29.12.2017   

MT

Il-Ġurnal Uffiċjali tal-Unjoni Ewropea

L 350/1

(1)

Ir-Regolament (KE) Nru 1059/2003 tal-Parlament Ewropew u tal-Kunsill (4) jistabbilixxi klassifikazzjoni komuni ta' unitajiet territorjali għall-istatistika (In-nomenklatura tal-unitajiet territorjali għall-istatistika, magħrufa bħala “NUTS”) sabiex ikunu jistgħu jsiru l-ġbir, il-kumpilazzjoni u t-tixrid tal-istatistika reġjonali armonizzata fl-Unjoni Ewropea.

(2)

Il-Kummissjoni, b'kollaborazzjoni mal-Organizzazzjoni għall-Kooperazzjoni u l-Iżvilupp Ekonomiċi, iddefinixxiet għadd ta' tipoloġiji territorjali bażiċi u l-iktar rilevanti biex tikklassifika l-unitajiet tal-istatistika stabbiliti skont ir-Regolament (KE) Nru 1059/2003.

(3)

Is-Sistema Ewropea tal-Istatistika diġà tuża dawk it-tipoloġiji, b'mod partikolari l-grad ta' urbanizzazzjoni, li tinkludi d-definizzjoni tal-bliet.

(4)

Il-kodifikazzjoni tat-tipoloġiji hija meħtieġa sabiex jiġu stabbiliti definizzjonijiet u kundizzjonijiet li mhumiex ambigwi għat-tipi territorjali b'mod li jiggarantixxu l-applikazzjoni armonizzata u trasparenti tagħhom kif ukoll l-istabbiltà tat-tipoloġiji sabiex tkun ta' appoġġ għall-kumpilazzjoni u t-tixrid tal-istatistika Ewropea. Dawk it-tipoloġiji tal-istatistika m'għandhomx jippreġudikaw l-identifikazzjoni ta' żoni speċifiċi għall-politiki tal-Unjoni.

(5)

Jenħtieg li tiġi applikata sistema ta' grilji tal-istatistika biex jiġu kkalkolati u attribwiti t-tipi territorjali għar-reġjuni u ż-żoni inkwistjoni, peress li dawk it-tipi jiddependu fuq id-distribuzzjoni u d-densità tal-popolazzjoni fil-ċelluli ta' grilja b'daqs ta' kilometru kwadru.

(6)

Għadd ta' aspetti minuri tal-unitajiet amministrattivi lokali (LAU) jenħtieġ li jiġu ċċarati wkoll biex tiġi ssimplifikata t-terminoloġija u l-mekkaniżmu tat-twassil tal-listi tal-LAU mill-Istati Membri lill-Kummissjoni (Eurostat).

(7)

Sabiex tadatta għall-iżviluppi korrispondenti fl-Istati Membri, jenħtieġ li tiġi delegata lill-Kummissjoni s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tal-emendar, skont l-informazzjoni kkomunikata mill-Istati Membri, tal-klassifikazzjoni NUTS fl-Anness I, tal-lista tal-unitajiet amministrattivi eżistenti fl-Anness II u l-lista tal-LAU fl-Anness III tar-Regolament (KE) Nru 1059/2003. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta' tħejjija, ukoll fil-livell ta' esperti, u li dawk il-konsultazzjonijiet jiġu mwettqa f'konformità mal-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet (5). B'mod partikolari, biex tiġi żgurata parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

(8)

Sabiex jiġu żgurati kundizzjonijiet uniformi għall-implimentazzjoni ta' dan ir-Regolament, is-setgħat ta' implimentazzjoni jenħtieġ li jingħataw lill-Kummissjoni fir-rigward tal-applikazzjoni tat-tipoloġiji territorjali u s-serje taż-żmien li l-Istati Membri għandhom jittrażmettu lill-Kummissjoni f'każ ta' kwalunkwe emendi fil-klassifikazzjoni NUTS. Jenħtieġ li dawk is-setgħat jiġu eżerċitati f'konformità mar-Regolament (UE) Nru 182/2011 tal-Parlament Ewropew u tal-Kunsill (6).

(9)

Minħabba li l-għan ta' dan ir-Regolament, jiġifieri l-armonizzazzjoni tal-klassifikazzjoni reġjonali, ma jistax jinkiseb b'mod suffiċjenti mill-Istati Membri iżda jista' jinkiseb aħjar fil-livell tal-Unjoni, l-Unjoni tista' tadotta miżuri, f'konformità mal-prinċipju ta' sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju ta' proporzjonalità, kif stabbilit f'dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-għan.

(10)

Għalhekk jenħtieġ li r-Regolament (KE) Nru 1059/2003 jiġi emendat skont dan,

(1)

L-Artikolu 1 huwa sostitwit b'dan li ġej:

“Artikolu 1

Suġġett

1.   Dan ir-Regolament jistabbilixxi klassifikazzjoni komuni ta' unitajiet territorjali għall-istatistika (NUTS), biex ikunu jistgħu jsiru l-ġbir, il-kumpilazzjoni u t-tixrid tal-istatistika Ewropea armonizzata fil-livelli territorjali differenti tal-Unjoni.

2.   Il-klassifikazzjoni NUTS hija stabbilita fl-Anness I.

3.   L-unitajiet amministrattivi lokali (LAU), kif imsemmi fl-Artikolu 4, għandhom jikkumplimentaw il-klassifikazzjoni NUTS.

4.   Il-grilji tal-istatistika, kif imsemmi fl-Artikolu 4a, għandhom jikkumplimentaw il-klassifikazzjoni NUTS. Dawk il-grilji tal-istatistika għandhom jintużaw sabiex jiġu kkalkulati tipoloġiji territorjali bbażati fuq il-popolazzjoni.

5.   It-tipoloġiji territorjali tal-Unjoni, kif imsemmi fl-Artikolu 4b, għandhom jikkumplimentaw il-klassifikazzjoni NUTS billi jattribwixxu tipi għall-unitajiet territorjali.”;

(2)

fl-Artikolu 2, il-paragrafu 5 jitħassar;

(3)

L-Artikolu 3 huwa emendat kif ġej:

(4)

L-Artikolu 4 huwa sostitwit b'dan li ġej:

“Artikolu 4

Unitajiet amministrattivi lokali

1.   F'kull Stat Membru, l-unitajiet amministrattivi lokali (LAU) għandhom jissuddividu l-livell NUTS 3 f'wieħed jew żewġ livelli ulterjuri ta' unitajiet territorjali. Mill-inqas wieħed mil-livelli tal-LAU għandu jkun unità amministrattiva skont id-definizzjoni mogħtija fl-Artikolu 3(1) u kif inhuwa stabbilit fl-Anness III. Il-Kummissjoni għandu jkollha s-setgħa li tadotta atti delegati skont l-Artikolu 7a biex temenda l-lista tal-LAU fl-Anness III abbażi tal-bidliet fl-unitajiet amministrattivi li jkunu ġew ikkomunikati lilha mill-Istat Membru kkonċernat skont l-Artikolu 5(1).

2.   Fl-ewwel sitt xhur ta' kull sena u b'referenza għall-31 ta' Diċembru tas-sena preċedenti, l-Istati Membri għandhom jibagħtu lill-Kummissjoni (Eurostat) il-lista tal-LAU bit-tibdil kollu indikat u bir-reġjun NUTS 3 li jappartjeni għalih. Meta jagħmlu dan għandhom isegwu l-format tad-data elettronika mitlub mill-Kummissjoni (Eurostat).

3.   Il-Kummissjoni (Eurostat) għandha tippubblika l-lista tal-LAU fit-taqsima apposta tas-sit web tagħha sal-31 ta' Diċembru ta' kull sena.”;

(5)

jiżdiedu l-Artikoli li ġejjin:

“Artikolu 4a

Grilji tal-istatistika

Il-Kummissjoni (Eurostat) għandha żżomm u tippubblika sistema ta' grilji tal-istatistika fil-livell tal-Unjoni fit-taqsima apposta tas-sit web tagħha. Il-grilji tal-istatistika għandhom jikkonformaw mal-ispeċifikazzjonijiet stabbiliti fir-Regolament tal-Kummissjoni (UE) Nru 1089/2010 (*1).

Artikolu 4b

Tipoloġiji territorjali tal-Unjoni

1.   Il-Kummissjoni (Eurostat) għandha żżomm u tippubblika fit-taqsima apposta tas-sit web tagħha tipoloġiji tal-Unjoni ffurmati minn unitajiet territorjali fil-livelli NUTS, LAU u taċ-ċelluli ta' grilja.

2.   It-tipoloġija bbażata fuq il-grilja għandha tiġi stabbilita fil-livell tar-riżoluzzjoni tal-grilja ta' 1 km2 kif ġej:

3.   It-tipoloġiji li ġejjin għandhom ikunu stabbiliti fil-livell tal-LAU:

Jekk ikun hemm aktar minn livell amministrattiv wieħed tal-LAU fi Stat Membru, il-Kummissjoni (Eurostat) għandha tikkonsulta ma' dak l-Istat Membru biex jiġi stabbilit il-livell amministrattiv tal-LAU li għandu jintuża għall-attribuzzjoni tat-tipoloġiji.

4.   It-tipoloġiji u t-tikketti li ġejjin għandhom jiġu stabbiliti fil-livell NUTS 3:

5.   Permezz ta' atti ta' implimentazzjoni, il-Kummissjoni għandha tistabbilixxi kundizzjonijiet uniformi għall-applikazzjoni armonizzata tat-tipoloġiji fil-livell tal-Unjoni. Dawk il-kundizzjonijiet għandhom jiddeskrivu l-metodu skont liema jiġu assenjati t-tipoloġiji għall-LAU u għar-reġjuni tal-livell NUTS 3 individwali. Meta jiġu applikati l-kundizzjonijiet uniformi, il-Kummissjoni għandha tieħu kont taċ-ċirkostanzi ġeografiċi, soċjoekonomiċi, storiċi, kulturali u ambjentali. Dawk l-atti ta' implimentazzjoni għandhom jiġu adottati b'konformità mal-proċedura ta' eżami msemmija fl-Artikolu 7.

(*1)  Regolament tal-Kummissjoni (UE) Nru 1089/2010 tat-23 ta' Novembru 2010 li jimplimenta d-Direttiva 2007/2/KE tal-Parlament Ewropew u tal-Kunsill fir-rigward tal-interoperabbiltà tas-settijiet ta' dejta u servizzi ġeografiċi (ĠU L 323, 8.12.2010, p. 11).”"

(6)

L-Artikolu 5 huwa emendat kif ġej:

(7)

l-Artikolu 7 huwa sostitwit b'dan li ġej:

“Artikolu 7

Proċedura tal-Kumitati

1.   Il-Kummissjoni se tkun assistita mill-Kumitat tas-Sistema Ewropea tal-Istatistika. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.”;

(8)

jiżdied l-Artikolu li ġej:

“Artikolu 7a

Eżerċizzju tad-delega

1.   Is-setgħa li jiġu adottati atti delegati tingħata lill-Kummissjoni soġġetta għall-kundizzjonijiet stabbiliti f'dan l-Artikolu.

2.   Is-setgħa ta' adozzjoni ta' atti delegati msemmija fl-Artikoli 3(4), 4(1) u 5(4) tiġi konferita lill-Kummissjoni għal perijodu ta' ħames snin mit-18 ta' Jannar 2018. Il-Kummissjoni għandha tfassal rapport fir-rigward tad-delega ta' setgħa mhux iktar tard minn disa' xhur qabel it-tmiem tal-perijodu ta' ħames snin. Id-delega ta' setgħa għandha tiġi estiża awtomatikament għal perijodi ta' żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta' kull perijodu.

3.   Id-delega tas-setgħa msemmija fl-Artikoli 3(4), 4(1) u 5(4) tista' tiġi revokata f'kull ħin mill-Parlament Ewropew jew mill-Kunsill. Id-deċiżjoni tar-revoka għandha ttemm id-delega tas-setgħa speċifikata f'dik id-deċiżjoni. Din għandha tidħol fis-seħħ fil-jum wara dak tal-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. M'għandhiex taffettwa l-validità tal-ebda att delegat li huwa diġà fis-seħħ.

4.   Qabel ma tadotta att delegat, il-Kummissjoni għandha tikkonsulta lill-esperti appuntati minn kull Stat Membru f'konformità mal-prinċipji stipulati fil-Ftehim Interistituzzjonali tat-13 ta' April 2016 dwar Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah b'mod simultanju lill-Parlament Ewropew u lill-Kunsill.

6.   Att delegat adottat skont l-Artikoli 3(4), 4(1) u 5(4) għandu jidħol fis-seħħ biss jekk ma tkun saret l-ebda oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, kemm il-Parlament Ewropew kif ukoll il-Kunsill ikunu infurmaw lill-Kummissjoni li mhumiex se joġġezzjonaw. Dak il-perijodu għandu jiġi estiż b'xahrejn fuq l-inizjattiva tal-Parlament Ewropew jew tal-Kunsill.”;

(9)

L-Artikolu 8 jitħassar;

(10)

It-Titolu tal-Anness III huwa sostitwit b'dan li ġej:

“UNITAJIET AMMINISTRATTIVI LOKALI”.