Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016R2120

    Regolament ta' Implimentazzjoni tal-Kummissjoni (UE) 2016/2120 tat-2 ta' Diċembru 2016 li jemenda r-Regolament tal-Kummissjoni (KE) Nru 1033/2006 fir-rigward tad-dispożizzjonijiet imsemmija fl-Artikolu 3(1) (Test b'rilevanza għaż-ŻEE )

    C/2016/7733

    ĠU L 329, 3.12.2016, p. 70–72 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 04/10/2023; Impliċitament imħassar minn 32023R1772

    ELI: http://data.europa.eu/eli/reg_impl/2016/2120/oj

    3.12.2016   

    MT

    Il-Ġurnal Uffiċjali tal-Unjoni Ewropea

    L 329/70

    REGOLAMENT TA' IMPLIMENTAZZJONI TAL-KUMMISSJONI (UE) 2016/2120

    tat-2 ta' Diċembru 2016

    li jemenda r-Regolament tal-Kummissjoni (KE) Nru 1033/2006 fir-rigward tad-dispożizzjonijiet imsemmija fl-Artikolu 3(1)

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 552/2004 tal-Parlament Ewropew u tal-Kunsill tal-10 ta' Marzu 2004 dwar l-interoperabbiltà tax-Xibka Ewropea ta' Amministrazzjoni ta' Traffiku tal-Ajru (ir-Regolament tal-interoperabbiltà) (1), u b'mod partikolari l-Artikolu 3(5) tiegħu,

    Wara li kkonsultat lill-Kumitat dwar l-Ajru Uniku,

    Billi:

    (1)

    L-Artikolu 2(2)(16) tar-Regolament tal-Kummissjoni (KE) Nru 1033/2006 (2) jirreferi għad-definizzjonijiet stabbiliti fil-Volum 1 tal-Proċeduri tal-Organizzazzjoni tal-Avjazzjoni Ċivili Internazzjonali (l-ICAO) għas-Servizzi tan-Navigazzjoni bl-Ajru — l-Operazzjonijiet tal-Inġenji tal-Ajru (PANS-OPS, id-Dok. 8168), u b'mod aktar speċifiku għar-raba' edizzjoni tiegħu tal-1993 li tinkludi l-Emenda 13. Wara l-adozzjoni tar-Regolament tal-Kummissjoni (KE) Nru 1033/2006, l-ICAO emendat dak id-dokument u adottat il-ħames edizzjoni tiegħu tal-2006 li tinkludi l-Emenda 6.

    (2)

    L-Anness tar-Regolament tal-Kummissjoni (KE) Nru 1033/2006 jirreferi għad-dispożizzjonijiet stabbiliti fl-Anness 2 tal-ICAO — ir-Regoli tal-Ajru u b'mod aktar speċifiku għall-għaxar edizzjoni tiegħu ta' Lulju 2005 li tinkludi kull emenda sal-Emenda 42. Wara l-adozzjoni tar-Regolament ta' Implimentazzjoni tal-Kummissjoni (UE) Nru 428/2013 (3), ir-regoli komuni tal-ajru, kif adottati permezz tar-Regolament ta' Implimentazzjoni tal-Kummissjoni (UE) Nru 923/2012 (4), saru applikabbli u dan l-aħħar komplew jiġu aġġornati permezz tar-Regolament ta' Implimentazzjoni tal-Kummissjoni (UE) 2016/1185 (5). Fit-Taqsima 4 tal-Anness tar-Regolament ta' Implimentazzjoni tal-Kummissjoni (UE) Nru 923/2012, dawk ir-regoli komuni tal-ajru jindirizzaw b'mod partikolari d-dispożizzjonijiet relatati mal-pjanijiet tat-titjiriet, u b'hekk jieħdu post ir-referenzi preċedenti tal-Anness 2 tal-ICAO.

    (3)

    L-Anness tar-Regolament tal-Kummissjoni (KE) Nru 1033/2006 jirreferi għad-dispożizzjonijiet stabbiliti fil-Proċeduri tal-ICAO għas-Servizzi tan-Navigazzjoni bl-Ajru — il-Ġestjoni tat-Traffiku tal-Ajru (PANS-ATM, id-Dok. 4444), u b'mod aktar speċifiku għall-ħmistax-il edizzjoni tiegħu tal-2007 li tinkludi l-Emenda 4. Wara l-adozzjoni tar-Regolament ta' Implimentazzjoni tal-Kummissjoni (UE) Nru 428/2013, l-ICAO emendat dak id-dokument, u l-aktar dokument riċenti jinkludi l-Emenda 6. L-Anness tar-Regolament tal-Kummissjoni (KE) Nru 1033/2006 jirreferi wkoll għad-dispożizzjonijiet stabbiliti fil-Proċeduri Supplimentari Reġjonali tal-ICAO (id-Dok. 7030), u b'mod aktar speċifiku għall-ħames edizzjoni tiegħu tal-2008 li tinkludi l-Emenda 7. Wara l-adozzjoni tar-Regolament ta' Implimentazzjoni tal-Kummissjoni (UE) Nru 428/2013, l-ICAO emendat dak id-dokument, u l-aktar dokument riċenti jinkludi l-Emenda 9.

    (4)

    Ir-referenzi fir-Regolament tal-Kummissjoni (KE) Nru 1033/2006 għall-Anness 2 tal-ICAO, għad-Dok. 8168, għad-Dok. 4444 u għad-Dok. 7030 għandhom jiġu aġġornati biex l-Istati Membri jkunu jistgħu jissodisfaw l-obbligi legali internazzjonali tagħhom u biex tkun żgurata l-konsistenza mal-qafas regolatorju internazzjonali tal-ICAO.

    (5)

    Għaldaqstant ir-Regolament tal-Kummissjoni (KE) Nru 1033/2006 għandu jiġi emendat skont dan,

    ADOTTAT DAN IR-REGOLAMENT:

    Artikolu 1

    Ir-Regolament tal-Kummissjoni (KE) Nru 1033/2006 hu emendat kif ġej:

    (1)

    fl-Artikolu 2(2), il-punt (16) jinbidel b'dan li ġej:

    “16.

    “proċeduri taż-żona tat-terminal” tfisser it-tluq bl-istrument standard u l-wasliet bl-istrument standard kif definiti fil-Proċeduri tal-ICAO għas-Servizzi tan-Navigazzjoni bl-Ajru — l-Operazzjonijiet tal-Inġenji tal-Ajru (PANS-OPS, id-Dok. 8168 — il-Volum 1 — il-ħames edizzjoni — tal-2006, li tinkludi kull emenda sal-Emenda 6).”;

    (2)

    l-Anness jinbidel bit-test mogħti fl-Anness ta' dan ir-Regolament.

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-2 ta' Diċembru 2016.

    Għall-Kummissjoni

    Il-President

    Jean-Claude JUNCKER

    (1)  ĠU L 96, 31.3.2004, p. 26.

    (2)  Ir-Regolament tal-Kummissjoni (KE) Nru 1033/2006 tal-4 ta' Lulju 2006 li jistabbilixxi r-rekwiżiti dwar proċeduri għall-pjanijiet tat-titjiriet fil-fażi ta' qabel it-titjira għall-Ajru Uniku Ewropew (ĠU L 186, 7.7.2006, p. 46).

    (3)  Ir-Regolament ta' Implimentazzjoni tal-Kummissjoni (UE) Nru 428/2013 tat-8 ta' Mejju 2013 li jemenda r-Regolament (KE) Nru 1033/2006 fir-rigward tad-dispożizzjonijiet tal-ICAO imsemmija fl-Artikolu 3(1) u li jħassar ir-Regolament (UE) Nru 929/2010 (ĠU L 127, 9.5.2013, p. 23).

    (4)  Ir-Regolament ta' Implimentazzjoni tal-Kummissjoni (UE) Nru 923/2012 tas-26 ta' Settembru 2012 li jistabbilixxi regoli komuni tal-ajru u dispożizzjonijiet operattivi dwar is-servizzi u l-proċeduri fin-navigazzjoni bl-ajru u li jemenda r-Regolament ta' Implimentazzjoni (UE) Nru 1035/2011 u r-Regolamenti (KE) Nru 1265/2007, (KE) Nru 1794/2006, (KE) Nru 730/2006, (KE) Nru 1033/2006 u (UE) Nru 255/2010 (ĠU L 281, 13.10.2012, p. 1).

    (5)  Ir-Regolament ta' Implimentazzjoni tal-Kummissjoni (UE) 2016/1185 tal-20 ta' Lulju 2016 li jemenda r-Regolament ta' Implimentazzjoni (UE) Nru 923/2012 rigward l-aġġornament u l-ikkompletar tar-regoli komuni tal-ajru u dispożizzjonijiet operattivi dwar is-servizzi u l-proċeduri fin-navigazzjoni bl-ajru (SERA Parti C) u li jħassar ir-Regolament (KE) Nru 730/2006 (ĠU L 196, 21.7.2016, p. 3).

    ANNESS

    “ANNESS

    Id-dispożizzjonijiet imsemmija fl-Artikolu 3(1)

    1.

    It-Taqsima 4 tal-Anness tar-Regolament ta' Implimentazzjoni tal-Kummissjoni (UE) Nru 923/2012 (1).

    2.

    It-Taqsima 4.4 tal-Kapitolu 4 (Il-pjanijiet tat-titjiriet) u l-paragrafu 11.4.2.2 tal-Kapitolu 11 (Il-messaġġi dwar il-movimenti) tad-Dok. 4444 tal-PANS-ATM tal-ICAO (il-ħmistax-il edizzjoni tal-2007, li tinkludi kull emenda sal-Emenda 6).

    3.

    Il-Kapitolu 2 (Il-pjanijiet tat-titjiriet) u l-paragrafu 6.12.3 tal-Kapitolu 6 (L-istimi tal-konfini) tal-Proċeduri Supplimentari Reġjonali, id-Dok. 7030, il-Proċeduri Supplimentari Reġjonali Ewropej (EUR) (il-ħames edizzjoni tal-2008, li tinkludi kull emenda sal-Emenda 9).

    (1)  Ir-Regolament ta' Implimentazzjoni tal-Kummissjoni (UE) Nru 923/2012 tas-26 ta' Settembru 2012 li jistabbilixxi regoli komuni tal-ajru u dispożizzjonijiet operattivi dwar is-servizzi u l-proċeduri fin-navigazzjoni bl-ajru u li jemenda r-Regolament ta' Implimentazzjoni (UE) Nru 1035/2011 u r-Regolamenti (KE) Nru 1265/2007, (KE) Nru 1794/2006, (KE) Nru 730/2006, (KE) Nru 1033/2006 u (UE) Nru 255/2010 (ĠU L 281, 13.10.2012, p. 1).”

    Top