EUR-Lex Access to European Union law
This document is an excerpt from the EUR-Lex website
Document 32016R2362
Commission Implementing Regulation (EU) 2016/2362 of 20 December 2016 correcting Implementing Regulation (EU) 2016/2073 as regards the amount available for France for the reimbursement of the appropriations carried over from financial year 2016
Regolament ta' Implimentazzjoni tal-Kummissjoni (UE) 2016/2362 tal-20 ta' Diċembru 2016 li jikkoreġi r-Regolament ta' Implimentazzjoni (UE) 2016/2073 fir-rigward tal-ammont disponibbli għal Franza għar-rimborż tal-approprjazzjonijiet riportati mis-sena finanzjarja tal-2016
Regolament ta' Implimentazzjoni tal-Kummissjoni (UE) 2016/2362 tal-20 ta' Diċembru 2016 li jikkoreġi r-Regolament ta' Implimentazzjoni (UE) 2016/2073 fir-rigward tal-ammont disponibbli għal Franza għar-rimborż tal-approprjazzjonijiet riportati mis-sena finanzjarja tal-2016
C/2016/8976
ĠU L 350, 22.12.2016, p. 18–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.12.2016 |
MT |
Il-Ġurnal Uffiċjali tal-Unjoni Ewropea |
L 350/18 |
REGOLAMENT TA' IMPLIMENTAZZJONI TAL-KUMMISSJONI (UE) 2016/2362
tal-20 ta' Diċembru 2016
li jikkoreġi r-Regolament ta' Implimentazzjoni (UE) 2016/2073 fir-rigward tal-ammont disponibbli għal Franza għar-rimborż tal-approprjazzjonijiet riportati mis-sena finanzjarja tal-2016
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta' Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b'mod partikolari l-Artikolu 26(6) tiegħu,
Wara li kkonsultat mal-Kumitat dwar il-Fondi Agrikoli,
Billi:
|
(1) |
Ir-Regolament ta' Implimentazzjoni tal-Kummissjoni (UE) 2016/2073 (2) jistabbilixxi l-ammonti li jsiru disponibbli għall-Istati Membri għar-rimborż lid-destinatarji finali fis-sena finanzjarja tal-2017. Dawk l-ammonti jikkorrispondu għat-tnaqqis tad-dixxiplina finanzjarja li ġie applikat effettivament mill-Istati Membri fis-sena finanzjarja tal-2016 abbażi tad-dikjarazzjonijiet tan-nefqa tal-Istati Membri għall-perjodu mis-16 ta' Ottubru 2015 sal-15 ta' Ottubru 2016. |
|
(2) |
Fir-rigward ta' Franza, waqt it-trattament tad-dikjarazzjonijiet tal-Istati Membri bl-għan li jiġu stabbiliti l-ammonti grossi tan-nefqa soġġetti għal dixxiplina finanzjarja sar żball fis-sistema tal-IT tal-Kummissjoni. Dak l-iżball wassal biex ġie applikat ammont żbaljat tad-dixxiplina finanzjarja u b'hekk wassal għal żball fl-ammont li sar disponibbli għar-rimborż għal Franza. Dak l-iżball ma jaffettwax l-ammonti stabbiliti għal Stati Membri oħra. |
|
(3) |
Sabiex tinkiseb il-konformità mal-bażi legali għar-rimborż u biex tkun żgurata l-protezzjoni tal-interessi finanzjarji tal-Unjoni, l-ammont li sar disponibbli għar-rimborż għal Franza għandu jiġi kkoreġut. |
|
(4) |
B'konsegwenza ta' dan, it-total tad-dixxiplina finanzjarja applikat mill-Istati Membri fis-sena finanzjarja tal-2016, kif imsemmi fil-premessa 5 tar-Regolament ta' Implimentazzjoni (UE) 2016/2073, huwa ta' EUR 433 miljun. |
|
(5) |
Għalhekk, ir-Regolament ta' Implimentazzjoni (UE) 2016/2073 għandu jiġi kkoreġut skont dan, |
|
(6) |
Billi l-korrezzjoni li qed issir permezz ta' dan ir-Regolament taffettwa l-applikazzjoni tar-Regolament ta' Implimentazzjoni (UE) 2016/2073, li japplika mill-1 ta' Diċembru 2016, anki dan ir-Regolament għandu japplika mill-1 ta' Diċembru 2016, |
ADOTTAT DAN IR-REGOLAMENT:
Artikolu 1
Fl-Anness tar-Regolament ta' Implimentazzjoni (UE) 2016/2073, l-entrata għal Franza tinbidel b'dan li ġej:
|
“Franza |
88 824 479 ” |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Diċembru 2016.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta' Diċembru 2016.
Għall-Kummissjoni,
F'isem il-President,
Jerzy PLEWA
Direttur Ġenerali
Direttorat Ġenerali għall-Agrikoltura u l-Iżvilupp Rurali
(1) ĠU L 347, 20.12.2013, p. 549.
(2) Ir-Regolament ta' Implimentazzjoni tal-Kummissjoni (UE) 2016/2073 tat-23 ta' Novembru 2016 dwar ir-rimborż, f'konformità mal-Artikolu 26(5) tar-Regolament (UE) Nru 1306/2013 tal-Parlament Ewropew u tal-Kunsill, tal-approprjazzjonijiet riportati mis-sena finanzjarja tal-2016 (ĠU L 320, 26.11.2016, p. 25).