This document is an excerpt from the EUR-Lex website
Document 32017R0078
Commission Implementing Regulation (EU) 2017/78 of 15 July 2016 establishing administrative provisions for the EC type-approval of motor vehicles with respect to their 112-based eCall in-vehicle systems and uniform conditions for the implementation of Regulation (EU) 2015/758 of the European Parliament and of the Council with regard to the privacy and data protection of users of such systems (Text with EEA relevance. )
Regolament ta' Implimentazzjoni tal-Kummissjoni (UE) 2017/78 tal-15 ta' Lulju 2016 li jistabbilixxi dispożizzjonijiet amministrattivi għall-approvazzjoni tat-tip tal-KE ta' vetturi bil-mutur fir-rigward tas-sistemi eCall immuntati fil-vetturi bbażati fuq in-numru 112 u kundizzjonijiet uniformi għall-implimentazzjoni tar-Regolament (UE) 2015/758 tal-Parlament Ewropew u tal-Kunsill fir-rigward tal-protezzjoni tal-privatezza u d-dejta ta' utenti ta' tali sistemi (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/78 tal-15 ta' Lulju 2016 li jistabbilixxi dispożizzjonijiet amministrattivi għall-approvazzjoni tat-tip tal-KE ta' vetturi bil-mutur fir-rigward tas-sistemi eCall immuntati fil-vetturi bbażati fuq in-numru 112 u kundizzjonijiet uniformi għall-implimentazzjoni tar-Regolament (UE) 2015/758 tal-Parlament Ewropew u tal-Kunsill fir-rigward tal-protezzjoni tal-privatezza u d-dejta ta' utenti ta' tali sistemi (Test b'rilevanza għaż-ŻEE. )
C/2016/4386
ĠU L 12, 17.1.2017, p. 26–43
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
17.1.2017 |
MT |
Il-Ġurnal Uffiċjali tal-Unjoni Ewropea |
L 12/26 |
REGOLAMENT TA' IMPLIMENTAZZJONI TAL-KUMMISSJONI (UE) 2017/78
tal-15 ta' Lulju 2016
li jistabbilixxi dispożizzjonijiet amministrattivi għall-approvazzjoni tat-tip tal-KE ta' vetturi bil-mutur fir-rigward tas-sistemi eCall immuntati fil-vetturi bbażati fuq in-numru 112 u kundizzjonijiet uniformi għall-implimentazzjoni tar-Regolament (UE) 2015/758 tal-Parlament Ewropew u tal-Kunsill fir-rigward tal-protezzjoni tal-privatezza u d-dejta ta' utenti ta' tali sistemi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/758 tal-Parlament Ewropew u tal-Kunsill tad-29 ta' April 2015 li jikkonċerna rekwiżiti għall-approvazzjoni skont it-tip għall-iskjerament tas-sistema eCall immuntata fil-vettura bbażata fuq is-servizz 112 u li jemenda d-Direttiva 2007/46/KE (1), u b'mod partikolari l-Artikoli 6(13) u 9 tiegħu,
Billi:
(1) |
Ir-Regolament (UE) 2015/758 jistabbilixxi obbligu ġenerali għal tipi ġodda ta' vetturi tal-kategoriji M1 u N1 li jridu jkunu mgħammra b'sistemi eCall immuntati fil-vetturi bbażati fuq in-numru 112 mill-31 ta' Marzu 2018. |
(2) |
Ir-Regolament Delegat tal-Kummissjoni (UE) 2017/79 (2) jistabbilixxi r-rekwiżiti tekniċi speċifiċi u l-proċeduri tal-ittestjar għall-approvazzjoni tat-tip tal-KE ta' vetturi bil-mutur fir-rigward tas-sistemi eCall tagħhom immuntati fil-vetturi bbażati fuq in-numru 112, kif ukoll għall-approvazzjoni tat-tip tal-KE tal-Unitajiet Tekniċi Separati (“STUs”) immuntati fil-vetturi bbażati fuq in-numru 112 u l-komponenti tas-sistemi eCall immuntati fil-vetturi bbażati fuq in-numru 112. |
(3) |
Id-Direttiva 2007/46/KE tal-Parlament Ewropew u tal-Kunsill (3) tistabbilixxi l-qafas ġenerali għall-approvazzjoni tat-tip tal-KE ta' vetturi bil-mutur u tiddefinixxi r-rwoli u r-responsabbiltajiet tal-atturi kollha involuti fi stadji differenti tal-proċess ta' approvazzjoni. Barra minn hekk, jeħtieġ li jiġu stabbiliti d-dispożizzjonijiet amministrattivi speċifiċi għall-approvazzjoni tat-tip tal-KE ta' vetturi bil-mutur mgħammra b'sistemi eCall immuntati fil-vetturi bbażati fuq in-numru 112, kif ukoll b'STUs u b'komponenti immuntati fil-vetturi bbażati fuq in-numru 112. |
(4) |
Sabiex jiġu żgurati kundizzjonijiet uniformi għall-implimentazzjoni tal-proċeduri tal-ittestjar għall-approvazzjoni tat-tip tal-KE u biex tiġi ssimplifikata l-applikazzjoni għal dik l-approvazzjoni, għandu jiġi stabbilit sett standardizzat ta' dokumenti ta' informazzjoni, mudelli ta' ċertifikati għall-approvazzjoni tat-tip tal-KE u mudelli għall-marka tal-approvazzjoni tat-tip tal-KE. |
(5) |
Il-manifatturi għandhom jiżguraw li s-sistemi eCall immuntati fil-vetturi bbażati fuq in-numru 112 ma jkunux jistgħu jiġu traċċati u ma jkunu soġġetti għall-ebda segwiment kostanti. Għal dak l-għan, għandu jiġi żgurat li s-sistemi eCall immuntati fil-vetturi bbażati fuq in-numru 112 ma jkunux disponibbli għall-komunikazzjoni meta jkunu fl-istatus operattiv normali tagħhom u li d-dejta fil-memorja interna tagħhom ma tkunx disponibbli barra mis-sistemi għal ebda entità qabel ma tiġi skattata l-eCall. Il-manifatturi għandhom jimplimentaw ukoll salvagwardji adegwati sabiex jipproteġu s-sigurtà tad-dejta fil-memorja interna tas-sistema minn aċċess mhux awtorizzat jew użu ħażin. |
(6) |
Kwalunkwe dejta pproċessata permezz tas-sistema eCall immuntata fil-vettura bbażata fuq in-numru 112 trid tkun adegwata, rilevanti u proporzjonata mal-għanijiet li għalihom dik id-dejta tinġabar u tiġi pproċessata. |
(7) |
Il-konsumaturi għandhom jingħataw informazzjoni komprensiva u affidabbli dwar il-funzjonament tas-sistema eCall immuntata fil-vettura bbażata fuq in-numru 112 u partikolarment fuq il-mod kif tiġi pproċessata d-dejta permezz ta' dik is-sistema u kif dik id-dejta tiġi protetta. Il-konsumaturi għandhom ikunu infurmati wkoll dwar il-karatteristiċi u l-fatturi ta' kwalunkwe servizz ta' emerġenza privat jew ta' servizzi oħra ta' valur miżjud, jekk dawn ikunu mmuntati fil-vettura bil-mutur. |
(8) |
Approċċ konsistenti dwar l-informazzjoni li trid tingħata lill-konsumaturi dwar il-funzjonament tas-sistema eCall immuntata fil-vettura bbażata fuq in-numru 112 jirrikjedi li jiġi stabbilit mudell ta' informazzjoni għall-utenti li jkun fih l-informazzjoni minima li trid tingħata flimkien mad-dokumentazzjoni teknika tal-vettura. |
(9) |
Il-manifatturi tal-vetturi għandhom jingħataw biżżejjed żmien biex jadattaw għar-rekwiżiti tekniċi għall-approvazzjoni tas-sistemi eCall immuntati fil-vetturi bbażati fuq in-numru 112. L-Istati Membri għandhom ukoll jingħataw żmien biżżejjed biex jużaw fit-territorju tagħhom l-infrastruttura għall-Punt ta' Tweġiba tas-Sikurezza Pubblika (“PSAP”) meħtieġa biex l-eCalls jaslu u jiġu ġestiti b'mod xieraq. Għal dik ir-raġuni, id-data tal-applikazzjoni ta' dan ir-Regolament għandha tkun l-istess bħad-data tal-applikazzjoni obbligatorja tas-sistemi eCall immuntati fil-vetturi bbażati fuq in-numru 112 f'konformità mar-Regolament (UE) 2015/758. |
(10) |
Il-miżuri previsti f'dan ir-Regolament huma kkonsultati mal-Kontrollur Ewropew għall-Protezzjoni tad-Dejta f'konformità mal-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill (4). |
(11) |
Il-miżuri previsti f'dan ir-Regolament huma konformi mal-opinjoni tal-Kumitat Tekniku — Vetturi bil-Mutur. |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi d-dispożizzjonijiet amministrattivi għall-approvazzjoni ta' tipi ġodda ta' vetturi fir-rigward tas-sistemi eCall immuntati fil-vetturi bbażati fuq in-numru 112, kif ukoll ta' Unitajiet Tekniċi Separati (“STUs”) eCall immuntati fil-vetturi bbażati fuq in-numru 112 u komponenti eCall immuntati fil-vetturi bbażati fuq in-numru 112.
Jistabbilixxi wkoll kundizzjonijiet uniformi għall-implimentazzjoni tad-dispożizzjonijiet tar-Regolament (UE) 2015/758 fir-rigward tal-privatezza u l-protezzjoni tad-dejta tal-utenti tas-sistemi eCall immuntati fil-vetturi bbażati fuq in-numru 112.
Artikolu 2
Approvazzjoni tat-tip tal-KE ta' vetturi fir-rigward tas-sistemi eCall tagħhom immuntati fil-vetturi bbażati fuq in-numru 112
1. Il-manifattur għandu jressaq quddiem l-awtorità tal-approvazzjoni, kif definit fl-Artikolu 3(29) tad-Direttiva 2007/46/KE, applikazzjoni għall-approvazzjoni tat-tip tal-KE ta' vettura fir-rigward tas-sistema eCall tagħha mmuntata fil-vettura bbażata fuq in-numru 112.
2. L-applikazzjoni msemmija fil-paragrafu 1 għandha titħejja abbażi tal-mudell stabbilit fil-Parti 1 tal-Anness I.
3. Meta r-rekwiżiti tekniċi msemmija fl-Artikolu 5 tar-Regolament Delegat (UE) 2017/79 jiġu ssodisfati, l-awtorità tal-approvazzjoni għandha tagħti approvazzjoni tat-tip tal-KE u toħroġ ċertifikat għall-approvazzjoni tat-tip tal-KE nnumerat skont is-sistema stabbilita fl-Anness VII tad-Direttiva 2007/46/KE.
Stat Membru ma għandux jagħti l-istess numru lil tip ieħor ta' vettura.
4. Iċ-ċertifikat għall-approvazzjoni tat-tip tal-KE għandu jitfassal skont il-mudell stabbilit fil-Parti 2 tal-Anness I.
5. Fil-manwal tal-informazzjoni tal-utent għandu jkun hemm informazzjoni mogħtija mill-manifattur dwar l-ipproċessar tad-dejta mwettaq permezz tas-sistemi eCall immuntati fil-vetturi bbażati fuq in-numru 112 billi jiġi segwit il-mudell stabbilit fil-Parti 3 tal-Anness I ta' dan ir-Regolament.
Artikolu 3
Approvazzjoni tat-tip tal-KE tal-STUs eCall immuntati fil-vetturi bbażati fuq in-numru 112 jew komponenti tas-sistemi eCall immuntati fil-vetturi bbażati fuq in-numru 112
1. Il-manifattur għandu jressaq quddiem l-awtorità tal-approvazzjoni, kif definit fl-Artikolu 3(29) tad-Direttiva 2007/46/KE, l-applikazzjoni għall-approvazzjoni tat-tip tal-KE għal tip ta' STU eCall immuntat fil-vettura bbażat fuq in-numru 112 jew għal tip ta' komponent tas-sistema eCall immuntat fil-vettura bbażat fuq in-numru 112.
2. L-applikazzjoni msemmija fil-paragrafu 1 għandha titfassal abbażi tal-mudell stabbilit fil-Parti 1 tal-Anness II ta' dan ir-Regolament.
3. Meta r-rekwiżiti tekniċi msemmija rispettivament fl-Artikolu 6 tar-Regolament ta' Delega (UE) 2017/79 fir-rigward tal-komponenti u l-Artikolu 7 tiegħu fir-rigward tal-STUs jiġu ssodisfati, l-awtorità ta' approvazzjoni għandha tagħti approvazzjoni tat-tip tal-KE u toħroġ ċertifikat għall-approvazzjoni tat-tip tal-KE u numru tal-approvazzjoni tat-tip, li għandu jsir skont is-sistema ta' numerazzjoni stabbilita fl-Anness VII tad-Direttiva 2007/46/KE.
Stat Membru ma għandux jassenja l-istess numru lil tip ieħor ta' STU jew ta' komponent.
4. Iċ-ċertifikat għall-approvazzjoni tat-tip tal-KE għandu jitfassal skont il-mudell stabbilit fil-Parti 2 tal-Anness II.
Artikolu 4
Marka tal-approvazzjoni tat-tip
Kull komponent jew STU li jikkonforma ma' tip li għalih tkun ingħatat approvazzjoni tal-KE għal komponent jew għal STU skont dan ir-Regolament għandu jkollu marka tal-approvazzjoni tat-tip tal-KE f'konformità mal-mudell stabbilit fil-Parti 3 tal-Anness II.
Artikolu 5
Privatezza u protezzjoni tad-dejta
1. Il-manifattur għandu jieħu l-miżuri meħtieġa biex jiżgura li s-sistema eCall immuntata fil-vettura bbażata fuq in-numru 112 jew l-STU eCall immuntata fil-vettura bbażata fuq in-numru 112 ma jkunux jistgħu jiġu traċċati u ma jkunux soġġetti għall-ebda segwiment kostanti meta jkunu fl-istatus operattiv normali tagħhom. Il-manifattur għandu jiżgura wkoll li d-dejta fil-memorja interna ta' dik is-sistema jew STU titneħħa b'mod awtomatiku u kontinwu u ma tkunx disponibbli barra mis-sistema jew mill-STU mmuntati fil-vettura għall-ebda entità qabel ma tiġi skattata l-eCall.
2. Il-manifattur għandu jinforma lil sid il-vettura bil-miżuri meħuda skont l-Artikolu 6(9) tar-Regolament (UE) 2015/758 billi juża l-mudell stabbilit fil-Parti 3 tal-Anness I ta' dan ir-Regolament.
3. Il-manifattur għandu jieħu l-miżuri ta' salvagwardja xierqa (bħal pereżempju l-użu ta' teknoloġiji ta' kriptaġġ) biex jipproteġu s-sigurtà tad-dejta personali fil-memorja interna tas-sistema eCall immuntata fil-vettura bbażata fuq in-numru 112 jew tal-STU eCall immuntat fil-vettura bbażat fuq in-numru 112 u biex ikunu pprevenuti s-sorveljanza u l-użu ħażin. Dawn il-miżuri għandhom jkunu xierqa, strettament proporzjonati u meħtieġa għall-iskop maħsub.
Artikolu 6
Dħul fis-seħħ u applikazzjoni
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Japplika mill-31 ta' Marzu 2018.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta' Lulju 2016.
Għall-Kummissjoni
Il-President
Jean-Claude JUNCKER
(1) ĠU L 123, 19.5.2015, p. 77.
(2) Ir-Regolament Delegat tal-Kummissjoni (UE) 2017/79 tat-12 ta' Settembru 2016 li jistabbilixxi rekwiżiti tekniċi dettaljati u proċeduri ta' ttestjar għall-approvazzjoni tat-tip tal-KE għal vetturi bil-mutur fir-rigward tas-sistemi tagħhom tal-eCall armati fil-vetturi bbażati fuq is-servizz 112, ta' unitajiet u komponenti tekniċi separati tal-eCall immuntati fil-vetturi, bbażati fuq is-servizz 112 u jissupplimenta u jemenda r-Regolament (UE) 2015/758 tal-Parlament Ewropew u tal-Kunsill fir-rigward tal-eżenzjonijiet u tal-istandards applikabbli (ara paġna 44 tal-Ġurnal Uffiċjali).
(3) Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).
(4) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dik id-data (ĠU L 8, 12.1.2001, p. 1).
ANNESS I
Dokumenti amministrattivi għall-approvazzjoni tat-tip tal-KE ta' vetturi bil-mutur fir-rigward tal-installazzjoni ta' sistemi eCall immuntati fil-vetturi bbażati fuq in-numru 112
PARTI 1
Dokument ta' informazzjoni
MUDELL
Dokument ta' informazzjoni Nru … li jirrigwarda l-approvazzjoni tat-tip tal-KE ta' vettura bil-mutur fir-rigward tas-sistemi eCall immuntati fil-vetturi bbażati fuq in-numru 112.
L-informazzjoni li ġejja għandha tiġi pprovduta fi tliet kopji u għandha tinkludi werrej. Kull disinn irid jiġi pprovdut fi skala xierqa u b'biżżejjed dettall fuq karta ta' daqs A4 jew fuq folder ta' format A4. F'każ li jkun hemm xi ritratti, dawn għandu jkollhom biżżejjed dettall.
Jekk is-sistema, il-komponenti jew l-unitajiet tekniċi separati msemmija f'dan id-dokument ta' informazzjoni jkollhom kontrolli elettroniċi, għandha tingħata informazzjoni dwar il-prestazzjoni tagħhom.
0. ĠENERALI
0.1. Ditta (l-isem kummerċjali tal-manifattur): …
0.2. Tip: …
0.2.1. Isem(ismijiet) kummerċjali (jekk inhuma disponibbli): …
0.3. Il-mezz ta' identifikazzjoni tat-tip jekk ikun immarkat fuq il-vettura (1): …
0.3.1. Fejn tinsab din il-marka: …
0.4. Il-kategorija tal-vettura (2): …
0.5. Isem il-kumpanija u indirizz tal-manifattur: …
0.8. L-isem(ismijiet) u l-indirizz(i) tal-impjant(i) tal-assemblaġġ: …
0.9. L-isem u l-indirizz tar-rappreżentant tal-manifattur (jekk ikun hemm): …
1. KARATTERISTIĊI ĠENERALI TAL-KOSTRUZZJONI TAL-VETTURA
1.1. Ritratti u/jew disinji ta' vettura rappreżentattiva: …
9. KAROZZERIJA
9.1. Tip ta' karrozzerija (4): …
9.10. Arranġamenti interni
9.10.2. Arranġament u identifikazzjoni tal-kontrolli, sinjalaturi u indikaturi
9.10.2.1. Ritratti u/jew disinji tal-arranġament ta' simboli u kontrolli, sinjalaturi u indikaturi, b'mod partikolari li juru s-simbolu u l-pożizzjoni tas-sinjalatur/tal-indikatur (jekk ikun hemm) jew deskrizzjoni ta' mezzi oħra li jintużaw għat-twissija tal-okkupanti tal-vettura f'każ ta' falliment kritiku li jirriżulta f'nuqqas ta' ħila tas-sistema li teżegwixxi eCall ibbażata fuq in-numru 112: …
9.12.2. In-natura u l-pożizzjoni tas-sistemi ta' trażżin supplimentari (indika iva/le/fakultattiv)
(X = naħa tax-xellug, L = naħa tal-lemin, N = lejn in-nofs) |
||||
|
Airbag ta' quddiem |
Airbag tal-ġenb |
Apparat ta' tensjoni taċ-ċinturin |
|
L-ewwel ringiela tas-sits |
X N L |
|
|
|
|
|
|
||
|
|
|
||
It-tieni ringiela tas-sits (*1) |
X N L |
|
|
|
|
|
|
||
|
|
|
9.12.4. Deskrizzjoni qasira tal-komponenti elettriċi/elettroniċi (jekk ikun hemm): …
12. MIXXELLANJI
12.8. Sistema eCall
12.8.1. Preżenza: iva/le (3).
12.8.2. Deskrizzjoni teknika u/jew disinji skematiċi: …
12.8.3. Numru tal-approvazzjoni tat-tip (jekk ikun disponibbli) tal-STU eCall immuntat fil-vettura: …
12.8.4. Għal sistema eCall mhux approvata bħala STU:
12.8.4.1. Deskrizzjoni dettaljata, ritratti u/jew disinni tas-sistema eCall u l-pożizzjoni tagħha fuq il-vettura: …
12.8.4.2. Lista tal-elementi kostitwenti ewlenin tas-sistema eCall: …
12.8.4.3. Skema tal-konnessjonijiet elettriċi kollha: …
12.8.5. Il-preżenza ta' sistema eCall TPS: iva/le (3).
12.8.6. Il-preżenza ta' servizzi oħra ta' valur miżjud: iva/le (3).
12.8.7. Id-dikjarazzjoni ta' konformità mal-istandards imsemmija fl-Artikolu 5(8) tar-Regolament (UE) 2015/758: iva/le (3).
Data, Firma
Noti ta' spjegazzjoni
(1) |
Jekk il-mezz ta' identifikazzjoni tat-tip ikun fih karattri mhux rilevanti sabiex jiġu deskritti t-tipi tal-vettura, tal-komponent jew it-tipi tal-unità teknika separati koperti minn dan id-dokument ta' informazzjoni, tali karattri għandhom ikunu rrappreżentati fid-dokumentazzjoni bis-simbolu “?” (pereżempju ABC??123??). |
(2) |
Kif definit fil-Parti A tal-Anness II tad-Direttiva 2007/46/KE. |
(3) |
Ħassar fejn ma jkunx applikabbli. |
(4) |
Uża l-kodiċijiet kif definit fil-Parti C tal-Anness II tad-Direttiva 2007/46/KE. |
PARTI 2
Ċertifikati għall-approvazzjoni tat-tip tal-KE
MUDELL
Format A4 (210 × 297 mm)
ĊERTIFIKAT GĦALL-APPROVAZZJONI TAT-TIP TAL-KE
Komunikazzjoni dwar:
|
of a type of vehicle with regard to the installation of 112-based eCall in-vehicle systems |
fir-rigward tar-Regolament (UE) Nru 2015/758, kif emendat l-aħħar bir-Regolament (UE) …/…
Numru tal-approvazzjoni tat-tip tal-KE: …
Raġuni għall-estensjoni: …
TAQSIMA I
0.1. Ditta (l-isem kummerċjali tal-manifattur): …
0.2. Tip: …
0.2.1. Isem(ismijiet) kummerċjali (jekk ikunu disponibbli): …
0.3. Il-mezz ta' identifikazzjoni tat-tip jekk ikun immarkat fuq il-vettura (2): …
0.3.1. Fejn tinsab din il-marka: …
0.4. Il-kategorija tal-vettura (3): …
0.5. Isem il-kumpanija u indirizz tal-manifattur: …
0.8. L-isem(ismijiet) u l-indirizz(i) tal-impjant(i) tal-assemblaġġ: …
0.9. L-isem u l-indirizz tar-rappreżentant tal-manifattur (jekk ikun hemm): …
TAQSIMA II
1. Informazzjoni addizzjonali (fejn applikabbli): ara l-Addendum
2. Is-servizz tekniku responsabbli mit-twettiq tat-testijiet: …
3. Id-data tar-rapport tat-test: …
4. Numru tar-rapport tat-test: …
5. Kummenti (jekk ikun hemm): ara l-Addendum.
6. Post: …
7. Data: …
8. Firma: …
Dokumenti mehmużin: |
|
Noti ta' spjegazzjoni
(1) |
Ħassar fejn ma japplikax. |
(2) |
Jekk il-mezz ta' identifikazzjoni tat-tip ikun fih karattri mhux rilevanti sabiex jiġu deskritti t-tipi tal-vettura, tal-komponent jew it-tipi tal-unità teknika separati koperti minn dan id-dokument ta' informazzjoni, tali karattri għandhom ikunu rrappreżentati fid-dokumentazzjoni bis-simbolu “?” (pereżempju ABC??123??). |
(3) |
Kif definit fil-Parti A tal-Anness II tad-Direttiva 2007/46/KE. |
Addendum
taċ-ċertifikat għall-approvazzjoni tat-tip tal-KE Nru …
1. Informazzjoni addizzjonali
1.1. Deskrizzjoni qasira tas-sistema eCall immuntata fil-vettura: …
1.2. Fejn tinstab is-sistema eCall: …
1.3. Mezzi ta' attivazzjoni tas-sistema eCall: …
1.4. Provvista tal-enerġija tas-sistema eCall: …
1.5. Is-sistema eCall TPS immuntata fil-vettura: iva/le (1).
1.6. Servizzi oħra ta' valur miżjud: iva/le (1).
2. In-numru tal-approvazzjoni tat-tip ta' STU/komponent eCall immuntati fil-vettura bbażati fuq in-numru 112 (1) installati fil-vettura (jekk ikun hemm) biex jikkonformaw mar-Regolament (UE) 2015/758 u mal-atti ta' implimentazzjoni tiegħu: …
3. Kummenti (jekk ikun hemm): …
PARTI 3
Mudell ta' Informazzjoni għall-Utent
Id-dokumentazzjoni teknika mgħoddija flimkien mal-vettura (il-manwal tas-sid) għandha tinkludi informazzjoni ċara, komprensiva u aċċessibbli faċilment dwar is-sistema eCall immuntata fil-vettura bbażata fuq in-numru 112 u fuq il-mod kif topera, kif ukoll dwar kwalunkwe sistema eCall appoġġata minn servizz ta' partijiet terzi (TPS) jew minn servizzi oħra ta' valur miżjud imwaħħla fuq dik il-vettura u l-funzjonalitajiet addizzjonali tagħhom.
Differenzi eżistenti bejn l-ipproċessar tad-dejta mwettaq permezz tas-sistema eCall immuntata fil-vetturi bbażata fuq in-numru 112 u s-sistema TPS jew servizzi oħra ta' valur miżjud, jekk disponibbli, għandhom jiġu mfissra b'mod ċar.
L-informazzjoni dwar il-privatezza u l-protezzjoni tad-dejta għandha tingħata separatament għas-sistemi bbażati fuq in-numru 112 u għas-sistemi TPS qabel l-użu tagħhom biex tkun evitata kull konfużjoni fir-rigward tal-għanijiet mfittxija u l-valur miżjud tal-ipproċessar tad-dejta.
Dan il-mudell jistabbilixxi l-informazzjoni minima meħtieġa li trid tingħata lill-utent u tista' tiġi kkumplimentata b'informazzjoni oħra xierqa filwaqt li jitqiesu ċ-ċirkostanzi speċifiċi li fihom id-dejta tinġabar jew tiġi pproċessata.
1. DESKRIZZJONI TAS-SISTEMA ECALL IMMUNTATA FIL-VETTURA
1.1. Ħarsa ġenerali lejn is-sistema eCall immuntata fil-vettura bbażata fuq in-numru 112, l-operat u l-funzjonalitajiet tagħha: …
1.2. Is-servizz eCall ibbażat fuq in-numru 112 huwa servizz pubbliku ta' interess ġenerali u huwa aċċessibbli mingħajr ħlas.
1.3. Is-sistema eCall immuntata fil-vetturi bbażata fuq in-numru 112 tiġi attivata b'mod awtomatiku. Din tiġi attivata b'mod awtomatiku permezz ta' sensuri fil-vettura f'każ ta' inċident gravi. Din tiġi attivata awtomatikament ukoll meta l-vettura tkun mgħammra b'sistema TPS li ma tiffunzjonax f'każ ta' inċident gravi.
1.4. Is-sistema eCall immuntata fil-vetturi bbażata fuq in-numru 112 tista' tiskatta wkoll b'mod manwali, jekk meħtieġ. Struzzjonijiet għall-attivazzjoni manwali tas-sistema: …
1.5. Fl-eventwalità ta' falliment kritiku tas-sistema li tiddiżattiva s-sistema eCall immuntata fil-vettura bbażata fuq in-numru 112, tingħata din it-twissija lill-okkupanti tal-vettura: …
2. INFORMAZZJONI DWAR L-IPPROĊESSAR TAD-DEJTA
2.1. Kwalunkwe pproċessar ta' dejta personali permezz tas-sistema eCall immuntata fil-vettura bbażata fuq in-numru 112 għandu jikkonforma mar-regoli tal-protezzjoni tad-dejta personali previsti fid-Direttivi 95/46/KE (2) u 2002/58/KE (3) tal-Parlament Ewropew u tal-Kunsill, u b'mod partikolari, għandhom ikunu bbażati fuq in-neċessità li jiġu protetti l-interessi vitali tal-individwi f'konformità mal-Artikolu 7(d) tad-Direttiva 95/46/KE (4).
2.2. L-ipproċessar ta' tali dejta huwa limitat b'mod strett għall-fini tal-ġestjoni tal-eCall ta' emerġenza lin-numru uniku Ewropew tal-emerġenza 112.
2.3. Tipi ta' dejta u r-riċevituri tagħha
2.3.1. Is-sistema eCall immuntata fil-vettura bbażata fuq in-numru 112 tista' tiġbor u tipproċessa din id-dejta biss:
— |
Numru ta' Identifikazzjoni tal-vettura |
— |
Tip ta' vettura (vettura għall-passiġġieri jew vettura kummerċjali ħafifa) |
— |
It-tip ta' ħażna ta' propulsjoni tal-vettura (petrol/diżil/LPG/CNG/elettriku/idroġenu) |
— |
L-aħħar tliet lokazzjonijiet tal-vettura u d-direzzjoni tal-ivvjaġġar |
— |
Log fajl tal-attivazzjoni awtomatika tas-sistema u l-kronogramma tagħha |
— |
Kwalunkwe dejta addizzjonali (jekk japplika): … |
2.3.2. Riċevituri tad-dejta pproċessata permezz tas-sistema eCall immuntata fil-vettura bbażata fuq in-numru 112 huma l-punti ta' tweġiba ta' sikurezza pubblika rilevanti magħżula mill-awtoritajiet pubbliċi rispettivi tal-pajjiż li fit-territorju tiegħu jkunu jinstabu, li jkunu l-ewwel li jirċievu u jġestu eCalls għan-numru uniku Ewropew tal-emerġenza 112.
Informazzjoni finanzjarja (jekk disponibbli): …
2.4. L-arranġamenti għall-ipproċessar tad-dejta
2.4.1. Is-sistema eCall immuntata fil-vettura bbażata fuq in-numru 112 hija mfassla b'tali mod li tiżgura li d-dejta li tinsab fil-memorja tas-sistema ma tkunx disponibbli barra mis-sistema qabel ma tiġi skattata eCall.
Rimarki addizzjonali (jekk ikun hemm): …
2.4.2. Is-sistema eCall immuntata fil-vettura bbażata fuq in-numru 112 hija mfassla b'tali mod li tiżgura li din ma tistax tiġi traċċata u mhi soġġetta għall-ebda detezzjoni kostanti meta tkun fl-istatus ta' operat normali tagħha.
Rimarki addizzjonali (jekk ikun hemm): …
2.4.3. Is-sistema eCall immuntata fil-vettura bbażata fuq in-numru 112 hija mfassla b'tali mod li tiżgura li d-dejta fil-memorja tas-sistema interna titneħħa awtomatikament u kontinwament.
2.4.3.1. Id-dejta dwar fejn tkun tinstab il-vettura tiġi mħassra u aġġornata fil-memorja interna tas-sistema biex dejjem jinżammu massimu tal-aħħar tliet lokazzjonijiet aġġornati tal-vettura għat-tħaddim normali tas-sistema.
2.4.3.2. Ir-reġistrazzjoni tad-dejta tal-attività fis-sistema eCall immuntata fil-vetturi bbażata fuq in-numru 112 għandha tinżamm għal mhux aktar milli meħtieġ biex jintlaħaq l-għan tal-ġestjoni tal-eCall ta' emerġenza u fi kwalunkwe każ mhux wara 13-il siegħa mill-mument li tinbeda eCall ta' emerġenza.
Rimarki addizzjonali (jekk ikun hemm): …
2.5. Il-modalitajiet għall-eżerċizzju tad-drittijiet tas-suġġett tad-dejta
2.5.1. Is-suġġett tad-dejta (sid il-vettura) għandu d-dritt li jaċċessa d-dejta u, kif xieraq, li jitlob ir-rettifika, it-tħassir jew l-imblukkar tad-dejta li tikkonċernah, li l-ipproċessar tagħha ma jikkonformax mad-dispożizzjonijiet tad-Direttiva 95/46/KE. Kwalunkwe parti terza li ngħatatilha d-dejta għandha tkun infurmata b'tali rettifika, tħassir jew imblukkar imwettqa f'konformità ma' din id-Direttiva, sakemm dan ma jkunx impossibbli jew jinvolvi sforz sproporzjonat.
2.5.2. Is-suġġett tad-dejta għandu d-dritt li jilmenta mal-awtorità kompetenti għall-protezzjoni tad-dejta jekk iqis li d-drittijiet tiegħu ġew miksura b'riżultat tal-ipproċessar tad-dejta personali tiegħu.
2.5.3. Is-servizz ta' kuntatt responsabbli mill-ġestjoni tat-talbiet għall-aċċess (jekk ikun hemm): …
3. INFORMAZZJONI DWAR SERVIZZI TA' PARTIJIET TERZI U SERVIZZI OĦRA TA' VALUR MIŻJUD (JEKK IMMUNTATI)
3.1. Deskrizzjoni tal-operat u tal-funzjonalitajiet tas-sistema TPS/servizzi ta' valur miżjud: …
3.2. Kwalunkwe pproċessar ta' dejta personali permezz ta' sistema TPS/servizzi oħra ta' valur miżjud għandu jikkonforma mar-regoli dwar il-protezzjoni tad-dejta personali previsti fid-Direttivi 95/46/KE u 2002/58/KE.
3.2.1. Bażi legali għall-użu ta' sistema TPS u/jew servizzi ta' valur miżjud u għall-ipproċessar tad-dejta permezz tagħhom: …
3.3. Is-sistema TPS u/jew servizzi oħra ta' valur miżjud għandhom jipproċessaw id-dejta personali biss fuq il-bażi tal-kunsens espliċitu tas-suġġett tad-dejta (sid jew sidien il-vettura).
3.4. Il-modalitajiet tal-ipproċessar tad-dejta permezz ta' sistema TPS u/jew servizzi oħra ta' valur miżjud, inkluż kwalunkwe informazzjoni addizzjonali meħtieġa fir-rigward tat-traċċabbiltà, id-detezzjoni u l-ipproċessar tad-dejta personali: …
3.5. Sid vettura mgħammra b'sistema eCall TPS u/jew servizzi oħra ta' valur miżjud oħra flimkien mas-sistema eCall immuntata fil-vettura bbażata fuq in-numru 112 għandu d-dritt li jagħżel li juża s-sistema eCall immuntata fil-vettura bbażata fuq in-numru 112 minflok is-sistema eCall TPS u s-servizzi l-oħra ta' valur miżjud.
3.5.1. Dettalji ta' kuntatt għall-ġestjoni tat-talbiet ta' diżattivazzjoni tas-sistema eCall TPS: …
(*1) It-tabella tista' tiġi estiża skont ma jkun meħtieġ għal vetturi b'aktar minn żewġ ringieli ta' sits jew jekk ikun hemm aktar minn tliet sits tul il-wisa' tal-vettura.
(1) Ħassar fejn ma jkunx applikabbli.
(2) Id-Direttiva tal-Parlament Ewropew u tal-Kunsill 95/46/KE tal-24 ta' Ottubru 1995 dwar il-protezzjoni ta' individwi fir-rigward tal-ipproċessar ta' data personali u dwar il-moviment liberu ta' dik id-data (ĠU L 281, 23.11.1995, p. 31).
(3) Id-Direttiva 2002/58/KE tal-Parlament Ewropew u tal-Kunsill tat-12 ta' Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (ĠU L 201, 31.7.2002, p. 37).
(4) Id-Direttiva 95/46/KE titħassar bir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
ANNESS II
Dokumenti amministrattivi għall-approvazzjoni tat-tip tal-KE ta' STU eCall immuntat fil-vettura bbażat fuq in-numru 112 jew komponent tas-sistema eCall immuntat fil-vettura bbażat fuq in-numru 112
PARTI 1
Dokument ta' informazzjoni
MUDELL
Dokument ta' informazzjoni Nru ... b'rabta mal-approvazzjoni tat-tip tal-KE ta' STU eCall immuntat fil-vettura bbażat fuq in-numru 112 jew komponent tas-sistema eCall immuntat fil-vettura bbażat fuq in-numru 112 (3).
L-informazzjoni li ġejja għandha tiġi pprovduta fi tliet kopji u għandha tinkludi werrej. Kull disinn irid jiġi pprovdut fi skala xierqa u b'biżżejjed dettall fuq karta ta' daqs A4 jew folder ta' format A4. F'każ li jkun hemm xi ritratti, dawn għandhom ikunu ddettaljati biżżejjed.
Jekk l-unità teknika separata jew il-komponent imsemmija f'dan id-dokument ta' informazzjoni jkollhom kontrolli elettroniċi, għandha tiġi pprovduta informazzjoni dwar il-prestazzjoni tagħhom.
0. ĠENERALI
0.1. Ditta (l-isem kummerċjali tal-manifattur): …
0.2. Tip: …
0.3. Mezz ta' identifikazzjoni tat-tip, jekk immarkat fuq l-Unità Teknika Separata (1): …
0.3.1. Fejn tinsab din il-marka: …
0.4. Fil-każ ta' STU, maħsub għall-kategorija tal-vettura (2): …
0.5. Isem il-kumpanija u indirizz tal-manifattur: …
0.7. Fejn jinsab u l-metodu ta' twaħħil tal-marka tal-approvazzjoni KE: …
0.9. L-isem u l-indirizz tar-rappreżentant tal-manifattur (jekk ikun hemm): …
12.8. Sistema eCall
12.8.2. Deskrizzjoni teknika u/jew tpinġijiet skematiċi: …
12.8.3.1. Ritratti u/jew tpinġijiet b'biżżejjed dettall u bi skala xierqa biex dan il-komponent jew STU jkunu jistgħu jiġu identifikati. Id-disinni jridu juru l-pożizzjoni maħsuba tal-STU jew tal-komponent fil-vettura u l-ispazju maħsub għall-marka ta' approvazzjoni tat-tip tal-KE tal-STU jew tal-komponent …
12.8.3.1.1. Struzzjonijiet għall-installazzjoni fil-vettura, inklużi l-pożizzjoni u l-orjentazzjoni tal-komponent tas-sistema eCall immuntata fil-vettura bbażata fuq in-numru 112: …
12.8.3.1.2. Il-post fil-vettura u l-metodu tal-immuntar tal-STU eCall immuntat fil-vettura bbażat fuq in-numru 112: …
12.8.3.2. Lista ta' partijiet kostitwenti ewlenin tal-STU jew tal-komponent: …
12.8.7. Id-dikjarazzjoni ta' konformità mal-istandards imsemmija fl-Artikolu 5(8) tar-Regolament (UE) 2015/758: iva/le (3).
Noti ta' spjegazzjoni
(1) |
Jekk il-mezz ta' identifikazzjoni tat-tip fih karattri mhux rilevanti sabiex jiġu deskritti t-tipi tal-vettura, il-komponent jew it-tipi tal-unità teknika separata koperti minn dan id-dokument ta' informazzjoni, tali karattri għandhom ikunu rrappreżentati fid-dokumentazzjoni bis-simbolu “?” (pereżempju ABC??123??). |
(2) |
Kif definit fit-Taqsima A tal-Anness II tad-Direttiva 2007/46/KE. |
(3) |
Ħassar fejn ma jkunx applikabbli. |
PARTI 2
Ċertifikati għall-approvazzjoni tat-tip tal-KE
MUDELL
Format A4 (210 × 297 mm)
ĊERTIFIKAT GĦALL-APPROVAZZJONI TAT-TIP TAL-KE
Komunikazzjoni dwar:
|
of 112-based eCall in-vehicle STU/ 112-based eCall in-vehicle system component (1) |
fir-rigward tar-Regolament (UE) 2015/758.
Numru tal-approvazzjoni tat-tip tal-KE: …
Raġuni għall-estensjoni: …
TAQSIMA I
0.1. Ditta (l-isem kummerċjali tal-manifattur): …
0.2. Tip: …
0.3. Il-mezzi ta' identifikazzjoni tat-tip jekk ikunu mmarkati fuq il-komponent/l-unità teknika separata (2): …
0.3.1. Fejn tinsab din il-marka: …
0.4. Fil-każ ta' unità teknika separata, maħsuba għal kategorija ta' vettura (3): …
0.5. L-isem u l-indirizz tal-manifattur: …
0.7. Fejn jinsab u l-metodu ta' twaħħil tal-marka tal-approvazzjoni tal-KE: …
0.9. L-isem u l-indirizz tar-rappreżentant tal-manifattur (jekk ikun hemm): …
TAQSIMA II
1. Informazzjoni addizzjonali (fejn applikabbli): ara l-Addendum
2. Is-servizz tekniku responsabbli mit-twettiq tat-testijiet: …
3. Id-data tar-rapport tat-test: …
4. Numru tar-rapport tat-test: …
5. Kummenti (jekk ikun hemm): ara l-Addendum.
6. Post: …
7. Data: …
8. Firma: …
Dokumenti mehmużin: |
|
Addendum
taċ-ċertifikat għall-approvazzjoni tat-tip tal-KE Nru …
1. Informazzjoni addizzjonali
1.1. Deskrizzjoni qasira tal-STU eCall immuntat fil-vettura bbażat fuq in-numru 112/tal-komponent fis-sistema eCall immuntata fil-vettura bbażata fuq in-numru 112 (3): …
1.1.1. Struzzjonijiet għall-installazzjoni fil-vettura, inklużi l-pożizzjoni u l-orjentazzjoni tal-komponent tas-sistema eCall immuntata fil-vettura bbażata fuq in-numru 112: …
1.1.2. Eżempju tal-marka tal-approvazzjoni tat-tip tal-KE fuq l-STU eCall immuntat fil-vettura bbażat fuq in-numru 112/il-komponent tas-sistema eCall immuntata fil-vettura bbażata fuq in-numru 112 (3): …
1.2. Il-post fil-vettura u l-metodu tal-immuntar tal-unità teknika separata eCall: …
1.3. Mezzi tal-iskattament: …
1.4. Il-provvista tal-enerġija: …
2. Il-komponent tas-sistema eCall immuntata fil-vettura bbażata fuq in-numru 112 tikkonforma mar-rekwiżiti tekniċi stabbiliti fl-Anness I tar-Regolament Delegat tal-Kummissjoni (UE) 2017/79. Barra minn hekk, jikkonforma wkoll mar-rekwiżiti tekniċi koperti:
2.1. L-Anness IV tar-Regolament Delegat (UE) 2017/79: iva/le (3).
2.2. L-Anness VI tar-Regolament Delegat (UE) 2017/79: iva/le (3).
2.3. L-Anness VII tar-Regolament Delegat (UE) 2017/79: iva/le (3).
3. Kummenti (jekk ikun hemm): …
PARTI 3
Marka tal-approvazzjoni tat-tip tal-KE għall-STUs u għall-komponenti
1. Il-marka ta' approvazzjoni tat-tip KE għall-unità teknika separata u għall-komponent għandha tikkonsisti fi:
1.1. L-ittra żgħira “e” mdawra b'rettangolu, segwita min-numru ta' identifikazzjoni tal-Istat Membru li jkun ħareġ l-approvazzjoni tat-tip tal-KE tal-unità teknika separata jew tal-komponent:
1 |
għall-Ġermanja |
12 |
għall-Awstrija |
26 |
għas-Slovenja |
2 |
għal Franza |
13 |
għal-Lussemburgu |
27 |
għas-Slovakkja |
3 |
għall-Italja |
17 |
għall-Finlandja |
29 |
għall-Estonja |
4 |
għan-Netherlands |
18 |
għad-Danimarka |
32 |
għal-Latvja |
5 |
għall-Iżvezja |
19 |
għar-Rumanija |
34 |
għall-Bulgarija |
6 |
għall-Belġju |
20 |
għall-Polonja |
36 |
għal-Litwanja |
7 |
għall-Ungerija |
21 |
għall-Portugall |
49 |
għal Ċipru |
8 |
għar-Repubblika Ċeka |
23 |
għall-Greċja |
50 |
għal Malta |
9 |
għal Spanja |
24 |
għall-Irlanda |
|
|
11 |
għar-Renju Unit |
25 |
għall-Kroazja |
|
|
1.2. Qrib ir-rettangolu n-“numru ta' approvazzjoni tal-bażi” fit-Taqsima 4 tan-numru tal-approvazzjoni tat-tip preċedut minn żewġ numri li jindikaw in-numru ta' sekwenza assenjat lil dan ir-Regolament. In-numru ta' sekwenza bħalissa huwa “00”.
1.3. F'każ ta' STU eCall immuntat fil-vettura bbażat fuq in-numru 112, qrib ir-rettangolu in-numru ta' sekwenza għandu jkun preċedut mis-simbolu “ECALL”.
2. Il-marka tal-approvazzjoni tat-tip tal-KE titwaħħal ma' parti ewlenija tal-STU eCall immuntat fil-vettura bbażat fuq in-numru 112 jew ma' komponent tas-sistema eCall immuntata fil-vettura bbażata fuq in-numru 112 b'tali mod li ma jkunx jista' jitħassar, ikun ċar u li jinqara faċilment.
3. Eżempju ta' marki tal-approvazzjoni tat-tip tal-KE għal STUs eCall immuntati fil-vetturi bbażati fuq in-numru 112 u għal komponenti tas-sistemi eCall immuntati fil-vetturi bbażati fuq in-numru 112 huwa muri rispettivament fl-Istampa 1 u fl-Istampa 2.
Stampa 1
Eżempju ta' marka tal-approvazzjoni tat-tip tal-KE għal STUs eCall immuntati fil-vetturi bbażati fuq in-numru 112
Nota ta' spjega
Didaskalija |
L-approvazzjoni tat-tip tal-unità teknika separata tal-KE inħarġet mill-Bulgarija bin-numru 0046. L-ewwel żewġ numri “00” jindikaw li l-unità teknika separata kienet approvata skont dan ir-Regolament. |
Stampa 2
Eżempju ta' marka tal-approvazzjoni tat-tip tal-KE għal komponenti tas-sistemi eCall immuntati fil-vetturi bbażati fuq in-numru 112
Nota ta' spjega
Didaskalija |
L-approvazzjoni tat-tip tal-komponent tal-KE inħarġet mill-Ġermanja bin-numru 00026. L-ewwel żewġ numri “00” jindikaw li l-komponent kien approvat skont dan ir-Regolament. |
(1) Delete where not applicable.
(2) Jekk il-mezz ta' identifikazzjoni tat-tip fih karattri mhux rilevanti sabiex jiġu deskritti t-tipi tal-vettura, il-komponent jew it-tipi tal-unità teknika separata koperti minn dan id-dokument ta' informazzjoni, tali karattri għandhom ikunu rrappreżentati fid-dokumentazzjoni bis-simbolu “?” (pereżempju ABC??123??).
(3) Ħassar fejn ma jkunx applikabbli.