This document is an excerpt from the EUR-Lex website
Document 32016R1086
Commission Implementing Regulation (EU) 2016/1086 of 5 July 2016 approving 2-bromo-2-(bromomethyl)pentanedinitrile (DBDCB) as an existing active substance for use in biocidal products of product-type 6 (Text with EEA relevance)
Regolament ta' Implimentazzjoni tal-Kummissjoni (UE) 2016/1086 tal-5 ta' Lulju 2016 li japprova l-2-bromo-2-(bromometil)pentanedinitril (DBDCB) bħala sustanza attiva eżistenti għall-użu fil-prodotti bijoċidali li jiffurmaw parti mill-prodotti tat-tip 6 (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2016/1086 tal-5 ta' Lulju 2016 li japprova l-2-bromo-2-(bromometil)pentanedinitril (DBDCB) bħala sustanza attiva eżistenti għall-użu fil-prodotti bijoċidali li jiffurmaw parti mill-prodotti tat-tip 6 (Test b'rilevanza għaż-ŻEE)
C/2016/4104
ĠU L 180, 6.7.2016, pp. 15–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.7.2016 |
MT |
Il-Ġurnal Uffiċjali tal-Unjoni Ewropea |
L 180/15 |
REGOLAMENT TA' IMPLIMENTAZZJONI TAL-KUMMISSJONI (UE) 2016/1086
tal-5 ta' Lulju 2016
li japprova l-2-bromo-2-(bromometil)pentanedinitril (DBDCB) bħala sustanza attiva eżistenti għall-użu fil-prodotti bijoċidali li jiffurmaw parti mill-prodotti tat-tip 6
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta' Mejju 2012 dwar it-tqegħid fis-suq u l-użu tal-prodotti bijoċidali (1), u b'mod partikolari t-tielet subparagrafu tal-Artikolu 89(1) tiegħu,
Billi:
|
(1) |
Ir-Regolament Delegat tal-Kummissjoni (UE) Nru 1062/2014 (2) jistabbilixxi lista ta' sustanzi attivi eżistenti li għandhom jiġu vvalutati biex possibbilment jiġu approvati għall-użu fil-prodotti bijoċidali. Dik il-lista tinkludi l-2-bromo-2-(bromometil)pentanedinitril (DBDCB). |
|
(2) |
F'konformità mal-Artikolu 16(2) tad-Direttiva 98/8/KE tal-Parlament Ewropew u tal-Kunsill (3), is-sustanza DBDCB ġiet evalwata għall-użu fil-prodotti tat-tip 6, jiġifieri l-priservattivi ta' ġol-bottijiet, kif deskritt fl-Anness V ta' dik id-Direttiva, li jikkorrispondu mal-prodotti tat-tip 6, kif deskritt fl-Anness V tar-Regolament (UE) Nru 528/2012. |
|
(3) |
Ir-Repubblika Ċeka ntgħażlet bħala l-awtorità kompetenti tal-evalwazzjoni, u fil-21 ta' Jannar 2009 ippreżentat ir-rapporti tal-valutazzjoni flimkien mar-rakkomandazzjonijiet tagħha. |
|
(4) |
Skont l-Artikolu 7(2) tar-Regolament ta' Delega (UE) Nru 1062/2014, il-Kumitat tal-Prodotti Bijoċidali tal-Aġenżija Ewropea għas-Sustanzi Kimiċi ta l-opinjoni tiegħu fl-10 ta' Diċembru 2015, filwaqt li qies il-konklużjonijiet tal-awtorità kompetenti tal-evalwazzjoni. |
|
(5) |
Skont dik l-opinjoni, il-prodotti bijoċidali li jiffurmaw parti mill-prodotti tat-tip 6, u li fihom is-sustanza DBDCB jistgħu jkunu mistennija li jissodisfaw ir-rekwiżiti tal-Artikolu 5 tad-Direttiva 98/8/KE, diment li jkunu konformi ma' ċerti kundizzjonijiet dwar l-użu tagħhom. |
|
(6) |
Għalhekk jixraq li l-użu tas-sustanza DBDCB fil-prodotti bijoċidali li jiffurmaw parti mill-prodotti tat-tip 6 jiġi approvat soġġett għall-konformità ma' ċerti speċifikazzjonijiet u kundizzjonijiet. |
|
(7) |
Billi s-sustanza DBDCB tissodisfa l-kriterji għall-klassifikazzjoni bħala sensitizzatur tal-ġilda tal-kategorija 1 kif definit fl-Anness I tar-Regolament (KE) Nru 1272/2008 tal-Parlament Ewropew u tal-Kunsill (4), l-oġġetti trattati bis-sustanza DBDCB jew li jinkorporawha għandhom ikunu tikkettati kif jixraq meta jitqiegħdu fis-suq. |
|
(8) |
Għandu jitħalla jgħaddi perjodu ta' żmien raġonevoli qabel sustanza attiva tkun approvata, biex il-partijiet ikkonċernati jkunu jistgħu jieħdu l-miżuri preparatorji meħtieġa biex jissodisfaw ir-rekwiżiti l-ġodda. |
|
(9) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali, |
ADOTTAT DAN IR-REGOLAMENT:
Artikolu 1
Il-2-bromo-2-(bromometil)pentanedinitril (DBDCB) għandu jiġi approvat bħala sustanza attiva għall-użu fil-prodotti bijoċidali li jiffurmaw parti mill-prodotti tat-tip 6, suġġett għall-ispeċifikazzjonijiet u l-kundizzjonijiet stipulati fl-Anness.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Lulju 2016.
Għall-Kummissjoni
Il-President
Jean-Claude JUNCKER
(1) ĠU L 167, 27.6.2012, p. 1.
(2) Ir-Regolament ta' Delega tal-Kummissjoni (UE) Nru 1062/2014 tal-4 ta' Awwissu 2014 dwar il-programm ta' ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).
(3) Id-Direttiva 98/8/KE tal-Parlament Ewropew u tal-Kunsill tas-16 ta' Frar 1998 dwar it-tqegћid fis-suq tal-prodotti bijoċidali (ĠU L 123, 24.4.1998, p. 1).
(4) Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta' Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).
ANNESS
|
Isem Komuni |
Isem tal-IUPAC Numri ta' Identifikazzjoni |
Grad minimu ta' purità tas-sustanza attiva (1) |
Data tal-approvazzjoni |
Data tal-iskadenza tal-approvazzjoni |
Tip ta' prodott |
Kundizzjonijiet speċifiċi |
||||
|
2-bromo-2-(bromometil)pentanedinitril (DBDCB) |
Isem tal-IUPAC: 2-bromo-2-(bromometil)pentanedinitril Nru tal-KE: 252-681-0 Nru tas-CAS: 35691-65-7 |
980 g/kg |
L-1 ta' Jannar 2018 |
Il-31 ta' Diċembru 2027 |
6 |
L-awtorizzazzjonijiet tal-prodotti bijoċidali huma soġġetti għall-kundizzjonijiet li ġejjin:
It-tqegħid fis-suq ta' oġġetti trattati huwa soġġett għall-kundizzjoni li jmiss: Il-persuna responsabbli għat-tqegħid fis-suq ta' oġġett trattat bil-2-bromo-2-(bromometil)pentanedinitril (DBDCB) jew oġġett li jinkorpora l-istess sustanza, għandha tiżgura li t-tikketta ta' dak l-oġġett trattat ikun fiha l-informazzjoni mniżżla fit-tieni subparagrafu tal-Artikolu 58(3) tar-Regolament (UE) Nru 528/2012. |
(1) Il-purità indikata f'din il-kolonna kienet il-grad minimu ta' purità tas-sustanza attiva użat għall-evalwazzjoni li saret b'konformità mal-Artikolu 89(1) tar-Regolament (UE) Nru 528/2012. Is-sustanza attiva fil-prodott imqiegħed fis-suq tista' tkun ta' purità ugwali jew differenti, jekk ikun intwera li hija teknikament ekwivalenti għas-sustanza attiva evalwata.