This document is an excerpt from the EUR-Lex website
Document 32017R0803
Commission Implementing Regulation (EU) 2017/803 of 8 May 2017 amending Regulation (EEC) No 316/91 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) 2017/803 tat-8 ta' Mejju 2017 li jemenda r-Regolament (KEE) Nru 316/91 dwar il-klassifikazzjoni ta' ċerti oġġetti fin-Nomenklatura Magħquda
Regolament ta' Implimentazzjoni tal-Kummissjoni (UE) 2017/803 tat-8 ta' Mejju 2017 li jemenda r-Regolament (KEE) Nru 316/91 dwar il-klassifikazzjoni ta' ċerti oġġetti fin-Nomenklatura Magħquda
C/2017/3219
ĠU L 121, 12.5.2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
12.5.2017 |
MT |
Il-Ġurnal Uffiċjali tal-Unjoni Ewropea |
L 121/1 |
REGOLAMENT TA' IMPLIMENTAZZJONI TAL-KUMMISSJONI (UE) 2017/803
tat-8 ta' Mejju 2017
li jemenda r-Regolament (KEE) Nru 316/91 dwar il-klassifikazzjoni ta' ċerti oġġetti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (1), u b'mod partikolari l-Artikolu 57(4) u l-Artikolu 58(2) tiegħu,
Billi:
|
(1) |
Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), huwa meħtieġ li jiġu adottati miżuri li jikkonċernaw il-klassifikazzjoni ta' ċerti prodotti. |
|
(2) |
Il-punt 2 tal-Anness tar-Regolament tal-Kummissjoni (KEE) Nru 316/91 (3) ikklassifika sustanza bajda mgħaġuna magħrufa bħala “krema tal-ġewż tal-Indi” li ġeneralment hija maħsuba għall-użu fil-kċina fit-tħejjija ta' zlazi u oġġetti oħra tal-ikel u mmanifatturata permezz tad-dħin fin tal-polpa tal-ġewż tal-Indi u ppasturizzata, taħt l-intestatura 2008 tan-Nomenklatura Magħquda bħala ġewż ippreparat mod ieħor, mhux speċifikat jew inkluż band'oħra. Il-klassifikazzjoni tal-prodott taħt l-intestatura 0801 tan-Nomenklatura Magħquda kienet eskluża minħabba li l-pasturizzazzjoni ma kinitx permessa fil-Kapitolu 8. |
|
(3) |
In-Nomenklatura Magħquda, stabbilita bir-Regolament (KEE) Nru 2658/87, hija bbażata fuq is-Sistema Armonizzata ta' Oġġetti (“Sistema Armonizzata”) internazzjonali, imfassla mill-Kunsill tal-Kooperazzjoni Doganali (issal-Organizzazzjoni Dinjija Doganali), u adottata mill-Konvenzjoni Internazzjonali, konkluża fi Brussell, fl-14 ta' Ġunju 1983, u approvata f'isem l-Unjoni bid-Deċiżjoni tal-Kunsill 87/369/KEE (4). |
|
(4) |
In-nota 3 a) tal-Kapitolu 8 ġiet introdotta fis-Sistema Armonizzata fl-1992. Din tippermetti trattament bis-sħana moderata għall-preservazzjoni jew stabilizzazzjoni addizzjonali ta' ġewż imnixxef li ssir referenza għalih f'dak il-Kapitolu. Skont id-dokumenti storiċi mis-Sistema Armonizzata, it-terminu “pasturizzazzjoni”, li oriġinarjament kien propost fit-test ta' dik in-nota fl-aħħar ġie sostitwit bl-espressjoni iktar ġenerali “trattament bis-sħana moderata”. In-noti ta' Spjega għan-Nomenklatura Magħquda tal-Unjoni Ewropea (5) għall-Kapitolu 8 iċċaraw fil-livell tal-Unjoni li l-pasturizzazzjoni hija, inter alia, ammissibbli għal ġewż u frott imnixxef ta' dan il-Kapitolu. |
|
(5) |
B'konsegwenza ta' dan, huwa xieraq li jitħassar il-punt 2 tat-tabella stipulata fl-Anness tar-Regolament (KEE) Nru 316/91, sabiex jiġu evitati diverġenzi potenzjali fil-klassifikazzjoni ta' prodotti mnixxfin tal-ġewż tal-Indi, bħall-krema tal-ġewż tal-Indi li tkun irċeviet trattament jkun ġie trattat bis-sħana moderata u biex tkun żgurata l-applikazzjoni uniformi tan-Nomenklatura Magħquda fl-Unjoni. |
|
(6) |
Għalhekk, ir-Regolament (KEE) Nru 316/91 għandu jiġi emendat skont dan. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Ir-ringiela li tikkorrispondi mal-oġġett 2 ġot-tabella li tinstab fl-Anness ta' dan ir-Regolament (KEE) Nru 316/91 hija mħassra.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Mejju 2017.
Għall-Kummissjoni,
F'isem il-President,
Stephen QUEST
Direttur Ġenerali
Direttorat Ġenerali għat-Tassazzjoni u l-Unjoni Doganali
(1) ĠU L 269, 10.10.2013, p. 1.
(2) Ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (ĠU L 256, 7.9.1987, p. 1).
(3) Ir-Regolament tal-Kummissjoni (KEE) Nru 316/91 tas-7 ta' Frar 1991 li jikkonċerna l-klassifikazzjoni ta' ċerti oġġetti fin-Nomenklatura Magħquda (ĠU L 37, 9.2.1991, p. 25).
(4) Id-Deċiżjoni tal-Kunsill 87/369/KEE tas-7 ta' April 1987 dwar il-konklużjoni tal-Konvenzjoni Internazzjonali dwar is-Sistema Armonizzata għad-Deskrizzjoni u l-Kodifika ta' Oġġetti u tal-Protokoll li Jemendaha (ĠU L 198, 20.7.1987, p. 1).
(5) ĠU C 214, 30.6.2015, p. 4.