EUR-Lex Access to European Union law
This document is an excerpt from the EUR-Lex website
Document 32016R2214
Commission Implementing Regulation (EU) 2016/2214 of 8 December 2016 amending Regulation (EC) No 474/2006 as regards the list of air carriers which are subject to an operating ban within the Union (Text with EEA relevance )
Regolament ta' Implimentazzjoni tal-Kummissjoni (UE) 2016/2214 tat-8 ta' Diċembru 2016 li jemenda r-Regolament (KE) Nru 474/2006 fir-rigward tal-lista ta' kumpaniji tal-ajru li huma soġġetti għal projbizzjoni fuq l-operat fl-Unjoni (Test b'rilevanza għaż-ŻEE )
Regolament ta' Implimentazzjoni tal-Kummissjoni (UE) 2016/2214 tat-8 ta' Diċembru 2016 li jemenda r-Regolament (KE) Nru 474/2006 fir-rigward tal-lista ta' kumpaniji tal-ajru li huma soġġetti għal projbizzjoni fuq l-operat fl-Unjoni (Test b'rilevanza għaż-ŻEE )
C/2016/8406
ĠU L 334, 9.12.2016, p. 6–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
9.12.2016 |
MT |
Il-Ġurnal Uffiċjali tal-Unjoni Ewropea |
L 334/6 |
REGOLAMENT TA' IMPLIMENTAZZJONI TAL-KUMMISSJONI (UE) 2016/2214
tat-8 ta' Diċembru 2016
li jemenda r-Regolament (KE) Nru 474/2006 fir-rigward tal-lista ta' kumpaniji tal-ajru li huma soġġetti għal projbizzjoni fuq l-operat fl-Unjoni
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 2111/2005 tal-Parlament Ewropew u tal-Kunsill tal-14 ta' Diċembru 2005 dwar l-istabbiliment ta' lista Komunitarja ta' kumpaniji tal-ajru li huma suġġetti għal projbizzjoni ta' operar fil-Komunità u li jinforma lill-passiġġieri tat-trasport bl-ajru dwar l-identità tal-kumpanija tal-ajru li topera, u li tħassar l-Artikolu 9 tad-Direttiva 2004/36/KE (1), u b'mod partikolari l-Artikolu 4(2) tiegħu,
Billi:
(1) |
Ir-Regolament tal-Kummissjoni (KE) Nru 474/2006 (2) stabbilixxa l-lista ta' kumpaniji tal-ajru li huma soġġetti għall-projbizzjoni fuq l-operat fl-Unjoni, imsemmija fil-Kapitolu II tar-Regolament (KE) Nru 2111/2005. |
(2) |
F'konformità mal-Artikolu 4(3) tar-Regolament (KE) Nru 2111/2005, ċerti Stati Membri u l-Aġenzija Ewropea tas-Sikurezza tal-Avjazzjoni (“EASA”) għaddew l-informazzjoni rilevanti lill-Kummissjoni fil-kuntest tal-aġġornament ta' dik il-lista. L-informazzjoni rilevanti ġiet ikkomunikata wkoll minn pajjiżi terzi u organizzazzjonijiet internazzjonali. Il-lista jenħtieġ li tiġi aġġornata abbażi ta' dik l-informazzjoni. |
(3) |
Il-Kummissjoni infurmat lill-kumpaniji tal-ajru kollha kkonċernati direttament jew permezz tal-awtoritajiet responsabbli għas-sorveljanza regolatorja tagħhom, dwar il-fatti u l-kunsiderazzjonijiet essenzjali li jiffurmaw il-bażi għal deċiżjoni li timponilhom projbizzjoni fuq l-operat fl-Unjoni jew li temenda l-kundizzjonijiet ta' projbizzjoni fuq l-operat imposta fuq kumpanija tal-ajru li tkun inkluża fil-lista. |
(4) |
Il-Kummissjoni tat l-opportunità lill-kumpaniji tal-ajru kkonċernati biex jikkonsultaw id-dokumenti pprovduti mill-Istati Membri, biex jissottomettu kummenti bil-miktub u biex jagħmlu preżentazzjoni bil-fomm lill-Kummissjoni u lill-Kumitat stabbilit permezz tar-Regolament tal-Kunsill (KEE) Nru 3922/1991 (3) (il-“Kumitat għas-Sikurezza tal-Ajru”). |
(5) |
Il-Kumitat għas-Sikurezza tal-Ajru rċieva aġġornamenti mingħand il-Kummissjoni dwar il-konsultazzjonijiet konġunti li għaddejjin, fil-qafas tar-Regolament (KE) Nru 2111/2005 u tar-Regolament tal-Kummissjoni (KE) Nru 473/2006 (4), mal-awtoritajiet kompetenti u mal-kumpaniji tal-ajru tal-Afganistan, tal-Benin, tal-Indja, tal-Indoneżja, tal-Iran, tal-Każakistan, tar-Repubblika Kirgiża, tal-Libja, tal-Mozambique u tat-Tajlandja. Il-Kummissjoni pprovdiet ukoll informazzjoni lill-Kumitat għas-Sikurezza tal-Ajru dwar is-sitwazzjoni tas-sikurezza tal-avjazzjoni fil-Kamerun, fir-Repubblika Demokratika tal-Kongo, fir-Repubblika Dominicana, fl-Iraq, fil-Libanu, fin-Nepal, fil-Filippini u fis-Sudan u dwar il-konsultazzjonijiet tekniċi mal-Federazzjoni Russa. |
(6) |
L-EASA ppreżentat ir-riżultati tal-analiżi tar-rapporti tal-verifika li twettqu mill-Organizzazzjoni tal-Avjazzjoni Ċivili Internazzjonali (“ICAO”) fil-qafas tal-Programm ta' Spezzjoni Universali għas-Sorveljanza tas-Sikurezza tal-ICAO lill-Kummissjoni u lill-Kumitat għas-Sikurezza tal-Ajru. F'dan il-kuntest, l-Istati Membri ġew mistiedna biex jagħtu prijorità lill-ispezzjonijiet fir-rampa ta' kumpaniji tal-ajru li ngħataw liċenzja minn Stati li għalihom l-ICAO identifikat Tħassib Sinifikanti dwar is-Sikurezza (“SSC”) jew li fir-rigward tagħhom l-EASA kkonkludiet li hemm nuqqasijiet sinifikanti fis-sistema tas-sorveljanza tas-sikurezza. Minbarra l-konsultazzjonijiet li għamlet il-Kummissjoni skont ir-Regolament (KE) Nru 2111/2005, il-prijoritizzazzjoni tal-ispezzjonijiet fir-rampa se tippermetti l-akkwist ta' aktar informazzjoni fir-rigward tal-prestazzjoni tas-sikurezza tal-kumpaniji tal-ajru li ngħataw il-liċenzja f'dawk l-Istati. |
(7) |
L-EASA infurmat ukoll lill-Kummissjoni u lill-Kumitat għas-Sikurezza tal-Ajru dwar ir-riżultati tal-analiżi tal-ispezzjonijiet fir-rampa li twettqu skont il-programm tal-Valutazzjoni tas-Sikurezza tal-Inġenji tal-Ajru Barranin (“SAFA”) f'konformità mar-Regolament tal-Kummissjoni (UE) Nru 965/2012 (5). |
(8) |
Barra minn hekk, l-EASA infurmat lill-Kummissjoni u lill-Kumitat għas-Sikurezza tal-Ajru dwar il-proġetti ta' assistenza teknika li twettqu fi Stati milquta minn miżuri jew minn monitoraġġ skont ir-Regolament (KE) Nru 2111/2005. L-Aġenzija pprovdiet informazzjoni dwar il-pjanijiet u t-talbiet għal aktar assistenza teknika u kooperazzjoni biex titjieb il-kapaċità amministrattiva u teknika tal-awtoritajiet tal-avjazzjoni ċivili, bil-għan li jiġu solvuti n-nuqqasijiet ta' konformità mal-istandards applikabbli tal-avjazzjoni ċivili internazzjonali. L-Istati Membri ġew mistiedna jirrispondu għal talbiet bħal dawn fuq bażi bilaterali b'koordinazzjoni mal-Kummissjoni u mal-EASA. Dwar dan, il-Kummissjoni enfasizzat is-siwi tal-għoti ta' informazzjoni lill-komunità tal-avjazzjoni internazzjonali, b'mod partikolari permezz tal-bażi tad-dejta tas-“Safety Collaborative Assistance Network” (“SCAN”) tal-ICAO, dwar l-assistenza teknika li jagħtu l-Unjoni u l-Istati Membri tagħha biex titjieb is-sikurezza tal-avjazzjoni madwar id-dinja. |
(9) |
Il-Eurocontrol aġġorna lill-Kummissjoni u lill-Kumitat għas-Sikurezza tal-Ajru dwar il-qagħda tal-funzjoni ta' twissija tal-SAFA u dwar l-istatistika attwali għall-messaġġi ta' twissija għal kumpaniji tal-ajru pprojbiti. |
Il-kumpaniji tal-ajru tal-Unjoni
(10) |
Wara l-analiżi mill-EASA tal-informazzjoni li ħarġet minn spezzjonijiet fir-rampa li twettqu fuq inġenji tal-ajru ta' kumpaniji tal-ajru tal-Unjoni jew minn spezzjonijiet ta' standardizzazzjoni li twettqu mill-EASA, kif ukoll minn spezzjonijiet u verifiki speċifiċi li twettqu mill-awtoritajiet nazzjonali tal-avjazzjoni, diversi Stati Membri ħadu ċerti miżuri ta' infurzar u infurmaw lill-Kummissjoni u lill-Kumitat għas-Sikurezza tal-Ajru dwar dawk il-miżuri. Il-Greċja infurmat lill-Kummissjoni u lill-Kumitat għas-Sikurezza tal-Ajru dwar l-azzjonijiet li kienet ħadet fir-rigward tal-kumpanija tal-ajru Olympus Airways. |
(11) |
L-Istati Membri tennew li kienu lesti jaġixxu kif meħtieġ jekk xi informazzjoni rilevanti dwar is-sikurezza tindika li hemm riskji imminenti għas-sikurezza minħabba nuqqas ta' konformità min-naħa tal-kumpaniji tal-ajru tal-Unjoni mal-istandards xierqa tas-sikurezza. |
Il-kumpaniji tal-ajru mill-Afganistan
(12) |
Bl-ittra tal-10 ta' Jannar 2016, l-Awtorità tal-Avjazzjoni Ċivili tar-Repubblika Iżlamika tal-Afganistan (“ACAA”) infurmat lill-Kummissjoni dwar il-progress fl-implimentazzjoni tal-liġi tal-avjazzjoni tal-Afganistan, ir-regolamenti dwar l-ajru ċivili tal-Afganistan, l-organizzazzjoni tal-ACAA, inklużi r-reklutaġġ u t-taħriġ ta' spetturi, il-proċedura għaċ-ċertifikazzjoni tal-kumpaniji tal-ajru, ir-riżultati tal-attivitajiet ta' sorveljanza tas-sikurezza mwettqa fuq kumpaniji tal-ajru ċċertifikati fl-Afganistan għas-snin 2014 u 2015 u r-rapporti dwar l-okkorrenzi marbuta mas-sikurezza u l-informazzjoni dwar l-investigazzjonijiet ta' aċċidenti li seħħew reċentement. |
(13) |
Din l-informazzjoni turi li fl-Afganistan ġiet stabbilita sistema ta' sorveljanza tas-sikurezza bażika, iżda li għad hemm bżonn ta' aktar żvilupp fl-implimentazzjoni attwali tal-istandards kollha tas-sikurezza tal-avjazzjoni ċivili internazzjonali. L-informazzjoni pprovduta mill-ACAA dwar l-attivitajiet ta' sorveljanza tas-sikurezza hija superfiċjali. L-ACAA wriet li waqt l-awditjar u l-ispezzjonijiet isiru sejbiet u osservazzjonijiet, madankollu ma ġiet ipprovduta l-ebda evidenza dwar ir-riżoluzzjoni ta' dawk is-sejbiet, inklużi analiżi tal-kawżi ewlenin u segwitu xieraq mill-kumpaniji tal-ajru kkonċernati. |
(14) |
L-ACAA indikat li l-kumpanija tal-ajru Pamir Airlines ma għadx għandha ċertifikat tal-operatur tal-ajru u li l-kumpaniji tal-ajru li jġorru l-passiġġieri Afghan Jet International Airlines (AOC 008) u East Horizon Airlines (AOC 1013) ġew iċċertifikati mill-ACAA. L-ACAA ma pprovdietx evidenza li s-sorveljanza tas-sikurezza ta' dawk iż-żewġ kumpaniji tal-ajru hija żgurata f'konformità mal-istandards internazzjonali tas-sikurezza. |
(15) |
Għalhekk, skont il-kriterji komuni stabbiliti fl-Anness tar-Regolament (KE) Nru 2111/2005, ġie vvalutat li l-lista Komunitarja tal-kumpaniji tal-ajru li huma soġġetti għal projbizzjoni fuq l-operat fl-Unjoni jenħtieġ li tiġi emendata sabiex il-kumpanija tal-ajru Pamir Airlines titneħħa mill-Anness A tar-Regolament (KE) Nru 474/2006 u sabiex il-kumpaniji tal-ajru Afghan Jet International Airlines u East Horizon Airlines jiġu inklużi fl-Anness A tar-Regolament (KE) Nru 474/2006. |
Il-kumpaniji tal-ajru mill-Benin
(16) |
Bl-ittra tal-20 ta' Lulju 2016, l-Agence Nationale de l'Aviation Civile ta' Benin (“ANAC Benin”) infurmat lill-Kummissjoni li ċ-ċertifikati tal-operaturi tal-ajru tal-kumpaniji tal-ajru Aero Benin, Benin Golf Air, Cotair, Royal Air Limited, Trans Air Benin, Alafia Jet, Benin Littoral Airways u Africa Airways ġew revokati. |
(17) |
Bl-ittra tat-18 ta' Novembru 2016, l-ANAC Benin infurmat lill-Kummissjoni li mill-aħħar aġġornament li kienet ipprovditilha ġiet iċċertifikata kumpanija tal-ajru ġdida, l-Air Taxi Benin (l-AOC Nru BEN 004 ATB-5). Madankollu, l-ANAC Benin ma pprovdiet l-ebda evidenza li s-sorveljanza tas-sikurezza ta' dik il-kumpanija tal-ajru hija żgurata f'konformità mal-istandards internazzjonali tas-sikurezza. |
(18) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, ġie vvalutat li l-lista Komunitarja tal-kumpaniji tal-ajru li huma soġġetti għall-projbizzjoni fuq l-operat fl-Unjoni jenħtieġ li tiġi emendata sabiex l-Air Taxi Benin tiġi inkluża fl-Anness A tar-Regolament (KE) Nru 474/2006 u sabiex il-kumpaniji tal-ajru Aero Benin, Benin Golf Air, Cotair, Royal Air Limited, Trans Air Benin, Alafia Jet, Benin Littoral Airways u Africa Airways jitneħħew minn dak l-Anness. |
Il-kumpaniji tal-ajru mill-Indja
(19) |
Fit-8 ta' Novembru 2016 saru konsultazzjonijiet tekniċi bejn il-Kummissjoni, l-EASA, Stat Membru u r-rappreżentanti mid-Direttorat Ġenerali tal-Avjazzjoni Ċivili tal-Indja (“id-DGCA Indjan”) u l-kumpanija tal-ajru Air India, iċċertifikata fl-Indja. Skont l-Artikolu 3(2) tar-Regolament (KE) Nru 473/2006, dawk il-konsultazzjonijiet saru fil-kuntest tal-ftehim preċedenti mad-DGCA Indjan, li jitwettqu konsultazzjonijiet tekniċi regolari mal-Kummissjoni sabiex jiġu diskussi l-obbligi tad-DGCA Indjan fir-rigward taċ-ċertifikazzjoni u tas-sorveljanza tal-kumpaniji tal-ajru li ġew iċċertifikati minnu. |
(20) |
Matul dawk il-konsultazzjonijiet, id-DGCA Indjan ipprovda informazzjoni, li kienet tinkludi analiżi mill-unità apposta għall-ispezzjonijiet fir-rampa, dwar il-prestazzjoni tal-kumpaniji tal-ajru Indjani, fosthom l-Air India, skont il-programm SAFA. B'mod partikolari, id-DGCA Indjan ipprovda dettalji dwar l-interazzjoni tiegħu ma' Air India u ma' kumpaniji tal-ajru oħra ċċertifikati fl-Indja, fil-kuntest tal-obbligi tiegħu ta' ċertifikazzjoni u ta' sorveljanza. F'dan ir-rigward id-DGCA Indjan ipprovda stampa ġenerali tal-attivitajiet ta' sorveljanza, li kienet tinkludi sommarju tad-dejta għall-2015 u għall-2016. Id-DGCA Indjan ipprovda wkoll aġġornament dwar il-programm tiegħu dwar l-iżvilupp tal-ġestjoni tal-bażi tad-dejta. |
(21) |
L-Air India pprovdiet informazzjoni aġġornata fir-rigward tal-programm tagħha ta' ġestjoni tal-SAFA, inkluż tagħrif speċifiku dwar kif iġġesti l-informazzjoni rikorrenti dwar ix-xejriet tal-SAFA. Fir-rigward tas-sistema tagħha ta' ġestjoni tas-sikurezza u tal-kwalità, l-Air India rrapportat dwar il-laqgħat interni u l-istruttura organizzazzjonali tagħha, dwar kif tiġi mxerrda l-informazzjoni relatata mas-sikurezza tat-titjiriet u dwar l-impenn tagħha mal-partijiet ikkonċernati interni u esterni. |
(22) |
Matul dawk il-konsultazzjonijiet, il-Kummissjoni tenniet lid-DGCA Indjan għadd ta' elementi fir-rigward tal-obbligi tiegħu ta' ċertifikazzjoni u ta' sorveljanza. B'mod partikolari, filwaqt li jitqies il-mod trasparenti li bih id-DGCA Indjan ipprovda l-informazzjoni relatata mas-sikurezza lill-Kummissjoni, min-naħa tad-DGCA Indjan hemm ħtieġa kontinwa għal approċċ proattiv biex jiġu żviluppati iktar il-proċessi interni tiegħu fir-rigward taċ-ċertifikazzjoni u tas-sorveljanza, inkluż ir-rintraċċar u l-monitoraġġ tas-sorveljanza tas-sikurezza kif ukoll is-segwitu tas-sejbiet. |
(23) |
Fir-rigward tal-Air India, filwaqt li jitqies il-livell tad-dettall li l-Air India setgħet tipprovdi u l-mod trasparenti li bih għamlet dan, il-Kummissjoni tenniet li t-titjib sostenibbli skont il-programm tal-SAFA jrid jibqa' prijorità ewlenija. |
(24) |
Il-Kummissjoni ħadet nota tal-informazzjoni pprovduta mid-DGCA Indjan u mill-Air India. Abbażi tal-informazzjoni kollha disponibbli, inkluż l-informazzjoni dettaljata pprovduta mid-DGCA Indjan kif ukoll mill-Air India waqt il-laqgħa ta' konsultazzjoni teknika tat-8 ta' Novembru 2016, kif ukoll tal-għoti mill-EASA ta' awtorizzazzjonijiet ta' Operaturi ta' Pajjiżi Terzi (“TCO”) skont ir-Regolament tal-Kummissjoni (UE) Nru 452/2014 (6) lil diversi kumpaniji tal-ajru ċċertifikati fl-Indja, inkluż l-Air India, jitqies li f'dan l-istadju ma hemmx raġunijiet għalfejn għandhom jiġu imposti projbizzjonijiet fuq l-operat jew restrizzjonijiet operazzjonali fuq il-kumpaniji tal-ajru ċċertifikati fl-Indja. |
(25) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li f'dan l-istadju ma hemmx raġunijiet biex tiġi emendata l-lista tal-kumpaniji tal-ajru li huma soġġetti għall-projbizzjoni fuq l-operat fl-Unjoni billi jiġu inklużi l-kumpaniji tal-ajru mill-Indja. |
(26) |
Il-Kummissjoni biħsiebha tkompli l-konsultazzjonijiet uffiċjali tagħha mad-DGCA Indjan, skont id-dispożizzjonijiet stipulati fl-Artikolu 3(2) tar-Regolament (KE) Nru 473/2006, b'mod partikolari sabiex jiġu diskussi fuq bażi regolari l-miżuri tas-sikurezza implimentati kemm mid-DGCA Indjan kif ukoll mill-kumpaniji tal-ajru ċċertifikati fl-Indja, inkluż l-Air India. |
(27) |
L-Istati Membri jridu jibqgħu jivverifikaw il-konformità effettiva mal-istandards rilevanti tas-sikurezza permezz tal-prijoritizzazzjoni tal-ispezzjonijiet fir-rampa li jridu jitwettqu fuq il-kumpaniji tal-ajru Indjani, skont ir-Regolament (UE) Nru 965/2012. |
(28) |
Jekk xi informazzjoni rilevanti dwar is-sikurezza tindika li hemm riskji imminenti għas-sikurezza minħabba nuqqas ta' konformità mal-istandards internazzjonali tas-sikurezza, il-Kummissjoni tista' tkun obbligata li tieħu azzjoni ulterjuri, f'konformità mar-Regolament (KE) Nru 2111/2005. |
Il-kumpaniji tal-ajru mill-Indoneżja
(29) |
Il-konsultazzjonijiet mad-Direttorat Ġenerali tal-Avjazzjoni Ċivili tal-Indoneżja (id-“DGCA Indoneżjan”) se jissoktaw bl-għan li jiġi ssorveljat il-progress tad-DGCA Indoneżjan biex ikun żgurat li s-sistema tas-sorveljanza tas-sikurezza tal-avjazzjoni fl-Indoneżja tkun konformi mal-istandards internazzjonali tas-sikurezza. F'dak il-kuntest, bl-ittra tal-15 ta' Novembru 2016, id-DGCA Indoneżjan ipprovda informazzjoni addizzjonali lill-Kummissjoni. |
(30) |
Dik l-ittra kienet tinkludi informazzjoni dwar id-deċiżjoni li ttieħdet fil-15 ta' Awwissu 2016 mill-Amministrazzjoni Federali tal-Avjazzjoni tal-Istati Uniti (il-“FAA”) biex l-istatus tal-Indoneżja jiġi aġġornat għall-kategorija 1 tal-Valutazzjoni tas-Sikurezza tal-Avjazzjoni Internazzjonali tal-FAA. Id-DGCA Indoneżjan qed jistenna li fl-2017 titwettaq Missjoni ta' Validazzjoni Koordinata tal-ICAO biex jiġi vverifikat il-progress. Il-valutazzjoni mill-Kummissjoni tal-informazzjoni li kienet ipprovduta mid-DGCA Indoneżjan turi li l-implimentazzjoni effettiva tal-istandards internazzjonali tas-sikurezza għadha f'livell baxx u d-DGCA Indoneżjan jeħtieġ ikompli jaħdem fuq l-implimentazzjoni tal-azzjonijiet korrettivi. |
(31) |
Permezz ta' dik l-ittra d-DGCA Indoneżjan informa wkoll lill-Kummissjoni li erba' kumpanija tal-ajru ġodda kien ġew iċċertifikati mill-aħħar aġġornament li d-DGCA Indoneżjan ipprovda lill-Kummissjoni, jiġifieri: l-AOC Nru 135-037, li nħareġ għal Tri M.G. Intra Asia Airlines fil-11 ta' Novembru 2015; l-AOC Nru 135-054, li nħareġ għal AMA fid-29 ta' Diċembru 2015; l-AOC Nru 135-057, li nħareġ għal Indo Star Aviation fid-29 ta' Ġunju 2016; u l-AOC Nru 135-058, li nħareġ għal Spirit Aviation Sentosa fis-7 ta' Marzu 2016. Madankollu, id-DGCA Indoneżjan ma tax evidenza li s-sorveljanza tas-sikurezza ta' dawk il-kumpaniji tal-ajru hija żgurata f'konformità mal-istandards internazzjonali tas-sikurezza. |
(32) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li l-lista tal-kumpaniji tal-ajru li huma soġġetti għall-projbizzjoni fuq l-operat fl-Unjoni jenħtieġ li tiġi emendata biex tinkludi fl-Anness A tar-Regolament (KE) Nru 474/2006 l-kumpaniji tal-ajru Tri M.G. Intra Asia Airlines, AMA, Indo Star Aviation u Spirit Aviation Sentosa. |
(33) |
L-Istati Membri jridu jkomplu jivverifikaw il-konformità effettiva mal-istandards rilevanti tas-sikurezza permezz tal-prijoritizzazzjoni tal-ispezzjonijiet fir-rampa li jridu jitwettqu fuq il-kumpaniji tal-ajru li ġew iċċertifikati fl-Indoneżja, skont ir-Regolament (UE) Nru 965/2012. |
Il-kumpaniji tal-ajru mill-Iran
(34) |
Bejn it-8 ta' Ottubru 2014 u s-16 ta' Diċembru 2015, l-EASA għarrfet bil-miktub lill-Organizzazzjoni tal-Avjazzjoni Ċivili tar-Repubblika Iżlamika tal-Iran (“CAO-IRI”) bit-tħassib dwar is-sikurezza relatat mar-riżultati tal-ispezzjonijiet fir-rampa tal-kumpanija tal-ajru Iran Aseman Airlines skont il-programm SAFA. Id-dejta tas-SAFA tirrifletti l-evidenza ta' għadd għoli ta' sejbiet rikorrenti li jaffettwaw il-prestazzjoni tas-sikurezza tal-Iran Aseman Airlines. |
(35) |
Fil-15 ta' Ottubru 2014, l-Iran Aseman Airlines applikat għal awtorizzazzjoni ta' TCO mingħand l-EASA. L-EASA vvalutat dik l-applikazzjoni f'konformità mar-rekwiżiti tar-Regolament tal-Kummissjoni (UE) Nru 452/2014. |
(36) |
Filwaqt li wettqet il-valutazzjoni tagħha tas-sikurezza tal-Iran Aseman Airlines għal TCO, l-EASA esprimiet tħassib fundamentali dwar il-fatt li l-Iran Aseman Airlines naqsu milli juru konformità mar-rekwiżiti applikabbli. Għaldaqstant, l-EASA kkonkludiet li valutazzjoni ulterjuri ma kinitx se twassal għall-ħruġ ta' awtorizzazzjoni ta' TCO għall-Iran Aseman Airlines u li din ma kinitx tissodisfa r-rekwiżiti applikabbli tar-Regolament tal-Kummissjoni (UE) Nru 452/2014. B'hekk, fit-3 ta' Awwissu 2016, minħabba raġunijiet ta' sikurezza l-EASA ċaħdet l-applikazzjoni ta' TCO. |
(37) |
Fit-8 ta' Novembru 2016, il-Kummissjoni talbet informazzjoni mingħand is-CAO-IRI dwar il-miżuri li ttieħdu wara ċ-ċaħda tal-applikazzjoni ta' TCO tal-Iran Aseman Airlines. Peress li t-tħassib dwar is-sikurezza ma ġiex solvut, kemm is-CAO-IRI kif ukoll l-Iran Aseman Airlines ingħataw l-opportunità ta' smigħ fit-22 ta' Novembru 2016 quddiem il-Kummissjoni u l-Kumitat għas-Sikurezza tal-Ajru f'konformità mar-Regolament (KE) Nru 2111/2005. |
(38) |
F'dik l-okkażjoni, is-CAO-IRI pprovdiet l-informazzjoni lill-Kummissjoni u lill-Kumitat għas-Sikurezza tal-Ajru dwar l-iżvilupp tal-organizzazzjoni tagħha, l-implimentazzjoni ta' regolamenti ġodda, l-attivitajiet tas-sorveljanza tas-sikurezza u l-azzjonijiet ta' infurzar li ttieħdu fir-rigward ta' sejbiet kontra l-kumpaniji tal-ajru Iranjani inġenerali, u b'mod speċifiku kontra l-Iran Aseman Airlines. Ipprovdiet ukoll informazzjoni dwar l-attivitajiet li għamlet ta' promozzjoni tas-sikurezza. |
(39) |
L-Iran Aseman Airlines ipprovdiet l-informazzjoni lill-Kummissjoni u lill-Kumitat għas-Sikurezza tal-Ajru dwar l-azzjonijiet korrettivi li nbdew minn mindu saret il-valutazzjoni tas-sikurezza għal TCO, inkluż l-informazzjoni dwar l-azzjonijiet korrettivi fil-qasam tat-taħriġ u tal-kwalifiki tal-ekwipaġġ tat-titjiriet, tal-limitazzjonijiet fil-ħin tax-xogħol u tat-titjiriet, tal-ajrunavigabbiltà u tal-kontroll tal-manutenzjoni, tas-sistema ta' ġestjoni tas-sikurezza u tal-kwalità, tat-taħriġ tal-persunal u ta' kif instab tarf tas-sejbiet tas-SAFA. Madankollu, l-informazzjoni li ġiet ipprovduta ma kellhiex biżżejjed evidenza dettaljata dwar it-titjib f'dawn l-oqsma u b'mod speċifiku fir-rigward tal-ġestjoni tal-ajrunavigabbiltà tal-Iran Aseman Airlines u tal-funzjonament tas-sistema ta' ġestjoni tas-sikurezza u tal-kwalità. |
(40) |
L-informazzjoni disponibbli bħalissa, ibbażata fuq is-sejbiet tal-ispezzjonijiet tas-SAFA u fuq il-valutazzjoni tas-sikurezza għal TCO, flimkien mal-informazzjoni ppreżentata mill-Iran Aseman Airlines, turi li hemm evidenza vverifikata ta' nuqqasijiet gravi fis-sikurezza min-naħa tal-Iran Aseman Airlines u li l-Iran Aseman Airlines mhix kapaċi tindirizza dawk in-nuqqasijiet fis-sikurezza, kif intwera fost l-oħrajn bil-pjan insuffiċjenti u mhux xieraq ta' azzjoni korrettiva li ppreżentat biex twieġeb għas-sejbiet li ġew identifikati waqt il-valutazzjoni tas-sikurezza għal TCO. |
(41) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li l-lista Komunitarja tal-kumpaniji tal-ajru li huma soġġetti għall-projbizzjoni fuq l-operat fl-Unjoni jenħtieġ li tiġi emendata biex il-kumpanija tal-ajru Iran Aseman Airlines tiġi inkluża fl-Anness A tar-Regolament (KE) Nru 474/2006. |
(42) |
L-Istati Membri jridu jkomplu jivverifikaw il-konformità effettiva mal-istandards rilevanti tas-sikurezza permezz tal-prijoritizzazzjoni tal-ispezzjonijiet fir-rampa li jridu jitwettqu fuq il-kumpaniji tal-ajru ċċertifikati fl-Iran, skont ir-Regolament (UE) Nru 965/2012. |
(43) |
Jekk xi informazzjoni rilevanti dwar is-sikurezza tindika li hemm riskji imminenti għas-sikurezza minħabba nuqqas ta' konformità mal-istandards internazzjonali tas-sikurezza, il-Kummissjoni tista' tkun obbligata li tieħu azzjoni ulterjuri, f'konformità mar-Regolament (KE) Nru 2111/2005. |
Il-kumpaniji tal-ajru mill-Każakistan
(44) |
Minn Lulju 2009, il-kumpaniji tal-ajru kollha ċċertifikati fil-Każakistan, ħlief waħda, jiġifieri l-Air Astana, huma soġġetti għall-projbizzjoni sħiħa fuq l-operat, prinċipalment minħabba l-inabbiltà tal-awtorità responsabbli mis-sorveljanza tas-sikurezza tal-kumpaniji tal-ajru ċċertifikati fil-Każakistan, il-Kumitat tal-Avjazzjoni Ċivili tal-Każakistan (“CAC”), li timplimenta u tinforza l-istandards internazzjonali tas-sikurezza applikabbli. L-Air Astana tneħħiet mill-Anness B tar-Regolament (KE) Nru 474/2006 f'Diċembru 2015 u bħalissa qed titħalla topera fl-Unjoni. |
(45) |
F'April 2016 twettqet Missjoni ta' Validazzjoni Koordinata tal-ICAO fil-Każakistan. Dik il-missjoni ppermettiet lill-ICAO tistabilixxi li l-implimentazzjoni effettiva tal-istandards internazzjonali tas-sikurezza tjiebet għal 74 %. Fl-20 ta' April 2016, l-ICAO neħħiet l-SSC li kien għadu pendenti fir-rigward taċ-ċertifikazzjoni tal-kumpaniji tal-ajru. |
(46) |
Mid-19 sat-23 ta' Settembru 2016, fil-Każakistan saret żjara tal-Unjoni fuq il-post biex titwettaq valutazzjoni tas-sikurezza. F'dik iż-żjara ħadu sehem esperti mill-Kummissjoni, mill-EASA u mill-Istati Membri. Waqt dik iż-żjara, is-CAC wera li kien għamel progress konsiderevoli f'dawn l-aħħar snin. Is-CAC għamel enfasi fuq l-implimentazzjoni tal-istandards tal-ICAO u l-prattiki rakkomandati. Is-CAC għandu approċċ tradizzjonali fir-rigward tas-sikurezza tal-avjazzjoni bbażat fuq il-konformità u reċentement beda jimplimenta tekniki kontemporanji ta' ġestjoni tas-sikurezza fl-avjazzjoni, inkluż Programm tal-Istat għas-Sikurezza. Dan għamel sforzi wkoll biex jiġu rreklutati u mħarrġa spetturi addizzjonali għas-sorveljanza tal-industrija tal-avjazzjoni fil-Każakistan. It-tim eżekuttiv tas-CAC għandu livell għoli ta' esperjenza u b'mod ġenerali l-persunal tas-CAC huwa midħla sew tal-qasam. Is-sistema ta' sorveljanza tas-sikurezza tas-CAC hija bbażata fuq verifika tal-konformità mar-regolamenti applikabbli fil-Każakistan, għalkemm għandha approċċ pjuttost riġidu ta' konformità ma' lista. |
(47) |
L-evidenza tindika li l-implimentazzjoni ġenerali tal-kompiti assenjati lis-CAC hija konformi mal-istandards tal-ICAO, li s-CAC għandu pjan tal-awditjar u tas-sorveljanza fis-seħħ biex titwettaq is-sorveljanza tas-sikurezza fir-rigward tal-kumpaniji tal-ajru ċċertifikati fil-Każakistan, li jimplimenta dak il-pjan tal-awditjar u tas-sorveljanza u li jwettaq spezzjonijiet fir-rampa. |
(48) |
Bħala kampjun rilevanti ta' kumpaniji tal-ajru ċċertifikati fil-Każakistan, ġew ivverifikati żewġ kumpaniji tal-ajru waqt iż-żjara tal-Unjoni fuq il-post biex titwettaq valutazzjoni tas-sikurezza. Dan il-kampjun kien jinkludi l-ikbar żewġ kumpaniji tal-ajru li meta twettqet iż-żjara kienu għadhom inklużi fl-Anness A tar-Regolament (KE) Nru 474/2006. L-għan taż-żjara kien li jiġi vverifikat il-livell ta' konformità tal-kumpaniji mal-istandards internazzjonali tas-sikurezza. Barra minn hekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, l-għan taż-żjara kien li ssir valutazzjoni tar-rieda u tal-kapaċità ta' dawn il-kumpaniji tal-ajru li jindirizzaw in-nuqqasijiet fis-sikurezza. Il-konklużjoni ewlenija taż-żjarat li saru fir-rigward ta' dawn il-kumpaniji tal-ajru hija li ma kien hemm l-ebda nuqqas ta' rieda jew ta' kapaċità li jindirizzaw in-nuqqasijiet fis-sikurezza. |
(49) |
Fit-23 ta' Novembru 2016, is-CAC ippreżenta lill-Kummissjoni u lill-Kumitat għas-Sikurezza tal-Ajru l-miżuri li ttieħdu fil-Każakistan biex tittejjeb is-sikurezza fl-avjazzjoni. Il-miżuri prinċipali huma l-emendar tal-leġiżlazzjoni dwar l-avjazzjoni ċivili u l-appoġġ tar-regolamenti, it-titjib fir-rigward tal-istruttura u l-persunal tas-CAC, iż-żieda fl-għadd ta' spetturi u l-aġġornament tas-sistema tal-ġestjoni tal-kwalifiki u tat-taħriġ tal-ispetturi, inkluż it-taħriġ addizzjonali inizjali, rikorrenti u fuq il-post tax-xogħol. Barra minn hekk, is-CAC spjega li żviluppa proċedura addizzjonali u listi ta' verifika tal-konformità, fassal il-programm tas-sorveljanza tas-sikurezza, wettaq attivitajiet tas-sorveljanza tas-sikurezza u implimenta mekkaniżmu biex jinstab tarf tat-tħassib dwar is-sikurezza. It-titjib fis-sistema tas-sorveljanza tas-sikurezza ntwera permezz tal-azzjonijiet ta' infurzar imwettqa mis-CAC fl-2015 u fl-2016. |
(50) |
Fil-preżentazzjoni tiegħu, is-CAC ipprovda sommarju tal-pjan ta' azzjoni korrettiva tiegħu fir-rigward tal-osservazzjonijiet li saru waqt iż-żjara tal-Unjoni fuq il-post biex titwettaq valutazzjoni tas-sikurezza. L-azzjonijiet korrettivi li ġew ippreżentati kienu jinkludu l-aġġornament ta' diversi proċeduri u listi ta' verifika tal-konformità biex jittejbu l-attivitajiet tas-sorveljanza tas-sikurezza, l-implimentazzjoni ta' bażi ta' dejta elettronika biex jiġi appoġġat il-proċess tas-sorveljanza, l-introduzzjoni ta' sistema volontarja ta' rapportar tal-okkorrenzi, it-tfassil ta' programm ġdid ta' taħriġ għall-2017 u attivitajiet addizzjonali ta' taħriġ biex iżjed spetturi jkunu kkwalifikati jwettqu spezzjonijiet fir-rampa għal oġġetti perikolużi. |
(51) |
Fit-23 ta' Novembru 2016, permezz ta' kampjun rilevanti, il-kumpanija tal-ajru Aircompany SCAT tat preżentazzjoni lill-Kummissjoni u lill-Kumitat għas-Sikurezza tal-Ajru dwar l-iżvilupp tagħha, inkluż l-istorja, in-netwerk, il-flotta u l-perspettivi u l-pjanijiet għall-futur ta' dik il-kumpanija tal-ajru. L-Aircompany SCAT ipprovdiet ukoll informazzjoni dwar l-organizzazzjoni tal-manutenzjoni u tat-taħriġ tagħha. Din ipprovdiet dettalji speċifiċi dwar is-sistema tagħha ta' ġestjoni tas-sikurezza u dwar l-ispezzjonijiet u l-awditjar li sarulha. L-Aircompany SCAT uriet li hija rreġistrata fil-Programm Operazzjonali tal-Awditjar tas-Sikurezza (“IOSA”) tal-Assoċjazzjoni Internazzjonali tat-Trasport bl-Ajru (“IATA”) u li l-organizzazzjoni tal-manutenzjoni għandha Ċertifikat ta' Approvazzjoni tal-Organizzazzjoni tal-Manutenzjoni. |
(52) |
Abbażi tal-informazzjoni kollha disponibbli, inkluż ir-riżultati taż-żjara tal-Unjoni fuq il-post biex titwettaq valutazzjoni tas-sikurezza u tal-informazzjoni pprovduta waqt is-smigħ tat-23 ta' Novembru 2016, jitqies li s-CAC għamel titjib sostnut fuq perjodu kontinwu ta' żmien. Ġie rikonoxxut ukoll li s-CAC wera li lest jikkomunika fuq bażi kontinwa mal-Kummissjoni u li s-CAC huwa trasparenti fir-rikonoxximent tiegħu li jrid jissokta l-isforzi tiegħu biex jiżviluppa iktar l-obbligi tiegħu ta' sorveljanza u biex jinstab tarf tat-tħassib dwar is-sikurezza. Ġie vvalutat li s-CAC għandu l-kapaċità li jżomm mar-responsabbiltajiet tiegħu fir-rigward tas-sorveljanza tal-kumpaniji tal-ajru ċċertifikati fil-Każakistan. Waqt is-smigħ, is-CAC impenja ruħu li jidħol bis-sħiħ fi djalogu kontinwu dwar is-sikurezza mal-Kummissjoni, inkluż permezz ta' laqgħat addizzjonali, jekk u meta dan jitqies li jkun meħtieġ mill-Kummissjoni. |
(53) |
Fir-rigward tal-Aircompany SCAT, il-kumpanija tal-ajru ċċertifikata fil-Każakistan li bħala kampjun rilevanti ġiet mistiedna għas-smigħ, l-informazzjoni li pprovdiet fit-23 ta' Novembru 2016 tqieset bħala sodisfaċenti. B'mod partikolari, ipprovdiet dettalji speċifiċi fir-rigward tas-sistema tal-ġestjoni tas-sikurezza li kienet stabbiliet. |
(54) |
Abbażi tar-riżultati taż-żjara tal-Unjoni fuq il-post biex titwettaq valutazzjoni tas-sikurezza fil-Każakistan, li kienet tinkludi żjarat lis-CAC u lil żewġ kumpaniji tal-ajru, il-preżentazzjoni mis-CAC u mill-kumpanija tal-ajru Aircompany SCAT, hemm biżżejjed evidenza ta' konformità mal-prattiki rakkomandati u mal-istandards internazzjonali tas-sikurezza applikabbli min-naħa tas-CAC u tal-kumpaniji tal-ajru ċċertifikati fil-Każakistan. |
(55) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li l-lista tal-Unjoni tal-kumpaniji tal-ajru li huma soġġetti għall-projbizzjoni fuq l-operat fl-Unjoni jenħtieġ li tiġi emendata biex il-kumpaniji kollha tal-ajru ċċertifikati fir-Repubblika tal-Każakistan jitneħħew mill-Anness A tar-Regolament (KE) Nru 474/2006. |
(56) |
L-Istati Membri jridu jkomplu jivverifikaw il-konformità effettiva tal-kumpaniji kollha tal-ajru ċċertifikati fil-Każakistan mal-istandards rilevanti tas-sikurezza, permezz tal-prijoritizzazzjoni tal-ispezzjonijiet fir-rampa skont ir-Regolament (UE) Nru 965/2012. |
(57) |
Jekk xi informazzjoni rilevanti dwar is-sikurezza tindika li hemm riskji imminenti għas-sikurezza minħabba nuqqas ta' konformità mal-istandards internazzjonali tas-sikurezza, il-Kummissjoni tista' tkun obbligata li tieħu azzjoni ulterjuri, f'konformità mar-Regolament (KE) Nru 2111/2005. |
Il-kumpaniji tal-ajru mir-Repubblika Kirgiża
(58) |
Mill-25 ta' Jannar sal-5 ta' Frar 2016 twettaq awditjar tas-sistema tal-avjazzjoni ċivili Kirgiża permezz tal-Programm Universali ta' Awditjar tas-Sorveljanza tas-Sikurezza tal-ICAO. Abbażi tar-riżultati tal-awditjar, l-ICAO identifikat SSC fil-qasam tal-għoti tal-liċenzji u tat-taħriġ tal-persunal, li jikkonċerna l-ħruġ ta' liċenzji u ta' klassifikazzjonijiet tal-bdoti fir-Repubblika Kirgiża. Fit-30 ta' Ġunju 2016, l-ICAO ħabbret li r-Repubblika Kirgiża implimentat azzjonijiet korrettivi u li l-SSC dwar l-għoti tal-liċenzji tal-persunal ġie solvut. Madankollu, l-SSC li jikkonċerna l-proċess ta' ċertifikazzjoni għall-ħruġ ta' ċertifikati tal-operaturi tal-ajru, identifikat mill-ICAO fis-16 ta' Lulju 2015, għadu pendenti. |
(59) |
Fit-8 ta' Lulju 2016 saru konsultazzjonijiet bejn il-Kummissjoni u r-rappreżentanti mill-Aġenzija tal-Avjazzjoni Ċivili tar-Repubblika Kirgiża. Waqt dawk il-konsultazzjonijiet ir-rappreżentanti ddikjaraw li r-Repubblika Kirgiża xtaqet tinvolvi ruħha mal-Kummissjoni u tipprovdi aġġornamenti tekniċi dwar il-progress tagħha fir-rigward tal-obbligi internazzjonali tagħha għas-sikurezza fl-avjazzjoni. |
(60) |
Abbażi tal-informazzjoni limitata pprovduta mill-Aġenzija tal-Avjazzjoni Ċivili tar-Repubblika Kirgiża, jidher li minkejja l-impenn tar-Repubblika Kirgiża li timpenja ruħha mal-Kummissjoni ta' min ifaħħru, għadu ma sarx biżżejjed progress fir-rigward tat-titjib fl-implimentazzjoni tal-istandards internazzjonali tas-sikurezza marbuta mal-obbligi ta' ċertifikazzjoni u ta' sorveljanza tal-Aġenzija tal-Avjazzjoni Ċivili tar-Repubblika Kirgiża. |
(61) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li f'dan l-istadju ma hemmx raġunijiet biex tiġi emendata l-lista tal-Unjoni tal-kumpaniji tal-ajru li huma soġġetti għall-projbizzjoni fuq l-operat fl-Unjoni fir-rigward tal-kumpaniji tal-ajru mir-Repubblika Kirgiża. |
Il-kumpaniji tal-ajru mil-Libja
(62) |
Fis-27 ta' Lulju 2016 saru konsultazzjonijiet tekniċi bejn il-Kummissjoni u l-Awtorità Libjana tal-Avjazzjoni Ċivili (“LYCAA”), li kienu jikkonċernaw b'mod partikolari l-projbizzjoni attwali fuq l-operat imposta fuq il-kumpaniji tal-ajru kollha mil-Libja skont ir-Regolament (KE) Nru 211/2005. |
(63) |
Matul dawk il-konsultazzjonijiet, l-LYCAA pprovdiet informazzjoni dettaljata dwar il-pjanijiet tagħha ta' żvilupp rigward l-obbligi ta' ċertifikazzjoni u ta' sorveljanza tagħha għall-kumpaniji tal-ajru Libjani. L-LYCAA rrapportat li, fil-limiti ta' ambjent operattiv diffiċli, hija timpenja ruħha li twettaq l-obbligi internazzjonali tagħha fir-rigward tas-sikurezza tal-avjazzjoni. |
(64) |
Il-Kummissjoni tilqa' l-isforzi li qed isiru mit-tmexxija tal-LYCAA u l-fatt li l-LYCAA verament qed turi impenn biex tinvolvi ruħha mal-Kummissjoni, sabiex jiġu pprovduti aġġornamenti dwar l-istat tal-obbligi tagħha ta' ċertifikazzjoni u ta' sorveljanza. |
(65) |
Madankollu, il-Kummissjoni tinnota li l-ambjent operazzjonali diffiċli fil-Libja u l-konsegwenzi ta' dan l-ambjent għal-LYCAA fir-rigward tal-kapaċità tagħha li żżomm mal-obbligi tagħha tas-sorveljanza tas-sikurezza għadhom tħassib ewlieni, peress li dan jipprevjeni l-konteniment tar-riskji fis-sikurezza tal-avjazzjoni li wasslu għad-deċiżjoni li l-kumpaniji tal-ajru kollha ċċertifikati fil-Libja jitqiegħdu fuq il-lista tal-Unjoni. Abbażi tal-informazzjoni kollha disponibbli, jitqies li fil-preżent il-Libja ma tistax tissodisfa l-obbligi internazzjonali tagħha fir-rigward tas-sikurezza fl-avjazzjoni. |
(66) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li f'dan l-istadju ma hemmx raġunijiet biex tiġi emendata l-lista tal-Unjoni tal-kumpaniji tal-ajru li huma soġġetti għall-projbizzjoni fuq l-operat fl-Unjoni fir-rigward tal-kumpaniji tal-ajru mil-Libja. |
Il-kumpaniji tal-ajru mill-Mozambique
(67) |
Matul dan l-aħħar perjodu, il-Kummissjoni u l-EASA komplew jipprovdu assistenza teknika lill-awtoritajiet kompetenti tal-Mozambique. Fl-10 ta' Novembru 2016, l-awtorità tal-avjazzjoni ċivili tal-Mozambique, l-Instituto de Aviação Civil de Moçambique (“IACM”), infurmat lill-Kummissjoni li dan l-aħħar ħadet għadd sostanzjali ta' azzjonijiet sabiex ittejjeb ir-regolamenti, l-infrastrutturi u l-organizzazzjoni tagħha, kif ukoll il-kapaċitajiet tagħha ta' sorveljanza fil-qasam tal-istandards tat-titjiriet u tal-ajrudromi. Barra minn hekk, l-IACM ikkonfermat li ġie rreklutat persunal u li ġie pprovdut taħriġ rikorrenti fl-oqsma tekniċi kollha. |
(68) |
Madankollu, f'dan l-istadju, il-kapaċità tal-IACM li tissorvelja l-attivitajiet tal-avjazzjoni ċivili fil-Mozambique għadha mhix konformi għalkollox mal-istandards internazzjonali tas-sikurezza. Għalhekk, ma hemmx biżżejjed evidenza biex tiġġustifika deċiżjoni dwar aġġustament tal-projbizzjoni fuq l-operat tal-kumpaniji tal-ajru kollha ċċertifikati fil-Mozambique. |
(69) |
Filwaqt li t-titjib mhuwiex biżżejjed biex jiġġustifika aġġustament tal-projbizzjoni attwali, is-sitwazzjoni hi promettenti biżżejjed biex tiġġustifika żjara addizzjonali ta' valutazzjoni tal-Unjoni fuq il-post matul ix-xhur li ġejjin. |
(70) |
Skont il-lista pprovduta mill-IACM fis-16 ta' Novembru 2016, żewġ kumpaniji tal-ajru ġodda ġew iċċertifikati fil-Mozambique, jiġifieri Archipelago Charters Lda (AOC MOZ-25), li hija involuta fl-avjazzjoni kummerċjali bil-ħelikopters, u Solenta Aviation Mozambique SA (AOC MOZ-23), li hija involuta fl-avjazzjoni kummerċjali bl-ajruplani. L-IACM infurmat ukoll lill-Kummissjoni li ġie rrevokat iċ-ċertifikat tal-operatur tal-ajru tal-kumpanija tal-ajru SAM — Solenta Aviation Mozambique SA (AOC MOZ-10), li kienet involuta fl-avjazzjoni kummerċjali bl-ajruplani. |
(71) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li l-lista Komunitarja tal-kumpaniji tal-ajru li huma soġġetti għall-projbizzjoni fuq l-operat fl-Unjoni jenħtieġ li tiġi emendata biex tinkludi l-kumpaniji tal-ajru Archipelago Charters Lda u Solenta Aviation Mozambique SA fl-Anness A tar-Regolament (KE) Nru 474/2006 u biex titneħħa l-kumpanija tal-ajru SAM — Solenta Aviation Mozambique SA minn dak l-Anness. |
Il-kumpaniji tal-ajru mill-Federazzjoni Russa
(72) |
Matul dan l-aħħar perjodu, il-Kummissjoni, l-EASA u l-awtoritajiet kompetenti tal-Istati Membri komplew jissorveljaw mill-qrib il-prestazzjoni tas-sikurezza tal-kumpaniji tal-ajru li ġew iċċertifikati fil-Federazzjoni Russa u li joperaw fl-Unjoni, inkluż permezz tal-prijoritizzazzjoni tal-ispezzjonijiet fir-rampa li jridu jitwettqu fuq ċerti kumpaniji tal-ajru Russi f'konformità mar-Regolament (UE) Nru 965/2012. |
(73) |
Fit-28 ta' Ottubru 2016, il-Kummissjoni, bl-għajnuna tal-EASA, iltaqgħet mar-rappreżentanti tal-Aġenzija Federali tat-Trasport tal-Ajru Russa (“FATA”). L-għan ta' din il-laqgħa kien li jsir rieżami tal-prestazzjoni tas-sikurezza tal-kumpaniji tal-ajru Russi abbażi tar-rapporti tal-SAFA dwar l-ispezzjoni fir-rampa għall-perjodu bejn it-18 ta' Ottubru 2015 u s-17 ta' Ottubru 2016 u li jiġu identifikati każijiet li jistħoqqilhom attenzjoni speċjali. |
(74) |
Matul il-laqgħa, il-Kummissjoni għamlet rieżami aktar fid-dettall tar-riżultati tal-SAFA ta' sitt kumpaniji tal-ajru ċċertifikati fil-Federazzjoni Russa. L-FATA infurmat lill-Kummissjoni li ħadet azzjonijiet ta' infurzar fil-konfront ta' waħda minn dawk il-kumpaniji tal-ajru billi imponiet projbizzjoni fuq l-operar tat-titjiriet lejn l-Unjoni ta' dik il-kumpanija tal-ajru. |
(75) |
Abbażi tal-informazzjoni disponibbli, ġie konkluż li ma kinitx meħtieġa seduta ta' smigħ quddiem il-Kummissjoni u l-Kumitat għas-Sikurezza tal-Ajru tal-awtoritajiet tal-avjazzjoni Russi jew tal-kumpaniji tal-ajru ċċertifikati fil-Federazzjoni Russa. |
(76) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li f'dan l-istadju ma hemmx raġunijiet biex tiġi emendata l-lista tal-kumpaniji tal-ajru li huma soġġetti għall-projbizzjoni fuq l-operat fl-Unjoni sabiex ikunu inklużi l-kumpaniji tal-ajru mill-Federazzjoni Russa. |
(77) |
L-Istati Membri jridu jkomplu jivverifikaw il-konformità effettiva tal-kumpaniji tal-ajru tal-Federazzjoni Russa mal-istandards internazzjonali tas-sikurezza, permezz tal-prijoritizzazzjoni tal-ispezzjonijiet fir-rampa, f'konformità mar-Regolament (UE) Nru 965/2012. |
(78) |
Jekk dawk l-ispezzjonijiet jindikaw riskju imminenti għas-sikurezza minħabba nuqqas ta' konformità mal-istandards rilevanti tas-sikurezza, il-Kummissjoni tista' tkun obbligata li tieħu azzjoni kontra l-kumpaniji tal-ajru mill-Federazzjoni Russa, f'konformità mar-Regolament (KE) Nru 2111/2005. |
Il-kumpaniji tal-ajru mit-Tajlandja
(79) |
Fit-13 ta' Settembru 2016 saret laqgħa teknika bejn il-Kummissjoni, l-EASA u l-Awtorità tal-Avjazzjoni Ċivili tat-Tajlandja (“CAAT”). Matul din il-laqgħa s-CAAT aġġornat lill-Kummissjoni bl-informazzjoni dwar l-implimentazzjoni tal-pjan ta' azzjoni korrettiva li ġie żviluppat mis-CAAT biex tinstab soluzzjoni għas-sejbiet u tal-SSC li ġew identifikati mill-ICAO wara l-awditjar tal-ICAO f'Jannar 2015. B'mod partikolari, is-CAAT ipprovdiet informazzjoni dwar it-titjib li sar minn Mejju 2016 fir-rigward tal-iskema finanzjarja tagħha, l-iżvilupp tal-organizzazzjoni tagħha, inkluż l-għadd ta' spetturi disponibbli, il-maniġers il-ġodda, l-introduzzjoni ta' sistema ta' ġestjoni tal-informazzjoni, it-titjib tal-leġiżlazzjoni primarja dwar l-avjazzjoni, l-aġġornament tar-regolamenti dwar l-operat u tal-manwali interni, it-taħriġ tal-ispetturi u bidu ġdid għall-attivitajiet tas-sorveljanza tas-sikurezza fit-Tajlandja. |
(80) |
Bħalissa s-CAAT qed taħdem fuq iċ-ċertifikazzjoni mill-ġdid tal-kumpaniji tal-ajru ċċertifikati fit-Tajlandja u filwaqt li tagħmel dan qed tuża l-approċċ b'ħames fażijiet. Dan il-proġett inbeda fit-12 ta' Settembru 2016 u għall-25 kumpanija tal-ajru li joperaw fuq livell internazzjonali huwa skedat li jitlesta f'Settembru 2017. Skont is-CAAT, hemm biżżejjed spetturi u appoġġ mill-fornituri tal-assistenza teknika biex il-proġett jitwettaq. F'dan ir-rigward ta' min jinnota li s-CAAT għadha ma taċċettax applikazzjonijiet mingħand kumpaniji tal-ajru ġodda għal ċertifikati tal-operaturi tal-ajru u l-kumpaniji tal-ajru eżistenti huma limitati fiż-żieda tal-attivitajiet tagħhom. Dan jikkontribwixxi għall-ġestjoni tal-andament tal-proġett taċ-ċertifikazzjoni u jiżgura li ma jiġux introdotti riskji ġodda għas-sikurezza. |
(81) |
Abbażi tal-informazzjoni ppreżentata matul il-laqgħa deher ċar li, għalkemm is-CAAT kienet indikat li din għandha tkun prijorità, is-sorveljanza ta' kuljum u dik tal-attivitajiet tal-avjazzjoni għadhom lura. L-attivitajiet ta' spezzjoni jsiru prinċipalment fir-rigward tal-ajrunavigabbiltà u mhux fir-rigward tal-operat tat-titjiriet. Skont is-CAAT, is-sorveljanza ta' kuljum u dik tal-attivitajiet tal-avjazzjoni se titjieb b'mod gradwali meta jiġu rreklutati u mħarrġa spetturi ġodda u meta s-sistema awtomatizzata ta' monitoraġġ tiġi implimentata għalkollox. |
(82) |
Fl-14 ta' Novembru 2016, is-CAAT ipprovdiet informazzjoni addizzjonali dwar il-progress tal-implimentazzjoni tal-azzjonijiet korrettivi u dettalji dwar l-attivitajiet reċenti ta' sorveljanza u ta' superviżjoni. Dik l-informazzjoni turi li l-ispezzjonijiet operazzjonali jitwettqu mis-CAAT, li s-sejbiet jiġu rrappurtati u li l-kumpaniji tal-ajru kkonċernati għandhom fis-seħħ proċess biex jirreaġixxu għal dawn is-sejbiet u jimplimentaw azzjonijiet korrettivi, li jiġu aċċettati mis-CAAT. |
(83) |
Il-Gvern tat-Tajlandja u s-CAAT urew impenn ċar biex is-sistema tas-sorveljanza tas-sikurezza fit-Tajlandja titjieb u li s-CAAT ipprovdiet evidenza li matul l-aħħar sitt snin sar progress rilevanti. Barra minn hekk, l-informazzjoni disponibbli dwar is-sikurezza fuq il-kumpaniji tal-ajru ċċertifikati fit-Tajlandja ma tappoġġax deċiżjoni li jiġu imposti projbizzjoni jew restrizzjonijiet operazzjonali. Sabiex tiġi ssorveljata mill-qrib is-sitwazzjoni, se jibqgħu jsiru konsultazzjonijiet mal-awtoritajiet tat-Tajlandja b'konformità mal-Artikolu 3 (2) tar-Regolament (KE) Nru 473/2006. |
(84) |
Għalhekk, f'konformità mal-kriterji komuni stabbiliti fl-Anness tar-Regolament (KE) Nru 2111/2005, jitqies li f'dan l-istadju ma hemmx raġunijiet biex tiġi emendata l-lista tal-kumpaniji tal-ajru li huma soġġetti għall-projbizzjoni fuq l-operat fl-Unjoni fir-rigward tal-kumpaniji tal-ajru mit-Tajlandja. |
(85) |
L-Istati Membri jridu jkomplu jivverifikaw il-konformità effettiva mal-istandards rilevanti tas-sikurezza permezz tal-prijoritizzazzjoni tal-ispezzjonijiet fir-rampa li jridu jitwettqu fuq il-kumpaniji tal-ajru li ġew iċċertifikati fit-Tajlandja skont ir-Regolament (UE) Nru 965/2012. |
(86) |
Jekk xi informazzjoni rilevanti dwar is-sikurezza tindika li hemm riskji imminenti għas-sikurezza minħabba nuqqas ta' konformità mal-istandards internazzjonali tas-sikurezza, il-Kummissjoni tista' tkun obbligata li tieħu azzjoni ulterjuri, f'konformità mar-Regolament (KE) Nru 2111/2005. |
(87) |
Għalhekk, ir-Regolament (KE) Nru 474/2006 jenħtieġ li jiġi emendat skont dan. |
(88) |
Il-miżuri previsti f'dan ir-Regolament huma skont l-opinjoni tal-Kumitat għas-Sikurezza tal-Ajru, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 474/2006 huwa emendat kif ġej:
(1) |
L-Anness A jinbidel bit-test stabbilit fl-Anness I ta' dan ir-Regolament; |
(2) |
L-Anness B jinbidel bit-test stabbilit fl-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Diċembru 2016.
Għall-Kummissjoni,
F'isem il-President,
Violeta BULC
Membru tal-Kummissjoni
(1) ĠU L 344, 27.12.2005, p. 15.
(2) Ir-Regolament tal-Kummissjoni (KE) Nru 474/2006 tat-22 ta' Marzu 2006 li jistabbilixxi l-lista Komunitarja ta' kumpaniji tal-ajru li huma soġġetti għal projbizzjoni fuq l-operat fil-Komunità skont il-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 14).
(3) Ir-Regolament tal-Kunsill (KEE) Nru 3922/1991 tas-16 ta' Diċembru 1991 dwar l-armonizzazzjoni tal-ħtiġijiet tekniċi u proċeduri amministrattivi fil-qasam tal-avjazzjoni ċivili (ĠU L 373, 31.12.1991, p. 4).
(4) Ir-Regolament tal-Kummissjoni (KE) Nru 473/2006 tat-22 ta' Marzu 2006 li jistabbilixxi regoli ta' implimentazzjoni għal-lista Komunitarja ta' kumpaniji tal-ajru li huma soġġetti għall-projbizzjoni fuq l-operat fil-Komunità msemmija fil-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 8).
(5) Ir-Regolament tal-Kummissjoni (UE) Nru 965/2012 tal-5 ta' Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill, ĠU L 296, 25.10.2012, p. 1).
(6) Ir-Regolament tal-Kummissjoni (UE) Nru 452/2014 tad-29 ta' April 2014 li jistabbilixxi rekwiżiti tekniċi u proċeduri amministrattivi relatati mal-operazzjonijiet tal-ajru ta' pajjiżi terzi skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 133, 6.5.2014, p. 12).
ANNESS I
“ANNESS A
LISTA TA' KUMPANIJI TAL-AJRU LI HUMA PPROJBITI MILLI JOPERAW FL-UNJONI, B'XI EĊĊEZZJONIJIET (1)
Isem l-entità legali tal-kumpanija tal-ajru kif muri fuq l-AOC tagħha (u l-isem kummerċjali tagħha, jekk dan ikun differenti) |
In-numru taċ-Ċertifikat tal-Operatur tal-Ajru (“l-AOC”) jew tal-Liċenzja tal-Operat |
In-numru tal-identifikazzjoni tal-ICAO għal-linja tal-ajru |
L-istat tal-operatur |
(1) |
(2) |
(3) |
(4) |
BLUE WING AIRLINES |
SRBWA-01/2002 |
BWI |
Is-Suriname |
IRAN ASEMAN AIRLINES |
FS-102 |
IRC |
Ir-Repubblika Iżlamika tal-Iran |
IRAQI AIRWAYS |
001 |
IAW |
L-Iraq |
Il-kumpaniji tal-ajru kollha ċċertifikati mill-awtoritajiet tal-Afganistan responsabbli għas-sorveljanza regolatorja, inklużi: |
|
|
Ir-Repubblika Iżlamika tal-Afganistan |
AFGHAN JET INTERNATIONAL AIRLINES |
AOC 008 |
AJA |
Ir-Repubblika Iżlamika tal-Afganistan |
ARIANA AFGHAN AIRLINES |
AOC 009 |
AFG |
Ir-Repubblika Iżlamika tal-Afganistan |
EAST HORIZON AIRLINES |
AOC 1013 |
EHN |
Ir-Repubblika Iżlamika tal-Afganistan |
KAM AIR |
AOC 001 |
KMF |
Ir-Repubblika Iżlamika tal-Afganistan |
SAFI AIRWAYS |
AOC 181 |
SFW |
Ir-Repubblika Iżlamika tal-Afganistan |
Il-kumpaniji tal-ajru kollha ċċertifikati mill-awtoritajiet tal-Angola responsabbli għas-sorveljanza regolatorja, ħlief għall-kumpanija TAAG Angola Airlines li ddaħħlet fl-Anness B, inklużi: |
|
|
Ir-Repubblika tal-Angola |
AEROJET |
AO 008-01/11 |
TEJ |
Ir-Repubblika tal-Angola |
AIR GICANGO |
009 |
Mhux magħruf |
Ir-Repubblika tal-Angola |
AIR JET |
AO 006-01/11-MBC |
MBC |
Ir-Repubblika tal-Angola |
AIR NAVE |
017 |
Mhux magħruf |
Ir-Repubblika tal-Angola |
AIR26 |
AO 003-01/11-DCD |
DCD |
Ir-Repubblika tal-Angola |
ANGOLA AIR SERVICES |
006 |
Mhux magħruf |
Ir-Repubblika tal-Angola |
DIEXIM |
007 |
Mhux magħruf |
Ir-Repubblika tal-Angola |
FLY540 |
AO 004-01 FLYA |
Mhux magħruf |
Ir-Repubblika tal-Angola |
GIRA GLOBO |
008 |
GGL |
Ir-Repubblika tal-Angola |
HELIANG |
010 |
Mhux magħruf |
Ir-Repubblika tal-Angola |
HELIMALONGO |
AO 005-01/11 |
Mhux magħruf |
Ir-Repubblika tal-Angola |
MAVEWA |
016 |
Mhux magħruf |
Ir-Repubblika tal-Angola |
SONAIR |
AO 002-01/10-SOR |
SOR |
Ir-Repubblika tal-Angola |
Il-kumpaniji tal-ajru kollha ċċertifikati mill-awtoritajiet tal-Benin responsabbli għas-sorveljanza regolatorja, inklużi: |
|
|
Ir-Repubblika tal-Benin |
AIR TAXI BENIN |
BEN 004 ATB-5 |
Mhux magħruf |
Ir-Repubblika tal-Benin |
Il-kumpaniji tal-ajru kollha ċċertifikati mill-awtoritajiet tar-Repubblika tal-Kongo responsabbli għas-sorveljanza regolatorja, inklużi: |
|
|
Ir-Repubblika tal-Kongo |
AERO SERVICE |
RAC06-002 |
RSR |
Ir-Repubblika tal-Kongo |
CANADIAN AIRWAYS CONGO |
RAC06-012 |
Mhux magħruf |
Ir-Repubblika tal-Kongo |
EMERAUDE |
RAC06-008 |
Mhux magħruf |
Ir-Repubblika tal-Kongo |
EQUAFLIGHT SERVICES |
RAC 06-003 |
EKA |
Ir-Repubblika tal-Kongo |
EQUAJET |
RAC06-007 |
EKJ |
Ir-Repubblika tal-Kongo |
EQUATORIAL CONGO AIRLINES S.A. |
RAC 06-014 |
Mhux magħruf |
Ir-Repubblika tal-Kongo |
MISTRAL AVIATION |
RAC06-011 |
Mhux magħruf |
Ir-Repubblika tal-Kongo |
TRANS AIR CONGO |
RAC 06-001 |
TSG |
Ir-Repubblika tal-Kongo |
Il-kumpaniji tal-ajru kollha ċċertifikati mill-awtoritajiet tar-Repubblika Demokratika tal-Kongo (ir-RDK) responsabbli għas-sorveljanza regolatorja, inklużi: |
|
|
Ir-Repubblika Demokratika tal-Kongo (ir-RDK) |
AIR FAST CONGO |
409/CAB/MIN/TVC/0112/2011 |
Mhux magħruf |
Ir-Repubblika Demokratika tal-Kongo (ir-RDK) |
AIR KASAI |
409/CAB/MIN/TVC/0053/2012 |
Mhux magħruf |
Ir-Repubblika Demokratika tal-Kongo (ir-RDK) |
AIR KATANGA |
409/CAB/MIN/TVC/0056/2012 |
Mhux magħruf |
Ir-Repubblika Demokratika tal-Kongo (ir-RDK) |
AIR TROPIQUES |
409/CAB/MIN/TVC/00625/2011 |
Mhux magħruf |
Ir-Repubblika Demokratika tal-Kongo (ir-RDK) |
BLUE AIRLINES |
106/CAB/MIN/TVC/2012 |
BUL |
Ir-Repubblika Demokratika tal-Kongo (ir-RDK) |
BLUE SKY |
409/CAB/MIN/TVC/0028/2012 |
Mhux magħruf |
Ir-Repubblika Demokratika tal-Kongo (ir-RDK) |
BUSY BEE CONGO |
409/CAB/MIN/TVC/0064/2010 |
Mhux magħruf |
Ir-Repubblika Demokratika tal-Kongo (ir-RDK) |
COMPAGNIE AFRICAINE D'AVIATION (CAA) |
409/CAB/MIN/TVC/0050/2012 |
Mhux magħruf |
Ir-Repubblika Demokratika tal-Kongo (ir-RDK) |
CONGO AIRWAYS |
019/CAB/MIN/TVC/2015 |
Mhux magħruf |
Ir-Repubblika Demokratika tal-Kongo (ir-RDK) |
DAKOTA SPRL |
409/CAB/MIN/TVC/071/2011 |
Mhux magħruf |
Ir-Repubblika Demokratika tal-Kongo (ir-RDK) |
DOREN AIR CONGO |
102/CAB/MIN/TVC/2012 |
Mhux magħruf |
Ir-Repubblika Demokratika tal-Kongo (ir-RDK) |
GOMAIR |
409/CAB/MIN/TVC/011/2010 |
Mhux magħruf |
Ir-Repubblika Demokratika tal-Kongo (ir-RDK) |
KIN AVIA |
409/CAB/MIN/TVC/0059/2010 |
Mhux magħruf |
Ir-Repubblika Demokratika tal-Kongo (ir-RDK) |
KORONGO AIRLINES |
409/CAB/MIN/TVC/001/2011 |
KGO |
Ir-Repubblika Demokratika tal-Kongo (ir-RDK) |
MALU AVIATION |
098/CAB/MIN/TVC/2012 |
Mhux magħruf |
Ir-Repubblika Demokratika tal-Kongo (ir-RDK) |
MANGO AIRLINES |
409/CAB/MIN/TVC/009/2011 |
Mhux magħruf |
Ir-Repubblika Demokratika tal-Kongo (ir-RDK) |
SERVE AIR |
004/CAB/MIN/TVC/2015 |
Mhux magħruf |
Ir-Repubblika Demokratika tal-Kongo (ir-RDK) |
SERVICES AIR |
103/CAB/MIN/TVC/2012 |
Mhux magħruf |
Ir-Repubblika Demokratika tal-Kongo (ir-RDK) |
SWALA AVIATION |
409/CAB/MIN/TVC/0084/2010 |
Mhux magħruf |
Ir-Repubblika Demokratika tal-Kongo (ir-RDK) |
TRANSAIR CARGO SERVICES |
409/CAB/MIN/TVC/073/2011 |
Mhux magħruf |
Ir-Repubblika Demokratika tal-Kongo (ir-RDK) |
WILL AIRLIFT |
409/CAB/MIN/TVC/0247/2011 |
Mhux magħruf |
Ir-Repubblika Demokratika tal-Kongo (ir-RDK) |
Il-kumpaniji tal-ajru kollha ċċertifikati mill-awtoritajiet tal-Djibouti responsabbli għas-sorveljanza regolatorja, inkluża: |
|
|
Il-Djibouti |
DAALLO AIRLINES |
Mhux magħruf |
DAO |
Il-Djibouti |
Il-kumpaniji tal-ajru kollha ċċertifikati mill-awtoritajiet tal-Guinea Ekwatorjali responsabbli għas-sorveljanza regolatorja, inklużi: |
|
|
Il-Guinea Ekwatorjali |
CEIBA INTERCONTINENTAL |
2011/0001/MTTCT/DGAC/SOPS |
CEL |
Il-Guinea Ekwatorjali |
CRONOS AIRLINES |
2011/0004/MTTCT/DGAC/SOPS |
Mhux magħruf |
Il-Guinea Ekwatorjali |
PUNTO AZUL |
2012/0006/MTTCT/DGAC/SOPS |
Mhux magħruf |
Il-Guinea Ekwatorjali |
TANGO AIRWAYS |
Mhux magħruf |
Mhux magħruf |
Il-Guinea Ekwatorjali |
Il-kumpaniji tal-ajru kollha ċċertifikati mill-awtoritajiet tal-Eritrea responsabbli għas-sorveljanza regolatorja, inklużi: |
|
|
L-Eritrea |
ERITREAN AIRLINES |
AOC Nru 004 |
ERT |
L-Eritrea |
NASAIR ERITREA |
AOC Nru 005 |
NAS |
L-Eritrea |
Il-kumpaniji tal-ajru kollha ċċertifikati mill-awtoritajiet tar-Repubblika Gaboniża responsabbli għas-sorveljanza regolatorja, ħlief għall-kumpaniji Afrijet u SN2AG li ddaħħlu fl-Anness B, inklużi: |
|
|
Ir-Repubblika Gaboniża |
AFRIC AVIATION |
010/MTAC/ANAC-G/DSA |
EKG |
Ir-Repubblika Gaboniża |
ALLEGIANCE AIR TOURIST |
007/MTAC/ANAC-G/DSA |
LGE |
Ir-Repubblika Gaboniża |
NATIONALE REGIONALE TRANSPORT (N.R.T) |
008/MTAC/ANAC-G/DSA |
NRG |
Ir-Repubblika Gaboniża |
SKY GABON |
009/MTAC/ANAC-G/DSA |
SKG |
Ir-Repubblika Gaboniża |
SOLENTA AVIATION GABON |
006/MTAC/ANAC-G/DSA |
SVG |
Ir-Repubblika Gaboniża |
TROPICAL AIR-GABON |
011/MTAC/ANAC-G/DSA |
Mhux magħruf |
Ir-Repubblika Gaboniża |
Il-kumpaniji tal-ajru kollha ċċertifikati mill-awtoritajiet tal-lndoneżja responsabbli għas-sorveljanza regolatorja, ħlief għall-kumpaniji Garuda Indonesia, Airfast Indonesia, Ekspres Transportasi Antarbenua, Indonesia Air Asia, Citilink, Lion Air u Batik Air, inklużi: |
|
|
Ir-Repubblika tal-Indoneżja |
AIR BORN INDONESIA |
135-055 |
Mhux magħruf |
Ir-Repubblika tal-Indoneżja |
AIR PACIFIC UTAMA |
135-020 |
Mhux magħruf |
Ir-Repubblika tal-Indoneżja |
ALDA TRANS PAPUA |
135-056 |
Mhux magħruf |
Ir-Repubblika tal-Indoneżja |
ALFA TRANS DIRGANTARA |
135-012 |
Mhux magħruf |
Ir-Repubblika tal-Indoneżja |
AMA |
135-054 |
Mhux magħruf |
Ir-Repubblika tal-Indoneżja |
ANGKASA SUPER SERVICE |
135-050 |
LBZ |
Ir-Repubblika tal-Indoneżja |
ASI PUDJIASTUTI |
135-028 |
SQS |
Ir-Repubblika tal-Indoneżja |
AVIASTAR MANDIRI |
135-029 |
VIT |
Ir-Repubblika tal-Indoneżja |
DABI AIR NUSANTARA |
135-030 |
Mhux magħruf |
Ir-Repubblika tal-Indoneżja |
DERAYA AIR TAXI |
135-013 |
DRY |
Ir-Repubblika tal-Indoneżja |
DERAZONA AIR SERVICE |
135-010 |
DRZ |
Ir-Repubblika tal-Indoneżja |
EASTINDO |
135-038 |
ESD |
Ir-Repubblika tal-Indoneżja |
ELANG LINTAS INDONESIA |
135-052 |
Mhux magħruf |
Ir-Repubblika tal-Indoneżja |
ELANG NUSANTARA AIR |
135-053 |
Mhux magħruf |
Ir-Repubblika tal-Indoneżja |
ENGGANG AIR SERVICE |
135-045 |
Mhux magħruf |
Ir-Repubblika tal-Indoneżja |
ERSA EASTERN AVIATION |
135-047 |
Mhux magħruf |
Ir-Repubblika tal-Indoneżja |
GATARI AIR SERVICE |
135-018 |
GHS |
Ir-Repubblika tal-Indoneżja |
HEVILIFT AVIATION |
135-042 |
Mhux magħruf |
Ir-Repubblika tal-Indoneżja |
INDONESIA AIR ASIA EXTRA |
121-054 |
Mhux magħruf |
Ir-Repubblika tal-Indoneżja |
INDONESIA AIR TRANSPORT |
121-034 |
IDA |
Ir-Repubblika tal-Indoneżja |
INDO STAR AVIATION |
135-057 |
Mhux magħruf |
Ir-Repubblika tal-Indoneżja |
INTAN ANGKASA AIR SERVICE |
135-019 |
Mhux magħruf |
Ir-Repubblika tal-Indoneżja |
JAYAWIJAYA DIRGANTARA |
121-044 |
JWD |
Ir-Repubblika tal-Indoneżja |
JOHNLIN AIR TRANSPORT |
135-043 |
JLB |
Ir-Repubblika tal-Indoneżja |
KAL STAR AVIATION |
121-037 |
KLS |
Ir-Repubblika tal-Indoneżja |
KARTIKA AIRLINES |
121-003 |
KAE |
Ir-Repubblika tal-Indoneżja |
KOMALA INDONESIA |
135-051 |
Mhux magħruf |
Ir-Repubblika tal-Indoneżja |
KURA-KURA AVIATION |
135-016 |
KUR |
Ir-Repubblika tal-Indoneżja |
MARTA BUANA ABADI |
135-049 |
Mhux magħruf |
Ir-Repubblika tal-Indoneżja |
MATTHEW AIR NUSANTARA |
135-048 |
Mhux magħruf |
Ir-Repubblika tal-Indoneżja |
MIMIKA AIR |
135-007 |
Mhux magħruf |
Ir-Repubblika tal-Indoneżja |
MY INDO AIRLINES |
121-042 |
Mhux magħruf |
Ir-Repubblika tal-Indoneżja |
NAM AIR |
121-058 |
Mhux magħruf |
Ir-Repubblika tal-Indoneżja |
NATIONAL UTILITY HELICOPTER |
135-011 |
Mhux magħruf |
Ir-Repubblika tal-Indoneżja |
NUSANTARA AIR CHARTER |
121-022 |
SJK |
Ir-Repubblika tal-Indoneżja |
PEGASUS AIR SERVICES |
135-036 |
Mhux magħruf |
Ir-Repubblika tal-Indoneżja |
PELITA AIR SERVICE |
121-008 |
PAS |
Ir-Repubblika tal-Indoneżja |
PENERBANGAN ANGKASA SEMESTA |
135-026 |
Mhux magħruf |
Ir-Repubblika tal-Indoneżja |
PURA WISATA BARUNA |
135-025 |
Mhux magħruf |
Ir-Repubblika tal-Indoneżja |
RIAU AIRLINES |
121-016 |
RIU |
Ir-Repubblika tal-Indoneżja |
SAYAP GARUDA INDAH |
135-004 |
Mhux magħruf |
Ir-Repubblika tal-Indoneżja |
SMAC |
135-015 |
SMC |
Ir-Repubblika tal-Indoneżja |
SPIRIT AVIATION SENTOSA |
135-058 |
Mhux magħruf |
Ir-Repubblika tal-Indoneżja |
SRIWIJAYA AIR |
121-035 |
SJY |
Ir-Repubblika tal-Indoneżja |
SURYA AIR |
135-046 |
Mhux magħruf |
Ir-Repubblika tal-Indoneżja |
TRANSNUSA AVIATION MANDIRI |
121-048 |
TNU |
Ir-Repubblika tal-Indoneżja |
TRANSWISATA PRIMA AVIATION |
135-021 |
TWT |
Ir-Repubblika tal-Indoneżja |
TRAVEL EXPRESS AVIATION SERVICE |
121-038 |
XAR |
Ir-Repubblika tal-Indoneżja |
TRAVIRA UTAMA |
135-009 |
TVV |
Ir-Repubblika tal-Indoneżja |
TRI MG-INTRA ASIA AIRLINES |
121-018 |
TMG |
Ir-Repubblika tal-Indoneżja |
TRI MG-INTRA ASIA AIRLINES |
135-037 |
Mhux magħruf |
Ir-Repubblika tal-Indoneżja |
TRIGANA AIR SERVICE |
121-006 |
TGN |
Ir-Repubblika tal-Indoneżja |
UNINDO |
135-040 |
Mhux magħruf |
Ir-Repubblika tal-Indoneżja |
WESTSTAR AVIATION INDONESIA |
135-059 |
Mhux magħruf |
Ir-Repubblika tal-Indoneżja |
WING ABADI AIRLINES |
121-012 |
WON |
Ir-Repubblika tal-Indoneżja |
Il-kumpaniji tal-ajru kollha ċċertifikati mill-awtoritajiet tar-Repubblika Kirgiża responsabbli għas-sorveljanza regolatorja, inklużi: |
|
|
Ir-Repubblika Kirgiża |
AIR BISHKEK (li qabel kien jisimha EASTOK AVIA) |
15 |
EAA |
Ir-Repubblika Kirgiża |
AIR MANAS |
17 |
MBB |
Ir-Repubblika Kirgiża |
AVIA TRAFFIC COMPANY |
23 |
AVJ |
Ir-Repubblika Kirgiża |
CENTRAL ASIAN AVIATION SERVICES (CAAS) |
13 |
CBK |
Ir-Repubblika Kirgiża |
HELI SKY |
47 |
HAC |
Ir-Repubblika Kirgiża |
AIR KYRGYZSTAN |
03 |
LYN |
Ir-Repubblika Kirgiża |
MANAS AIRWAYS |
42 |
BAM |
Ir-Repubblika Kirgiża |
S GROUP INTERNATIONAL (li qabel kien jisimha S GROUP AVIATION) |
45 |
IND |
Ir-Repubblika Kirgiża |
SKY BISHKEK |
43 |
BIS |
Ir-Repubblika Kirgiża |
SKY KG AIRLINES |
41 |
KGK |
Ir-Repubblika Kirgiża |
SKY WAY AIR |
39 |
SAB |
Ir-Repubblika Kirgiża |
TEZ JET |
46 |
TEZ |
Ir-Repubblika Kirgiża |
VALOR AIR |
07 |
VAC |
Ir-Repubblika Kirgiża |
Il-kumpaniji tal-ajru kollha ċċertifikati mill-awtoritajiet tal-Liberja responsabbli għas-sorveljanza regolatorja |
|
|
Il-Liberja |
Il-kumpaniji tal-ajru kollha ċċertifikati mill-awtoritajiet tal-Libja responsabbli għas-sorveljanza regolatorja, inklużi: |
|
|
Il-Libja |
AFRIQIYAH AIRWAYS |
007/01 |
AAW |
Il-Libja |
AIR LIBYA |
004/01 |
TLR |
Il-Libja |
BURAQ AIR |
002/01 |
BRQ |
Il-Libja |
GHADAMES AIR TRANSPORT |
012/05 |
GHT |
Il-Libja |
GLOBAL AVIATION AND SERVICES |
008/05 |
GAK |
Il-Libja |
LIBYAN AIRLINES |
001/01 |
LAA |
Il-Libja |
PETRO AIR |
025/08 |
PEO |
Il-Libja |
Il-kumpaniji tal-ajru kollha ċċertifikati mill-awtoritajiet tar-Repubblika tal-Mozambique responsabbli għas-sorveljanza regolatorja, inklużi: |
|
|
Ir-Repubblika tal-Mozambique |
ARCHIPELAGO CHARTERS LDA |
MOZ-25 |
Mhux magħruf |
Ir-Repubblika tal-Mozambique |
AMBASSADOR LDA |
MOZ-21 |
Mhux magħruf |
Ir-Repubblika tal-Mozambique |
CFM — TRABALHOS E TRANSPORTES AÉREOS LDA |
MOZ-07 |
TTA |
Ir-Repubblika tal-Mozambique |
CHC HELICÓPTEROS LDA |
MOZ-22 |
Mhux magħruf |
Ir-Repubblika tal-Mozambique |
COA — COASTAL AVIATION |
MOZ-15 |
Mhux magħruf |
Ir-Repubblika tal-Mozambique |
CPY — CROPSPRAYERS |
MOZ-06 |
Mhux magħruf |
Ir-Repubblika tal-Mozambique |
CRA — CR AVIATION LDA |
MOZ-14 |
Mhux magħruf |
Ir-Repubblika tal-Mozambique |
ETA — EMPRESA DE TRANSPORTES AÉREOS LDA |
MOZ-04 |
Mhux magħruf |
Ir-Repubblika tal-Mozambique |
EVERETT AVIATION LDA |
MOZ-18 |
Mhux magħruf |
Ir-Repubblika tal-Mozambique |
HCP — HELICÓPTEROS CAPITAL LDA |
MOZ-11 |
Mhux magħruf |
Ir-Repubblika tal-Mozambique |
INAER AVIATION MOZAMBIQUE LDA |
MOZ-19 |
Mhux magħruf |
Ir-Repubblika tal-Mozambique |
INTER AIRWAYS LDA |
MOZ-24 |
Mhux magħruf |
Ir-Repubblika tal-Mozambique |
LAM — LINHAS AÉREAS DE MOÇAMBIQUE S.A. |
MOZ-01 |
LAM |
Ir-Repubblika tal-Mozambique |
MAKOND, LDA |
MOZ-20 |
Mhux magħruf |
Ir-Repubblika tal-Mozambique |
MEX — MOÇAMBIQUE EXPRESSO, SARL MEX |
MOZ-02 |
MXE |
Ir-Repubblika tal-Mozambique |
OHI — OMNI HELICÓPTEROS INTERNATIONAL LDA |
MOZ-17 |
Mhux magħruf |
Ir-Repubblika tal-Mozambique |
SAF — SAFARI AIR LDA |
MOZ-12 |
Mhux magħruf |
Ir-Repubblika tal-Mozambique |
SOLENTA AVIATION MOZAMBIQUE SA |
MOZ-23 |
Mhux magħruf |
Ir-Repubblika tal-Mozambique |
Il-kumpaniji tal-ajru kollha ċċertifikati mill-awtoritajiet tan-Nepal responsabbli għas-sorveljanza regolatorja, inklużi: |
|
|
Ir-Repubblika Demokratika Federali tan-Nepal |
AIR DYNASTY HELI. S. |
035/2001 |
Mhux magħruf |
Ir-Repubblika Demokratika Federali tan-Nepal |
AIR KASTHAMANDAP |
051/2009 |
Mhux magħruf |
Ir-Repubblika Demokratika Federali tan-Nepal |
BUDDHA AIR |
014/1996 |
BHA |
Ir-Repubblika Demokratika Federali tan-Nepal |
FISHTAIL AIR |
017/2001 |
Mhux magħruf |
Ir-Repubblika Demokratika Federali tan-Nepal |
GOMA AIR |
064/2010 |
Mhux magħruf |
Ir-Repubblika Demokratika Federali tan-Nepal |
HIMALAYA AIRLINES |
084/2015 |
Mhux magħruf |
Ir-Repubblika Demokratika Federali tan-Nepal |
MAKALU AIR |
057 A/2009 |
Mhux magħruf |
Ir-Repubblika Demokratika Federali tan-Nepal |
MANANG AIR PVT LTD |
082/2014 |
Mhux magħruf |
Ir-Repubblika Demokratika Federali tan-Nepal |
MOUNTAIN HELICOPTERS |
055/2009 |
Mhux magħruf |
Ir-Repubblika Demokratika Federali tan-Nepal |
MUKTINATH AIRLINES |
081/2013 |
Mhux magħruf |
Ir-Repubblika Demokratika Federali tan-Nepal |
NEPAL AIRLINES CORPORATION |
003/2000 |
RNA |
Ir-Repubblika Demokratika Federali tan-Nepal |
SAURYA AIRLINES |
083/2014 |
Mhux magħruf |
Ir-Repubblika Demokratika Federali tan-Nepal |
SHREE AIRLINES |
030/2002 |
SHA |
Ir-Repubblika Demokratika Federali tan-Nepal |
SIMRIK AIR |
034/2000 |
Mhux magħruf |
Ir-Repubblika Demokratika Federali tan-Nepal |
SIMRIK AIRLINES |
052/2009 |
RMK |
Ir-Repubblika Demokratika Federali tan-Nepal |
SITA AIR |
033/2000 |
Mhux magħruf |
Ir-Repubblika Demokratika Federali tan-Nepal |
TARA AIR |
053/2009 |
Mhux magħruf |
Ir-Repubblika Demokratika Federali tan-Nepal |
YETI AIRLINES DOMESTIC |
037/2004 |
NYT |
Ir-Repubblika Demokratika Federali tan-Nepal |
Il-kumpaniji tal-ajru kollha ċċertifikati mill-awtoritajiet ta' São Tomé u Príncipe responsabbli għas-sorveljanza regolatorja, inklużi: |
|
|
São Tomé u Príncipe |
AFRICA'S CONNECTION |
10/AOC/2008 |
ACH |
São Tomé u Príncipe |
STP AIRWAYS |
03/AOC/2006 |
STP |
São Tomé u Príncipe |
Il-kumpaniji tal-ajru kollha ċċertifikati mill-awtoritajiet ta' Sierra Leone responsabbli għas-sorveljanza regolatorja, inklużi: |
|
|
Sierra Leone |
AIR RUM, LTD |
Mhux magħruf |
RUM |
Sierra Leone |
DESTINY AIR SERVICES, LTD |
Mhux magħruf |
DTY |
Sierra Leone |
HEAVYLIFT CARGO |
Mhux magħruf |
Mhux magħruf |
Sierra Leone |
ORANGE AIR SIERRA LEONE LTD |
Mhux magħruf |
ORJ |
Sierra Leone |
PARAMOUNT AIRLINES, LTD |
Mhux magħruf |
PRR |
Sierra Leone |
SEVEN FOUR EIGHT AIR SERVICES LTD |
Mhux magħruf |
SVT |
Sierra Leone |
TEEBAH AIRWAYS |
Mhux magħruf |
Mhux magħruf |
Sierra Leone |
Il-kumpaniji tal-ajru kollha ċċertifikati mill-awtoritajiet tas-Sudan responsabbli għas-sorveljanza regolatorja, inklużi: |
|
|
Ir-Repubblika tas-Sudan |
ALFA AIRLINES SD |
54 |
AAJ |
Ir-Repubblika tas-Sudan |
BADR AIRLINES |
35 |
BDR |
Ir-Repubblika tas-Sudan |
BLUE BIRD AVIATION |
11 |
BLB |
Ir-Repubblika tas-Sudan |
ELDINDER AVIATION |
8 |
DND |
Ir-Repubblika tas-Sudan |
GREEN FLAG AVIATION |
17 |
Mhux magħruf |
Ir-Repubblika tas-Sudan |
HELEJETIC AIR |
57 |
HJT |
Ir-Repubblika tas-Sudan |
KATA AIR TRANSPORT |
9 |
KTV |
Ir-Repubblika tas-Sudan |
KUSH AVIATION CO. |
60 |
KUH |
Ir-Repubblika tas-Sudan |
NOVA AIRWAYS |
46 |
NOV |
Ir-Repubblika tas-Sudan |
SUDAN AIRWAYS CO. |
1 |
SUD |
Ir-Repubblika tas-Sudan |
SUN AIR |
51 |
SNR |
Ir-Repubblika tas-Sudan |
TARCO AIR |
56 |
TRQ |
Ir-Repubblika tas-Sudan” |
(1) Il-kumpaniji tal-ajru mniżżlin fl-Anness A jistgħu jitħallew jeżerċitaw id-drittijiet tat-traffiku tagħhom billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhix suġġetta għal projbizzjoni fuq l-operat, sakemm jitħarsu l-istandards rilevanti tas-sikurezza.
ANNESS II
“ANNESS B
LISTA TA' KUMPANIJI TAL-AJRU LI HUMA SUĠĠETTI GĦAL RESTRIZZJONIJIET TAL-OPERAT FL-UNJONI (1)
Isem l-entità legali tal-kumpanija tal-ajru kif muri fuq l-AOC tagħha (u l-isem kummerċjali tagħha, jekk dan ikun differenti) |
In-numru taċ-Ċertifikat tal-Operatur tal-Ajru (“l-AOC”) |
In-numru tal-identifikazzjoni tal-ICAO għal-linja tal-ajru |
L-istat tal-Operatur |
It-tip ta' inġenju tal-ajru li huwa suġġett għal restrizzjoni |
Il-marka jew il-marki tar-reġistrazzjoni u, meta jkun disponibbli, in-numru jew in-numri tas-serje tal-kostruzzjoni tal-inġenju tal-ajru li huwa suġġett għal restrizzjoni |
L-istat tar-reġistrazzjoni |
(1) |
(2) |
(3) |
(4) |
(5) |
(6) |
(7) |
TAAG ANGOLA AIRLINES |
001 |
DTA |
Ir-Repubblika tal-Angola |
Il-flotta kollha ħlief għal inġenji tal-ajru tat-tip Boeing B737-700, inġenji tal-ajru tat-tip Boeing B777-200, inġenji tal-ajru tat-tip Boeing B777-300 u inġenji tal-ajru tat-tip Boeing B777-300ER. |
Il-flotta kollha ħlief għal inġenji tal-ajru fil-flotta tal-Boeing B737-700, kif jissemma fl-AOC; inġenji tal-ajru fil-flotta tal-Boeing B777-200, kif jissemma fl-AOC; inġenji tal-ajru fil-flotta tal-Boeing B777-300, kif jissemma fl-AOC; u inġenji tal-ajru fil-flotta tal-Boeing B777-300ER, kif jissemma fl-AOC. |
Ir-Repubblika tal-Angola |
AIR SERVICE COMORES |
06-819/TA-15/DGACM |
KMD |
Comoros |
Il-flotta kollha ħlief għal-LET 410 UVP. |
Il-flotta kollha ħlief għad-D6-CAM (851336). |
Comoros |
AFRIJET BUSINESS SERVICE (2) |
002/MTAC/ANAC-G/DSA |
ABS |
Ir-Repubblika Gaboniża |
Il-flotta kollha ħlief għal żewġ inġenji tal-ajru tat-tip Falcon 50 u għal żewġ inġenji tal-ajru tat-tip Falcon 900. |
Il-flotta kollha ħlief għat-TR-LGV; għat-TR-LGY; għat-TR-AFJ; u għat-TR-AFR. |
Ir-Repubblika Gaboniża |
NOUVELLE AIR AFFAIRES GABON (SN2AG) |
003/MTAC/ANAC-G/DSA |
NVS |
Ir-Repubblika Gaboniża |
Il-flotta kollha ħlief għal inġenju tal-ajru wieħed tat-tip Challenger CL-601 u inġenju tal-ajru wieħed tat-tip HS-125-800. |
Il-flotta kollha ħlief għat-TR-AAG u għaż-ZS-AFG. |
Ir-Repubblika Gaboniża; u r-Repubblika tal-Afrika t'Isfel |
IRAN AIR |
FS100 |
IRA |
Ir-Repubblika Iżlamika tal-Iran |
L-inġenji tal-ajru kollha tat-tip Fokker F100 u tat-tip Boeing B747. |
L-inġenji tal-ajru tat-tip Fokker F100 kif jissemma fl-AOC; u l-inġenji tal-ajru tat-tip Boeing B747 kif jissemma fl-AOC. |
Ir-Repubblika Iżlamika tal-Iran |
AIR KORYO |
GAC-AOC/KOR-01 |
KOR |
Ir-Repubblika Demokratika tal-Poplu tal-Korea |
Il-flotta kollha ħlief għal żewġ inġenji tal-ajru tat-tip TU-204. |
Il-flotta kollha ħlief għall-P-632 u għall-P-633. |
Ir-Repubblika Demokratika tal-Poplu tal-Korea |
(1) Il-kumpaniji tal-ajru mniżżlin fl-Anness B jistgħu jitħallew jeżerċitaw id-drittijiet tat-traffiku tagħhom billi jużaw inġenji tal-ajru mikrijin bl-ekwipaġġ mingħand kumpanija tal-ajru li mhix suġġetta għal projbizzjoni fuq l-operat, sakemm jitħarsu l-istandards rilevanti tas-sikurezza.
(2) Il-kumpanija Afrijet titħalla tuża biss l-inġenji tal-ajru speċifiċi msemmija għal-livell attwali ta' operazzjonijiet tagħha fl-Unjoni.”