This document is an excerpt from the EUR-Lex website
Document 32017R0548
Commission Implementing Regulation (EU) 2017/548 of 23 March 2017 laying down a standard form for the written statement on the removal or breakage of a tachograph seal (Text with EEA relevance. )
Regolament ta' Implimentazzjoni tal-Kummissjoni (UE) 2017/548 tat-23 ta' Marzu 2017 li jistabbilixxi formola standard għad-dikjarazzjoni bil-miktub dwar it-tneħħija jew it-tkissir ta' siġill tat-takografu (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/548 tat-23 ta' Marzu 2017 li jistabbilixxi formola standard għad-dikjarazzjoni bil-miktub dwar it-tneħħija jew it-tkissir ta' siġill tat-takografu (Test b'rilevanza għaż-ŻEE. )
C/2017/1799
ĠU L 79, 24.3.2017, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.3.2017 |
MT |
Il-Ġurnal Uffiċjali tal-Unjoni Ewropea |
L 79/1 |
REGOLAMENT TA' IMPLIMENTAZZJONI TAL-KUMMISSJONI (UE) 2017/548
tat-23 ta' Marzu 2017
li jistabbilixxi formola standard għad-dikjarazzjoni bil-miktub dwar it-tneħħija jew it-tkissir ta' siġill tat-takografu
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 165/2014 tal-Parlament Ewropew u tal-Kunsill tal-4 ta' Frar 2014 dwar takografi fit-trasport bit-triq, li jħassar ir-Regolament tal-Kunsill (KEE) Nru 3821/85 dwar apparat ta' reġistrazzjoni għat-trasport bit-triq u li jemenda r-Regolament (KE) Nru 561/2006 tal-Parlament Ewropew u tal-Kunsill dwar l-armonizzazzjoni ta' ċerta leġiżlazzjoni soċjali li għandha x'taqsam mat-trasport bit-triq (1), mod partikolari l-Artikolu 22(5) tiegħu,
Billi:
|
(1) |
Ir-Regolament (UE) Nru 165/2014 jistabbilixxi r-rekwiżiti amministrattivi u tekniċi relatati mal-kostruzzjoni, l-installazzjoni, l-użu, l-ittestjar u l-kontroll tat-takografi użati fit-trasport bit-triq. |
|
(2) |
L-Artikolu 22(5) tar-Regolament (UE) Nru 165/2014 jistabbilixxi li f'każijiet meta siġill jitneħħa jew jitkisser għall-iskop ta' tiswija jew modifika tal-vettura, għandha tinżamm fil-vettura dikjarazzjoni bil-miktub li ssemmi d-data u l-ħin meta s-siġill inkiser u tagħti r-raġunijiet għat-tneħħija tas-siġill. |
|
(3) |
Ir-Regolament (UE) Nru 165/2014 jitlob lill-Kummissjoni tiżviluppa formola standard għad-dikjarazzjoni bil-miktub. |
|
(4) |
Il-miżuri previsti f'dan ir-Regolament huma skont l-opinjoni tal-Kumitat dwar it-Trasport bit-Triq, |
ADOTTAT DAN IR-REGOLAMENT:
Artikolu 1
Il-membru tal-persunal tal-ħanut tax-xogħol li jkun neħħa jew kisser is-siġill tat-takografu minħabba tiswija jew modifika tal-vettura, kif imsemmi fl-Artikolu 22(5) tar-Regolament (UE) Nru 165/2014, għandu jikkompleta, jiffirma u jittimbra dikjarazzjoni bil-miktub bl-informazzjoni stipulata fl-Anness ta' dan ir-Regolament. Id-dikjarazzjoni bil-miktub oriġinali għandha tinżamm fil-vettura, u kopja ttimbrata għandha tibqa' fil-ħanut tax-xogħol fejn is-siġill tneħħa jew tkisser.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Marzu 2017.
Għall-Kummissjoni
Il-President
Jean-Claude JUNCKER
ANNESS
Dikjarazzjoni bil-miktub dwar it-tneħħija jew it-tkissir ta' siġill tat-takografu
|
1. |
Numru tar-reġistrazzjoni tal-vettura |
|
2. |
Numru ta' identifikazzjoni tal-vettura |
|
3. |
Isem tax-xufier |
|
4. |
Liċenzja Komunitarja tat-trasportatur jew tat-trasportatur (1) |
|
5. |
Isem tal-ħanut tax-xogħol |
|
6. |
Indirizz tal-ħanut tax-xogħol |
|
7. |
Numru ta' identifikazzjoni tal-ħanut tax-xogħol |
|
8. |
Isem il-membru tal-persunal responsabbli għat-tneħħija tas-siġill |
|
9. |
Numru tas-siġill imneħħi |
|
10. |
Data u ħin ta' tneħħija tas-siġill |
|
11. |
Raġuni(ijiet) għat-tneħħija |
|
12. |
Rimarki
|
Post u data
Firma tal-membru tal-persunal
Firma tax-xufier
(1) Meta applikabbli, skont l-Artikolu 4 tar-Regolament (KE) Nru 1072/2009 tal-Parlament Ewropew u tal-Kunsill tal-21 ta' Ottubru 2009 dwar regoli komuni għall-aċċess għas-suq internazzjonali tat-trasport bit-triq tal-merkanzija (ĠU L 300, 14.11.2009, p. 72) jew l-Artikolu 4 tar-Regolament (KE) Nru 1073/2009 tal-Parlament Ewropew u tal-Kunsill tal-21 ta' Ottubru 2009 dwar regoli komuni għall-aċċess għas-suq internazzjonali tas-servizzi tal-kowċ u x-xarabank, u li jħassar ir-Regolament (KE) Nru 561/2006 (ĠU L 300, 14.11.2009, p. 88).