—

32013 R 0397: Ir-Regolament tal-Kummissjoni (UE) Nru 397/2013 tat-30 ta' April 2013 (ĠU L 120, 1.5.2013, p. 4),

—

32014 R 0333: Ir-Regolament (UE) Nru 333/2014 tal-Parlament Ewropew u tal-Kunsill tal-11 ta' Marzu 2014 (ĠU L 103, 5.4.2014. p. 15),

—

32015 R 0006: Ir-Regolament Delegat tal-Kummissjoni (UE) 2015/6 tal-31 ta' Ottubru 2014 (ĠU L 3, 7.1.2015, p. 1).

(a)

Is-subparagrafu segwenti għandu jinżdied fl-Artikolu 7(2):

“Jekk il-grupp jinkludi biss il-manifatturi stabbiliti fl-Istati tal-EFTA, il-manifatturi għandhom jirreġistraw l-informazzjoni mal-Awtorità ta' Sorveljanza tal-EFTA. Jekk il-grupp jinkludi mill-inqas manifattur wieħed stabbilit fl-Unjoni u mill-inqas manifattur wieħed stabbilit fl-Istati tal-EFTA, il-manifatturi għandhom jirreġistraw l-informazzjoni mal-Kummissjoni u l-Awtorità ta' Sorveljanza tal-EFTA.”

(b)

Is-subparagrafu segwenti għandu jinżdied fl-Artikolu 7(3):

“L-Awtorità ta' Sorveljanza tal-EFTA għandha tinnotifika lill-manifatturi stabbiliti fl-Istati tal-EFTA.”

(c)

Is-subparagrafu segwenti għandu jinżdied fl-Artikolu 7(4):

“Jekk il-grupp jinkludi biss il-manifatturi stabbiliti fl-Istati tal-EFTA, il-manifatturi għandhom jinformaw b'mod konġunt lill-Awtorità ta' Sorveljanza tal-EFTA. Jekk il-grupp jinkludi jew huwa estiż biex jinkludi mill-inqas manifattur wieħed stabbilit fl-Unjoni u mill-inqas manifattur wieħed stabbilit fl-Istati tal-EFTA, il-manifatturi għandhom konġuntement jinformaw kemm lill-Kummissjoni kif ukoll lill-Awtorità ta' Sorveljanza tal-EFTA.”

(d)

Fl-Artikolu 7(5), il-kelmiet “l-Artikoli 81 u 82 tat-Trattat” għandhom jinqraw “l-Artikoli 53 u 54 tal-Ftehim ŻEE” u l-kelma “Komunità” għandha tinqara “ŻEE”.

(e)

Fl-Artikolu 7(7) u l-Artikolu 10(1), il-kelmiet “jew l-Awtorità ta' Sorveljanza tal-EFTA” għandhom jiddaħħlu wara l-kelma “il-Kummissjoni”.

(f)

Id-data li jirrappurtaw l-Istati tal-EFTA għandha tinżamm ukoll fir-reġistru ċentrali msemmi fl-Artikolu 8(4).

(g)

Is-subparagrafu segwenti għandu jinżdied fl-Artikolu 8(4):

“L-Awtorità ta' Sorveljanza tal-EFTA għandha tagħmel il-kalkoli stabbiliti fis-subparagrafu 1 għall-manifatturi stabbiliti fl-Istati tal-EFTA u tinnotifika lil kull manifattur stabbilit fl-Istati tal-EFTA skont it-tieni subparagrafu.”

(h)

Mingħajr preġudizzju għall-Protokoll 1 għall-Ftehim, fl-Artikolu 8(5) u (6), l-Artikolu 11(3), (4), (5) u (6), il-kelmiet “jew mill-Awtorità ta' Sorveljanza tal-EFTA, skont il-każ,” għandhom jiddaħħlu wara l-kelma “il-Kummissjoni”.

(i)

Is-subparagrafi segwenti għandhom jinżdiedu fl-Artikolu 9(1):

“Fejn il-manifattur jew il-maniġer tal-grupp huwa stabbilit fi Stat tal-EFTA, l-Awtorità tas-Sorveljanza tal-EFTA għandha timponi l-primjum għall-emissjonijiet eċċessivi.

L-ammonti tal-primjum fuq l-emissjonijiet eċċessivi għandhom jitqassmu bejn il-Kummissjoni u l-Awtorità ta' Sorveljanza tal-EFTA proporzjonalment mas-sehem ta' reġistrazzjonijiet ta' karozzi ġodda tal-passiġġieri rreġistrati fl-UE jew fl-Istati tal-EFTA, rispettivament, meta mqabbel man-numru totali ta' karozzi ġodda tal-passiġġieri rreġistrati fiż-ŻEE.”

(j)

Is-subparagrafi segwenti għandhom jinżdiedu fl-Artikolu 9(3):

“Il-Kummissjoni Ewropea għandha tuża l-mezzi stabbiliti tagħha għall-ġbir ta' primjums għall-emissjonijiet eċċessivi kif stipulat fid-Deċiżjoni tal-Kummissjoni 2012/100/UE taħt il-paragrafu 1 ukoll fir-rigward tar-reġistrazzjonijiet fl-Istati tal-EFTA ta' manifatturi stabbiliti fl-UE.

L-Awtorità ta' Sorveljanza tal-EFTA għandha tiddetermina l-modi għall-ġbir ta' primjums għall-emissjonijiet eċċessivi taħt il-paragrafu 1. Dawn il-mezzi għandhom ikunu bbażati fuq mezzi tal-Kummissjoni.”

(k)

Is-subparagrafu segwenti għandu jinżdied fl-Artikolu 9(4):

“Għall-Istati tal-EFTA, l-Istati tal-EFTA għandhom jiddeterminaw l-allokazzjoni tal-ammonti tal-primjum fuq l-emissjonijiet eċċessivi.”

(l)

Mingħajr preġudizzju għall-Protokoll 1 għall-Ftehim, fl-Artikoli 11(2) u (4) it-tieni subparagrafu, il-kelmiet “, jew fil-każ ta' manifattur stabbilit fl-Istati tal-EFTA, lill-Awtorità ta' Sorveljanza tal-EFTA,” għandhom jiddaħħlu wara l-kelma “Kummissjoni”.

(m)

Is-subparagrafu segwenti għandu jinżdied fl-Artikolu 12(2):

“Fornituri jew manifatturi stabbiliti fl-Istati tal-EFTA għandhom jibagħtu l-applikazzjonijiet skont dan l-Artikolu lill-Kummissjoni. Il-Kummissjoni għandha tagħti l-istess prijorità għal tali applikazzjonijiet bħal applikazzjonijiet oħra skont dan l-Artikolu.”

(n)

Is-subparagrafu segwenti għandu jinżdied fl-Artikolu 12(4):

“Deċiżjonijiet tal-Kummissjoni li japprovaw teknoloġiji innovattivi skont dan l-Artikolu huma applikabbli b'mod ġenerali u għandhom jiġu inkorporati fil-Ftehim taż-ŻEE.”

(o)

Dan ir-Regolament ma għandux japplika għal-Liechtenstein.”.

“21aea.

32011 R 0063: Ir-Regolament tal-Kummissjoni (UE) Nru 63/2011 tas-26 ta' Jannar 2011 li jistabbilixxi dispożizzjonijiet dettaljati għall-applikazzjoni għal deroga mill-miri speċifiċi tal-emissjonijiet ta' CO2 skont l-Artikolu 11 tar-Regolament (KE) Nru 443/2009 tal-Parlament Ewropew u tal-Kunsill (ĠU L 23, 27.1.2011, p. 16).

Ir-Regolament għandu, għall-finijiet ta' dan il-Ftehim, jinqara bl-adattamenti li ġejjin:

21aeb.

32011 R 0725: Ir-Regolament ta' Implimentazzjoni tal-Kummissjoni (UE) Nru 725/2011 tal-25 ta' Lulju 2011 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn karozzi tal-passiġġieri, skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 194, 26.7.2011, p. 19).

21aec.

32010 R 1014: Ir-Regolament tal-Kummissjoni (UE) Nru 1014/2010 tal-10 ta' Novembru 2010 dwar il-monitoraġġ u r-rapportar ta' data fuq ir-reġistrazzjoni ta' karozzi ġodda tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 293, 11.11.2010, p. 15), kif emendat b':

Id-dispożizzjonijiet tar-Regolament għandhom, għall-finijiet ta' dan il-Ftehim, jinqraw bl-adattamenti li ġejjin: