This document is an excerpt from the EUR-Lex website
Document 32017D2353
Commission Implementing Decision (EU) 2017/2353 of 14 December 2017 authorising the placing on the market of oil from Calanus finmarchicus as a novel food ingredient under Regulation (EC) No 258/97 of the European Parliament and of the Council (notified under document C(2017) 8426)
Deċiżjoni ta' Implimentazzjoni tal-Kummissjoni (UE) 2017/2353 tal-14 ta' Diċembru 2017 li tawtorizza t-tqegħid fis-suq taż-żejt minn Calanus finmarchicus bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2017) 8426)
Deċiżjoni ta' Implimentazzjoni tal-Kummissjoni (UE) 2017/2353 tal-14 ta' Diċembru 2017 li tawtorizza t-tqegħid fis-suq taż-żejt minn Calanus finmarchicus bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2017) 8426)
C/2017/8426
ĠU L 336, 16.12.2017, p. 45–48
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
16.12.2017 |
MT |
Il-Ġurnal Uffiċjali tal-Unjoni Ewropea |
L 336/45 |
DEĊIŻJONI TA' IMPLIMENTAZZJONI TAL-KUMMISSJONI (UE) 2017/2353
tal-14 ta' Diċembru 2017
li tawtorizza t-tqegħid fis-suq taż-żejt minn Calanus finmarchicus bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2017) 8426)
(It-test bl-Ingliż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (1), u b'mod partikolari l-Artikolu 7 tiegħu,
Billi:
|
(1) |
Fil-31 ta' Jannar 2011, il-kumpanija Norveġiża Calanus AS għamlet talba lill-awtoritajiet kompetenti tar-Renju Unit biex tqiegħed iż-żejt mill-krustaċju (żooplankton tal-baħar) Calanus finmarchicus li jinġabar miż-Żona Ekonomika tan-Norveġja jew miż-żona tas-sajd ta' Jan Mayen fis-suq tal-Unjoni bħala ingredjent tal-ikel ġdid skont it-tifsira tal-punt (e) tal-Artikolu 1(2) tar-Regolament (KE) Nru 258/97. |
|
(2) |
Fil-21 ta' Ottubru 2016, l-awtorità kompetenti tar-Renju Unit ħarġet ir-rapport ta' valutazzjoni inizjali tagħha. F'dak ir-rapport, l-awtorità kkonkludiet li ż-żejt mill-Calanus finmarchicus jissodisfa l-kriterji għal ikel ġdid stabbiliti fl-Artikolu 3(1) tar-Regolament (KE) Nru 258/97. |
|
(3) |
Fit-8 ta' Novembru 2016, il-Kummissjoni għaddiet ir-rapport ta' valutazzjoni inizjali lill-Istati Membri l-oħra. |
|
(4) |
Tqajmu oġġezzjonijiet motivati minn Stati Membri oħra fi żmien il-perjodu ta' 60 jum stipulat fl-ewwel subparagrafu tal-Artikolu 6(4) tar-Regolament (KE) Nru 258/97, b'mod partikolari dwar in-nuqqas ta' informazzjoni dwar il-proċess tal-produzzjoni, l-istabbiltà tal-ħżin u d-dejta tossikoloġika. L-ispjegazzjonijiet addizzjonali pprovduti min-naħa tal-applikant taffew dak it-tħassib u dan kien ta' sodisfazzjon għall-Istati Membri u għall-Kummissjoni. |
|
(5) |
Id-Direttiva 2002/46/KE tal-Parlament Ewropew u tal-Kunsill (2) tistabbilixxi rekwiżiti dwar is-supplimenti tal-ikel. Jenħtieġ li l-użu taż-żejt minn Calanus finmarchicus jiġi awtorizzat mingħajr preġudizzju għad-dispożizzjonijiet ta' dik id-Direttiva. |
|
(6) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Mingħajr preġudizzju għad-dispożizzjonijiet tad-Direttiva 2002/46/KE, iż-żejt minnCalanus finmarchicus kif speċifikat fl-Anness I ta' din id-Deċiżjoni jista' jitqiegħed fis-suq tal-Unjoni bħala ingredjent tal-ikel ġdid biex jintuża fis-supplimenti tal-ikel fil-livelli massimi stabbiliti fl-Anness II ta' din id-Deċiżjoni.
Artikolu 2
L-isem taż-żejt minn Calanus finmarchicus awtorizzat b'din id-Deċiżjoni dwar it-tikkettar tal-oġġetti tal-ikel għandu jkun “żejt minn Calanus finmarchicus (krustaċju)”.
Artikolu 3
Din id-Deċiżjoni hija indirizzata lil Calanus AS, Stakkevollv. 65, P.O. Box 2489, 9272 Tromsø, in-Norveġja.
Magħmul fi Brussell, l-14 ta' Diċembru 2017.
Għall-Kummissjoni
Vytenis ANDRIUKAITIS
Membru tal-Kummissjoni
(2) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS I
SPECIFIKAZZJONIJIET TAŻ-ŻEJT MINN CALANUS FINMARCHICUS
Deskrizzjoni: L-ikel il-ġdid huwa żejt kulur ir-rubini (aħmar skur), kemxejn viskuż b'riħa ħafifa tal-frott tal-baħar estratt mill-krustaċju (żooplankton tal-baħar) Calanus finmarchicus. Dan l-ingredjent jikkonsisti primarjament minn esteri tax-xama' (> 85 %) b'ammonti żgħar ta' trigliċeridi u lipidi newtrali oħra.
Speċifikazzjonijiet
|
Parametru |
Valuri tal-ispeċifikazzjonijiet |
|
Ilma |
< 1 % |
|
Esteri tax-xama' |
> 85 % |
|
Aċidi xaħmin totali |
> 46 % |
|
Aċidu ejkosapentenojku (EPA) |
> 3 % |
|
Aċidu dokosaeżaenojku (DHA) |
> 4 % |
|
Alkoħol xaħmi totali |
> 28 % |
|
C20:1 n-9 alkoħol xaħmi |
> 9 % |
|
C22:1 n-11 alkoħol xaħmi |
> 12 % |
|
Aċidi xaħmin trans |
< 1 % |
|
Esteri tal-astaksantin |
< 0,1 % |
|
Valur tal-perossidu |
< 3 meq. O2/kg |
ANNESS II
UŻI AWTORIZZATI TAŻ-ŻEJT MINN CALANUS FINMARCHICUS
|
Kategorija tal-ikel |
Livell massimu |
|
Supplimenti tal-ikel kif definiti fid-Direttiva 2002/46/KE |
2,3 g/kuljum |