ANNESS I

1.   INTRODUZZJONI

Dan l-Anness jistabbilixxi l-metodoloġija biex jiġi determinat il-valur tas-CO2 tal-NEDC tal-vetturi M1 individwali.

2.   ID-DETERMINAZZJONI TAL-VALUR TAS-CO2 TAL-NEDC GĦALL-FAMILJA TA’ INTERPOLAZZJONI TAD-WLTP

2.1.   L-għodda ta’ korrelazzjoni

L-awtorità tal-approvazzjoni tat-tip għandha tiżgura li l-valuri tas-CO2 tal-NEDC li jridu jintużaw bħala referenza għall-fini tat-Taqsima 3 jiġu ddeterminati permezz ta’ simulazzjonijiet skont id-dispożizzjonijiet stabbiliti f’dan l-Anness.

Il-Kummissjoni għandha tipprovdi għodda ta’ simulazzjoni għal dak l-għan (minn hawn ‘il quddiem imsejħa l-“għodda ta’ korrelazzjoni”) fil-forma ta’ softwer eżegwibbli li jista’ jitniżżel. Il-Kummissjoni għandha tipprovdi wkoll gwida dwar il-kapaċità tal-għodda ta’ korrelazzjoni li tissimula vetturi b’teknoloġiji avvanzati u, fejn hemm bżonn, tirrakkomanda l-użu ta’ kejliet fiżiċi minflok simulazzjonijiet.

2.1.1.   L-aċċess għall-għodda ta’ korrelazzjoni

L-għodda ta’ korrelazzjoni għandha tiġi installata fuq kompjuter tal-awtorità tal-approvazzjoni tat-tip jew, fejn applikabbli, tas-servizz tekniku, skont l-istruzzjonijiet ipprovduti fuq is-sit web li ġej:

[http://ec.europa.eu/clima/policies/transport/vehicles/cars/documentation_mt.htm]

L-awtorità tal-approvazzjoni tat-tip għandha tiżgura li l-għodda ta’ korrelazzjoni titħaddem skont ir-rekwiżiti ta’ dan ir-Regolament u skont l-istruzzjonijiet għall-utenti pprovduti fil-manwal tal-utenti (1).

Fuq talba, il-Kummissjoni għandha tipprovdi appoġġ lill-awtoritajiet tal-approvazzjoni u lis-servizzi tekniċi fl-użu tal-għodda ta’ korrelazzjoni għall-fini ta’ dan ir-Regolament. It-talbiet għall-appoġġ għandhom jiġu indirizzati lill-kaxxa postali funzjonali li ġejja:

co2mpas@jrc.ec.europa.eu (2)

L-għodda ta’ korrelazzjoni għandha tkun aċċessibbli għal utenti oħrajn, iżda, minkejja dan, l-appoġġ għandu jiġi pprovdut biss lil dawk l-utenti fi ħdan il-limiti tar-riżorsi disponibbli.

2.1.2.   Il-firma elettronika u s-siġillar elettroniċi tal-output tal-għodda ta’ korrelazzjoni

Fuq talba lill-Kummissjoni, għandha titqiegħed għad-dispożizzjoni tal-awtoritajiet tal-approvazzjoni u, fejn applikabbli, tas-servizzi tekniċi, ċavetta għall-iffirmar elettroniku għall-fini tal-iffirmar u tas-siġillar elettroniċi tal-fajl oriġinali tal-output bl-għodda ta’ korrelazzjoni msemmija fil-punt 3.1. It-talba għandha tinkludi l-isem u d-dettalji ta’ kuntatt rilevanti (indirizz postali, indirizz tal-posta elettronika, numru tat-telefown) tal-persuna responsabbli għall-eżekuzzjoni tal-output tal-għodda ta’ korrelazzjoni u tintbagħat lill-kaxxa postali funzjonali li ġejja:

EC-CO2-LDV-IMPLEMENTATION@ec.europa.eu

2.1.3.   L-aġġornament annwali tal-għodda ta’ korrelazzjoni

Il-prestazzjonital-għodda ta’ korrelazzjoni għandha tiġi riveduta b’mod kontinwu, b’kunsiderazzjoni tal-informazzjoni pprovduta, b’mod partikolari, mill-persuni ta’ kuntatt imsemmijin fil-punt 2.1.2. Meta dan ikun xieraq, il-Kummissjoni għandha tħejji verżjoni ġdida tal-għodda li trid tinħareġ kull sena fl-1 ta’ Settembru. Il-verżjoni l-ġdida ma għandhiex taffettwa l-validità tar-riżultati pprovduti mill-verżjonijiet preċedenti.

Il-verżjoni l-ġdida tista’ tiġi applikata għall-fini tal-proċedura stabbilita fit-Taqsima 3 ta’ dan l-Anness mid-data tal-ħruġ tagħha. Bil-qbil mal-awtorità tal-approvazzjoni tat-tip jew tas-servizz tekniku, il-verżjoni preċedenti tal-għodda ta’ korrelazzjoni xorta waħda tista’ tibqa’ tintuża matul perjodu massimu ta’ xahrejn wara l-ħruġ tal-verżjoni l-ġdida.

Il-verżjoni użata kif ukoll is-sistema operattiva tal-kompjuter li fuqha tħaddmet l-għodda ta’ korrelazzjoni mill-awtorità tal-approvazzjoni tat-tip jew mis-servizz tekniku għandhom jiġu indikati fir-rapport tal-output iffirmat b’mod elettroniku tal-għodda ta’ korrelazzjoni.

Meta l-applikabbiltà tal-verżjoni l-ġdida tkun teħtieġ l-aġġustament ta’ kwalunkwe dispożizzjoni stabbilita f’dan ir-Regolament, il-ħruġ tal-verżjoni l-ġdida ma għandux iseħħ sakemm ir-Regolament ma jkunx ġie emendat kif xieraq.

2.1.4.   L-aġġustamenti ad hoc tal-għodda ta’ korrelazzjoni

Minkejja l-punt 2.1.3, fil-każ ta’ ħsara serja fl-għodda ta’ korrelazzjoni għall-fini tal-proċedura stipulata fit-Taqsima 3, għandha titħejja verżjoni ġdida tal-għodda u tinħareġ mill-iktar fis possibbli wara li tiġi individwata l-ħsara. Il-verżjoni l-ġdida għandha tapplika mid-data tal-ħruġ tagħha u ma għandhiex taffettwa l-validità tar-riżultati pprovduti mill-verżjonijiet preċedenti.

Meta l-applikabbiltà tal-verżjoni l-ġdida tkun teħtieġ l-aġġustament ta’ kwalunkwe dispożizzjoni stabbilita f’dan ir-Regolament, il-ħruġ tal-verżjoni l-ġdida ma għandux iseħħ sakemm ir-Regolament ma jkunx ġie emendat kif xieraq.

2.2.   Identifikazzjoni tar-riżultati tat-test tad-WLTP li jridu jintużaw għall-fini tad-definizzjoni tad-dejta tal-input għall-mudell ta’ simulazzjoni

Id-dejta tal-input għas-simulazzjonijiet tal-għodda ta’ korrelazzjoni għandha tittieħed mir-riżultati tat-test rilevanti tad-WLTP għall-vettura H u, fejn applikabbli, għall-vettura L kif iddefinit f’konformità mal-punt 4.2.1 tas-Subanness 4 tal-Anness XXI tar-Regolament (UE) 2017/1151. Meta jsir iktar minn test wieħed tal-approvazzjoni tat-tip tad-WLTP tal-vettura H jew L sk ont it-Tabella A6/2 tal-Anness XXI ta’ dak ir-Regolament, għandhom jintużaw ir-riżultati tat-test li ġejjin sabiex tiġi ddeterminata d-dejta tal-input:

(a)	F’każ li jsiru żewġ testijiet tal-approvazzjoni tat-tip, għandhom jintużaw ir-riżultati tat-test bl-ogħla emissjonijiet ta’ CO2;

(b)	F’każ li jsiru tliet testijiet tal-approvazzjoni tat-tip, għandhom jintużaw ir-riżultati tat-test bl-emissjonijiet medjani ta’ CO2.

2.3.   Id-determinazzjoni tad-dejta tal-input u tal-kundizzjonijiet għat-tħaddim tal-għodda ta’ korrelazzjoni

Il-kundizzjonijiet tat-test imsemmijin fl-Anness XII tar-Regolament (KE) Nru 692/2008 għandhom jittieħdu f’kunsiderazzjoni fis-simulazzjonijiet tal-għodda ta’ korrelazzjoni, inklużi l-preċiżjonijiet ipprovduti fil-punti 2.3.1 sa 2.3.7 ta’ dan l-Anness.

Il-kejl fiżiku tal-vettura msemmi fil-punt 3 għandu jsir skont il-kundizzjonijiet imsemmijin f’dak ir-Regolament, bil-preċiżjonijiet mogħtijin f’dan l-Anness, u, fejn applikabbli, bid-dejta tal-input iddefinita fil-punt 2.4.

2.3.1.   Id-determinazzjoni tal-inerzja tal-vettura tal-NEDC

Il-massa ta’ referenza tal-NEDC tal-vetturi H u L għandha tiġi ddeterminata kif ġej:

Fejn,

MRO hija l-massa fi stat ta’ tħaddim kif iddefinita fl-Artikolu 3(d) tar-Regolament (KE) Nru 443/2009 għall-vetturi H u L rispettivament.

Il-massa ta’ referenza li trid tintuża bħala input għas-simulazzjonijiet għandha tkun il-valur tal-inerzja stabbilit fit-Tabella 3 tal-Anness 4a tar-Regolament NU/KEE Nru 83 li huwa ekwivalenti għall-massa ta’ referenza, RM, iddeterminata skont il-punt u msejħa TMn,L u TMn,H.

2.3.2.   Id-determinazzjoni tal-effett ta’ prekundizzjonament

Fit-tħejjija tax-xażi dinamometriku għall-eżekuzzjoni ta’ test tal-approvazzjoni tat-tip, il-vettura tiġi prekundizzjonata sabiex tilħaq kundizzjonijiet simili għal dawk użati fit-test tad-deċelerazzjoni libera. Il-proċedura ta’ prekundizzjonament użata fit-test tad-WLTP tvarja minn dik użata għall-fini tal-NEDC sabiex, bl-istess tagħbijiet fit-triq, il-vettura hija kkunsidrata soġġetta għal forzi superjuri skont id-WLTP. Dik id-differenza għandha tkun stabbilita għal 6 Newton u dak il-valur għandu jintuża għall-kalkolu tat-tagħbijiet fit-triq tal-NEDC skont il-punt 2.3.8.

2.3.3.   Il-kundizzjonijiet ambjentali msemmijin fil-punt 3.1.1 tar-Regolament NU/KEE Nru 83

Għall-fini tal-għodda ta’ korrelazzjoni, it-temperatura fil-kompartiment tal-ittestjar għandha tiġi ssettjata għal 25 °C.

Anki fil-każ ta’ kejl fiżiku tal-vettura skont il-punt 3, it-temperatura fil-kompartiment tal-ittestjar għandha tiġi ssettjata għal 25 °C. Madankollu, fuq talba tal-manifattur, it-temperatura fil-kompartiment tal-ittestjar tista’ tiġi stabbilita għal valur ta’ bejn 20 u 25 °C għall-kejl fiżiku.

2.3.4.   Id-determinazzjoni tal-istat taċ-ċarġ inizjali tal-batterija

L-istat taċ-ċarġ inizjali tal-batterija għandu jiġi stabbilit għal tal-inqas 99 fil-mija għall-fini tat-test tal-għodda ta’ korrelazzjoni. L-istess għandu japplika fil-każ ta’ test fiżiku tal-vettura.

2.3.5.   Id-determinazzjoni tad-differenza tal-pressjoni tat-tajers

Skont id-WLTP, għandha tintuża l-inqas pressjoni tat-tajers għall-massa tat-test tal-vettura, filwaqt li dan mhuwiex speċifikat fl-NEDC. Għall-fini tad-determinazzjoni tal-pressjoni tat-tajers li trid tiġi kkunsidrata għall-fini tal-kalkolu tat-tagħbija fit-triq tal-NEDC skont il-punt 2.3.8, il-pressjoni tat-tajers, b’kunsiderazzjoni tal-pressjoni differenti tat-tajers għal kull fus tal-vettura, għandha tkun il-medja bejn iż-żewġ fusien tal-medja bejn il-pressjoni minima u massima tat-tajers permessa għat-tajers magħżulin fuq kull fus għall-massa ta’ referenza tal-NEDC tal-vettura. Il-kalkolu għandu jsir għaż-żewġ vetturi H u L skont il-formuli li ġejjin:

Għall-vettura H	:
Għall-vettura L	:

Fejn,

Pmax,	hija l-medja tal-pressjonijiet massimi tat-tajers magħżulin għaż-żewġ fusien;
Pmin,	hija l-medja tal-pressjonijiet minimi tat-tajers magħżulin għaż-żewġ fusien.

L-effett korrispondenti f’termini tar-reżistenza applikata għall-vettura għandu jiġi kkalkolat bil-formuli li ġejjin għall-vetturi H u L rispettivi:

2.3.6.   Id-determinazzjoni tal-ħxuna tat-tajer (TTD)

Skont il-punt 4.2.2.2 tas-Subanness 4 tal-Anness XXI tar-Regolament (UE) 2017/1151, għat-test tad-WLTP trid tiġi kkunsidrata ħxuna minima tat-tajer ta’ 80 %, filwaqt li skont il-punt 4.2 tal-Appendiċi 7 tal-Anness 4a tar-Regolament NU/KEE Nru 83, il-ħxuna minima permessa tat-tajer għall-fini tat-test tal-NEDC trid tiġi kkunsidrata bħala 50 % tal-valur nominali. Dan jirriżulta f’differenza medja ta’ 2 mm fil-ħxuna tat-tajer bejn iż-żewġ proċeduri. L-effett korrispondenti f’termini tar-reżistenza applikata għall-vettura għandu jiġi ddeterminat għall-fini tal-kalkolu tat-tagħbija fit-triq tal-NEDC fil-punt 2.3.8 skont il-formuli li ġejjin għall-vetturi H u L rispettivi:

Fejn,

RMn,H u RMn,L huma l-mases ta’ referenza tal-vetturi H u L iddeterminati skont il-punt 2.3.1.

2.3.7.   Id-determinazzjoni tal-inerzja tal-partijiet rotanti

Għall-fini tal-għodda ta’ korrelazzjoni:

Matul is-simulazzjoni tat-test tad-WLTP, iridu jiġu kkunsidrati erba’ roti rotanti: filwaqt li għall-fini tat-testijiet tal-NEDC, iridu jiġu kkunsidrati żewġ roti rotanti biss. L-effett li dan għandu fuq il-forzi applikati għall-vettura għandu jiġi kkunsidrat skont il-formuli stabbiliti fil-punt 2.3.8.1.1(a)(3).

Il-forzi ta’ aċċellerazzjoni u ta’ deċelerazzjoni fl-għodda ta’ korrelazzjoni għandhom jiġu kkalkolati għas-simulazzjoni tal-NEDC billi tiġi kkunsidrata l-inerzja ta’ żewġ roti rotanti biss.

Għall-fini ta’ test fiżiku:

Matul l-issettjar tad-deċelerazzjoni libera tad-WLTP, il-ħinijiet tad-deċelerazzjoni libera għandhom jiġu ttrasferiti għal forzi u viċi versa billi tittieħed f’kunsiderazzjoni l-massa tat-test applikabbli flimkien mal-effett tal-massa rotazzjonali (3 % tas-somma tal-MRO u 25 kg). Għall-issettjar tad-deċelerazzjoni libera tal-NEDC, il-ħinijiet tad-deċelerazzjoni libera għandhom jiġu ttrasferiti għal forzi u viċi versa billi jiġi annullat l-effett tal-massa rotazzjonali (tintuża biss l-inerzja tal-vettura tal-NEDC ikkalkolata fil-punt 2.3.1.).

2.3.8.   Id-determinazzjoni tat-tagħbijiet fit-triq tal-NEDC

2.3.8.1.   Fil-każ ta’ tagħbijiet fit-triq li jiġu ddeterminati skont il-punti 1-4 u 6 tas-Subanness 4 tal-Anness XXI tar-Regolament (UE) 2017/1151

2.3.8.1.1   Id-determinazzjoni tal-koeffiċjenti tat-tagħbija fit-triq tal-NEDC għall-vettura H

(a)

Il-koeffiċjent tat-tagħbija fit-triq F0,n espress f’Newton (N) għall-vettura H għandu jiġi ddeterminat kif ġej: (1) L-effett ta’ inerzja differenti: Fejn il-fatturi fil-formula huma kif iddefiniti fil-punt 2.3.1, bl-eċċezzjoni ta’ dawn li ġejjin: F 0w,H hija l-koeffiċjent tat-tagħbija fit-triq F0 iddeterminat għat-test tad-WLTP tal-vettura H; TMw,H hija l-massa tat-test użata għat-test tad-WLTP tal-vettura H. (2) L-effett ta’ pressjoni differenti tat-tajers: Fejn il-fatturi fil-formula huma kif iddefiniti fil-punt 2.3.5. (3) L-effett tal-inerzja tal-partijiet rotanti: Fil-każ ta’ test fiżiku tal-vettura, tapplika l-formula li ġejja: (4) L-effett ta’ ħxuna differenti tat-tajer: Fejn il-fatturi fil-formula huma kif iddefiniti fil-punt 2.3.6. (5) L-effett tal-prekundizzjonament: Fil-każ ta’ test fiżiku tal-vettura, il-korrezzjoni għall-effett tal-prekundizzjonament ma għandhiex tiġi applikata

(b)	Il-koeffiċjent tat-tagħbija fit-triq F1n għall-vettura H għandu jiġi ddeterminat kif ġej: L-effett tal-inerzja tal-partijiet rotanti Fil-każ ta’ test fiżiku tal-vettura, tapplika l-formula li ġejja:

(c)

Il-koeffiċjent tat-tagħbija fit-triq F2n għall-vettura H għandu jiġi ddeterminat kif ġej: L-effett tal-inerzja tal-partijiet rotanti Fil-każ ta’ test fiżiku tal-vettura, tapplika l-formula li ġejja: Meta l-fattur ikun il-koeffiċjent tat-tagħbija fit-triq F2 iddeterminat għat-test tad-WLTP tal-vettura H li minnu tneħħa l-effett tat-tagħmir fakultattiv ajrudinamiku kollu.

2.3.8.1.2   Id-determinazzjoni tal-koeffiċjenti tat-tagħbija fit-triq tal-NEDC għall-vettura L

(a)

Il-koeffiċjent tat-tagħbija fit-triq F0,n għall-vettura L għandu jiġi ddeterminat kif ġej: (1) L-effett ta’ inerzja differenti: Fejn il-fatturi fil-formula huma kif iddefiniti fil-punt 2.3.1, bl-eċċezzjoni ta’ F 0w,L li hija l-koeffiċjent tat-tagħbija fit-triq F0 iddeterminat għat-test tad-WLTP tal-vettura L, u TMw,L li hija l-massa tat-test użata għat-test tad-WLTP tal-vettura L. (2) L-effett ta’ pressjoni differenti tat-tajers: Fejn il-fatturi fil-formula huma kif iddefiniti fil-punt 2.3.5. (3) L-effett tal-inerzja tal-partijiet rotanti: Fil-każ ta’ test fiżiku tal-vettura, tapplika l-formula li ġejja: (4) L-effett ta’ ħxuna differenti tat-tajer: Fejn il-fatturi fil-formula huma kif iddefiniti fil-punt 2.3.6. (5) L-effett tal-prekundizzjonament: Fil-każ ta’ test fiżiku tal-vettura, il-korrezzjoni għall-effett tal-prekundizzjonament ma għandhiex tiġi applikata.

(b)

Il-koeffiċjent tat-tagħbija fit-triq F1n għall-vettura L għandu jiġi ddeterminat kif ġej: L-effett tal-inerzja tal-partijiet rotanti Fil-każ ta’ test fiżiku tal-vettura, tapplika l-formula li ġejja: Meta l-fattur F1w,L hija l-koeffiċjent tat-tagħbija fit-triq F1 iddeterminat għat-test tad-WLTP tal-vettura L.

(c)

Il-koeffiċjent tat-tagħbija fit-triq F2n għall-vettura L għandu jiġi ddeterminat kif ġej: L-effett tal-inerzja tal-partijiet rotanti Fil-każ ta’ test fiżiku tal-vettura, tapplika l-formula li ġejja: Meta l-fattur F 2w,L ikun il-koeffiċjent tat-tagħbija fit-triq F2 iddeterminat għat-test tad-WLTP tal-vettura H li minnu tneħħa l-effett tat-tagħmir fakultattiv ajrudinamiku kollu.

2.3.8.2.   Id-determinazzjoni tat-tagħbijiet fit-triq fejn, għall-fini tat-test tad-WLTP, it-tagħbijiet fit-triq ġew iddeterminati skont il-punt 5 tas-Subanness 4 tal-Anness XXI tar-Regolament (UE) 2017/1151.

(a)

Fejn it-tagħbija fit-triq ta’ vettura ġiet ikkalkolata skont il-punt 5.1 tas-Subanness 4 tal-Anness XXI tar-Regolament (UE) 2017/1151, it-tagħbija fit-triq tal-NEDC li trid tintuża bħala input għas-simulazzjonijiet tal-għodda ta’ korrelazzjoni għandha tiġi derivata kif ġej: Vettura H: Vettura L: Fejn, F 0n,i , F 1n,i , F 2n,i , b’i = H,L, huma l-koeffiċjenti tat-tagħbija fit-triq tal-NEDC għall-vetturi H jew L; T 0n,i , T 2n,i , b’i = H,L huma l-koeffiċjenti tax-xażi dinamometriku tal-NEDC għall-vetturi H jew L iddeterminati skont it-Tabella 3 tal-Anness 4a tar-Regolament NU/KEE Nru 83; AW,M , BW,M , CW,M huma l-koeffiċjenti tax-xażi dinamometriku għall-vettura użata għall-fini tat-tħejjija tax-xażi dinamometriku skont il-punti 7 u 8 tas-Subanness 4 tal-Anness XXI tar-Regolament (UE) 2017/1151;

(b)

Fejn it-tagħbijiet fit-triq prestabbiliti ġew ikkalkolati skont il-punt 5.2 tas-Subanness 4 tal-Anness XXI tar-Regolament (UE) 2017/1151, it-tagħbijiet fit-triq tal-NEDC għandhom jiġu kkalkolati kif ġej: Vettura H: Vettura L: Fejn, F 0n,i , F 1n,i , F 2n,i , b’i = H,L, huma l-koeffiċjenti tat-tagħbija fit-triq tal-NEDC għall-vetturi H jew L; T 0n,i , T 2n,i , b’i = H,L huma l-koeffiċjenti tax-xażi dinamometriku tal-NEDC għall-vetturi H jew L iddeterminati skont it-Tabella 3 tal-Anness 4a tar-Regolament NU/KEE Nru 83; AW,i , BW,i , CW,i , b’i = H, L huma l-koeffiċjenti tax-xażi dinamometriku għall-vetturi H jew L iddeterminati għall-fini tat-tħejjija tax-xażi dinamometriku skont il-punti 7 u 8 tas-Subanness 4 tal-Anness XXI tar-Regolament (UE) 2017/1151.

2.4.   Il-matriċi tad-dejta tal-input

Il-manifattur għandu jiddetermina d-dejta tal-input għal kull vettura H u vettura L skont il-punt 2.2 u jissottometti l-matriċi sħiħa stabbilita fit-Tabella 1 lill-awtorità tal-approvazzjoni tat-tip jew, fejn applikabbli, lis-servizz tekniku maħtur sabiex iwettaq it-test, bl-eċċezzjoni tal-entrati 31, 32 u 33 (it-tagħbijiet fit-triq tal-NEDC) li għandhom jiġu kkalkolati mill-awtorità tal-approvazzjoni tat-tip jew mis-servizz tekniku skont il-formuli speċifikati fil-punt 2.3.8.

L-awtorità tal-approvazzjoni tat-tip jew is-servizz tekniku għandhom jivverifikaw u jikkonfermaw b’mod indipendenti l-korrettezza tad-dejta tal-input ipprovduta mill-manifattur. Fil-każ ta’ dubju, l-awtorità tal-approvazzjoni tat-tip jew is-servizz tekniku għandhom jiddeterminaw id-dejta tal-input rilevanti b’mod indipendenti mill-informazzjoni pprovduta mill-manifattur jew, fejn xieraq, jaġixxu skont il-punt 3.2.7 u 3.2.8.

Tabella 1

Matriċi tad-dejta tal-input għall-għodda ta’ korrelazzjoni

Nru	Parametri tal-input għall-għodda ta’ korrelazzjoni	Unità	Sors	Kummenti
1	It-tip ta’ fjuwil	—	Il-punt 3.2.2.1 tal-Appendiċi 3 tal-Anness I tar-Regolament (UE) 2017/1151	Diżil/Petrol/LPG/NG jew Bijometan/Etanol(E85)/Bijodiżil
2	Il-valur ta’ tisħin inferjuri tal-fjuwil	kJ/kg	Dikjarazzjoni mill-manifattur u/jew mis-servizz tekniku
3	Il-kontenut ta’ karbonju tal-fjuwil	%	Idem	% ta’ karbonju fil-fjuwil skont il-piż Eż.85,5 %
4	It-tip ta’ magna		Il-punt 3.2.1.1 tal-Appendiċi 3 tal-Anness I tar-Regolament (UE) 2017/1151	Tqabbid bl-ispark plaggs jew tqabbid bil-kompressjoni
5	Iċ-ċilindrata	cc	Il-punt 3.2.1.3 tal-Appendiċi 3 tal-Anness I tar-Regolament (UE) 2017/1151
6	L-istrowk tal-magna	mm	Il-punt 3.2.1.2.2 tal-Appendiċi 3 tal-Anness I tar-Regolament (UE) 2017/1151
7	Il-potenza nominali tal-magna	kW…min–1	Il-punt 3.2.1.8 tal-Appendiċi 3 tal-Anness I tar-Regolament (UE) 2017/1151
8	L-ispid tal-magna bil-potenza nominali tal-magna	min–1	Il-punt 3.2.1.8 fl-Appendiċi 3 tal-Anness I tar-Regolament (UE) 2017/1151	Spid tal-magna bil-potenza netta massima
9	Il-veloċità idle għolja tal-magna (*1)	min–1	Il-punt 3.2.1.6.1 tal-Appendiċi 3 tal-Anness I tar-Regolament (UE) 2017/1151
10	It-torque massimu nett (*1)	Nm f’… min–1	Il-punt 3.2.1.10 tal-Appendiċi 3 tal-Anness I tar-Regolament (UE) 2017/1151
11	Il-veloċità tal-immappjar T1 (*1)	rpm	Is-Subanness 2 tal-Anness XXI tar-Regolament (UE) 2017/1151	Arranġament
12	It-torque tal-immappjar T1 (*1)	Nm	Is-Subanness 2 tal-Anness XXI tar-Regolament (UE) 2017/1151	Arranġament
13	Il-potenza tal-immappjar T1 (*1)	kW	Is-Subanness 2 tal-Anness XXI tar-Regolament (UE) 2017/1151	Arranġament
14	Il-veloċità idle tal-magna	rpm	Is-Subanness 2 tal-Anness XXI tar-Regolament (UE) 2017/1151	Veloċità idle f’kundizzjoni sħuna
15	Il-konsum tal-fjuwil b’magna mhux ingranata	g/s	Dikjarazzjonijiet tal-manifattur	Konsum tal-fjuwil b’magna mhux ingranata f’kundizzjoni sħuna
16	Il-proporzjonjiet tat-trażmissjoni finali	—	Il-punt 4.6 fl-Appendiċi 3 tal-Anness I tar-Regolament (UE) 2017/1151	Il-proporzjon tat-trażmissjoni finali
17	Il-kodiċi tat-tajer (*2)	—	Il-punt 6 tal-Appendiċi 3 tal-Anness I tar-Regolament (UE) 2017/1151	Kodiċi tatt-tajer (eż. P195/55R1685H) tat-tajers użati fit-test tad-WLTP
18	It-tip ta’ gerboks	—	Il-punt 4.5 tal-Appendiċi 3 tal-Anness I tar-Regolament (UE) 2017/1151	awtomatika/manwali/CVT
19	Il-konvertur tat-torque	—	Dikjarazzjonijiet tal-manifattur	0 = Le, 1 = Iva; Il-vettura tuża konvertur tat-torque?
20	Tagħmir li jiffranka l-fjuwil għat-trażmissjoni awtomatika	—	Dikjarazzjonijiet tal-manifattur	0 = Le, 1 = Iva L-issettjar ta’ dan il-valur għal 1 jippermetti sabiex l-għodda ta’ korrelazzjoni tuża ger ogħla fis-sewqan b’veloċità kostanti milli fil-każ ta’ kundizzjonijiet tranżitorji
21	Il-modalità tas-sewqan	—	Il-punt 2.3.1 tas-Subanness 5 tal-Anness XXI tar-Regolament (UE) 2017/1151	Trazzjoni fuq żewġ roti, trazzjoni fuq erba’ roti.
22	Il-ħin tal-attivazzjoni start-stop	sek	Dikjarazzjonijiet tal-manifattur	Ħin tal-attivazzjoni start-stop li għadda mill-bidu tat-test
23	Il-vultaġġ nominali tal-alternejter	V	Il-punt 3.4.4.5 tal-Appendiċi 3 tal-Anness I tar-Regolament (UE) 2017/1151
24	Il-kapaċità tal-batterija	Ah	Il-punt 3.4.4.5 tal-Appendiċi 3 tal-Anness I tar-Regolament (UE) 2017/1151
25	It-temperatura ambjentali tal-bidu tad-WLTP	°C		Valur prestabbilit = 23 °C Kejl tat-test tad-WLTP
26	Il-potenza massima tal-alternejter	kW	Dikjarazzjonijiet tal-manifattur
27	L-effiċjenza tal-alternejter	—	Dikjarazzjonijiet tal-manifattur	Valur prestabbilit = 0,67
28	Il-proporzjonijiet tal-gerboks	—	Il-punt 4.6 tal-Appendiċi 3 tal-Anness I tar-Regolament (UE) 2017/1151	Arranġament: proporzjon tal-ger 1, proporzjon tal-ger 2, eċċ
29	Il-proporzjon tal-veloċità tal-vettura għall-veloċità tal-magna (*2)	(km/siegħa)/rpm	Dikjarazzjonijiet tal-manifattur	Arranġament: [proporzjon tal-ispid b’veloċità kostanti tal-ger 1, proporzjon tal-ispid b’veloċità kostanti tal-ger 2, ...]; Alternattiva għall-proporzjonijiet tal-gerboks
30	L-inerzja tal-vettura tal-NEDC	kg	Il-punt 2.6 tal-Appendiċi 3 tal-Anness I tar-Regolament (UE) 2017/1151	Trid tiġi derivata skont il-punt 2.3.1 ta’ dan l-Anness.
31	F0 NEDC	N	Il-punt 2.3.8 ta’ dan l-Anness, irid jimtela mill-awtorità tal-approvazzjoni tat-tip jew mis-Servizz Tekniku	Il-koeffiċjenti tat-tagħbija fit-triq F0
32	F1 NEDC	N/(km/siegħa)	Idem	Il-koeffiċjenti tat-tagħbija fit-triq F1
33	F2 NEDC	N/(km/siegħa)2	Idem	Il-koeffiċjenti tat-tagħbija fit-triq F2
34	Il-massa tat-test tad-WLTP	kg	Il-punt 2.4.6 tal-Appendiċi tad-dokument ta’ informazzjoni fl-Appendiċi 3 tal-Anness I tar-Regolament (UE) 2017/1151	ebda korrezzjoni għall-partijiet rotanti
35	F0 WLTP	N	Il-punt 2.4.8 tal-Appendiċi tad-dokument ta’ informazzjoni fl-Appendiċi 3 tal-Anness I tar-Regolament (UE) 2017/1151	Il-koeffiċjenti tat-tagħbija fit-triq F0
36	F1 WLTP	N/(km/siegħa)	Idem	Il-koeffiċjenti tat-tagħbija fit-triq F1
37	F2 WLTP	N/(km/siegħa)2	Idem	Il-koeffiċjenti tat-tagħbija fit-triq F2
38	Il-valur tas-CO2 tad-WLTP tal-fażi 1	gCO2/km	Il-punt 2.1.1 tar-rapport tat-test tal-Anness I, l-Appendiċi 8a tar-Regolament (UE) 2017/1151	Fażi baxxa, valuri tal-borża mhux ikkoreġuti għal RCB, kejl tat-test tad-WLTP mhux arrotondat
39	Il-valur tas-CO2 tad-WLTP tal-fażi 2	gCO2/km	Idem	Fażi medja, valuri tal-borża mhux ikkoreġuti għal RCB, kejl tat-test tad-WLTP mhux arrotondat
40	Il-valur tas-CO2 tad-WLTP tal-fażi 3	gCO2/km	Idem	Fażi għolja, valuri tal-borża mhux ikkoreġuti għal RCB, kejl tat-test tad-WLTP mhux arrotondat
41	Il-valur tas-CO2 tad-WLTP tal-fażi 4	gCO2/km	Idem	Fażi għolja ħafna, valuri tal-borża mhux ikkoreġuti għal RCB, mhux arrotondati Kejl tat-test tad-WLTP
42	Turboċarġer jew Superċarġer	—	Dikjarazzjonijiet tal-manifattur	0 = Le | 1 = Iva - Il-magna hija mgħammra b’xi tip ta’ sistema ta’ ċċarġjar?
43	Start-stop	—	Dikjarazzjonijiet tal-manifattur	0 = Le | 1 = Iva - Il-vettura għandha sistema ta’ start-stop?
44	L-irkupru tal-enerġija mill-brejkijiet	—	Dikjarazzjonijiet tal-manifattur	0 = Le | 1 = Iva - Il-vettura għandha teknoloġiji għall-irkupru tal-enerġija?
45	L-attwazzjoni varjabbli tal-valv	—	Dikjarazzjonijiet tal-manifattur	0 = Le | 1 = Iva - Il-magna fiha attwazzjoni varjabbli tal-valv?
46	Il-ġestjoni termali	—	Dikjarazzjonijiet tal-manifattur	0 = Le | 1 = Iva - Il-vettura għandha teknoloġiji li jirregolaw b’mod attiv it-temperatura tal-gerbox?
47	L-injezzjoni diretta/L-Injezzjoni tal-Fjuwil mill-Bokka	—	Dikjarazzjonijiet tal-manifattur	0 = PFI | 1 = DI
48	Il-kombustjoni fqira	—	Dikjarazzjonijiet tal-manifattur	0 = Le | 1 = Iva - Il-magna tuża kombustjoni żgħira?
49	Id-diżattivazzjoni taċ-ċilindru	—	Dikjarazzjonijiet tal-manifattur	0 = Le | 1 = Iva - Il-magna tuża sistema ta’ diżattivazzjoni taċ-ċilindru?
50	Ir-riċirkolazzjoni tal-gass tal-egżost	—	Dikjarazzjonijiet tal-manifattur	0 = Le | 1 = Iva - Il-vettura għandha sistema esterna tar-riċirkolazzjoni tal-gass tal-egżost (EGR)?
51	Il-filtru tal-partikuli	—	Dikjarazzjonijiet tal-manifattur	0 = Le | 1 = Iva - Il-vettura għandha filtru tal-partikuli?
52	Ir-Riduzzjoni Katalitika Selettiva	—	Dikjarazzjonijiet tal-manifattur	0 = Le | 1 = Iva - Il-vettura għandha sistema tar-Riduzzjoni Katalitika Selettiva (SCR)?
53	Il-katalist tal-ħżin tal-NOx	—	Dikjarazzjonijiet tal-manifattur	0 = Le | 1 = Iva - Il-vettura għandha katalist tal-ħżin tal-NOx?
54	Il-ħin tad-WLTP	sek	Kejl tat-test tad-WLTP (identifikat skont il-Punt 2.2 ta’ dan l-Anness)	Arranġament: Data tal-OBD u tax-Xażi Dinamometriku, 1hz
55	Il-veloċità tad-WLTP (teoretika)	km/siegħa	Kif iddefinita fis-Subanness 1 tal-Anness XXI tar-Regolament (UE) 2017/1151	Arranġament: 1hz, riżoluzzjoni ta’ 0,1 km/siegħa. Jekk ma jkunx ipprovdut, japplika l-profil tal-veloċità ddefinit fil-punt 6 tas-Subanness 1 tal-Anness XXI tar-Regolament (UE) 2017/1151 u, b’mod partikolari, għat-tabelli A1/7-A1/9, A1/11, u A1/12
56	Il-veloċità tad-WLTP (attwali)	km/siegħa	Kejl tat-test tad-WLTP (identifikat skont il-Punt 2.2 ta’ dan l-Anness)	Arranġament: Data tal-OBD u tax-Xażi Dinamometriku, 1hz, riżoluzzjoni ta’ 0,1 km/siegħa
57	Il-ger tad-WLTP (teoretiku)	—	Kif iddefinita fis-Subanness 2 tal-Anness XXI tar-Regolament (UE) 2017/1151	Arranġament: 1hz. Jekk ma jkunx ipprovdut, japplika l-kalkolu mill-għodda ta’ korrelazzjoni
58	L-ispid tal-magna tad-WLTP	rpm	Kejl tat-test tad-WLTP (identifikat skont il-Punt 2.2 ta’ dan l-Anness)	Arranġament: 1hz, riżoluzzjoni ta’ 10 RPM mill-OBD
59	It-temperatura tal-Fluwidu Berried tal-Magna tad-WLTP	°C	Idem	Arranġament: Dejta tal-OBD, 1hz, riżoluzzjoni ta’ 0.5 °C
60	Il-Kurrent tal-Alternejter tad-WLTP	A	Kif iddefinit, għall-kurrent tal-batterija b’vultaġġ baxx, fl-Appendiċi 2 tas-Subanness 6 tal-Anness XXI tar-Regolament (UE) 2017/1151	Arranġament: 1hz, riżoluzzjoni ta’ 0,1 A, apparat estern tal-kejl sinkronizzat max-xażi dinamometriku
61	Il-Kurrent tal-Batterija b’Vultaġġ Baxx tad-WLTP	A	Kif iddefinit fl-Appendiċi 2 tas-Subanness 6 tal-Anness XXI tar-Regolament (UE) 2017/1151	Arranġament: 1hz, riżoluzzjoni ta’ 0,1 A, apparat estern tal-kejl sinkronizzat max-xażi dinamometriku
62	It-tagħbija kkalkolata tad-WLTP	—	Kif iddefinita fl-Anness 11 tar-Regolament NU/KEE Nru 83	Arranġament: Data tal-OBD, kejl tat-test tad-WLTP ta’ mill-inqas 1hz (frekwenzi ogħla possibbli, riżoluzzjoni ta’ 1 %)
63	Il-ħin tal-prekundizzjonament tad-WLTP	sek	Kejl tat-test tal-prekundizzjonament, il-punt 1.2.6 tal-Anness XXI, is-Subanness 6 tar-Regolament (UE) 2017/1151	Arranġament: Data tal-OBD u tax-Xażi Dinamometriku, 1hz
64	Il-veloċità tal-prekundizzjonament tad-WLTP	km/siegħa	Idem	Arranġament: Data tal-OBD u tax-Xażi Dinamometriku, 1hz, riżoluzzjoni ta’ 0,1 km/siegħa
65	Il-kurrent tal-alternejter tal-prekundizzjonament tad-WLTP	A	Li għandu jitkejjel skont il-metodoloġija ddefinita għall-kurrent tal-batterija b’vultaġġ baxx, fil-punt 2.1 tal-Appendiċi 2 għas-Subanness 6 tal-Anness XXI tar-Regolament (UE) 2017/1151	Arranġament: 1hz, riżoluzzjoni ta’ 0,1 A, apparat estern tal-kejl sinkronizzat max-xażi dinamometriku
66	Il-kurrent tal-batterija b’vultaġġ baxx tal-prekundizzjonament tad-WLTP	A	Kif iddefinit fl-Appendiċi 2 tas-Subanness 6 tal-Anness XXI tar-Regolament (UE) 2017/1151	Arranġament: 1hz, riżoluzzjoni ta’ 0,1 A, apparat estern tal-kejl sinkronizzat max-xażi dinamometriku

3.   ID-DETERMINAZZJONI TAL-VALURI TAL-EMISSJONIJIET TA’ CO2 U TAL-KONSUM TAL-FJUWIL TAL-NEDC GĦALL-VETTURI H U L

3.1.   Id-determinazzjoni tal-valuri ta’ referenza ta’ CO2, il-valuri speċifiċi għall-fażijiet u l-valuri tal-konsum tal-fjuwil tal-NEDC għall-vetturi H u L

L-awtorità tal-approvazzjoni tat-tip għandha tiżgura li l-valur ta’ referenza tas-CO2 tal-NEDC għall-vettura H rispettiva u, fejn applikabbli, għall-vettura L ta’ familja ta’ interpolazzjoni tad-WLTP kif ukoll il-valuri speċifiċi għall-fażijiet u l-konsum tal-fjuwil għandhom jiġu ddeterminati skont il-punti 3.1.2 u 3.1.3.

F’każ li t-tagħbijiet fit-triq tal-NEDC ikkalkolati skont il-punt 2.3.8 għall-vetturi H u L ikunu l-istess, il-valur ta’ referenza tas-CO2 tal-NEDC għandu jiġi ddeterminat għall-vettura H biss.

3.1.1.   L-input u l-output tal-għodda ta’ korrelazzjoni

L-awtorità tal-approvazzjoni tat-tip jew is-servizz tekniku magħżul għandhom jiżguraw li l-fajl tad-dejta tal-input għall-għodda ta’ korrelazzjoni huwa komplut. Wara test komplut fuq l-għodda ta’ korrelazzjoni, il-persuna magħżula skont il-punt 2.1.1 għandha tiffirma b’mod diġitali

(a)	ir-rapport tal-output tal-korrelazzjoni oriġinali;

(b)	il-fajl testwali sommarju.

Ir-rapport tal-output tal-korrelazzjoni msemmi fil-punt (a) għandu jinkludi d-dejta tal-input użata, id-dejta tal-output li tirriżulta mill-eżekuzzjoni tal-korrelazzjoni, il-valur iddikjarat mill-manifattur u, fejn disponibbli, ir-riżultat tat-testijiet fiżiċi tal-vettura. Il-fajl testwali sommarju msemmi fil-punt (b) għandu jinkludi fih il-valur iddikjarat mill-manifattur u l-valur tal-emissjonijiet ta’ CO2 li jirriżultaw mill-għodda ta’ korrelazzjoni u l-identifikaturi rilevanti, bħall-kodiċi għall-familja ta’ interpolazzjoni kkonċernata.

3.1.2.   Il-valur ta’ referenza tas-CO2 tal-NEDC għall-vettura H

L-għodda ta’ korrelazzjoni għandha tintuża għall-eżekuzzjoni tat-testijiet issimulati li ġejjin billi jintuża l-fajl tad-dejta tal-input rilevanti msemmi fil-punt 3.1.1.:

(a)	Test tad-WLTP tal-vettura H;

(b)	Test tal-NEDC tal-vettura H.

Il-valur ta’ referenza tas-CO2 tal-NEDC għall-vettura H għandu jiġi ddeterminat kif ġej:

Fejn,

CO2,H	hija l-valur ta’ referenza tas-CO2 tal-NEDC għall-vettura H;
WLTPACGcorr,H	hija l-medja tal-valuri tas-CO2 tad-WLTP għall-vettura H li tirriżulta mit-testijiet imsemmijin fil-punt 2.2 ikkoreġuti għall-bilanċ taċ-ċarġ tal-REESS (RCB) skont il-proċedura stipulata fl-Appendiċi 2 tas-Subanness 6 tal-Anness XXI tar-Regolament (UE) 2017/1151; Il-korrezzjoni għall-RCB għandha tiġi applikata f’każijiet li fihom l-RCB ikun negattiv (korrispondenti għall-iskariku tal-REESS) u pożittiv (korrispondenti għall-iċċarġjar tal-REESS) u anki fil-każijiet meta l-kriterju ta’ korrezzjoni c ikun speċifikat fit-Tabella A6. App 2/2 f’dak l-Appendiċi hija inqas mit-tolleranza applikabbli skont dik it-Tabella;
RCBcorr,H	hija l-korrezzjoni tas-CO2 għall-RCB tat-test tad-WLTP għall-vettura H magħżula skont il-punt 2.2 għall-fini ta’ definizzjoni tad-dejta tal-input, gCO2/km, ikkalkolata skont il-proċedura stabbilita fl-Appendiċi 2 tas-Subanness 6 tal-Anness XXI tar-Regolament (UE) 2017/1151 bl-RCB negattiv (korrispondenti għall-iskariku tal-REESS) u pożittiv (korrispondenti għall-iċċarġjar tal-REESS);
DEc,H	hija d-differenza bejn ir-riżultat tat-test tad-WLTP imsemmi fil-punt (a) u r-riżultat tat-test tal-NEDC imsemmi fil-punt (b) għall-vettura H;
Ki, H	hija l-valur iddeterminat skont l-Appendiċi 1 tas-Subanness 6 tal-Anness XXI tar-Regolament (UE) 2017/1151 għall-vettura H.

3.1.3.   Il-valur ta’ referenza tas-CO2 tal-NEDC għall-vettura L

Meta applikabbli, għandhom isiru s-simulazzjonijiet li ġejjin bl-għodda ta’ korrelazzjoni u bid-dejta tal-input rilevanti kif irreġistrata fil-matriċi msemmija fil-punt 2.4:

(a)	Test tad-WLTP tal-vettura L;

(b)	Test tal-NEDC tal-vettura L.

Il-valur ta’ referenza tas-CO2 tal-NEDC għall-vettura L għandu jiġi ddeterminat kif ġej:

Fejn,

CO 2,L	hija l-valur ta’ referenza tas-CO2 tal-NEDC għall-vettura L;
WLTPACGcorr,L	hija l-medja tal-valuri tas-CO2 tad-WLTP li jirriżultaw mit-testijiet tal-vettura L imsemmijin fil-punt 2.2 ikkoreġuti għall-bilanċ taċ-ċarġ tal-REESS (RCB) skont il-proċedura stipulata fl-Appendiċi 2 tas-Subanness 6 tal-Anness XXI tar-Regolament (UE) 2017/1151; Il-korrezzjoni għall-RCB għandha tiġi applikata f’każijiet li fihom l-RCB ikun negattiv (korrispondenti għall-iskariku tal-REESS) u pożittiv (korrispondenti għall-iċċarġjar tal-REESS) u anki fil-każijiet meta l-kriterju ta’ korrezzjoni c ikun speċifikat fit-Tabella A6. App 2/2 f’dak l-Appendiċi hija inqas mit-tolleranza applikabbli skont dik it-Tabella;
RCBcorr,L	hija l-korrezzjoni tas-CO2 għall-RCB tat-test tad-WLTP tal-vettura L magħżula skont il-punt 2.2 għall-fini ta’ definizzjoni tad-dejta tal-input, gCO2/km, ikkalkolata skont il-proċedura stabbilita fl-Appendiċi 2 tas-Subanness 6 tal-Anness XXI tar-Regolament (UE) 2017/1151 bl-RCB negattiv (korrispondenti għall-iskariku tal-REESS) u pożittiv (korrispondenti għall-iċċarġjar tal-REESS);
DEc,L	hija d-differenza bejn ir-riżultat tat-test tad-WLTP imsemmi fil-punt (a) u r-riżultat tat-test tal-NEDC imsemmi fil-punt (b) għall-vettura L;
Ki,L	hija l-valur iddeterminat skont l-appendiċi 1 tas-Subanness 6 tal-Anness XXI tar-Regolament (UE) 2017/1151 għall-vettura L.

3.2.   L-interpretazzjoni tal-valuri ta’ referenza tas-CO2 tal-NEDC iddeterminati għall-vetturi H u L

Għal kull familja ta’ interpolazzjoni tad-WLTP, il-manifattur għandu jiddikjara l-valur kombinat tal-emissjonijiet tal-massa tas-CO2 tal-NEDC għall-vettura H, u, fejn applikabbli, għall-vettura L, lill-awtorità tal-approvazzjoni. L-awtorità tal-approvazzjoni tat-tip għandha tiżgura li l-valuri ta’ referenza tas-CO2 tal-NEDC għall-vettura H u, fejn applikabbli, għall-vettura L, huma ddeterminati skont il-punti 3.1.2 u 3.1.3, u li l-valuri ta’ referenza għall-vettura rispettiva huma interpretati skont il-punti 3.2.1 sa 3.2.5.

3.2.1.   Il-valur tas-CO2 tal-NEDC għall-vettura tat-test H jew L li għandu jintuża għall-fini tal-kalkoli stipulati fil-punt 4 għandu jkun il-valur iddikjarat mill-manifattur, jekk il-valur ta’ referenza tas-CO2 tal-NEDC ma jaqbiżx dak il-valur b’iktar minn 4 fil-mija. Il-valur ta’ referenza jista’ jkun inqas mingħajr ebda limitazzjoni.

3.2.2.   Jekk il-valur ta’ referenza tas-CO2 tal-NEDC jaqbeż il-valur iddikjarat mill-manifattur b’iktar minn 4 fil-mija, il-valur ta’ referenza jista’ jintuża għall-fini tal-kalkoli stabbiliti fil-punt 4 għall-vettura tat-test H jew L, jew il-manifattur jista’ jitlob li jsir kejl fiżiku taħt ir-responsabbiltà tal-awtorità tal-approvazzjoni tat-tip skont il-proċedura msemmija fl-Anness XII tar-Regolament (KE) Nru 692/2008, b’kunsiderazzjoni tal-preċiżjonijiet speċifikati fil-punt 2 ta’ dan l-Anness.

3.2.3.   Jekk il-kejl fiżiku msemmi fil-punt 3.2.2, amplifikat mill-fattur-Ki, ma jaqbiżx il-valur iddikjarat mill-manifattur b’iktar minn 4 fil-mija, il-valur iddikjarat għandu jintuża għall-fini tal-kalkoli stabbiliti fil-punt 4.

3.2.4.   Jekk il-kejl fiżiku, amplifikat mill-fattur-KI, jaqbeż il-valur iddikjarat mill-manifattur b’iktar minn 4 fil-mija, għandu jsir kejl fiżiku ieħor tal-istess vettura u r-riżultati għandhom jiġu amplifikati bil-fattur-Ki. Jekk il-medja ta’ dawk iż-żewġ kalkoli ta’ kejl ma taqbiżx il-valur iddikjarat b’iktar minn 4 fil-mija, il-valur iddikjarat għandu jintuża għall-fini tal-kalkoli stabbiliti fil-punt 4.

3.2.5.   Jekk il-medja taż-żewġ kalkoli ta’ kejl imsemmijin fil-punt 3.2.4 taqbeż il-valur iddikjarat mill-manifattur b’iktar minn 4 fil-mija, għandu jsir it-tielet kejl u r-riżultati għandhom jiġu amplifikati bil-fattur-Ki. Il-medja tat-tliet kalkoli ta’ kejl għandha tintuża għall-fini tal-kalkoli stipulati fil-punt 4.

3.2.6.   Meta l-valur tas-CO2 tal-NEDC għall-vettura H jew L jiġi ddeterminat skont il-punt 3.2.1, l-awtorità tal-approvazzjoni tat-tip jew is-servizz tekniku magħżul għandhom jużaw il-kmandi rilevanti fl-għodda ta’ korrelazzjoni sabiex jibagħtu l-fajl testwali sommarju ffirmat lil server b’kronogramma u lill-kaxxa postali funzjonali li ġejja:

EC-CO2-LDV-IMPLEMENTATION@ec.europa.eu.

Għandha tintbagħat lura tweġiba b’kronogramma mehmuża li tinkludi numru integru ġġenerat b’mod aleatorju fil-medda ta’ 1 sa 100 ikkalkolat mill-għodda ta’ korrelazzjoni. Meta n-numru jkun fil-medda ta’ 91 sa 100, il-vettura għandha tingħażel għal kejl fiżiku wieħed skont il-proċedura msemmija fl-Anness XII tar-Regolament (KE) Nru 692/2008, b’kunsiderazzjoni tal-preċiżjonijiet speċifikati fil-punt 2 ta’ dan l-Anness. Ir-riżultati tat-test għandhom jiġu ddokumentati f’konformità mal-Anness VIII tad-Direttiva 2007/46/KE.

F’każ li l-valur tas-CO2 tal-NEDC għaż-żewġ vetturi H u L jiġi ddeterminat skont il-punt 3.2.1, il-konfigurazzjoni tal-vettura magħżula għall-kejl fiżiku għandha tkun il-vettura L, jekk in-numru aleatorju jkun fil-medda ta’ 91 sa 95, u l-vettura H, jekk in-numru aleatorju jkun fil-medda ta’ 96 sa 100.

3.2.7.   Minkejja l-punt 3.2.6, awtorità tal-approvazzjoni tat-tip għandha, fejn applikabbli, fuq il-bażi ta’ proposta minn servizz tekniku, f’dawk il-każijiet li fihom il-valur tas-CO2 tal-NEDC jiġi ddeterminat skont il-punt 3.2.1, titlob li vettura jsirilha kejl fiżiku wieħed fejn, fuq il-bażi tal-għarfien espert indipendenti tagħha, ikun hemm raġunijiet iġġustifikati għaliex jiġi kkunsidrat li l-valur iddikjarat tas-CO2 tal-NEDC huwa baxx wisq b’rabta ma’ valur imkejjel tas-CO2 tal-NEDC. Ir-riżultati tat-test għandhom jiġu ddokumentati f’konformità mal-Anness VIII tad-Direttiva 2007/46/KE.

3.2.8.   Meta jsir test fiżiku skont il-punt 3.2.6 jew il-punt 3.2.7, l-awtorità tal-approvazzjoni tat-tip għandha, għal kull familja ta’ interpolazzjoni tad-WLTP, tirreġistra d-devjazzjoni relattiva (De) bejn il-valur imkejjel u l-valur iddikjarat mill-manifattur iddeterminata kif ġej:

Fejn,

RTr	hija r-riżultat tat-test aleatorju, amplifikat bil-fattur-Ki;
DV	hija l-valur iddikjarat mill-manifattur.

Il-fattur De għandu jiġi rreġistrat fiċ-ċertifikat tal-approvazzjoni tat-tip u fiċ-ċertifikat ta’ konformità.

Meta l-awtorità tal-approvazzjoni tat-tip issib li r-riżultati tat-test fiżiku ma jikkonfermawx id-dejta tal-input ipprovduta mill-manifattur u, b’mod partikolari, id-dejta msemmija fil-punti 20, 22 u 44 tat-Tabella 1 fil-punt 2.4, fattur ta’ verifika għandu jiġi ssettjat għal 1 u jiġi rreġistrat fiċ-ċertifikat tal-approvazzjoni tat-tip u fiċ-ċertifikat ta’ konformità. Meta d-dejta tal-input tiġi kkonfermata jew meta l-iżball fid-dejta tal-input ma jkunx għall-benefiċċju tal-manifattur, il-fattur ta’ verifika għandu jiġi ssettjat għal 0.

3.3.   Il-kalkolu tal-valuri tas-CO2 speċifiċi għall-fażijiet tal-NEDC u tal-valuri tal-konsum tal-fjuwil tal-NEDC għall-vetturi H u L

L-awtorità tal-approvazzjoni tat-tip jew, fejn applikabbli, is-servizz tekniku, għandhom jiddeterminaw il-valuri speċifiċi għall-fażijiet tal-NEDC u l-valuri tal-konsum tal-fjuwil tal-NEDC għall-vetturi H u L skont il-punti 3.3.1 sa 3.3.4.

3.3.1.   Il-kalkolu tal-valuri tas-CO2 speċifiċi għall-fażijiet tal-NEDC għall-vettura H

Fejn:

p	hija l-fażi “UDC” jew “EUDC” tal-NEDC;
NEDC CO2,p,H,c	hija r-riżultat tat-test tas-CO2 tal-NEDC għall-fażi p imsemmija fil-punt (b) tal-paragrafu 3.1.2
NEDC CO2,p,H	hija l-valur speċifiku għall-fażi tal-NEDC għall-vettura H tal-fażi applikabbli p, gCO2/km
CO2,AF,H	hija l-fattur ta’ aġġustament għall-vettura H ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.2

3.3.2.   Il-kalkolu tal-valuri tas-CO2 speċifiċi għall-fażijiet tal-NEDC għall-vettura L

Il-valuri speċifiċi għall-fażijiet tal-NEDC għandhom jiġu kkalkolati kif ġej:

Fejn:

p	hija l-fażi “UDC” jew “EUDC” tal-NEDC;
NEDC CO2,p,L,c	hija r-riżultat tat-test tas-CO2 tal-NEDC għall-fażi p iddeterminat skont il-punt (b) tal-paragrafu 3.1.3;
NEDC CO2,p,L	hija l-valur speċifiku għall-fażi tal-NEDC għall-vettura L tal-fażi applikabbli p, gCO2/km
CO2,AF,L	hija l-fattur ta’ aġġustament għall-vettura L ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.3

3.3.3.   Il-kalkolu tal-konsum tal-fjuwil tal-NEDC għall-vettura H

3.3.3.1.   Il-kalkolu tal-konsum tal-fjuwil (kombinat) tal-NEDC

Il-konsum tal-fjuwil (kombinat) tal-NEDC għall-vettura H għandu jiġi kkalkolat kif ġej:

Fejn:

NEDC FCH,c	hija r-riżultat tat-test tal-konsum tal-fjuwil (kombinat) tal-NEDC iddeterminat skont l-Anness XII tar-Regolament (KE) Nru 692/2008 bl-użu tal-emissjonijiet ta’ CO2 iddeterminati skont il-punt (b) tal-paragrafu 3.1.2 jew bl-użu ta’ riżultat tal-kejl fiżiku kif imsemmi fil-punt 3.2.2; l-emissjonijiet ta’ sustanzi niġġiesa oħrajn rilevanti għall-kalkolu tal-konsum tal-fjuwil (idrokarburi, monossidu tal-karbonju) għandhom jiġu kkunsidrati li huma 0 (żero) g/km;
NEDC FCH	hija l-konsum tal-fjuwil (kombinat) tal-NEDC għall-vettura H, l/100 km;
CO2,AF,H	hija l-fattur ta’ aġġustament għall-vettura H ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.2.

3.3.3.2.   Il-kalkolu tal-konsum tal-fjuwil speċifiku għall-fażijiet tal-NEDC għall-vettura H

Il-konsum tal-fjuwil speċifiku għall-fażijiet tal-NEDC għall-vettura H għandu jiġi kkalkolat kif ġej:

Fejn:

p	hija l-fażi “UDC” jew “EUDC” tal-NEDC;
NEDC FCp,H,c	hija l-konsum tal-fjuwil tal-NEDC għall-fażi p iddeterminat skont l-Anness XII tar-Regolament (KE) Nru 692/2008 bl-użu tal-emissjonijiet ta’ CO2 iddeterminati skont il-punt (b) tal-paragrafu 3.1.2 jew bl-użu ta’ riżultat tal-kejl fiżiku kif imsemmi fil-punt 3.2.2; l-emissjonijiet ta’ sustanzi niġġiesa oħrajn rilevanti għall-kalkolu tal-konsum tal-fjuwil (idrokarburi, monossidu tal-karbonju) għandhom jiġu kkunsidrati li huma 0 (żero) g/km;
NEDC FCp,H	hija l-konsum tal-fjuwil speċifiku għall-fażi tal-NEDC għall-vettura H tal-fażi applikabbli p, l/100 km;
CO2,AF,H	hija l-fattur ta’ aġġustament għall-vettura H ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.2.

3.3.4.   Il-kalkolu tal-konsum tal-fjuwil tal-NEDC għall-vettura L

3.3.4.1.   Il-kalkolu tal-konsum tal-fjuwil (kombinat) tal-NEDC għall-vettura L

Il-konsum tal-fjuwil kombinat tal-NEDC għall-vettura L għandu jiġi kkalkolat kif ġej:

Fejn:

NEDC FCL,c	hija r-riżultat tat-test tal-konsum tal-fjuwil (kombinat) tal-NEDC iddeterminat skont l-Anness XII tar-Regolament (KE) Nru 692/2008 bl-użu tal-emissjonijiet ta’ CO2 iddeterminati skont il-punt (b) tal-paragrafu 3.1.3 jew bl-użu ta’ riżultat tal-kejl fiżiku kif imsemmi fil-punt 3.2.2; l-emissjonijiet ta’ sustanzi niġġiesa oħrajn rilevanti għall-kalkolu tal-konsum tal-fjuwil (idrokarburi, monossidu tal-karbonju) għandhom jiġu kkunsidrati li huma 0 (żero) g/km;
NEDC FCL	hija l-konsum tal-fjuwil (kombinat) tal-NEDC għall-vettura L, l/100 km;
CO2,AF,L	hija l-fattur ta’ aġġustament għall-vettura L ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.3;

3.3.4.2.   Il-kalkolu tal-konsum tal-fjuwil speċifiku għall-fażijiet tal-NEDC għall-vettura L

Il-konsum tal-fjuwil speċifiku għall-fażijiet tal-NEDC għall-vettura L għandu jiġi kkalkolat kif ġej:

Fejn:

p	hija l-fażi “UDC” jew “EUDC” tal-NEDC;
NEDC FCp,L,c	hija r-riżultat tat-test tal-konsum tal-fjuwil tal-NEDC għall-fażi p iddeterminat skont l-Anness XII tar-Regolament (KE) Nru 692/2008 bl-użu tal-emissjonijiet ta’ CO2 iddeterminati skont il-punt (b) tal-paragrafu 3.1.2 jew bl-użu ta’ riżultat tal-kejl fiżiku kif imsemmi fil-punt 3.2.2; l-emissjonijiet ta’ sustanzi niġġiesa oħrajn rilevanti għall-kalkolu tal-konsum tal-fjuwil (idrokarburi, monossidu tal-karbonju) għandhom jiġu kkunsidrati li huma 0 (żero) g/km;
NEDC FCp,L	hija l-konsum tal-fjuwil speċifiku għall-fażi tal-NEDC għall-vettura L tal-fażi applikabbli p, l/100 km;
CO2,AF,L	hija l-fattur ta’ aġġustament għall-vettura L ikkalkolat mill-proporzjon ta’ bejn il-valur tas-CO2 tal-NEDC iddeterminat skont il-punt 3.2 u r-riżultat tat-test tal-NEDC imsemmi fil-punt (b) tal-paragrafu 3.1.3

4.   IL-KALKOLU TAL-VALURI TAS-CO2 TAL-NEDC U TAL-VALURI TAL-KONSUM TAL-FJUWIL TAL-NEDC LI JRIDU JIĠU ATTRIBWITI LILL-VETTURI M1 INDIVIDWALI

Il-manifattur għandu jikkalkola l-valuri tas-CO2 (speċifiċi għall-fażijiet u kombinati) tal-NEDC u l-valuri tal-konsum tal-fjuwil tal-NEDC li jridu jiġu attribwiti lill-karozzi tal-passiġġieri individwali skont il-punti 4.1 u 4.2 u jirreġistra dawk il-valuri fiċ-ċertifikati tal-konformità.

Għandhom japplikaw id-dispożizzjonijiet dwar l-arrotondament stipulati fil-punt 1.3 tas-Subanness 7 tal-Anness XXI tar-Regolament (UE) 2017/1151.

4.1.   Id-determinazzjoni tal-valuri tas-CO2 tal-NEDC fil-każ ta’ familja ta’ interpolazzjoni tad-WLTP fuq il-bażi tal-vettura H

Meta l-emissjonijiet tas-CO2 tal-familja ta’ interpolazzjoni tad-WLTP jiġu ddeterminati b’referenza għall-vettura H biss skont il-punt 1.2.3.1 tas-Subanness 6 tal-Anness XXI tar-Regolament (UE) 2017/1151, il-valur tas-CO2 tal-NEDC li jrid jiġi rreġistrat fiċ-ċertifikati ta’ konformità tal-vetturi li jappartjenu għal dik il-familja għandhom ikunu l-emissjonijiet ta’ CO2 tal-NEDC iddeterminati skont il-punt 3.2 ta’ dan l-Anness u rreġistrati fiċ-ċertifikat tal-approvazzjoni tat-tip tal-vettura H inkwistjoni.

4.2.   Id-determinazzjoni tal-valur tas-CO2 tal-NEDC fil-każ ta’ familja ta’ interpolazzjoni tad-WLTP fuq il-bażi tal-vettura L u tal-vettura H

4.2.1.   Il-kalkolu tat-tagħbija fit-triq ta’ vettura individwali

4.2.1.1.   Il-massa tal-vettura rilevanti

Il-massa ta’ referenza tal-NEDC tal-vettura individwali (RMn,ind) għandha tiġi ddeterminata kif ġej:

Fejn, MRO ind hija l-massa fi stat ta’ tħaddim kif iddefinita fl-Artikolu 3(d) tar-Regolament (KE) Nru 443/2009 tal-vettura individwali.

Il-massa li trid tintuża għall-kalkolu tal-valuri tas-CO2 tal-NEDC tal-vettura individwali għandha tkun il-valur tal-inerzja stabbilit fit-Tabella 3 tal-Anness 4a tar-Regolament NU/KEE Nru 83 li huwa ekwivalenti għall-massa ta’ referenza ddeterminata skont dan il-punt u msejħa TMn,ind.

4.2.1.2.   Reżistenza għad-dawrien tal-vettura individwali

Il-valuri tar-reżistenza għad-dawrien tat-tajers iddeterminati skont il-punt 3.2.3.2.2.2 tas-Subanness 7 tal-Anness XXI tar-Regolament (UE) 2017/1151 għandhom jintużaw għall-fini tal-interpolazzjoni tal-valur tas-CO2 tal-NEDC tal-vettura individwali.

4.2.1.3.   Ir-reżistenza ajrudinamika ta’ vettura individwali

Ir-reżistenza ajrudinamika tal-vettura individwali għandha tiġi kkalkolata billi tiġi kkunsidrata d-differenza fir-reżistenza ajrudinamika bejn vettura individwali u l-vettura L, dovuta għal differenza fil-forma tal-karrozzerija (m2):

Fejn:

Cd	hija l-koeffiċjent tar-reżistenza ajrudinamika;
Af	hija l-erja ta’ quddiem tal-vettura, m2.

L-awtorità tal-approvazzjoni tat-tip jew, fejn applikabbli, is-servizz tekniku, għandhom jivverifikaw jekk il-faċilità tal-mina tar-riħ imsemmija fi 3.2.3.2.2.3. fis-Subanness 7 tal-Anness XXI tar-Regolament (UE) 2017/1151 hijiex ikkwalifikata sabiex tiddetermina bi preċiżjoni l-Δ(Cd ×Af) għall-forom tal-karrozzerija li jvarjaw bejn il-vettura L u H. Jekk il-faċilità tal-mina tar-riħ ma tkunx ikkwalifikata,

għall-vettura H għandha tapplika għall-vettura individwali.

Jekk il-vetturi L u H ikollhom l-istess forma tal-karrozzerija, il-valur ta’

għall-metodu ta’ interpolazzjoni għandu jiġi ssettjat għal żero.

4.2.1.4.   Il-kalkolu tat-tagħbija fit-triq għal vettura individwali fil-familja ta’ interpolazzjoni tad-WLTP

Il-koeffiċjenti tat-tagħbija fit-triq F0,n, F1,n u F2,n għall-vetturi tat-test H u L iddeterminati skont il-punt 2.3.8 huma msejħin bħala F0n,H, F1n,H u F2n,H u F0n,L, F1n,L u F2n,L rispettivament.

Il-koeffiċjenti tat-tagħbija fit-triq f0n,ind, f1n,ind u f2n,ind għal vettura individwali għandhom jiġu kkalkolati skont il-formula li ġejja:

Formula 1

Jew, jekk

għandha tapplika l-Formula 2:

Formula 2

jew, jekk

= 0, għandha tapplika l-Formula 3:

Formula 3

fejn:

4.2.1.5.   Il-kalkolu tad-domanda għall-enerġija taċ-ċiklu

Id-domanda għall-enerġija taċ-ċiklu tal-NEDC applikabbli Ek,n u d-domanda għall-enerġija għall-fażijiet applikabbli kollha taċ-ċiklu Ek,p,n li hija applikabbli għal vetturi individwali fil-familja ta’ interpolazzjoni tad-WLTP għandhom jiġu kkalkolati skont il-proċedura fil-paragrafu 5 tas-Subanness 7 tal-Anness XXI tar-Regolament (UE) 2017/1151, għas-settijiet k li ġejjin tal-koeffiċjenti u tal-mases tat-tagħbija fit-triq:

k = 1	:	(vettura tat-test L)
k = 2	:	(vettura tat-test H)
k = 3	:	(vettura individwali fil-familja ta’ interpolazzjoni tad-WLTP)

F’każ li jiġu applikati l-koeffiċjenti tax-xażi dinamometriku speċifikati fit-Tabella 3 tal-Anness 4a tar-Regolament NU/KEE Nru 83, għandhom jintużaw il-formuli li ġejjin:

4.2.1.6.   Il-kalkolu tal-valur tas-CO2 tal-NEDC għal vettura individwali bil-metodu ta’ interpolazzjoni tas-CO2

Għal kull fażi taċ-ċiklu p tal-NEDC li hija applikabbli għall-vetturi individwali fil-familja ta’ interpolazzjoni tad-WLTP, il-kontribuzzjoni għall-massa totali ta’ CO2 għal vettura individwali għandha tiġi kkalkolata kif ġej:

Il-massa ta’ emissjonijiet ta’ CO2, g/km, attribwita għal vettura individwali tal-familja ta’ interpolazzjoni tad-WLTP

għandha tiġi kkalkolata kif ġej:

It-termini E1,p,n, E2,p,n, E3,p,n, u E1,n, E2,n, E3,n rispettivament huma ddefiniti fil-paragrafu 4.2.1.5.

4.2.1.7.   Il-kalkolu tal-valur tal-konsum tal-fjuwil tal-NEDC għal vettura individwali bil-metodu ta’ interpolazzjoni

Għal kull fażi taċ-ċiklu p tal-NEDC li hija applikabbli għall-vetturi individwali fil-familja ta’ interpolazzjoni tad-WLTP, il-konsum tal-fjuwil, l/100 km, għandu jiġi kkalkolat kif ġej:

Il-konsum tal-fjuwil, l/100 km, taċ-ċiklu sħiħ għal vettura individwali tal-familja ta’ interpolazzjoni tad-WLTP għandu jiġi kkalkolat kif ġej:

It-termini E1,p,n, E2,p,n, E3,p,n, u E1,n, E2,n, E3,n rispettivament huma ddefiniti fil-paragrafu 4.2.1.5.

5.   IR-REĠISTRAZZJONI TAD-DEJTA

L-awtorità tal-approvazzjoni tat-tip jew is-Servizz Tekniku magħżul għandhom jiżguraw li tiġi rreġistrata l-informazzjoni li ġejja:

(a)	ir-rapport tal-output tal-għodda ta’ korrelazzjoni msemmi fil-punt 3.1.1 inkluż il-valur ta’ referenza tas-CO2 tal-NEDC imsemmi fil-punti 3.1.2 u 3.1.3 u l-valur iddikjarat mill-manifattur, bħala rapport tat-test skont l-Anness VIII tad-Direttiva 2007/46/KE;

(b)	il-valuri tas-CO2 tal-NEDC li jirriżultaw mill-kalkoli tal-kejl fiżiċi msemmijin fil-punt 3.2 f’dan l-Anness, fiċ-ċertifikat tal-approvazzjoni tat-tip speċifikat fl-Appendiċi tal-Addendum għaċ-ċertifikat tal-approvazzjoni tat-tip stipulat fl-Appendiċi 4 tal-Anness I tar-Regolament (UE) 2017/1151;

(c)

il-fattur ta’ devjazzjoni (De) u l-fattur ta’ verifika ddeterminati skont il-punt 3.2.8 ta’ dan l-Anness (jekk disponibbli), fiċ-ċertifikat tal-approvazzjoni tat-tip kif speċifikat fl-Appendiċi tal-Addendum għaċ-ċertifikat tal-approvazzjoni tat-tip stabbilit fl-Appendiċi 4 tal-Anness I tar-Regolament (UE) 2017/1151 u fl-entrata 49.1 taċ-ċertifikat ta’ konformità kif speċifikat fl-Anness IX tad-Direttiva 2007/46/KE;

(d)	il-valuri speċifiċi għall-fażijiet tal-NEDC u l-valuri tal-konsum tal-fjuwil speċifiċi għall-fażijiet u kombinati ddeterminati skont il-punt 3.3, kif speċifikat fl-Appendiċi tal-Addendum għaċ-ċertifikat tal-approvazzjoni tat-tip stabbilit fl-Appendiċi 4 tal-Anness I tar-Regolament (UE) 2017/1151;

(e)	il-valuri tas-CO2 (il-fażijiet kollha u kombinati) u tal-konsum tal-fjuwil (il-fażijiet kollha u kombinati) tal-NEDC iddeterminati skont il-punt 4.2 ta’ dan l-Anness, fl-entrata 49.1 taċ-ċertifikat ta’ konformità kif speċifikat fl-Anness IX tad-Direttiva 2007/46/KE.

---

(1)  https://co2mpas.io/

(2)  Mill-1 ta’ Awwissu 2017: jrc-co2mpas@ec.europa.eu

(*1)  Il-veloċità idle normali tal-magna, il-veloċità idle għolja tal-magna u t-torque nett massimu jew it-torque tal-veloċità u l-potenza tal-immappjar T1 huma neċessarji (għall-qlib tal-gerijiet)

(*2)  Id-dimensjonijiet tat-tajer jew il-proporzjon tal-ispid tal-veloċità huma neċessarji (għall-qlib tal-gerijiet)

ANNESS II

---

(1)  Skont l-Artikolu 3(8) ta’ dan ir-Regolament

(2)  Skont l-Artikolu 3(8) ta’ dan ir-Regolament

(3)  Skont l-Artikoli 3(7) u 3(8) ta’ dan ir-Regolament

(4)  Skont l-Artikoli 3 u 4 tar-Regolament ta’ Implimentazzjoni (UE) 2017/1152 (metodoloġija għall-korrelazzjoni)”