This document is an excerpt from the EUR-Lex website
Document 32016R1184
Council Regulation (EU) 2016/1184 of 18 July 2016 amending Regulation (EU) 2015/2265 opening and providing for the management of autonomous Union tariff quotas for certain fishery products for the period 2016 to 2018
Regolament tal-Kunsill (UE) 2016/1184 tat-18 ta' Lulju 2016 li jemenda r-Regolament (UE) 2015/2265 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
Regolament tal-Kunsill (UE) 2016/1184 tat-18 ta' Lulju 2016 li jemenda r-Regolament (UE) 2015/2265 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
ĠU L 196, 21.7.2016, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2018
|
21.7.2016 |
MT |
Il-Ġurnal Uffiċjali tal-Unjoni Ewropea |
L 196/1 |
REGOLAMENT TAL-KUNSILL (UE) 2016/1184
tat-18 ta' Lulju 2016
li jemenda r-Regolament (UE) 2015/2265 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 31 tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Ir-Regolament tal-Kunsill (UE) 2015/2265 (1) jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018. Ġew deċiżi volumi adatti għal kull kwota tariffarja sabiex tiġi żgurata provvista adegwata għall-industrija tal-Unjoni għall-perijodu 2016–2018. |
|
(2) |
It-tielet paragrafu tan-nota 2 f'qiegħ il-paġna tal-Anness għar-Regolament (UE) 2015/2265 jiddeskrivi l-operazzjonijiet tal-ipproċessar li għalihom jistgħu jintużaw ċerti kwoti tariffarji. Dak il-paragrafu ma jinkludix it-tfettit fost l-operazzjonijiet li jikkwalifikaw għall-kwota tariffarja bin-numru tal-ordni 09.2760 fir-rigward tal-merluzz iffriżat u l-pink cusk-eel. |
|
(3) |
Għal dik il-kwota tariffarja li trid tintuża, jixraq li jiġi inkluż it-tfettit bħala operazzjoni li tikkwalifika. |
|
(4) |
Għaldaqstant ir-Regolament (UE) 2015/2265 għandu jiġi emendat skont dan. |
|
(5) |
Il-perijodu li fih il-kwoti miftuħa mir-Regolament (UE) 2015/2265 japplikaw fl-ewwel sena jibda mill-1 ta' Jannar sal-31 ta' Diċembru 2016. Billi jeħtieġ li jiġi żgurat trattament indaqs tal-operaturi ekonomiċi, dan ir-Regolament għandu jiġi applikat b'mod retroattiv b'effett mill-1 ta' Jannar 2016, |
ADOTTA DAN IR-REGOLAMENT:
Artikolu 1
Fit-tielet paragrafu tan-nota 2 f'qiegħ il-paġna tal-Anness għar-Regolament (UE) 2015/2265, jiżdied l-inċiż li ġej:
|
“— |
it-tfettit għal materjali skont il-kodiċijiet tan-NM ex 0303 66 11, 0303 66 12, 0303 66 13, 0303 66 19, 0303 89 70, 0303 89 90”. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mill-1 ta' Jannar 2016.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Lulju 2016.
Għall-Kunsill
Il-President
G. MATEČNÁ
(1) Ir-Regolament tal-Kunsill (UE) 2015/2265 tas-7 ta' Diċembru 2015 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018 (ĠU L 322, 8.12.2015, p. 4).