This document is an excerpt from the EUR-Lex website
Document 32017D1255
Commission Implementing Decision (EU) 2017/1255 of 11 July 2017 on a template for the description of national systems and procedures to admit organisations to become EURES Members and Partners (Text with EEA relevance. )
Deċiżjoni ta' Implimentazzjoni tal-Kummissjoni (UE) 2017/1255 tal-11 ta' Lulju 2017 dwar mudell għad-deskrizzjoni tas-sistemi u l-proċeduri nazzjonali biex idaħħlu organizzazzjonijiet bħala Membri u Sħab tal-EURES (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2017/1255 tal-11 ta' Lulju 2017 dwar mudell għad-deskrizzjoni tas-sistemi u l-proċeduri nazzjonali biex idaħħlu organizzazzjonijiet bħala Membri u Sħab tal-EURES (Test b'rilevanza għaż-ŻEE. )
C/2017/4675
ĠU L 179, 12.7.2017, p. 18–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
12.7.2017 |
MT |
Il-Ġurnal Uffiċjali tal-Unjoni Ewropea |
L 179/18 |
DEĊIŻJONI TA' IMPLIMENTAZZJONI TAL-KUMMISSJONI (UE) 2017/1255
tal-11 ta' Lulju 2017
dwar mudell għad-deskrizzjoni tas-sistemi u l-proċeduri nazzjonali biex idaħħlu organizzazzjonijiet bħala Membri u Sħab tal-EURES
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/589 tal-Parlament Ewropew u tal-Kunsill tat-13 ta' April 2016 dwar netwerk Ewropew ta' servizzi tal-impjiegi (EURES), aċċess tal-ħaddiema għas-servizzi ta' mobilità u integrazzjoni ulterjuri tas-swieq tax-xogħol u li jemenda Regolamenti (UE) Nru 492/2011 u (UE) Nru 1296/2013 (1), u b'mod partikolari l-Artikolu 11(8) tiegħu
Wara li kkonsultat mal-Kumitat tal-EURES,
Billi:
|
(1) |
Ir-Regolament (UE) 2016/589 jistabbilixxi, fost l-oħrajn, il-prinċipji bażiċi u l-kriterji għad-dħul tal-Membri u s-Sħab tal-EURES. |
|
(2) |
Skont l-Artikolu 11(1) tar-Regolament (UE) 2016/589 kull Stat Membru jenħtieġ, mingħajr dewmien żejjed iżda tal-anqas sat-13 ta' Mejju 2018, jistabbilixxi sistema li ddaħħal organizzazzjonijiet bħala Membri u Sħab tal-EURES, biex jissorvelja l-attivitajiet tagħhom u l-konformità tagħhom mal-liġi applikabbli meta jiġi applikat dan ir-Regolament u, fejn meħtieġ, iħassar l-adeżjoni tagħhom. |
|
(3) |
F'konformità mal-Artikolu 40 tar-Regolament (UE) 2016/589, l-organizzazzjonijiet huma permessi li jieħdu sehem bħala Membri u Sħab tal-EURES, waqt perjodu ta' tranżizzjoni għandhom, sabiex jibqgħu fin-netwerk EURES, wara li jkun skada l-perjodu ta' tranżizzjoni, jagħmlu applikazzjonijiet li jiġu ttrattati f'dawn is-sistemi ta' dħul. |
|
(4) |
Is-Servizzi Pubbliċi tal-Impjiegi maħturin skont l-Artikolu 10 tar-Regolament (UE) 2016/589 ma jkunux soġġetti għas-sistemi ta' adeżjoni, iżda għandhom jissodisfaw l-obbligi u l-kriterji kif stipulati f'dak l-Artikolu. |
|
(5) |
Skont l-Artikolu 11(6) u (7) tar-Regolament (UE) 2016/589, l-Istati Membri, permezz tal-Uffiċċji Nazzjonali ta' Koordinazzjoni tagħhom, għandhom jgħarrfu lill-Uffiċċju Ewropew ta' Koordinazzjoni dwar is-sistemi ta' adeżjoni tagħhom, u l-applikazzjonijiet approvati, rifjutati jew revokati u l-Uffiċċju Ewropew ta' Koordinazzjoni għandu jgħaddi din l-informazzjoni lill-Uffiċċji Nazzjonali ta' Koordinazzjoni l-oħra. |
|
(6) |
Skambju ta' informazzjoni u kooperazzjoni sistematika bejn l-Istati Membri jista' jappoġġja żieda fil-kwalità tat-tfassil tas-sistemi nazzjonali ta' dħul u l-applikazzjoni tagħhom. |
|
(7) |
Sabiex jiġi żgurat skambju miftuħ ta' informazzjoni u tagħlim reċiproku bejn l-Istati Membri, huwa neċessarju li jintuża mudell komuni biex jiġu deskritti s-sistemi nazzjonali ta' dħul u jitqiegħed fis-seħħ mekkaniżmu għall-iskambju ta' informazzjoni. |
|
(8) |
Il-mudell jista' jkollu bżonn jiġi adattat maż-żmien biex jirrifletti l-bidliet fis-suq għal servizzi ta' reklutaġġ u żviluppi oħra. Għalhekk huwa importanti li jiġi stabbilit mudell ta' governanza biex tiġi żgurata konsultazzjoni u involviment xierqa tal-Uffiċċji Nazzjonali ta' Koordinazzjoni qabel l-adozzjoni ta' emendi fil-mudell. |
ADOTTAT DIN ID-DEĊIŻJONI:
Artikolu 1
Suġġett
Din id-Deċiżjoni tistabbilixxi l-mudell li jrid jintuża mill-Istati Membri meta jiġu deskritti s-sistemi tagħhom għad-dħul tal-Membri u s-Sħab tal-EURES stabbilit skont l-Artikolu 11(1) tar-Regolament (UE) 2016/589 (is-sistemi nazzjonali ta' dħul), proċeduri biex jiġi modifikat il-mudell u l-mekkaniżmi għall-kondiviżjoni ta' informazzjoni dwar is-sistemi tad-dħul ma' Stati Membri oħra.
Artikolu 2
Prinċipji ġenerali
1. L-Istati Membri għandhom jaqsmu l-informazzjoni fuq is-sistemi ta' dħul skont mudell komuni msemmi fl-Artikolu 6, u għandhom jaġġornaw din l-informazzjoni kull meta jkun hemm xi tibdil.
2. Għall-finijiet ta' sistemi ta' dħul, kull Stat Membru għandu jiżgura l-funzjonijiet li ġejjin:
|
(a) |
l-ipproċessar u l-valutazzjonijiet tal-applikazzjonijiet biex isiru Membri jew Sħab tal-EURES; |
|
(b) |
id-deċiżjonijiet li japprovaw jew jirrifjutaw dawn l-applikazzjonijiet u biex iħassru d-dħul; |
|
(c) |
it-trattament u d-deċiżjoni dwar dawn id-deċiżjonijiet imsemmija fil-punt (b) filwaqt li joffru rimedji kontra tali deċiżjonijiet; |
|
(d) |
il-monitoraġġ tal-konformità tal-Membri u s-Sħab tal-EURES ma' sistema nazzjonali ta' dħul u l-obbligi skont ir-Regolament (UE) 2016/589. |
3. L-Istati Membri għandhom jiżguraw li l-applikanti jiġu infurmati b'mod ċar dwar kif l-applikazzjonijiet tagħhom jiġu ttrattati, b'mod partikolari fir-rigward tal-iskambju ta' informazzjoni ma' Stati Membri oħra dwar id-deċiżjonijiet fuq dħul, il-monitoraġġ u r-revoki.
Artikolu 3
Ir-rwoli u r-responsabbiltajiet tal-Uffiċċji Nazzjonali ta' Koordinazzjoni
Kif stabbilit fl-Artikolu 11(6) tar-Regolament (UE) 2016/589, l-Uffiċċji Nazzjonali ta' Koordinazzjoni għandhom, fl-Istat Membru rispettiv tagħhom, ikunu responsabbli biex iżommu l-Uffiċċju Ewropew ta' Koordinazzjoni infurmat dwar is-sistema nazzjonali ta' dħul u l-applikazzjoni tagħha, b'mod partikolari billi:
|
(a) |
jipprovdu informazzjoni dwar is-sistema nazzjonali ta' dħul, inkluż il-kriterji u r-rekwiżiti kollha applikati, billi jimtela l-mudell komuni msemmi fl-Artikolu 6, u fejn ikun hemm bżonn, jaġġornawh; |
|
(b) |
iżommu infurmat l-Uffiċċju Ewropew ta' Koordinazzjoni bil-Membri u s-Sħab tal-EURES mdaħħla skont is-sistema nazzjonali ta' dħul; |
|
(c) |
iżommu infurmat l-Uffiċċju Ewropew ta' Koordinazzjoni b'kull rifjut ta' dħul abbażi ta' nuqqas ta' konformità, b'mod partikolari mal-punt 1 tat-Taqsima 1 tal-Anness I tar-Regolament (UE) 2016/589; |
|
(d) |
iżommu infurmat l-Uffiċċju Ewropew ta' Koordinazzjoni b'kull revoka ta' dħul tal-Membri u s-Sħab tal-EURES, u r-raġunijiet għal dan. |
Artikolu 4
Ir-rwoli u r-responsabbiltajiet tal-Uffiċċju Ewropew ta' Koordinazzjoni
1. L-Uffiċċju Ewropew ta' Koordinazzjoni għandu jkun responsabbli għall-appoġġ u l-iskambju ta' informazzjoni bejn l-Istati Membri dwar is-sistemi nazzjonali ta' dħul u l-operat tagħhom, b'mod partikolari billi:
|
(a) |
joħloq u jżomm taqsima ddedikata fl-Extranet tal-portal EURES biex jagħmel disponibbli għall-Uffiċċji Nazzjonali ta' Koordinazzjoni:
|
|
(b) |
l-għoti ta' kwalunkwe għodda oħra, taħriġ u appoġġ meħtieġ biex jiġi faċilitat l-iskambju ta' informazzjoni u t-tagħlim reċiproku dwar sistemi ta' ammissjoni; |
|
(c) |
il-Grupp ta' Koordinazzjoni jinżamm infurmat b'mod regolari dwar l-iskambju ta' informazzjoni u, fejn meħtieġ, jiġu proposti emendi fil-mudell u fil-proċeduri. |
2. L-Uffiċċju Ewropew ta' Koordinazzjoni għandu jippubblika l-lista tal-Membri u s-Sħab tal-EURES, fuq il-portal EURES bi ftehim ma' kull Uffiċċju Nazzjonali ta' Koordinazzjoni.
Artikolu 5
Ir-rwoli u r-responsabbiltajiet tal-Grupp ta' Koordinazzjoni
1. Il-Grupp ta' Koordinazzjoni għandu jagħmel monitoraġġ mill-qrib tal-funzjonament tas-sistemi nazzjonali ta' dħul u jservi ta' forum għall-iskambju ta' fehmiet u l-aħjar prattika bil-ħsieb li jittejjeb il-funzjonament tagħhom.
2. Il-Grupp ta' Koordinazzjoni għandu darba fis-sena jwettaq reviżjoni tal-applikazzjoni ta' din id-Deċiżjoni, li ser tikkostitwixxi l-kontribut tal-Grupp ta' Koordinazzjoni lir-rapporti dwar l-attività u ta' valutazzjoni ex post mill-Kummissjoni skont l-Artikoli 33 u 35 tar-Regolament (UE) 2016/589.
3. Jekk it-taqsima tal-Extranet imsemmija fl-Artikolu 4(1)(a) jew kwalunkwe informazzjoni u dokumentazzjoni relatati magħha jeħtieġu li jiġu adattati jew modifikati, l-Uffiċċju Ewropew ta' Koordinazzjoni għandu, qabel ma jadotta l-verżjoni ġdida, jikkonsulta lill-Grupp ta' Koordinazzjoni, f'konformità mal-Artikolu 14 tar-Regolament (UE) 2016/589.
Artikolu 6
Mudell
1. L-Uffiċċji Nazzjonali ta' Koordinazzjoni għandhom jużaw verżjoni elettronika tal-mudell riprodott fl-Anness għad-deskrizzjoni tas-sistemi nazzjonali ta' dħul, il-kriterji u r-rekwiżiti applikati, u l-korpi magħżula għall-operazzjoni tagħhom.
2. Il-mudell mimli għandu jintbagħat lill-Uffiċċju Ewropew ta' Koordinazzjoni malli s-sistema nazzjonali tad-dħul tiġi stabbilita. Kull meta jkun hemm bidliet fir-rigward tal-informazzjoni li ġiet provduta, l-Uffiċċju Nazzjonali ta' Koordinazzjoni għandu jimla u jissottometti mudell ġdid b'informazzjoni aġġornata mingħajr dewmien.
Artikolu 7
Dħul fis-seħħ
1. Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f' Il-Ġurnal Uffiċjali tal-Unjoni Ewropea.
2. L-Uffiċċju Ewropew ta' Koordinazzjoni għandu jaqsam mal-Uffiċċji Nazzjonali ta' Koordinazzjoni l-verżjoni elettronika tal-mudell fl-Anness, kwalunkwe modifika li jkun fiha wara u kull dokumenti ta' gwida oħra rilevanti fuq l-Extranet tal-portal EURES sa mhux aktar tard mill-1 ta' Diċembru 2017.
Magħmul fi Brussell, il-11 ta' Lulju 2017.
Għall-Kummissjoni
Il-President
Jean-Claude JUNCKER
(1) ĠU L 107, 22.4.2016, p. 1.
ANNESS
Mudell biex jintuża mill-Uffiċċji Nazzjonali ta' Koordinazzjoni biex jipprovdu informazzjoni dwar is-sistemi u l-proċeduri nazzjonali biex idaħħlu organizzazzjonijiet bħala Membri u Sħab tal-EURES
Il-verżjoni elettronika ta' dan il-mudell u kwalunkwe verżjoni tad-dokument li tiġi modifikata wara ser tkun disponibbli għall-Uffiċċji Nazzjonali ta' Koordinazzjoni fuq l-Extranet tal-portal EURES.
I. BAŻI ĠURIDIKA
Referenza għal-liġi(jiet)/regoli/regolamenti nazzjonali.
II. IL-PROĊESS GĦALL-GĦAŻLA TAL-MEMBRI U S-SĦAB TAL-EURES
1. Metodu
|
(a) |
Iddeskrivi l-metodu magħżul biex jintgħażlu l-Membri u s-Sħab tal-EURES:
|
|
(b) |
Spjega kif tiġi żgurata l-pubbliċità (pereżempju, in-notifiki jiġu ppubblikati elettronikament?) |
2. Prevenzjoni tal-kunflitti ta' interess
Spjega l-miżuri biex jiġu evitati l-kunflitti ta' interess skont l-Artikolu 2(2) ta' din id-Deċiżjoni
3. Organizzazzjoni tal-proċess ta' dħul sal-għoti
|
(a) |
Il-korp inkarigat mill-ipproċessar u l-valutazzjoni tal-applikazzjonijiet |
|
(b) |
Funzjonijiet tal-korp |
4. il-proċess tal-għoti/informazzjoni lil partijiet terzi
|
(a) |
Il-korp inkarigat mid-deċiżjonijiet li japprova/jirrifjuta abbażi tal-valutazzjoni tal-applikazzjonijiet |
|
(b) |
Funzjonijiet tal-korp |
|
(c) |
Iż-żmien li hemm bżonn mill-applikazzjoni sal-komunikazzjoni tal-approvazzjoni/iċ-ċaħda tal-applikanti |
|
(d) |
Spjega kif l-applikanti jiġu infurmati dwar l-approvazzjoni/iċ-ċaħda tal-applikazzjoni tagħhom |
|
(e) |
Spjega kif il-pubblikazzjoni tal-Membri u s-Sħab tal-EURES magħżula tiġi ttrattata biex tiġi żgurata t-trasparenza |
5. Kif jiġi żgurat il-proċess xieraq tal-liġi
|
(a) |
Il-korp responsabbli |
|
(b) |
Spjega kif jiġu trattati l-ilmenti marbuta mas-sistema tad-dħul |
|
(c) |
Ir-rimedji disponibbli wara ċ-ċaħda |
6. Il-perjodu tad-dħul
Id-dħul huwa limitat fiż-żmien? Jekk iva, għal kemm żmien?
7. Il-proċess tad-dħul mill-ġdid
Spjega l-proċess u l-iskeda ta' żmien
8. Miżati marbuta mal-applikazzjoni
Hemm miżati imposti fuq l-applikanti? Jekk iva, kif jiġu stabbiliti?
III. IL-KRITERJU GĦAD-DĦUL
|
1. |
L-applikazzjoni ta' kriterji minimi tal-Anness I tar-Regolament (UE) 2016/589. |
|
2. |
Kriterji u raġunijiet nazzjonali possibbli għala dawn huma meħtieġa għall-finijiet stabbiliti fl-Artikolu 11(2) tar-Regolament (UE) 2016/589. |
IV. MONITORAĠĠ
|
1. |
Korp/korpi responsabbli |
|
2. |
Metodu (abbażi ta'dejta, kontroll u awditjar, kontrolli każwali, eċċ.) |
|
3. |
Frekwenza tal-verifiki |
|
4. |
It-trattament tal-ilmenti marbuta mal-operat tal-Membri u s-Sħab tal-EURES |
|
5. |
Il-konsegwenzi tan-nuqqas ta' rispett tar-rekwiżiti tas-sistema tad-dħul u l-obbligi skont ir-Regolament (UE) 2016/589 tal-Parlament Ewropew u tal-Kunsill |
V. IL-PROĊESS TA' REVOKA TA' DĦUL
|
1. |
Il-korp responsabbli |
|
2. |
Funzjonijiet tal-korp |
|
3. |
Spjega l-proċess u l-iskeda ta' żmien biex jiġu trattati l-każijiet |
|
4. |
Ir-rimedji disponibbli wara revoka |
VI. KRITERJI TA' REVOKA TA' DĦUL
Jekk jogħġbok elenka l-kriterji nazzjonali ta' revoka ta' dħul.
VII. IL-LISTA TAL-MEMBRI U S-SĦAB TAL-EURES
Għandha tinhemeż lista ta' Membri u Sħab tal-EURES mal-mudell meta jiġi ppreżentat lill-Uffiċċju Ewropew ta' Koordinazzjoni u tinżamm aġġornata.