This document is an excerpt from the EUR-Lex website
Document 32017D2240
Council Decision (EU) 2017/2240 of 10 November 2017 on the signing, on behalf of the Union, and provisional application of the Agreement between the European Union and the Swiss Confederation on the linking of their greenhouse gas emissions trading systems
Deċiżjoni tal-Kunsill (UE) 2017/2240 tal-10 ta' Novembru 2017 dwar l-iffirmar, f'isem l-Unjoni, u l-applikazzjoni proviżorja tal-Ftehim bejn l-Unjoni Ewropea u l-Konfederazzjoni Żvizzera dwar il-kollegament tal-iskemi għall-iskambju ta' kwoti tal-emissjonijiet ta' gassijiet serra tagħhom
Deċiżjoni tal-Kunsill (UE) 2017/2240 tal-10 ta' Novembru 2017 dwar l-iffirmar, f'isem l-Unjoni, u l-applikazzjoni proviżorja tal-Ftehim bejn l-Unjoni Ewropea u l-Konfederazzjoni Żvizzera dwar il-kollegament tal-iskemi għall-iskambju ta' kwoti tal-emissjonijiet ta' gassijiet serra tagħhom
ĠU L 322, 7.12.2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2017/2240/oj
|
7.12.2017 |
MT |
Il-Ġurnal Uffiċjali tal-Unjoni Ewropea |
L 322/1 |
DEĊIŻJONI TAL-KUNSILL (UE) 2017/2240
tal-10 ta' Novembru 2017
dwar l-iffirmar, f'isem l-Unjoni, u l-applikazzjoni proviżorja tal-Ftehim bejn l-Unjoni Ewropea u l-Konfederazzjoni Żvizzera dwar il-kollegament tal-iskemi għall-iskambju ta' kwoti tal-emissjonijiet ta' gassijiet serra tagħhom
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 192(1), flimkien mal-Artikolu 218(5) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Fl-20 ta' Diċembru 2010, il-Kunsill awtorizza lill-Kummissjoni tiftaħ negozjati mal-Konfederazzjoni Żvizzera għal kollegament bejn l-iskemi għall-iskambju ta' kwoti tal-emissjonijiet ta' gassijiet serra tagħhom (“ETS”, emissions trading systems). In-negozjati ġew konklużi b'suċċess permezz tal-inizjalar tal-Ftehim bejn l-Unjoni Ewropea u l-Konfederazzjoni Żvizzera dwar il-Kollegament tal-Iskemi għall-Iskambju ta' Kwoti tal-Emissjonijiet ta' Gassijiet Serra tagħhom (il-“Ftehim”). |
|
(2) |
Il-Ftehim jiżgura li l-kondizzjonijiet għall-kollegament, kif speċifikat fl-Artikolu 25 tad-Direttiva 2003/87/KE tal-Parlament Ewropew u tal-Kunsill (1), jiġu sodisfatti. |
|
(3) |
Il-pożizzjonijiet li għandhom jiġu adottati f'isem l-Unjoni fil-Kumitat Konġunt stabbilit taħt il-Ftehim għandhom jiġu stabbiliti f'konformità mal-proċeduri u l-prattiki eżistenti u b'rispett sħiħ għall-prerogattivi tat-tfassil ta' politika tal-Kunsill. B'mod partikolari, fejn il-Kumitat Konġunt jintalab jieħu deċiżjonijiet li jkollhom effetti legali, huwa l-Kunsill li għandu jiddetermina l-pożizzjoni tal-Unjoni f'konformità mal-Artikolu 218(9) tat-Trattat. |
|
(4) |
Jenħtieġ li l-Ftehim jiġi ffirmat. |
|
(5) |
Sabiex tkun żgurata l-koordinazzjoni bejn il-Partijiet u biex jiġu kkunsidrati l-iżviluppi leġislattivi rilevanti, inklużi l-adozzjoni u d-dħul fis-seħħ tar-regoli Żvizzera rilevanti li jestendu l-ETS Żvizzera għall-avjazzjoni, u l-ħtieġa li l-Anness I, Parti B tal-Ftehim jiġi emendat skont dan, jenħtieġ li l-Artikoli 11 sa 13 tal-Ftehim jiġu applikati fuq bażi proviżorja, sa meta jitlestew il-proċeduri neċessarji għad-dħul fis-seħħ tiegħu, |
ADOTTA DIN ID-DEĊIŻJONI:
Artikolu 1
L-iffirmar, f'isem l-Unjoni, tal-Ftehim bejn l-Unjoni Ewropea u l-Konfederazzjoni Żvizzera dwar il-kollegament tal-iskemi għall-iskambju ta' kwoti tal-emissjonijiet ta' gassijiet serra tagħhom huwa b'dan awtorizzat, soġġett għall-konklużjoni ta' dan il-Ftehim.
It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat li jinnomina lill-persuna jew persuni mogħtija s-setgħa li jiffirmaw il-Ftehim f'isem l-Unjoni.
Artikolu 3
L-Artikoli 11 sa 13 tal-Ftehim għandhom jiġu applikati fuq bażi proviżorja mill-iffirmar tiegħu (2), sa meta jitlestew il-proċeduri neċessarji għad-dħul fis-seħħ tiegħu.
Artikolu 4
Din id-Deċiżjoni għandha tidħol fis-seħħ fil-jum wara dak tal-adozzjoni tagħha.
Magħmul fi Brussell, l-10 ta' Novembru 2017.
Għall-Kunsill
Il-President
U. PALO
(1) Direttiva 2003/87/KE tal-Parlament Ewropew u tal-Kunsill tat-13 ta' Ottubru 2003 li tistabbilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità u li temenda d-Direttiva tal-Kunsill 96/61/KE (ĠU L 275, 25.10.2003, p. 32).
(2) Id-data tal-iffirmar tal-Ftehim ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.