This document is an excerpt from the EUR-Lex website
Document 32017D0011
Commission Decision (EU) 2017/11 of 5 January 2017 approving, on behalf of the European Union, amendments to the Protocol between the European Union and the Kingdom of Morocco setting out the fishing opportunities and financial compensation provided for in the Fisheries Partnership Agreement between the European Community and the Kingdom of Morocco
Deċiżjoni tal-Kummissjoni (UE) 2017/11 tal-5 ta' Jannar 2017 li tapprova, f'isem l-Unjoni Ewropea, l-emendi tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk
Deċiżjoni tal-Kummissjoni (UE) 2017/11 tal-5 ta' Jannar 2017 li tapprova, f'isem l-Unjoni Ewropea, l-emendi tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk
C/2016/8895
ĠU L 3, 6.1.2017, p. 43–45
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
6.1.2017 |
MT |
Il-Ġurnal Uffiċjali tal-Unjoni Ewropea |
L 3/43 |
DEĊIŻJONI TAL-KUMMISSJONI (UE) 2017/11
tal-5 ta' Jannar 2017
li tapprova, f'isem l-Unjoni Ewropea, l-emendi tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2013/785/UE tas-16 ta' Diċembru 2013 dwar il-konklużjoni, f'isem l-Unjoni Ewropea, tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn l-Unjoni Ewropea u r-Renju tal-Marokk (1), u partikolarment l-Artikolu 3 tiegħu,
Billi:
(1) |
L-Artikolu 10 tal-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk (2), minn hawn 'il quddiem “il-Ftehim”, approvat permezz tar-Regolament tal-Kunsill (KE) Nru 764/2006 (3), jistabbilixxi Kumitat Konġunt responsabbli mill-monitoraġġ tal-applikazzjoni tal-ftehim imsemmi, u partikolarment is-superviżjoni tal-implimentazzjoni, l-interpretazzjoni u l-funzjonament kif suppost. Il-Kapitolu X tal-Anness tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fil-qasam tas-sajd bejn l-Unjoni Ewropea u r-Renju tal-Marokk, minn hawn 'il quddiem “il-Protokoll”, approvat permezz tad-Deċiżjoni 2013/785/UE, jistabbilixxi l-arranġamenti għall-ħatt l-art ta' parti mill-qabdiet fil-portijiet Marokkini imwettqa skont dan il-Protokoll, |
(2) |
Il-Kumitat Konġunt ltaqa' f'Rabat bejn it-18 u l-20 ta' Ottubru 2016, biex jadotta l-emendi ta' ċerti arranġamenti għall-implimentazzjoni tal-Protokoll fir-rigward tal-ħatt l-art, b'konsiderazzjoni tad-diffikultajiet rikorrenti fir-rigward tal-ilħuq ta' dan l-obbligu, |
(3) |
Qabel il-laqgħa tal-Kumitat Konġunt, il-Kummissjoni bagħtet dokument preparatorju lill-Kunsill fejn spjegat fid-dettall l-elementi speċifiċi tal-pożizzjoni prevista mill-Unjoni, |
(4) |
Il-pożizzjoni prevista mill-Unjoni ġiet approvata mill-Kunsill skont il-punt 3 tal-Anness tad-Deċiżjoni 2013/785/UE, |
(5) |
L-emendi adottati, li jikkonċernaw iż-żieda fil-penali għall-nuqqas ta' konformità mal-obbligu tal-ħatt l-art u l-estensjoni tal-inċentivi finanzjarji tal-kategoriji kollha mandatorji fil-każ ta' ħatt l-art lil hinn mil-livell limitu mandatorju għall-ħatt l-art, ġew inklużi fl-Anness 8 tal-minuti tal-istess laqgħa tal-Kumitat Konġunt, |
(6) |
Dawn l-emendi għandhom jiġu approvati f'isem l-Unjoni Ewropea, |
(7) |
Jenħtieġ li tiġi prevista l-applikabbiltà retroattiva ta' dawn il-miżuri mill-20 ta' Ottubru 2016, |
ADOTTAT DIN ID-DEĊIŻJONI:
Artikolu 1
L-emendi tal-punti 1 u 4 tal-Kapitolu X tal-Anness tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk, adottati mill-Kumitat Konġunt stabbilita permezz tal-Artikolu 10 tal-imsemmi ftehim u li jirriżultaw mill-Anness 8 tal-minuti stabbilit fl-Anness ta' din id-Deċiżjoni, huma approvati f'isem l-Unjoni.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Għandha tapplika mill-20 ta' Ottubru 2016.
Magħmul fi Brussell, il-5 ta' Jannar 2017.
Għall-Kummissjoni
Il-President
Jean-Claude JUNCKER
(1) ĠU L 349, 21.12.2013, p. 1.
(2) ĠU L 141, 29.5.2006, p. 4.
(3) Ir-Regolament tal-Kunsill (KE) Nru 764/2006 tat-22 ta' Mejju 2006 dwar il-konklużjoni ta' Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk (ĠU L 141, 29.5.2006, p. 1).
ANNESS
L-Anness 8 tal-minuti tal-laqgħa ta' bejn it-18 u l-20 ta' Ottubru 2016 tal-Kumitat Konġunt stabbilit permezz tal-Ftehim ta' Assoċjazzjoni fis-settur tas-sajd bejn il-Komunità Ewropea u r-Renju tal-Marokk
KAPITOLU X “ĦATT L-ART TAL-QABDIET”
Punt 1 |
“Ħatt l-Art” Il-bastimenti tal-Unjoni Ewropea suġġetti għall-ħatt l-art mandatorju li għandhom liċenzja skont id-dispożizzjonijiet ta' dan il-Protokoll u li f'port Marokkin iħottu l-art iktar mill-perċentwali tal-ħatt l-art obbligatorji previsti fl-iskedi tad-dejta tekniċi 1, 4, 5 u 6 għandhom jibbenefikaw minn tnaqqis fuq it-tariffa ta' 5 % għal kull tunnellata li tinħatt l-art li tkun iktar mil-livell limitu obbligatorju li tkun għaddiet mis-suq tal-ħut. |
Punt 4 |
“Penali fil-każ ta' nuqqas ta' konformità mar-rekwiżiti applikabbli tal-ħatt l-art”: Bastimenti fil-kategoriji li huma soġġetti għal ħatt l-art obbligatorju li ma jikkonformawx ma' dan l-obbligu skont l-iskedi tad-dejta tekniċi rilevanti jistgħu jkunu soġġetti għal żieda ta' 15 % fil-pagament tat-tariffa sussegwenti. |