31.3.2017   

MT

Il-Ġurnal Uffiċjali tal-Unjoni Ewropea

L 87/183

(1)

Żewġ għanijiet ewlenin għandhom jintlaħqu fl-ispeċifikazzjoni tal-obbligi għall-ġenerazzjoni tas-suq tan-negozjar algoritmiku li jsegwi strateġija ta' ġenerazzjoni tas-suq u l-obbligi relatati taċ-ċentri tan-negozjar. L-ewwel, element ta' prevedibbiltà għal-likwidità apparenti fir-reġistru tal-ordnijiet għandu jiġu introdott billi jiġu stabbiliti obbligi kuntrattwali għad-ditti tal-investiment li jsegwu strateġiji ta' ġenerazzjoni tas-suq. It-tieni nett, il-preżenza ta' dawk id-ditti fis-suq għandha tkun inċentivata, speċjalment matul kundizzjonijiet ta' stress fis-suq.

(2)

Id-dispożizzjonijiet f'dan ir-Regolament huma marbutin mill-qrib billi jittrattaw sett ta' obbligi relatati għal ditti ta' investiment involuti f'negozjar algoritmiku u li jsegwu strateġiji ta' ġenerazzjoni tas-suq u għal ċentri tan-negozjar fejn dawn l-istrateġiji ta' ġenerazzjoni tas-suq jistgħu jitwettqu. Sabiex tiġi żgurata l-koerenza bejn dawk id-dispożizzjonijiet, li għandhom jidħlu fis-seħħ fl-istess ħin, u biex tiġi ffaċilitata perspettiva komprensiva u aċċess kumpatt għalihom mill-persuni suġġetti għal dawk l-obbligi, inklużi investituri li mhumiex residenti fl-Unjoni, ikun tajjeb li dawn id-dispożizzjonijiet ikunu inklużi f'Regolament wieħed.

(3)

Dan ir-Regolament għandu japplika mhux biss għal swieq regolati, iżda wkoll għal faċilitajiet multilaterali tan-negozjar u faċilitajiet organizzati tan-negozjar, kif meħtieġ mill-Artikolu 18(5) tad-Direttiva 2014/65/UE.

(4)

Strateġiji ta' ġenerazzjoni tas-suq jistgħu jkunu relatati ma' strument finanzjarju wieħed jew aktar u ma' ċentru tan-negozjar wieħed jew aktar. Madankollu, f'ċerti każijiet, jista' ma jkunx possibbli li ċentru tan-negozjar jimmonitorja strateġiji li jinvolvu iktar minn ċentru tan-negozjar jew strument wieħed. F'dawk il-każijiet, iċ-ċentri tan-negozjar għandhom ikunu kapaċi, skont in-natura, l-iskala u l-kumplessità tan-negozju tagħhom, jimmonitorjaw strateġiji ta' ġenerazzjoni tas-suq segwiti fiċ-ċentru tagħhom, u għalhekk għandhom jillimitaw il-ftehimiet jew l-iskemi ta' ġenerazzjoni tas-suq korrispondenti għal dawk is-sitwazzjonijiet biss.

(5)

Il-membri jew il-parteċipanti kollha involuti f'negozjar algoritmiku li jsegwi strateġija għall-ġenerazzjoni tas-suq f'ċentru tan-negozjar li jippermetti jew jiffaċilita kummerċ algoritmiku għandhom jidħlu fi ftehim tal-ġenerazzjoni tas-suq mal-operatur ta' dak iċ-ċentru tan-negozjar. Inċentivi fi skema ta' ġenerazzjoni tas-suq għandhom, madankollu, ikunu meħtieġa biss għal ċerti strumenti nnegozjati permezz ta' sistema ta' negozjar b'reġistru tal-ordnijiet ta' rkant kontinwu. Xejn ma għandu jwaqqaf liċ-ċentri tan-negozjar milli jistabbilixxu kull tip ta' inċentiv ieħor fuq l-inizjattiva tagħhom stess għal strumenti finanzjarji jew sistemi tan-negozjar oħra.

(6)

Għandhom ikunu identifikati b'mod ċar każijiet fejn ma hemm l-ebda rekwiżit obbligatorju għaċ-ċentri tan-negozjar biex jistabbilixxu skema ta' ġenerazzjoni tas-suq li tqis in-natura u l-iskala tan-negozju f'dawk iċ-ċentri tan-negozjar. Għal dan l-għan, huwa xieraq li jiġu identifikati strumenti finanzjarji u sistemi ta' negozjar li jżidu r-riskju ta' volatilità għolja u li għalihom huwa kruċjali li l-provvista ta' likwidità tkun inċentivata, sabiex jiġi żgurat il-funzjonament ordinat u effiċjenti tas-swieq. F'dan ir-rigward, dan ir-Regolament għandu jqis li meta ċerti strumenti likwidi jiġu negozjati algoritmikament f'sistemi ta' negozjar b'reġistru tal-ordnijiet ta' rkant kontinwu jkun hemm riskju akbar ta' reazzjoni sproporzjonata għal avvenimenti esterni li tista' żżid il-volatilità tas-suq.

(7)

Iċ-ċentri tan-negozjar li għalihom ikun meqjus xieraq li jkollhom fis-seħħ skemi ta' ġenerazzjoni tas-suq skont dan ir-Regolament għandhom ikunu meħtieġa li jirrieżaminaw il-ftehimiet eżistenti tagħhom sabiex jiżguraw li d-dispożizzjonijiet ta' dawk il-ftehimiet dwar negozjar algoritmiku li jsegwi strateġija ta' ġenerazzjoni tas-suq ikunu konformi ma' dan ir-Regolament.

(8)

L-iskema għall-ġenerazzjoni tas-suq tista' tinċentiva lid-ditti tal-investiment li jkunu ffirmaw ftehim ta' ġenerazzjoni tas-suq sabiex iwettqu l-obbligi tagħhom taħt ċirkostanzi normali ta' negozju, iżda għandha tipprovdi inċentivi għad-ditti li b'mod effettiv jikkontribwixxu għall-forniment ta' likwidità f'kundizzjonijiet ta' stress fis-suq. Għalhekk, għandu jkun hemm skema ta' inċentivi li jillimitaw l-irtirar f'daqqa u fuq skala kbira ta' likwidità f'kundizzjonijiet ta' stress fis-suq. Sabiex tiġi evitata applikazzjoni diverġenti ta' dan l-obbligu, huwa importanti li ċ-ċentri tan-negozjar jikkomunikaw l-eżistenza ta' kundizzjonijiet ta' stress fis-suq lill-partijiet kollha tal-iskema għall-ġenerazzjoni tas-suq. Ċirkostanzi eċċezzjonali għandhom jiġu ddeterminati b'mod eżawrjenti u għalhekk ma jinkludu l-ebda avveniment ta' informazzjoni regolari jew ippjanat minn qabel li jista' jaffettwa l-valur ġust ta' strument finanzjarju minħabba bidliet fil-perċezzjoni tar-riskju tas-suq, kemm jekk iseħħ waqt il-ħinijiet ta' negozju kif ukoll jekk iseħħ barra minnhom.

(9)

Il-membri, il-parteċipanti jew il-klijenti li jkunu ffirmaw ftehim ta' ġenerazzjoni tas-suq għandhom jissodisfaw sett minimu ta' rekwiżiti f'termini ta' preżenza, daqs u firxa fil-każijiet kollha. Madankollu, il-membri, il-parteċipanti jew il-klijenti li jissodisfaw dawk ir-rekwiżiti minimi biss f'ċirkostanzi normali ta' kummerċ mhux bilfors ikollhom aċċess għal xi tip ta' inċentiv. Iċ-ċentri tan-negozjar jistgħu jistabbilixxu skemi ta' ġenerazzjoni tas-suq li jippremjaw biss lill-membri, il-parteċipanti jew il-klijenti li jissodisfaw parametri aktar stretti f'termini ta' preżenza, daqs u firxa. L-iskemi għall-ġenerazzjoni tas-suq stabbiliti minn ċentri tan-negozjar għandhom għalhekk jindikaw b'mod ċar il-kundizzjonijiet għall-aċċess għal inċentivi u għandhom iqisu l-kontribuzzjoni effettiva għal-likwidità fiċ-ċentru tan-negozjar imkejla f'termini ta' preżenza, daqs u firxa mill-parteċipanti fl-iskemi.

(10)

Sabiex tiġi evitata applikazzjoni diverġenti ta' dan ir-Regolament u biex tiġi żgurata implimentazzjoni ġusta u mhux diskriminatorja tal-iskemi għall-ġenerazzjoni tas-suq, huwa kruċjali li l-membri, il-parteċipanti u l-klijenti kollha ta' ċentru tan-negozjar jiġu infurmati b'mod ikkoordinat dwar l-okkorrenza ta' ċirkostanzi eċċezzjonali. Huwa għalhekk meħtieġ li jiġu speċifikati l-obbligi ta' komunikazzjoni taċ-ċentri tan-negozjar f'dawn iċ-ċirkostanzi eċċezzjonali.

(11)

Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, huwa neċessarju li d-dispożizzjonijiet stabbiliti f'dan ir-Regolament kif ukoll id-dispożizzjonijiet nazzjonali relatati li jittrasponu d-Direttiva 2014/65/UE japplikaw mill-istess data.

(12)

Dan ir-Regolament huwa bbażat fuq l-abbozz tal-istandards tekniċi regolatorji sottomess mill-Awtorità Ewropea tat-Titoli u s-Swieq lill-Kummissjoni.

(13)

L-Awtorità Ewropea tat-Titoli u s-Swieq wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit mill-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2),

(a)

jistabbilixxu kwotazzjonijiet sodi u simultanji fuq iż-żewġ naħat ta' daqs komparabbli u bi prezzijiet kompetittivi

(b)

jinnegozjaw f'isimhom stess f'tal-inqas strument finanzjarju wieħed f'ċentru tan-negozjar wieħed għal mill-inqas 50 % tas-sigħat tan-negozjar ta' kuljum ta' negozjar kontinwu fiċ-ċentru tan-negozjar rispettiv, esklużi l-irkanti tal-ftuħ u tal-għeluq.

(a)

kwotazzjoni għandha titqies bħala kwotazzjoni soda meta din tkun tinkludi ordnijiet u kwotazzjonijiet li skont ir-regoli ta' ċentru tan-negozjar ikunu jistgħu jitqabblu ma' ordni jew kwotazzjoni opposta;

(b)

il-kwotazzjonijiet għandhom jitqiesu bħala kwotazzjonijiet simultanji fuq iż-żewġ naħat jekk isiru b'tali mod li kemm il-prezz tal-offerta kif ukoll dak tat-talba jkunu jinsabu fir-reġistru tal-ordnijiet fl-istess ħin;

(c)

żewġ kwotazzjonijiet għandhom jitqiesu li jkunu ta' daqs komparabbli meta ma jkunx hemm diverġenza ta' aktar minn 50 % bejn id-daqsijiet tagħhom;

(d)

il-kwotazzjonijiet għandhom jitqiesu li jkollhom prezzijiet kompetittivi meta jkunu mqiegħda mhux 'il barra mill-firxa massima bejn it-talba u l-offerta stabbilita miċ-ċentru tan-negozjar u li tiġi imposta fuq kull ditta tal-investiment li tkun iffirmat ftehim ta' ġenerazzjoni tas-suq ma' dak iċ-ċentru tan-negozjar.

(a)

l-istrument jew l-istrumenti finanzjarji koperti mill-ftehim;

(b)

l-obbligi minimi li jridu jiġu ssodisfati mid-ditta tal-investiment f'termini ta' preżenza, daqs u firxa li għandhom jeħtieġu mill-anqas it-tqegħid ta' kwotazzjonijiet sodi u simultanji fuq iż-żewġ naħat, ta' daqs komparabbli u bi prezzijiet kompetittivi f'tal-inqas strument finanzjarju wieħed fiċ-ċentru tan-negozjar għal tal-inqas 50 % tas-sigħat tan-negozju ta' kuljum li matulhom isir negozjar kontinwu minbarra l-irkanti tal-ftuħ u tal-għeluq u kkalkulati għal kull jum ta' negozjar;

(c)

fejn ikun xieraq, it-termini tal-iskema applikabbli għall-ġenerazzjoni tas-suq;

(d)

l-obbligi tad-ditta tal-investiment fir-rigward tat-tkomplija tan-negozjar wara interruzzjonijiet minħabba l-volatilità;

(e)

l-obbligi tas-sorveljanza, il-konformità u l-awditjar tad-ditta tal-investiment li jippermettulha li tissorvelja l-attività ta' ġenerazzjoni tas-suq tagħha;

(f)

l-obbligu li jiġu mmarkati kwotazzjonijiet sodi ppreżentati liċ-ċentru tan-negozjar skont il-ftehim ta' ġenerazzjoni tas-suq sabiex issir distinzjoni bejn dawk il-kwotazzjonijiet u flussi tal-ordnijiet oħra;

(g)

l-obbligu li jinżammu rekords ta' kwotazzjonijiet sodi u tranżazzjonijiet li għandhom x'jaqsmu ma' attivitajiet ta' ġenerazzjoni tas-suq tad-ditta tal-investiment, li jkunu distinti b'mod ċar minn attivitajiet oħra ta' negozjar u li dawn ir-rekords ikunu disponibbli għaċ-ċentru tan-negozjar u għall-awtorità kompetenti fuq talba.

(a)

sitwazzjoni ta' volatilità estrema li tiskatta mekkaniżmi tal-volatilità għall-biċċa l-kbira tal-istrumenti finanzjarji jew is-sottostanti ta' strumenti finanzjarji nnegozjati f'segment tan-negozjar fiċ-ċentru tan-negozjar li fir-rigward tagħhom japplika l-obbligu li jiġi ffirmat ftehim tal-ġenerazzjoni tas-suq;

(b)

gwerra, azzjoni industrijali, inkwiet ċivili jew sabotaġġ ċibernetiku;

(c)

kundizzjonijiet ta' negozjar diżordinati fejn iż-żamma ta' eżekuzzjoni ġusta, ordinata u trasparenti tat-tranżazzjonijiet tkun kompromessa, u tiġi pprovduta evidenza ta' xi waħda minn dawn li ġejjin:

(d)

meta l-kapaċità tad-ditta tal-investiment sabiex iżżomm prattiki tal-immaniġġjar tar-riskju prudenti tkun impedita minn xi waħda minn dawn li ġejjin:

(e)

għall-istrumenti mhux ta' ekwità, matul il-perjodu ta' sospensjoni msemmi fl-Artikolu 9(4) tar-Regolament (UE) Nru 600/2014 tal-Parlament Ewropew u tal-Kunsill (3).

(a)

ishma u fondi negozjati fil-borża li għalihom hemm suq likwidu kif definit skont l-Artikolu 2(1)(17) tar-Regolament (UE) Nru 600/2014 u kif speċifikat fir-Regolament Delegat tal-Kummissjoni (UE) 2017/567 (4);

(b)

l-opzjonijiet u l-futuri direttament relatati mal-istrumenti finanzjarji stabbiliti fil-punt (a);

(c)

futuri tal-indiċi tal-ekwità u opzjonijiet tal-indiċi tal-ekwità li għalihom hemm suq likwidu kif speċifikat skont il-punt (c) tal-Artikolu 9(1) u l-punt (c) tal-Artikolu 11(1) tar-Regolament (UE) Nru 600/2014 u r-Regolament Delegat tal-Kummissjoni (UE) 2017/583 (5).

(a)

kundizzjonijiet tan-negozjar normali fejn iċ-ċentru tan-negozjar joffri inċentivi għal dawn il-kundizzjonijiet.

(b)

kundizzjonijiet ta' stress fis-suq, filwaqt li jitqiesu r-riskji addizzjonali f'dawn il-kundizzjonijiet.