Aġenzija tista' tikkoordina l-proċess ta' armonizzazzjoni tal-kodiċijiet ta' restrizzjoni ma' organizzazzjoni intergovernattiva rilevanti meta ftehim internazzjonali li l-Unjoni Ewropea tkun parti kontraenti għalih ikun jipprevedi dan. APPENDIĊI 2 STRUTTURA U KONTENUT TAN-NUMRU EWROPEW TA' IDENTIFIKAZZJONI L-Aġenzija għandha tistabbilixxi l-istruttura u l-kontenut tan-Numru Ewropew ta' Identifikazzjoni (EIN), inkluża l-kodifikazzjoni tat-tipi ta' dokumenti kkonċernati, f'dokument tekniku u għandha tippubblika dan id-dokument tekniku fis-sit web tagħha. ”;

(7)

il-punt 1 tal-Parti 1 tal-Appendiċi 6 huwa sostitwit b'dan li ġej: “1.   Definizzjoni tal-Immarkar tal-Kustodji tal-Vetturi (VKM) L-Immarkar tal-Kustodji tal-Vetturi (VKM) huwa kodiċi alfabetiku, li jikkonsisti minn tnejn sa ħames ittri (*3). Il-VKM isir fuq kull vettura ferrovjarja, qrib in-Numru Ewropew tal-Vettura. Il-VKM jidentifika l-Kustodju tal-Vettura kif ikun irreġistrat fir-Reġistru Nazzjonali tal-Vetturi. Il-VKM huwa uniku u validu fl-Istati Membri kollha u fil-pajjiżi kollha li jidħlu fi ftehim li jinvolvi l-applikazzjoni tas-sistema tan-numerazzjoni tal-vetturi u tal-VKM kif stabbilit f'din id-Deċiżjoni. (*3)  Għall-NMBS/SNCB, l-użu tal-ittra unika B imdawra b'ċirku jista' jitkompla.”"

(8)

Il-Parti 4 tal-Appendiċi 6 hija sostitwita b'dan li ġej: “PARTI 4 — IKKODIFIKAR TAL-PAJJIŻI LI FIHOM IL-VETTURI JKUNU RREĠISTRATI (IĊ-ĊIFRI 3-4 U ABBREVJAZZJONI) L-Informazzjoni relatata mal-pajjiżi terzi tingħata għal skopijiet ta' informazzjoni biss. Pajjiżi Kodiċi alfabetiku tal-pajjiż (1) Kodiċi numeriku tal-pajjiż   Pajjiżi Kodiċi alfabetiku tal-pajjiż (1) Kodiċi numeriku tal-pajjiż L-Albanija AL 41   Il-Litwanja LT 24 L-Alġerija DZ 92   Il-Lussemburgu L 82 L-Armenja AM 58   L-Eks-Repubblika Jugoslava tal-Maċedonja MK 65 L-Awstrija A 81   Malta M   L-Ażerbajġan AZ 57   Il-Moldova MD (1) 23 Il-Belarussja BY 21   Monaco MC   Il-Belġju B 88   Il-Mongolja MGL 31 Il-Bożnija-Ħerzegovina BIH 50 u 44 (2)   Il-Montenegro MNE 62 Il-Bulgarija BG 52   Il-Marokk MA 93 Iċ-Ċina RC 33   In-Netherlands NL 84 Il-Kroazja HR 78   Il-Korea ta' Fuq PRK (1) 30 Kuba CU (1) 40   In-Norveġja N 76 Ċipru CY     Il-Polonja PL 51 Ir-Repubblika Ċeka CZ 54   Il-Portugall P 94 Id-Danimarka DK 86   Ir-Rumanija RO 53 L-Eġittu ET 90   Ir-Russja RUS 20 L-Estonja EST 26   Is-Serbja SRB 72 Il-Finlandja FIN 10   Is-Slovakkja SK 56 Franza F 87   Is-Slovenja SLO 79 Il-Georgia GE 28   Il-Korea t'Isfel ROK 61 Il-Ġermanja D 80   Spanja E 71 Il-Greċja GR 73   L-Iżvezja S 74 L-Ungerija H 55   L-Iżvizzera CH 85 L-Iran IR 96   Is-Sirja SYR 97 L-Iraq IRQ (1) 99   It-Taġikistan TJ 66 L-Irlanda IRL 60   It-Tuneżija TN 91 Iżrael IL 95   It-Turkija TR 75 L-Italja I 83   It-Turkmenistan TM 67 Il-Ġappun J 42   L-Ukrajna UA 22 Il-Każakistan KZ 27   Ir-Renju Unit GB 70 Il-Kirgiżistan KS 59   L-Użbekistan UZ 29 Il-Latvja LV 25   Il-Vjetnam VN (1) 32 Il-Libanu RL 98   (1) Skont is-sistema ta' kkodifikar alfabetiku deskritta fl-Appendiċi 4 tal-Konvenzjoni tal-1949 u fl-Artikolu 45(4) tal-Konvenzjoni tal-1968 dwar it-traffiku fit-toroq. (2) Il-Bożnija-Ħerzegovina tuża żewġ kodiċijiet ferrovjarji speċifiċi. Il-kodiċi numeriku tal-pajjiż 49 huwa rriżervat.”

---

(1)  Id-Direttiva (UE) 2016/798 tal-Parlament Ewropew u tal-Kunsill tal-11 ta' Mejju 2016 dwar is-sikurezza ferrovjarja (ĠU L 138, 26.5.2016, p. 102).

(2)  Id-Direttiva 2012/34/UE tal-Parlament Ewropew u tal-Kunsill tal-21 ta' Novembru 2012 li tistabbilixxi żona ferrovjarja unika Ewropea (ĠU L 343, 14.12.2012, p. 32).

(3)  L-Aġenzija għandha, b'koperazzjoni mal-NSAs, tiddefinixxi l-proċedura għar-rikonoxximent ta' utenti leġittimi.

ANNESS II

1.   IL-KONTENUT U L-FORMAT TAD-DATA

Il-kontenut u l-format tad-data tar-Reġistru Ewropew tal-Vetturi (“EVR”) għandhom ikunu kif stabbilit fit-tabella li ġejja.

Tabella 1

Parametri tal-EVR

Numru tal-parametru	Isem tal-parametru	Deskrizzjoni	Format	Obbligatorju/Fakultattiv
1	Identifikazzjoni tal-vettura
1.1	Numru Ewropew tal-Vettura	Numru Ewropew tal-Vettura. Kodiċi numeriku ta' identifikazzjoni kif definit fl-Appendiċi 6.	Ara l-Appendiċi 6 (1)	Obbligatorju
1.2	Numru preċedenti tal-vettura	Numru preċedenti (jekk ikun applikabbli, għal vettura nnumerata mill-ġdid)		Obbligatorju (meta jkun applikabbli)
2	Stat Membru ta' Reġistrazzjoni
2.1	Stat Membru ta' Reġistrazzjoni	L-Istat Membru fejn il-vettura tkun ġiet irreġistrata	Kodiċi b'żewġ ittri (*1)	Obbligatorju
3	Stati Membri fejn il-vettura hija awtorizzata
3.1	Iż-żona tal-użu li tirriżulta	Il-kaxxa timtela awtomatikament mis-sistema abbażi tal-valuri tal-parametru 11.4.	Test	Il-kaxxa timtela awtomatikament mis-sistema abbażi tal-valuri tal-parametru 11.4.
4	Kundizzjonijiet addizzjonali
4.1	Kundizzjonijiet addizzjonali applikabbli għall-vettura	Identifikazzjoni ta' ftehimiet bilaterali jew multilaterali applikabbli bħall-RIV, l-RIC, it-TEN, it-TEN-CW, it-TEN-GE, …	Test	Obbligatorju (meta jkun applikabbli)
5	Manifattura
5.1	Sena tal-manifattura	Is-sena li fiha l-vettura ħarġet mill-fabbrika	SSSS	Obbligatorja
5.2	Numru tas-serje tal-manifattura	In-numru tas-serje tal-manifattura kif immarkat fuq il-qafas tal-vettura.	Test	Fakultattiv
5.3	Referenza ERATV	Identifikazzjoni fl-ERATV tat-tip (jew verżjoni jew varjant) awtorizzat(a) (2) ta' vettura li l-vettura tkun konformi miegħu/magħha.	Kodiċi(jiet) alfanumeriku/ċi	Obbligatorja (meta disponibbli)
5.4	Serje	Identifikazzjoni tas-serje li l-vettura tkun parti minnha.	Test	Obbligatorju (meta jkun applikabbli)
6	Referenzi għal Dikjarazzjonijiet tal-verifika “KE” (3)
6.1	Data tad-dikjarazzjoni “KE”	Data tad-dikjarazzjoni tal-verifika “KE”	Data (SSSSXXJJ)	Obbligatorja (meta tkun disponibbli)
6.2	Referenza tad-dikjarazzjoni “KE”	Referenza għad-dikjarazzjoni tal-verifika “KE”	Għal vetturi eżistenti: test. Għal vetturi ġodda: kodiċi alfanumeriku abbażi tal-EIN, ara l-Appendiċi 2	Obbligatorja (meta tkun disponibbli)
6.3	Korp tal-ħruġ tad-Dikjarazzjoni tal-verifika “KE” (l-applikant)
6.3.1	Isem tal-organizzazzjoni		Test	Obbligatorju (meta jkun disponibbli)
6.3.2	Numru tar-reġistrazzjoni tal-kumpanija		Test	Obbligatorju (meta jkun disponibbli)
6.3.3	Indirizz	Indirizz tal-organizzazzjoni, it-triq u n-numru	Test	Obbligatorju (meta jkun disponibbli)
6.3.4	Belt		Test	Obbligatorju (meta jkun disponibbli)
6.3.5	Kodiċi tal-pajjiż		Kodiċi b'żewġ ittri (*1)	Obbligatorju (meta jkun disponibbli)
6.3.6	Kodiċi postali		Kodiċi alfanumeriku	Obbligatorju (meta jkun disponibbli)
6.3.7	Indirizz tal-posta elettronika		Posta elettronika	Obbligatorju (meta jkun disponibbli)
6.3.8	Kodiċi tal-organizzazzjoni		Kodiċi alfanumeriku	Obbligatorju (meta jkun disponibbli)
7	Sid	Identifikazzjoni tas-sid tal-vettura
7.1	Isem tal-organizzazzjoni		Test	Obbligatorju
7.2	Numru tar-reġistrazzjoni tal-kumpanija		Test	Obbligatorju
7.3	Indirizz		Test	Obbligatorju
7.4	Belt		Test	Obbligatorju
7.5	Kodiċi tal-pajjiż		Kodiċi b'żewġ ittri (*1)	Obbligatorju
7.6	Kodiċi postali		Kodiċi alfanumeriku	Obbligatorju
7.7	Indirizz tal-posta elettronika		Posta elettronika	Obbligatorju
7.8	Kodiċi tal-organizzazzjoni		Kodiċi alfanumeriku	Obbligatorju
8	Kustodju	Identifikazzjoni tal-kustodju tal-vettura
8.1	Isem tal-organizzazzjoni		Test	Obbligatorju
8.2	Numru tar-reġistrazzjoni tal-kumpanija		Test	Obbligatorju
8.3	Indirizz		Test	Obbligatorju
8.4	Belt		Test	Obbligatorju
8.5	Kodiċi tal-pajjiż		Kodiċi b'żewġ ittri (*1)	Obbligatorju
8.6	Kodiċi postali		Kodiċi alfanumeriku	Obbligatorju
8.7	Indirizz tal-posta elettronika		Posta elettronika	Obbligatorju
8.8	Kodiċi tal-organizzazzjoni		Kodiċi alfanumeriku	Obbligatorju
8.9	Immarkar tal-Kustodji tal-Vetturi		Kodiċi alfanumeriku	Obbligatorju
9	Entità responsabbli għall-manutenzjoni	Referenza għall-entità responsabbli għall-manutenzjoni
9.1	Isem tal-organizzazzjoni		Test	Obbligatorju
9.2	Numru tar-reġistrazzjoni tal-kumpanija		Test	Obbligatorju
9.3	Indirizz		Test	Obbligatorju
9.4	Belt		Test	Obbligatorju
9.5	Kodiċi tal-pajjiż		Kodiċi b'żewġ ittri (*1)	Obbligatorju
9.6	Kodiċi postali		Kodiċi alfanumeriku	Obbligatorju
9.7	Indirizz tal-posta elettronika		Posta elettronika	Obbligatorju
9.8	Kodiċi tal-organizzazzjoni		Kodiċi alfanumeriku	Obbligatorju
10	Status tar-reġistrazzjoni
10.1	Status tar-reġistrazzjoni (ara l-Appendiċi 3)		Kodiċi b'żewġ ċifri	Obbligatorju
10.2	Data tal-istatus tar-reġistrazzjoni	Data tal-istatus tar-reġistrazzjoni	Data (SSSSXXJJ)	Obbligatorja
10.3	Raġuni tal-istatus tar-reġistrazzjoni		Test	Obbligatorju (meta jkun applikabbli)
11	Awtorizzazzjonijiet (4) għat-tqegħid fis-suq (5)
11.1	Isem tal-entità tal-awtorizzazzjoni	Entità (l-Awtorità Nazzjonali għas-Sikurezza jew l-Aġenzija) li awtorizzat it-tqegħid fis-suq	Test	Obbligatorju
11.2	Stat Membru tal-entità tal-awtorizzazzjoni	Stat Membru tal-entità tal-awtorizzazzjoni	Kodiċi b'żewġ ittri (*1)	Obbligatorju
11.3	Numru Ewropew tal-identifikazzjoni (EIN)	Numru tal-awtorizzazzjoni armonizzat għat-tqegħid fis-servizz, iġġenerat mill-entità tal-awtorizzazzjoni	Numru tal-awtorizzazzjoni. Għal vetturi ġodda: kodiċi alfanumeriku abbażi tal-EIN, ara l-Appendiċi 2.	Obbligatorju
11.4	Żona tal-użu	Kif iddikjarat fl-awtorizzazzjoni maħruġa tal-vetturi.	Test	Obbligatorju
11.5	Data tal-awtorizzazzjoni		Data (SSSSXXJJ)	Obbligatorja
11.6	Awtorizzazzjoni valida sa (jekk speċifikat)		Data (SSSSXXJJ)	Obbligatorja (meta tkun applikabbli)
11.7	Data tas-sospensjoni tal-awtorizzazzjoni		Data (SSSSXXJJ)	Obbligatorja (meta tkun applikabbli)
11.8	Data tar-revoka tal-awtorizzazzjoni		Data (SSSSXXJJ)	Obbligatorja (meta tkun applikabbli)
11.9	Kundizzjonijiet għall-użu tal-vettura u restrizzjonijiet oħra dwar kif tista' tintuża l-vettura
11.9.1	Kundizzjonijiet għall-użu u restrizzjonijiet ikkodifikati	Kundizzjonijiet għall-użu u restrizzjonijiet dwar kif tista' tintuża l-vettura	Lista ta' kodiċijiet (ara l-Appendiċi 1).	Obbligatorji (meta jkunu applikabbli)
11.9.2	Kundizzjonijiet għall-użu u restrizzjonijiet mhux ikkodifikati	Kundizzjonijiet għall-użu u restrizzjonijiet dwar kif tista' tintuża l-vettura	Test	Obbligatorju (meta jkun applikabbli)
12	Kaxxi addizzjonali (6)

2.   ARKITETTURA

2.1.   L-arkitettura tal-EVR

2.1.1.   Il-funzjoni tat-tiftix u tal-konsultazzjoni tad-data (il-funzjoni tad-DSC)

Il-funzjoni tad-DSC għandha tiġi implimentata mill-Aġenzija permezz ta' għodda ċentralizzata bbażata fuq il-web u permezz ta' interfaċċa għall-komunikazzjoni bejn magna u oħra. Il-funzjoni għandha tippermetti t-tiftix u l-konsultazzjoni tad-data fl-EVR wara l-awtentikazzjoni.

Il-funzjoni tad-DSC għandha tipprovdi lill-entitajiet tar-reġistrazzjoni bil-mezzi biex iwettqu l-estrazzjoni tal-valuri tal-parametri fit-tabella 1 tar-reġistrazzjonijiet tal-vetturi li jkunu ġew irrekordjati.

2.1.2.   Il-funzjoni tal-ħolqien u tal-amministrazzjoni tal-utenti (il-funzjoni tal-UCA)

Il-funzjoni tal-UCA għandha tiġi implimentata permezz ta' għodda ċentralizzata bbażata fuq il-web stabbilita mill-Aġenzija. Il-funzjoni għandha tippermetti lill-persuni u lill-organizzazzjonijiet jitolbu l-aċċess għad-data tal-EVR u għandha tippermetti lill-entità tar-reġistrazzjoni (“RE”) toħloq l-utenti u tiġġestixxi d-drittijiet ta' aċċess.

2.1.3.   Il-funzjoni tal-amministrazzjoni tad-data ta' referenza (il-funzjoni tal-RDA)

Il-funzjoni tal-RDA għandha tiġi implimentata permezz ta' għodda ċentralizzata bbażata fuq il-web stabbilita mill-Aġenzija. Il-funzjoni għandha tippermetti lir-REs u lill-Aġenzija jiġġestixxu d-data ta' referenza komuni.

2.1.4.   Il-funzjonijiet tal-applikazzjoni, tar-reġistrazzjoni u tal-ħżin tad-data (il-funzjonijiet tal-ARS)

Il-funzjoni tal-ARS għandha tippermetti lill-kustodji, wara l-awtentikazzjoni, jippreżentaw applikazzjonijiet għal reġistrazzjoni jew għal aġġornament ta' reġistrazzjoni eżistenti lir-RE magħżula, permezz ta' għodda bbażata fuq il-web li tippreżenta l-formola elettronika armonizzata (ara l-Appendiċi 4). Din il-funzjoni għandha tippermetti wkoll lir-RE tirreġistra d-data tar-reġistrazzjoni. Is-sett ta' reġistrazzjonijiet għal Stat Membru partikolari għandu jissejjaħ ir-reġistru tal-vetturi ta' dak l-Istat Membru.

L-Istati Membri jistgħu jiddeċiedu li jużaw il-funzjoni tal-ARS ċentralizzata (C-ARS) ipprovduta mill-Aġenzija jew jistgħu jimplimentaw il-funzjoni tal-ARS awtonomament b'mod deċentralizzat. F'dan il-każ tal-aħħar, l-Istat Membru u l-Aġenzija għandhom jiżguraw il-kompatibbiltà u l-komunikazzjoni bejn il-funzjonijiet tal-ARS deċentralizzati (D-ARS) u l-funzjonijiet ċentralizzati (DSC, UCA u RDA).

Il-funzjoni tal-ARS ċentralizzata għandha tipprovdi r-riżervazzjoni minn qabel u l-ġestjoni tan-numri tal-vetturi. Il-proċess tar-riżervazzjoni minn qabel għandu jippermetti li l-informazzjoni meħtieġa timtela minn qabel fil-formola elettronika mill-applikant jew mill-kustodju.

2.2.   Utilizzabbiltà

Il-funzjonijiet tal-EVR għandhom ikunu aċċessibbli għall-utenti bl-iktar brawżers tal-web li jintużaw is-soltu u bil-lingwi uffiċjali kollha tal-Unjoni.

2.3.   Disponibbiltà

Bħala regola ġenerali, l-EVR għandu jkun disponibbli b'mod permanenti, b'mira ta' disponibbiltà tas-sistema ta' 98 %.

Madankollu, fil-każ li jkun hemm ħsara barra l-ħinijiet tax-xogħol — mit-Tnejn sal-Ġimgħa mis-07.00 sat-20.00, Ħin tal-Ewropa Ċentrali — ix-xogħol biex is-servizz jerġa' jkun operattiv għandu jsir fil-jum tax-xogħol ta' wara li jkun hemm il-ħsara. In-nuqqas ta' disponibbiltà tas-sistema għandu jkun minimu matul il-manutenzjoni.

2.4.   Livell ta' servizz

Matul il-ħinijiet tax-xogħol għandu jiġi pprovdut appoġġ lill-utenti, permezz ta' Punt ta' Kuntatt għall-Għajnuna fir-rigward ta' kwistjonijiet marbuta mal-użu tas-sistema, u lir-REs fir-rigward tal-funzjonament tas-sistema.

L-Aġenzija għandha tipprovdi ambjent tal-ittestjar għall-EVR.

2.5.   Kontroll tat-tibdil

L-Aġenzija għandha tistabbilixxi proċess ta' ġestjoni tal-kontroll tat-tibdil għall-EVR.

2.6.   Integrità tad-data

L-EVR għandu jiżgura integrità xierqa tad-data.

2.7.   Kontroll minn qabel

Is-sistema tal-EVR għandha tipprovdi kontrolli awtomatiċi tad-data li tiddaħħal fil-formola elettronika, inklużi kontrolli fir-rigward tar-reġistrazzjonijiet tal-vetturi fl-EVR, kontroll tal-kompletezza u kontroll tal-format tad-data li tiddaħħal.

2.8.   Faċilitazzjoni tal-użu fl-Unjoni ta' vetturi rreġistrati f'pajjiżi terzi

L-Aġenzija tista' timplimenta l-funzjoni tad-DSC biex tippermetti lill-entitajiet rilevanti fil-pajjiżi terzi jkollhom aċċess għal data xierqa tal-EVR meta ftehim internazzjonali li l-Unjoni Ewropea tkun parti kontraenti għalih ikun jipprevedi dan.

L-Aġenzija tista' tippermetti l-użu tal-funzjonijiet tal-EVR mill-entitajiet fil-pajjiżi terzi meta ftehim internazzjonali li l-Unjoni Ewropea tkun parti kontraenti għalih ikun jipprevedi dan.

3.   MODALITÀ TAT-TĦADDIM

3.1.   Użu tal-EVR

L-EVR jista' jintuża għal skopijiet bħal:

—	il-kontroll jekk vettura tkunx irreġistrata kif suppost u x'inhu l-istatus tar-reġistrazzjoni;

—	l-irkupru ta' informazzjoni dwar l-awtorizzazzjonijiet għat-tqegħid fis-suq, inklużi l-entità tal-awtorizzazzjoni, iż-żona tal-użu, il-kundizzjonijiet għall-użu u restrizzjonijiet oħra;

—	l-irkupru tar-referenza għat-tip awtorizzat tal-vettura li l-vettura tikkonforma miegħu;

—	l-identifikazzjoni tal-kustodju, tas-sid jew tal-entità responsabbli għall-manutenzjoni.

3.2.   Reġistrazzjoni tal-vetturi

3.2.1.   Regoli ġenerali

1.

Vettura, wara l-awtorizzazzjoni għat-tqegħid fis-suq u qabel ma titħaddem, għandha tiġi rreġistrata fl-EVR fuq talba tal-kustodju. Il-kustodju għandu jimla l-formola elettronika u jippreżenta l-applikazzjoni għal reġistrazzjoni lil Stat Membru wieħed tal-għażla tiegħu fiż-żona tal-użu. Fuq talba tal-applikant jew tal-kustodju, l-Istat Membru magħżul għar-reġistrazzjoni tal-vettura għandu joffri proċeduri għar-riżervazzjoni minn qabel ta' numru tal-vettura jew ta' firxa ta' numri tal-vetturi.

2.

Għal vettura partikolari, tista' teżisti biss reġistrazzjoni valida waħda fl-EVR. Vettura mingħajr reġistrazzjoni valida ma tistax titħaddem.

3.

Malli ssir ir-reġistrazzjoni, il-vettura tiġi assenjata numru Ewropew tal-vettura (EVN) mir-RE fl-Istat Membru tar-reġistrazzjoni. L-EVN għandu jikkonforma mar-regoli stabbiliti fl-Appendiċi 6. F'każ li l-applikant jew il-kustodju — fuq talba tagħhom — jirċievu numru tal-vettura rriżervat minn qabel, dak in-numru tal-vettura għandu jintuża għall-ewwel reġistrazzjoni.

4.

L-EVN jista' jitbiddel fil-każijiet speċifikati fil-punti 3.2.2.8 u 3.2.2.9.

5.

Fil-każ ta' vetturi li jidħlu fis-sistema ferrovjarja tal-Unjoni minn pajjiżi terzi u li jkunu rreġistrati f'reġistru tal-vetturi li ma jkunx konformi ma' dan l-Anness jew li jkunx konness mal-EVR, il-kustodju għandu jippreżenta l-applikazzjoni għal reġistrazzjoni lill-ewwel Stat Membru fejn ikun maħsub li l-vettura titħaddem fis-sistema ferrovjarja tal-Unjoni.

6.

Il-vetturi ferrovjarji li jitqiegħdu fis-servizz għall-ewwel darba f'pajjiż terz u li jkunu maħsuba biex jintużaw fl-Unjoni bħala parti mill-flotta ta' vaguni tas-sistema ferrovjarja komuni ta' 1 520 mm, ma għandhomx jiġu rreġistrati fl-EVR. Madankollu, skont l-Artikolu 47(7) tad-Direttiva (UE) 2016/797, għandu jkun possibbli li tiġi rkuprata l-informazzjoni dwar il-kustodju tal-vettura kkonċernata, dwar l-entità responsabbli għall-manutenzjoni tagħha u dwar ir-restrizzjonijiet fuq kif il-vettura tista' tintuża.

7.

Meta ftehim internazzjonali li l-Unjoni Ewropea tkun parti kontraenti għalih ikun jipprevedi dan, fil-każ ta' vetturi li jidħlu fis-sistema ferrovjarja tal-Unjoni minn pajjiżi terzi u li jkunu rreġistrati f'reġistru tal-vetturi konness mal-EVR (permezz tal-funzjoni tad-DSC), b'konformità ma' dan l-Anness, dawn għandhom jiġu rreġistrati biss f'dak ir-reġistru tal-vetturi.

8.

Għal kull vettura, l-EVR għandu jkun fih ir-referenzi tal-awtorizzazzjonijiet kollha li ngħataw lill-vettura u tal-pajjiżi kollha li mhumiex Stati Membri li fihom il-vettura tiġi ammessa fit-traffiku internazzjonali skont l-Appendiċi G tal-Konvenzjoni dwar it-Trasport Internazzjonali bil-Ferrovija, u l-kundizzjonijiet korrispondenti għall-użu u restrizzjonijiet oħra.

9.

Ir-RE għandha tieħu passi raġonevoli biex tiżgura mill-akkuratezza tad-data rreġistrata fl-EVR. Għal dan l-għan, ir-RE tista' titlob informazzjoni mingħand RE oħrajn, partikolarment meta l-kustodju li jkun qed japplika għal reġistrazzjoni jkun stabbilit fi Stat Membru ieħor. Ir-RE tista' tiddeċiedi li tissospendi r-reġistrazzjoni ta' vettura f'każijiet li jkunu ġġustifikati debitament.

10.

Jekk l-NSA jew l-Aġenzija jikkunsidraw li hemm każ iġġustifikat għal sospensjoni ta' reġistrazzjoni ta' vettura skont l-Artikolu 54 tar-Regolament ta' Implimentazzjoni tal-Kummissjoni (UE) 2018/545 (7), dawn għandhom jitolbu lill-entità tar-reġistrazzjoni biex tissospendiha. L-entità tar-reġistrazzjoni għandha tissospendi r-reġistrazzjoni mingħajr dewmien kif issir tali talba.

11.

Il-kustodju għandu jippreżenta l-applikazzjonijiet għal reġistrazzjoni permezz tal-formola elettronika bbażata fuq il-web lir-RE kompetenti. Il-formola bbażata fuq il-web u d-dashboard għandhom ikunu disponibbli bħala parti mill-funzjoni tal-ARS u għandhom ikunu aċċessibbli wara l-awtentikazzjoni.

12.

L-applikazzjonijiet għal reġistrazzjoni jistgħu jikkonċernaw vettura waħda jew lista ta' vetturi.

13.

F'xi każijiet ta' reġistrazzjoni, l-Istati Membri jistgħu jirrikjedu li d-dokumenti ta' prova jiġu mehmuża b'mod elettroniku mal-applikazzjoni għal reġistrazzjoni; għal dak l-għan, ir-RE għandha tippubblika l-lista ta' dokumenti ta' prova meħtieġa f'kull każ ta' reġistrazzjoni.

14.

Minbarra d-data msemmija fit-Tabella 1, l-Istati Membri jistgħu jirrikjedu kaxxi addizzjonali li jridu jiġu pprovduti fl-applikazzjoni għal reġistrazzjoni; għal dak l-għan, ir-RE għandha tippubblika l-lista ta' tali kaxxi.

15.

L-EVR għandu jipprovdi lill-kustodju u lir-RE bil-possibbiltà li jirrieżaminaw fis-sistema l-applikazzjonijiet għal reġistrazzjoni u d-data mehmuża relatata tagħhom, u għandu jipprovdi l-irrekordjar tar-reġistrazzjonijiet u t-tibdil fir-reġistrazzjonijiet bl-informazzjoni relatata ma' dan it-tibdil.

16.

Ir-RE għandha tirreġistra d-data fl-EVR fi żmien 20 jum tax-xogħol minn meta tirċievi applikazzjoni kompluta. Ir-RE għandha, qabel ma tiskadi dik l-iskadenza, jew tirreġistra l-vettura jew inkella titlob korrezzjoni/kjarifika.

17.

Il-kustodju għandu jkun jista' jirrieżamina l-progress tal-applikazzjonijiet tiegħu permezz ta' dashboard ibbażat fuq il-web.

18.

L-EVR għandu jinnotifika lill-kustodju u lir-RE bi kwalunkwe tibdil fl-istatus tal-applikazzjoni għal reġistrazzjoni.

3.2.2.   Każijiet ta' reġistrazzjoni

Il-każijiet ta' reġistrazzjoni huma speċifikati hawn taħt. Jekk ikun applikabbli, każijiet ta' reġistrazzjoni differenti jistgħu jiġu amalgamati f'applikazzjoni waħda għal reġistrazzjoni ta' vettura.

3.2.2.1.   Reġistrazzjoni ġdida

Il-kaxxi obbligatorji kollha elenkati fit-Tabella 1 għandha jimtlew, flimkien ma' kwalunkwe kaxxa addizzjonali meħtieġa mill-Istat Membru skont il-punt 3.2.1.14.

L-applikazzjonijiet għandhom jiġu ppreżentati mill-kustodju lir-RE ta' Stat Membru fiż-żona tal-użu tal-vettura fejn tkun qed tintalab ir-reġistrazzjoni.

Għall-vetturi li jidħlu fis-sistema ferrovjarja tal-Unjoni minn pajjiżi terzi skont il-punt 3.2.1.5, l-applikazzjonijiet għandhom jiġu ppreżentati lir-RE tal-ewwel Stat Membru fejn ikun maħsub li l-vettura titħaddem. F'dak il-każ, l-applikazzjoni għandha tinkludi minn tal-inqas l-informazzjoni dwar l-identifikazzjoni tal-kustodju, l-entità responsabbli għall-manutenzjoni u r-restrizzjonijiet dwar kif tista' tintuża l-vettura.

3.2.2.2.   Aġġornament ta' reġistrazzjoni eżistenti

L-applikazzjonijiet għandhom jiġu ppreżentati mill-kustodju lir-RE tal-Istat Membru fejn tkun irreġistrata l-vettura. Għandhom jimtlew biss il-parametri fit-Tabella 1 li jridu jiġu aġġornati.

3.2.2.3.   Tibdil ta' kustodju

Jekk il-kustodju ta' vettura jinbidel, hija r-responsabbiltà tal-kustodju rreġistrat attwalment li jinforma lir-RE fi żmien xieraq, sabiex din tal-aħħar tkun tista' taġġorna l-EVR. Il-kustodju preċedenti għandu jitneħħa mir-reġistrazzjoni tal-EVR u għandhom jitneħħewlu r-responsabbiltajiet tiegħu biss meta l-kustodju l-ġdid ikun irrikonoxxa l-aċċettazzjoni tal-istatus ta' kustodju. Jekk fid-data ta' dereġistrazzjoni tal-kustodju rreġistrat attwalment, l-ebda kustodju ġdid ma jkun aċċetta l-istatus ta' kustodju, ir-reġistrazzjoni tal-vettura għandha tiġi sospiża.

3.2.2.4.   Tibdil tal-entità responsabbli għall-manutenzjoni (“ECM”)

Meta tinbidel l-ECM ta' vettura, il-kustodju għandu jinforma lir-RE fi żmien xieraq, sabiex din tal-aħħar tkun tista' taġġorna l-EVR. L-ECM preċedenti għandha tgħaddi d-dokumentazzjoni tal-manutenzjoni lill-kustodju jew lill-ECM il-ġdida. L-ECM preċedenti jitneħħewlha r-responsabbiltajiet tagħha meta din titneħħa mir-reġistrazzjoni tal-EVR. Jekk fid-data ta' dereġistrazzjoni tal-ECM preċedenti l-ebda entità ġdida ma tkun irrikonoxxiet l-aċċettazzjoni tagħha tal-istatus ta' ECM, ir-reġistrazzjoni tal-vettura tiġi sospiża.

3.2.2.5.   Tibdil tas-sid

Meta jinbidel is-sid tal-vettura, il-kustodju għandu jinforma lir-RE fi żmien xieraq, sabiex din tal-aħħar tkun tista' taġġorna l-EVR.

3.2.2.6.   Sospensjoni jew attivazzjoni mill-ġdid ta' reġistrazzjoni

L-istatus il-ġdid (8) u r-raġuni għall-istatus għandhom jimtlew. Id-data tal-istatus għandha timtela awtomatikament mill-EVR.

Vettura li r-reġistrazzjoni tagħha tkun ġiet sospiża ma tistax titħaddem fis-sistema ferrovjarja tal-Unjoni.

Attivazzjoni mill-ġdid ta' reġistrazzjoni wara sospensjoni tirrikjedi l-eżami mill-ġdid mir-RE tal-kundizzjonijiet li kkawżaw is-sospensjoni, u jekk ikun applikabbli, b'koordinazzjoni mal-NSA li tkun talbet is-sospensjoni.

3.2.2.7.   Irtirar ta' reġistrazzjoni

L-istatus il-ġdid (8) u r-raġuni għall-istatus għandhom jimtlew. Id-data tal-istatus timtela awtomatikament mis-sistema.

Vettura li r-reġistrazzjoni tagħha tkun ġiet irtirata ma tistax titħaddem fis-sistema ferrovjarja tal-Unjoni b'tali reġistrazzjoni.

3.2.2.8.   Tibdil tal-EVN wara li jkunu saru modifiki tekniċi

L-EVN għandu jitbiddel meta ma jirriflettix il-kapaċità tal-interoperabbiltà jew il-karatteristiki tekniċi skont l-Appendiċi 6 minħabba modifiki tekniċi fil-vettura. Tali modifiki tekniċi jistgħu jirrikjedu awtorizzazzjoni ġdida għat-tqegħid fis-suq u, fejn ikun xieraq, awtorizzazzjoni ġdida għat-tip ta' vettura, skont l-Artikoli 21 u 24 tad-Direttiva (UE) 2016/797. Il-kustodju għandu jinforma lir-RE tal-Istat Membru fejn tkun irreġistrata l-vettura b'dak it-tibdil u, jekk ikun applikabbli, bl-awtorizzazzjoni l-ġdida għat-tqegħid fis-suq. Dik ir-RE għandha tassenja EVN ġdid lill-vettura.

It-tibdil tal-EVN jikkonsisti minn reġistrazzjoni ġdida tal-vettura u rtirar sussegwenti tar-reġistrazzjoni l-qadima.

3.2.2.9.   Tibdil tal-EVN u tal-Istat Membru ta' reġistrazzjoni

L-EVN jista' jitbiddel fuq talba tal-kustodju permezz ta' reġistrazzjoni ġdida tal-vettura minn Stat Membru differenti fiż-żona tal-użu u permezz tal-irtirar sussegwenti tar-reġistrazzjoni l-qadima.

3.2.3.   Notifika awtomatika tat-tibdil

Wara t-tibdil ta' punt wieħed jew iktar fir-reġistrazzjoni, is-sistema tal-IT tal-EVR għandha tibgħat notifika awtomatika bil-posta elettronika lill-kustodju u lill-NSAs ikkonċernati għaż-żona tal-użu tal-vettura, li tinfurmahom dwar it-tibdil, meta jkunu nkitbu biex jirċievu tali notifiki.

Wara t-tibdil ta' kustodju jew ta' sid jew ta' ECM, is-sistema tal-IT tal-EVR għandha tibgħat notifika awtomatika bil-posta elettronika lill-kustodju preċedenti u lill-kustodju l-ġdid jew lis-sid preċedenti u lis-sid il-ġdid jew lill-ECM preċedenti u lill-ECM il-ġdida, rispettivament.

Kustodju jew sid jew ECM jew korp li joħroġ dikjarazzjoni “KE” jistgħu jagħżlu li jkunu inklużi biex jirċievu notifiki awtomatiċi bil-posta elettronika li jinfurmawhom dwar it-tibdil fir-reġistrazzjonijiet li huma identifikati fihom.

3.2.4.   Rekords storiċi

Id-data kollha fl-EVR għandha tinżamm għal 10 snin mid-data tal-irtirar ta' reġistrazzjoni ta' vettura. Minn tal-inqas, id-data għandha tkun disponibbli onlajn għall-ewwel tliet snin. Wara tliet snin, id-data tista' tiġi arkivjata. Jekk fi kwalunkwe żmien matul il-perjodu ta' 10 snin, tinbeda investigazzjoni li tinvolvi vettura jew vetturi, id-data marbuta ma' dawk il-vetturi għandha tinżamm anke wara l-perjodu ta' 10 snin jekk dan ikun meħtieġ mill-korpi investigattivi msemmija fl-Artikolu 22 tad-Direttiva (UE) 2016/798 tal-Parlament Ewropew u tal-Kunsill (9) jew mill-ġurisdizzjonijiet nazzjonali.

Wara l-irtirar ta' reġistrazzjoni ta' vettura, l-ebda wieħed min-numri tar-reġistrazzjoni assenjati lill-vettura ma għandu jiġi assenjat lil xi vettura oħra għal 100 sena mid-data meta tiġi rtirata r-reġistrazzjoni tal-vettura.

Għandu jinżamm rekord ta' kwalunkwe tibdil fid-data fl-EVR.

3.3.   Ġestjoni tal-utenti

3.3.1.   Talba tal-utent

Kwalunkwe persuna jew organizzazzjoni għandha tkun tista' titlob aċċess għall-EVR permezz ta' formola bbażata fuq il-web (parti mill-funzjoni ċentralizzata tal-UCA) mir-RE kompetenti fejn tinsab il-persuna jew l-organizzazzjoni.

Ir-RE għandha tivvaluta t-talba u, jekk ikun xieraq, toħloq kont tal-utent għal min jagħmel it-talba u tassenja d-drittijiet xierqa ta' aċċess skont il-punti 3.3.2 u 3.3.3.

3.3.2.   Drittijiet ta' aċċess

Id-drittijiet ta' aċċess għad-data tal-EVR huma elenkati fit-tabella ta' hawn taħt:

Tabella 2

Entità	Drittijiet ta' qari	Drittijiet ta' aġġornament
Ir-RE tal-Istat Membru “XX”	Id-data kollha	Id-data kollha fir-reġistru tal-vetturi tal-Istat Membru “XX”
NSA	Id-data kollha	L-ebda
Aġenzija	Id-data kollha	L-ebda
Kustodju	Id-data kollha dwar il-vetturi li huwa kustodju tagħhom	L-ebda
ECM	Id-data kollha, għajr ir-referenzi tas-sid, dwar il-vetturi li għalihom huwa ECM	L-ebda
Sid	Id-data kollha dwar il-vetturi li huwa sid tagħhom	L-ebda
Impriża ferrovjarja	Id-data kollha, għajr ir-referenzi tas-sid, abbażi ta' numru wieħed jew iktar tal-vetturi	L-ebda
Amministratur tal-infrastruttura	Id-data kollha, għajr ir-referenzi tas-sid, abbażi ta' numru wieħed jew iktar tal-vetturi	L-ebda
Il-korp investigattiv imsemmi fl-Artikolu 22 tad-Direttiva (UE) 2016/798 u l-korp regolatorju msemmi fl-Artikolu 55 tad-Direttiva 2012/34/UE tal-Parlament Ewropew u tal-Kunsill (10)	Id-data kollha dwar il-vetturi li qed jiġu kkontrollati jew ivverifikati	L-ebda
Korp tal-ħruġ tad-dikjarazzjoni tal-verifika “KE” (l-applikant)	Id-data kollha dwar il-vetturi li għalihom huwa l-korp tal-ħruġ tad-dikjarazzjoni tal-verifika “KE” (l-applikant), għajr ir-referenzi tas-sid	L-ebda
Utent leġittimu ieħor rikonoxxut mill-NSA jew mill-Aġenzija (11)	Irid jiġi definit kif xieraq, durata possibbilment limitata, għajr ir-referenzi tas-sid	L-ebda

Id-drittijiet tal-aċċess għad-data tal-EVR jistgħu jiġu estiżi għall-entitajiet rilevanti ta' pajjiż terz jew għal organizzazzjoni intergovernattiva rilevanti meta ftehim internazzjonali li l-Unjoni Ewropea tkun parti kontraenti għalih ikun jipprevedi dan.

3.3.3.   Drittijiet oħra

Il-kustodji għandhom ikunu jistgħu jippreżentaw l-applikazzjonijiet għal reġistrazzjoni.

Kull organizzazzjoni għandha tkun tista' tippreżenta xi tibdil fid-data tagħha stess miżmuma fid-data ta' referenza (ara t-Taqsima 3.4).

3.3.4.   Sigurtà

L-awtentikazzjoni tal-utenti għandha ssir permezz ta' username u password. Fil-każ tal-kustodji (l-applikanti għal reġistrazzjoni tal-vetturi) u tar-REs, l-awtentikazzjoni għandha tipprovdi l-livell ta' assigurazzjoni “sostanzjali” msemmi fil-punt 2.2.1 tal-Anness tar-Regolament ta' Implimentazzjoni tal-Kummissjoni (UE) 2015/1502 (12).

3.3.5.   Protezzjoni tad-data

Il-ġestjoni tad-data fl-EVR għandha ssir skont ir-Regolament (UE) 2016/679 tal-Parlament Ewropew u tal-Kunsill (13) u skont il-leġiżlazzjoni nazzjonali applikabbli dwar il-protezzjoni tad-data.

3.4.    Data ta' referenza

Sabiex tiġi ggarantita l-armonizzazzjoni tal-input tad-data fil-proċess tar-reġistrazzjoni, l-EVR għandu juża d-data ta' referenza. Id-data ta' referenza tal-EVR għall-parametri fit-Tabella 1 għandha tkun disponibbli għall-kustodji fil-formola elettronika armonizzata permezz tal-funzjoni tal-ARS.

3.4.1.   Aġġornament tad-data ta' referenza

L-Aġenzija għandha żżomm id-data ta' referenza aġġornata u disponibbli f'għodda ċentrali (parti mill-funzjoni tal-RDA) b'kollaborazzjoni mar-REs.

Kwalunkwe organizzazzjoni li jkun inżamm rekord tagħha fid-data ta' referenza għandha tkun tista' tippreżenta t-tibdil fid-data tagħha permezz ta' interfaċċa bbażata fuq il-web.

Wara applikazzjoni għal reġistrazzjoni, ir-RE għandha tiżgura li jinżamm rekord tad-data tal-organizzazzjoni fid-data ta' referenza b'allokazzjoni ta' kodiċi tal-organizzazzjoni mill-Aġenzija jew, jekk diġà jkun inżamm rekord tagħha, għandha tiżgura li d-data ta' referenza tiġi aġġornata bid-data l-ġdida ppreżentata mill-kustodju.

3.4.2.   Kodiċijiet tal-organizzazzjonijiet

3.4.2.1.   Definizzjoni ta' kodiċi tal-organizzazzjoni

Kodiċi tal-organizzazzjoni huwa identifikatur uniku, li jikkonsisti minn erba' karattri alfanumeriċi li għandhom jiġu assenjati mill-Aġenzija lil organizzazzjoni waħda.

3.4.2.2.   Format tal-kodiċijiet tal-organizzazzjonijiet

Għal kull wieħed mill-erba' karattri alfanumeriċi, jistgħu jintużaw kwalunkwe ittra mis-26 ittra tal-alfabett ISO 8859-1 jew kwalunkwe numru minn żero sa disgħa. L-ittri jinkitbu b'ittri kapitali.

3.4.2.3.   Allokazzjoni tal-kodiċijiet tal-organizzazzjonijiet

Kwalunkwe organizzazzjoni li taċċessa l-EVR jew tiġi identifikata fih għandha tiġi assenjata kodiċi tal-organizzazzjoni.

L-Aġenzija għandha tippubblika l-proċedura għall-ħolqien u għall-allokazzjoni tal-kodiċijiet tal-organizzazzjonijiet u żżommha aġġornata.

Firxa ta' kodiċijiet li jridu jiġu allokati biss lil kumpaniji fl-ambitu tat-TAP u tat-TAF TSI għandhom jiġu speċifikati fil-Linji Gwida tal-EVR.

3.4.2.4.   Pubblikazzjoni tal-lista ta' kodiċijiet tal-organizzazzjonijiet

L-Aġenzija għandha tara li l-lista ta' kodiċijiet tal-organizzazzjonijiet tkun disponibbli pubblikament fis-sit web tagħha.

4.   VETTURI EŻISTENTI

4.1.   Numru tal-vettura

1.

Il-vetturi li diġà jkollhom numru bi 12-il ċifra għandhom iżommu n-numru attwali tagħhom. In-numru bi 12-il ċifra għandu jiġi rreġistrat kif inhu mingħajr l-ebda modifika.

2.

Għall-vetturi mingħajr numru bi 12-il ċifra (14), għandu jiġi allokat numru bi 12-il ċifra (skont l-Appendiċi 6) fl-EVR. Is-sistema tal-IT tal-EVR għandha tikkollega dan l-EVN man-numru tal-vettura attwali. Għall-vetturi li jintużaw fit-traffiku internazzjonali, għajr dawk irriżervati għal użu storiku, in-numru bi 12-il ċifra jitwaħħal fiżikament mal-vettura stess fi żmien perjodu ta' sitt snin wara l-allokazzjoni fl-EVR. Għall-vetturi li jintużaw fit-traffiku domestiku u għal dawk irriżervati għal użu storiku, it-twaħħil fiżiku tan-numru bi 12-il ċifra huwa volontarju.

4.2.   Proċedura għall-migrazzjoni mir-reġistri nazzjonali tal-vetturi (NVRs) għall-EVR

L-entità li qabel kienet responsabbli għar-reġistrazzjoni tal-vettura għandha tara li l-informazzjoni kollha tkun disponibbli għar-RE tal-pajjiż fejn tkun tinsab.

Il-vetturi eżistenti għandhom jiġu rreġistrati biss minn wieħed mill-Istati Membri li ġejjin:

—	l-Istat Membru fejn ikunu ġew awtorizzati l-ewwel darba għat-tqegħid fis-servizz skont l-Artikoli 21 sa 26 tad-Direttiva 2008/57/KE;

—	l-Istat Membru fejn ikunu ġew irreġistrati wara li jkunu ġew awtorizzati skont l-Artikoli 21 sa 25 tad-Direttiva (UE) 2016/797;

—	fil-każ ta' reġistrazzjonijiet ittrasferiti fl-NVR ta' Stat Membru ieħor, minn tali Stat Membru.

4.3.   Sistemi eżistenti

L-NVR standard, il-magna tat-traduzzjoni u s-sistemi tar-Reġistru Virtwali tal-Vetturi msemmija fid-Deċiżjoni 2007/756/KE ma għandhomx jitkomplew.

5.   LINJI GWIDA

Sabiex jiġu ffaċilitati l-implimentazzjoni u l-użu ta' dan l-Anness, l-Aġenzija għandha tippubblika linji gwida u żżommhom aġġornati.

L-Istati Membri għandhom jistabbilixxu u jippubblikaw linji gwida u jżommuhom aġġornati, b'mod partikolari billi jiddeskrivu l-politika tagħhom dwar il-lingwi inkluż permezz ta' dispożizzjonijiet dwar il-komunikazzjoni.

---

(*1)  Il-kodiċijiet huma dawk ippubblikati uffiċjalment u aġġornati fis-sit web tal-Unjoni fil-Gwida tal-Istil Interistituzzjonali. Fil-każ tal-awtorità multinazzjonali tas-sikurezza, Channel Tunnel Intergovernmental Commission, għandu jintuża l-kodiċi tal-pajjiż CT. Fil-każ tal-Aġenzija, għandu jintuża l-kodiċi tal-pajjiż UE.

(1)  Il-vetturi ferrovjarji mqiegħda fis-servizz għall-ewwel darba fl-Estonja, fil-Latvja jew fil-Litwanja maħsuba għall-użu 'l barra mill-Unjoni Ewropea bħala parti mill-flotta ta' vaguni tas-sistema ferrovjarja komuni ta' 1 520 mm, għandhom jiġu rreġistrati kemm fl-EVR kif ukoll fil-Bażi tad-Data tal-Informazzjoni tal-Kunsill għat-Trasport Ferrovjarju tal-Commonwealth ta' Stati Indipendenti. F'dan il-każ, is-sistema ta' numerazzjoni bi tmien ċifri tista' tiġi applikata minflok is-sistema ta' numerazzjoni speċifikata fl-Appendiċi 6.

(2)  Għal tipi ta' vetturi awtorizzati skont l-Artikolu 26 tad-Direttiva 2008/57/KE tal-Parlament Ewropew u tal-Kunsill (ĠU L 191, 18.7.2008, p. 1) u l-Artikolu 24 tad-Direttiva (UE) 2016/797.

(3)  Irid ikun possibbli li jiġu speċifikati r-referenzi għad-Dikjarazzjoni tal-verifika “KE” tas-subsistema tal-vetturi ferrovjarji u tas-subsistema tas-CCS

(4)  Irid ikun possibbli li tiġi speċifikata d-data għall-awtorizzazzjonijiet kollha mogħtija lill-vettura.

(5)  L-awtorizzazzjoni għat-tqegħid fis-suq mogħtija skont il-Kapitolu V tad-Direttiva (UE) 2016/797 jew l-awtorizzazzjoni għat-tqegħid fis-servizz mogħtija skont il-Kapitolu V tad-Direttiva 2008/57/KE jew skont ir-reġimi ta' awtorizzazzjoni eżistenti qabel it-traspożizzjoni tad-Direttiva 2008/57/KE.

(6)  Fejn ikun xieraq, kaxxi addizzjonali kif imsemmi fil-punt 3.2.1.14.

(7)  Ir-Regolament ta' Implimentazzjoni tal-Kummissjoni (UE) 2018/545 tal-4 ta' April 2018 li jistabbilixxi l-arranġamenti prattiċi għall-awtorizzazzjoni ta' vetturi ferrovjarji u għall-proċess tal-awtorizzazzjoni tat-tip ta' vetturi ferrovjarji skont id-Direttiva (UE) 2016/797 tal-Parlament Ewropew u tal-Kunsill (ĠU L 90, 6.4.2018, p. 66).

(8)  Kif stabbilit fl-Appendiċi 3.

(9)  Id-Direttiva (UE) 2016/798 tal-Parlament Ewropew u tal-Kunsill tal-11 ta' Mejju 2016 dwar is-sikurezza ferrovjarja (ĠU L 138, 26.5.2016, p. 102).

(10)  Id-Direttiva 2012/34/UE tal-Parlament Ewropew u tal-Kunsill tal-21 ta' Novembru 2012 li tistabbilixxi żona ferrovjarja unika Ewropea (ĠU L 343, 14.12.2012, p. 32).

(11)  L-Aġenzija għandha, b'koperazzjoni mal-NSAs, tiddefinixxi l-proċedura għar-rikonoxximent ta' utenti leġittimi.

(12)  Ir-Regolament ta' Implimentazzjoni tal-Kummissjoni (UE) 2015/1502 tat-8 ta' Settembru 2015 li jistabbilixxi speċifikazzjonijiet tekniċi u proċeduri minimi għal-livelli ta' assigurazzjoni għall-mezzi ta' identifikazzjoni elettronika skont l-Artikolu 8(3) tar-Regolament (UE) Nru 910/2014 tal-Parlament Ewropew u tal-Kunsill dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern (ĠU L 235, 9.9.2015, p. 7).

(13)  Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(14)  Mingħajr preġudizzju għan-nota (1) f'qiegħ il-paġna tat-Tabella 1.