This document is an excerpt from the EUR-Lex website
Document 32017L1975
Commission Delegated Directive (EU) 2017/1975 of 7 August 2017 amending, for the purposes of adapting to scientific and technical progress, Annex III to Directive 2011/65/EU of the European Parliament and of the Council as regards an exemption for cadmium in colour converting light-emitting diodes (LEDs) for use in display systems (Text with EEA relevance. )
Direttiva Delegata tal-Kummissjoni (UE) 2017/1975 tas-7 ta' Awwissu 2017 li temenda, għall-finijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-kadmju f'dijodi li jemmettu d-dawl permezz tal-konverżjoni tal-ilwien (LEDs) għall-użu f'sistemi ta' turija (Test b'rilevanza għaż-ŻEE. )
Direttiva Delegata tal-Kummissjoni (UE) 2017/1975 tas-7 ta' Awwissu 2017 li temenda, għall-finijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-kadmju f'dijodi li jemmettu d-dawl permezz tal-konverżjoni tal-ilwien (LEDs) għall-użu f'sistemi ta' turija (Test b'rilevanza għaż-ŻEE. )
C/2017/5446
ĠU L 281, 31.10.2017, p. 29–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 31/10/2017
31.10.2017 |
MT |
Il-Ġurnal Uffiċjali tal-Unjoni Ewropea |
L 281/29 |
DIRETTIVA DELEGATA TAL-KUMMISSJONI (UE) 2017/1975
tas-7 ta' Awwissu 2017
li temenda, għall-finijiet ta' adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta' eżenzjoni għall-kadmju f'dijodi li jemmettu d-dawl permezz tal-konverżjoni tal-ilwien (LEDs) għall-użu f'sistemi ta' turija
(Test b'rilevanza għaż-ŻEE)
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2011/65/UE tal-Parlament Ewropew u tal-Kunsill tat-8 ta' Ġunju 2011 dwar ir-restrizzjoni tal-użu ta' ċerti sustanzi perikolużi fit-tagħmir elettriku u elettroniku (1), u b'mod partikolari l-Artikolu 5(1)(a) tagħha,
Billi:
(1) |
Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku introdotti fis-suq ma jkunx fih il-kadmju. |
(2) |
Il-Punt 39 fl-Anness III tad-Direttiva 2011/65/UE eżenta l-użu tal-kadmju f'dijodi li jemmettu d-dawl permezz tal-konverżjoni tal-ilwien (LEDs) għallsistemi ta' illuminazzjoni u ta' turija mill-projbizzjoni sal-1 ta' Lulju 2014. Il-Kummissjoni rċeviet applikazzjoni għat-tiġdid ta' din l-eżenzjoni qabel l-1 ta' Jannar 2013, skont l-Artikolu 5(5) tad-Direttiva 2011/65/UE. |
(3) |
Intwera li l-LEDs li jikkonvertu l-ilwien li jużaw il-punti kwantiċi għandhom vantaġġ meta mqabbel ma' teknoloġija preċedenti fir-rigward tal-effiċjenza fl-enerġija u tal-prestazzjoni tal-ilwien. Il-bilanċ b'mod ġenerali tal-użu tal-punti kwantiċi bbażati fuq il-kadmju f'sistemi ta' turija għandu impatt pożittiv minħabba l-konsum tal-enerġija aktar baxx tagħhom meta mqabbel mat-teknoloġiji alternattivi disponibbli attwalment. L-impatti negattivi totali fuq l-ambjent, is-saħħa u s-sikurezza tal-konsumatur ikkawżati mis-sostituzzjoni ta' punti kwantiċi bbażati fuq il-kadmju f'sistemi ta' turija li jużaw il-punti kwantiċi x'aktarx li jkunu aktar mill-benefiċċji totali tagħhom għall-ambjent, is-saħħa u s-sikurezza tal-konsumatur. |
(4) |
L-użu tas-selenid tal-kadmju fil-punti kwantiċi ta' nanokristalli semikondutturi b'bażi ta' kadmju għal bidla fil-frekwenza tad-dawl li jgħaddi minnhom (downshifting) biex jintużaw fit-tidwil tas-sistemi ta' turija għandu għalhekk jiġi eżentat minn din il-projbizzjoni għall-perjodu ta' sentejn wara l-pubblikazzjoni tad-Direttiva Delegata f'Il-Ġurnal Uffiċjali tal-Unjoni Ewropea. Dan il-perjodu qasir ta' validità x'aktarx li ma jkollux impatti negattivi fuq l-innovazzjoni u fuq l-iżvilupp ta' alternattivi ħielsa mill-kadmju. |
(5) |
LEDs bil-punti kwantiċi bbażati fuq il-kadmju għall-illluminazzjoni s'issa għadhom mhumiex disponibbli fis-suq u l-vantaġġi potenzjali tagħhom meta mqabbel mat-teknoloġiji eżistenti mhumiex kwantifikabbli b'mod xieraq, għalhekk it-tiġdid tal-eżenzjoni fir-rigward tas-sistemi tal-illuminazzjoni mhux ġustifikat. |
(6) |
Għalhekk, l-Anness III tad-Direttiva 2011/65/UE għandu jiġi emendat skont dan. |
ADOTTAT DIN ID-DIRETTIVA:
Artikolu 1
L-Anness III tad-Direttiva 2011/65/UE jiġi emendat kif stipulat fl-Anness ta' din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux iktar tard minn [12 months after the date of entry into force of this directive], il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Għalhekk għandhom jikkomunikaw minnufih lill-Kummissjoni t-testi ta' dawn id-dispożizzjonijiet.
Dawn għandhom japplikaw dawk id-dispożizzjonijiet minn [12 months after the date of entry into force of this directive + 1 day].
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew għandhom ikunu akkumpanjati minn din ir-referenza meta jiġu ppubblikati b'mod uffiċjali. L-Istati Membri għandhom jiddeċiedu kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, is-7 ta' Awwissu 2017.
Għall-Kummissjoni
Il-President
Jean-Claude JUNCKER
(1) ĠU L 174, 1.7.2011, p. 88.
ANNESS
Fl-Anness III tad-Direttiva 2011/65/UE, il-punt 39 jinbidel b'dan li ġej:
“39(a) |
Is-selenid tal-kadmju fil-punti kwantiċ-i ta' nanokristalli semikondutturi b'bażi ta' kadmju għal bidla fil-frekwenza tad-dawl li jgħaddi minnhom (downshifting) biex jintużaw fit-tidwil tas-sistemi ta' turija (< 0,2 μg Cd kull mm2 tal-erja tal-iskrin tat-turija) |
Tiskadi għall-kategoriji kollha fi żmien [two years after the publication of the Delegated Directive in the Official Journal]” |