This document is an excerpt from the EUR-Lex website
Document 32017R0331
Council Regulation (EU) 2017/331 of 27 February 2017 amending Regulation (EC) No 765/2006 concerning restrictive measures in respect of Belarus
Regolament tal-Kunsill (UE) 2017/331 tas-27 ta' Frar 2017 li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
Regolament tal-Kunsill (UE) 2017/331 tas-27 ta' Frar 2017 li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
ĠU L 50, 28.2.2017, p. 9–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
28.2.2017 |
MT |
Il-Ġurnal Uffiċjali tal-Unjoni Ewropea |
L 50/9 |
REGOLAMENT TAL-KUNSILL (UE) 2017/331
tas-27 ta' Frar 2017
li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill 2012/642/PESK tal-15 ta' Ottubru 2012 dwar miżuri restrittivi kontra l-Belarussja (1),
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u l-Kummissjoni Ewropea,
Billi:
|
(1) |
Ir-Regolament tal-Kunsill (KE) Nru 765/2006 (2), jipprevedi projbizzjoni fuq l-esportazzjoni lil kwalunkwe persuna, entità jew korp, ta' tagħmir li jista' jintuża għar-repressjoni interna fil-Belarussja kif ukoll il-provvediment ta' assistenza teknika, servizzi ta' senserija, finanzjament jew assistenza finanzjarja relatati. |
|
(2) |
Ir-Regolament (KE) Nru 765/2006 jagħti effett lill-miżuri previsti fid-Deċiżjoni 2012/642/PESK. |
|
(3) |
Id-Deċiżjoni tal-Kunsill (PESK) 2017/350 (3) li temenda d-Deċiżjoni 2012/642/PESK teżenta t-tagħmir tal-biathlon mill-projbizzjoni fuq l-esportazzjoni. |
|
(4) |
Xejn f'dan ir-Regolament m'għandu jaffetwa r-rekwiżiti tal-liċenzja skont ir-Regolament (UE) Nru 258/2012 tal-Parlament Ewropew u tal-Kunsill (4). |
|
(5) |
Jenħtieġ li r-Regolament (KE) Nru 765/2006 jiġi emendat skont dan. |
|
(6) |
Sabiex jiġi żgurat li l-miżuri previsti f'dan ir-Regolament ikunu effettivi, jenħtieġ li dan ir-Regolament jidħol fis-seħħ immedjatament, |
ADOTTA DAN IR-REGOLAMENT:
Artikolu 1
1. Ir-Regolament (KE) Nru 765/2006 għandu għalhekk jiġi emendat kif ġej:
|
(1) |
Fl-Artikolu 1a, il-paragrafu li ġej huwa miżjud: “4. Il-paragrafu 1 m'għandux japplika għall-azzarini u l-munizzjon tagħhom u viżwali ta' mira li huma elenkati fl-Anness IV u li wkoll jikkonformaw mal-ispeċifikazzjonijiet għal tagħmir tal-biathlon kif definit fir-regoli tal-avvenimenti u l-kompetizzjonijiet tal-Unjoni Internazzjonali tal-Biathlon (IBU) u huma maħsuba esklussivament għall-użu f'avvenimenti u taħriġ tal-biathlon.”; |
|
(2) |
fl-Artikolu 1b, jiżdied il-paragrafu li ġej: “4. Il-paragrafu 1 m'għandux japplika għall-azzarini u l-munizzjon tagħhom u viżwali ta' mira li huma elenkati fl-Anness IV u li wkoll jikkonformaw mal-ispeċifikazzjonijiet għal tagħmir tal-biathlon kif definit fir-regoli tal-avvenimenti u l-kompetizzjonijiet tal-IBU u huma maħsuba esklussivament għall-użu f'avvenimenti u taħriġ tal-biathlon.”. |
2. It-test fl-Anness għal dan ir-Regolament jiżdied mar-Regolament (KE) Nru 765/2006 bħala l-Anness IV.
Artikolu 2
Dan ir-Regolament għandu jidħol fis-seħħ fid-data tal-pubblikazzjoni tiegħu f' Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Frar 2017.
Għall-Kunsill
Il-President
K. MIZZI
(1) ĠU L 285, 17.10.2012, p. 1.
(2) Ir-Regolament tal-Kunsill (KE) Nru 765/2006 tat-18 ta' Mejju 2006 dwar miżuri restrittivi fir-rigward tal-Belarussja (ĠU L 134, 20.5.2006, p. 1).
(3) Id-Deċiżjoni tal-Kunsill (PESK) 2017/350 tas-27 ta' Frar 2017 li temenda d-Deċiżjoni 2012/642/PESK dwar miżuri restrittivi kontra l-Belarussja (ĠU L 50, 28.2.2017, p. 81).
(4) Ir-Regolament (UE) Nru 258/2012 tal-Parlament Ewropew u tal-Kunsill tal-14 ta' Marzu 2012 li jimplimenta l-Artikolu 10 tal-Protokoll tan-Nazzjonijiet Uniti kontra l-iffabrikar illeċitu ta' u l-ittraffikar fl-armi tan-nar, il-partijiet, komponenti u ammunizzjoni tagħhom, li tissupplimenta l-Konvenzjoni tan-Nazzjonijiet Uniti kontra l-kriminalità organizzata transnazzjonali (il-Protokoll tan-NU dwar l-Armi tan-Nar) u li jistabbilixxi awtorizzazzjoni għall-esportazzjoni, u miżuri rigward l-importazzjoni u t-transitu għall-armi tan-nar, il-partijiet u l-komponenti tagħhom u l-ammunizzjoni (ĠU L 94, 30.3.2012, p. 1).
ANNESS
“ANNESS IV
Azzarini, munizzjon u viżwali ta' mira msemmija fl-Artikolu 1a u 1b li wkoll jikkonformaw mal-ispeċifikazzjonijiet għal tagħmir tal-biathlon kif definit fir-regoli tal-avvenimenti u l-kompetizzjonijiet tal-Unjoni Internazzjonali tal-Biathlon
Azzarini tal-biathlon:
|
ex 9303 30 |
Azzarini oħrajn tal-isports, għal kaċċa jew sparar għal targits |
Munizzjon għal azzarini tal-biathlon:
|
ex 9306 21 |
Skrataċ tas-snieter |
|
ex 9306 29 |
Partijiet tal-iskrataċ tas-snieter |
|
ex 9306 30 90 |
Skrataċ u patijiet tagħhom, għal armi li mhumiex snieter, armi militari, rivolvers u pistoli tal-intestatura 9302, maxinganns ħfief tal-intestatura 9301 |
Viżwali ta' mira għal azzarini tal-biathlon:
|
ex 9305 20 |
Partijiet u aċċessorji ta' snieter jew azzarini tal-intestatura 9303” |