This document is an excerpt from the EUR-Lex website
Document 32016R0921
Commission Delegated Regulation (EU) 2016/921 of 10 June 2016 laying down further temporary exceptional support measures for producers of certain fruit and vegetables
Regolament Delegat tal-Kummissjoni (UE) 2016/921 tal-10 ta' Ġunju 2016 li jistabbilixxi miżuri temporanji eċċezzjonali oħra ta' appoġġ għall-produtturi ta' ċertu frott u ħaxix
Regolament Delegat tal-Kummissjoni (UE) 2016/921 tal-10 ta' Ġunju 2016 li jistabbilixxi miżuri temporanji eċċezzjonali oħra ta' appoġġ għall-produtturi ta' ċertu frott u ħaxix
C/2016/3532
ĠU L 154, 11.6.2016, p. 3–20
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 30/06/2017
11.6.2016 |
MT |
Il-Ġurnal Uffiċjali tal-Unjoni Ewropea |
L 154/3 |
REGOLAMENT DELEGAT TAL-KUMMISSJONI (UE) 2016/921
tal-10 ta' Ġunju 2016
li jistabbilixxi miżuri temporanji eċċezzjonali oħra ta' appoġġ għall-produtturi ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 219(1) flimkien mal-Artikolu 228 tiegħu,
Billi:
(1) |
Fis-7 ta' Awwissu 2014 il-gvern Russu introduċa projbizzjoni fuq l-importazzjonijiet ta' ċertu prodotti mill-Unjoni lejn ir-Russja, fosthom il-frott u l-ħaxix. Din il-projbizzjoni ħolqot theddida serja ta' xkiel fis-suq ikkawżati minn tnaqqis sinifikanti fil-prezzijiet minħabba l-fatt li suq importanti tal-esportazzjoni ma baqax disponibbli. Fl-24 ta' Ġunju 2015 din il-projbizzjoni ġiet estiża sa Awwissu 2016. F'Jannar 2016, il-projbizzjoni ġiet estiża għat-Turkija wkoll. It-Turkija kienet tesporta kwantitajiet kbar ħafna ta' frott u ħaxix lejn ir-Russja. Bl-estensjoni tal-projbizzjoni, hemm ir-riskju li l-prodotti li joriġinaw mit-Turkija jiġu diretti mill-ġdid lejn l-Unjoni jew lejn swieq ta' pajjiżi terzi u b'hekk jikkompetu ma' prodotti tal-Unjoni. Dan huwa l-każ b'mod partikolari f'xi Stati Membri li għandhom livell baxx ta' organizzazzjoni tas-settur. F'ċirkustanzi bħal dawn, it-theddid ta' xkiel fis-swieq tal-Unjoni għadu reali u jenħtieġ li jiġu adottati u implimentati miżuri adegwati sakemm il-projbizzjoni Russa tibqa' fis-seħħ. |
(2) |
Dik it-theddida ta' xkiel fis-swieq hija ta' rilevanza partikolari għas-settur tal-frott u l-ħaxix meta kwantitajiet kbar ta' prodotti li jistgħu jitħassru kienu jiġu esportati lejn ir-Russja. Kien diffiċli li l-produzzjoni kollha tiġi diretta mill-ġdid lejn destinazzjonijiet oħra. L-inċertezza fir-rigward tat-tiġdid tal-projbizzjoni tista' taffettwa b'mod negattiv il-bidu tal-istaġun għal ħafna prodotti ta' dak is-settur. |
(3) |
Għalhekk, jidher li l-miżuri normali disponibbli fir-Regolament (UE) Nru 1308/2013 mhumiex biżżejjed biex jindirizzaw is-sitwazzjoni li qed tippersisti fis-suq. |
(4) |
Sabiex jiġi evitat xkiel sever u mtawwal fis-suq, ir-Regolamenti ta' Delega tal-Kummissjoni (UE) Nru 913/2014 (2), (UE) Nru 932/2014 (3), (UE) Nru 1031/2014 (4) u (UE) 2015/1369 (5) stipulaw l-ammonti massimi ta' appoġġ għall-operazzjonijiet ta' rtirar mis-suq, ta' nuqqas ta' ħsad u tal-ħsad bikri, ikkalkulati abbażi tal-esportazzjonijiet tradizzjonali lejn ir-Russja. Peress li t-theddida ta' tfixkil fis-suq tkompli tippersisti, il-miżuri introdotti inizjalment b'dawk ir-Regolamenti jenħtieġ li jiġu adattati. |
(5) |
Għalhekk il-miżuri temporanji eċċezzjonali ta' appoġġ għandhom jiġu estiżi għal sena oħra, jew sakemm is-sitwazzjoni tal-kummerċ bejn l-Unjoni u r-Russja tinbidel, għall-prodotti kollha li kienu koperti permezz tar-Regolament ta' Delega (UE) Nru 1031/2014. Barra minn hekk, iċ-ċirasa ħelwa u l-kaki għandhom jiżdiedu mal-lista ta' prodotti eliġibbli għall-appoġġ, peress li dawk il-prodotti kienu jiġu esportati lejn ir-Russja minn xi Stati Membri. |
(6) |
L-assistenza finanzjarja temporanja tal-Unjoni għandha tingħata filwaqt li jitqiesu l-kwantitajiet stmati affettwati mill-projbizzjoni. Il-kalkolu ta' dawk il-kwantitajiet għandu jsir għal kull Stat Membru f'konformità mal-livell stabbilit fl-Anness I tar-Regolament Delegat (UE) 2015/1369. Barra minn hekk, il-kwantitajiet għandhom jitnaqqsu b'mod sinifikanti sabiex jitqies il-fatt li l-produtturi kellhom aktar żmien biex jadattaw u jfittxu opportunitajiet ġodda. |
(7) |
Meta l-użu ta' dawn il-miżuri eċċezzjonali ta' appoġġ fi ħdan Stat Membru kien baxx ħafna għal prodott partikolari u għaldaqstant l-ispejjeż amministrattivi biex jiġi pprovdut appoġġ ikunu għoljin b'mod sproporzjonat, dak l-Istat Membru għandu jkollu l-opportunità li jagħżel li ma jimplimentax dawn il-miżuri. |
(8) |
Huwa mistenni li l-prodotti koperti permezz ta' dan ir-Regolament, li kieku kienu jiġu esportati lejn ir-Russja, diġà tmexxew jew se jitmexxew lejn is-swieq ta' Stati Membri oħra. B'hekk, il-produtturi tal-istess prodotti f'dawk l-Istati Membri li tradizzjonalment ma jesportawx il-prodotti tagħhom lejn ir-Russja jistgħu jaffaċċjaw xkiel sinifikanti fis-suq u tnaqqis fil-prezzijiet. Għaldaqstant, biex is-suq ikun stabbilizzat aktar, l-assistenza finanzjarja temporanja tal-Unjoni għandha tkun disponibbli wkoll għal produtturi fl-Istati Membri kollha fir-rigward ta' wieħed jew aktar mill-prodotti koperti b'dan ir-Regolament, iżda l-kwantità involuta ma għandhiex taqbeż it-3 000 tunnellata għal kull Stat Membru. |
(9) |
L-Istati Membri għandhom jibqgħu jkunu ħielsa li jiddeċiedu li ma jużawx il-kwantità ta' 3 000 tunnellata. Meta jagħmlu dan, għandhom jinfurmaw lill-Kummissjoni fil-ħin biex il-Kummissjoni tkun tista' tiddeċiedi dwar il-possibbiltà ta' allokazzjoni mill-ġdid tal-kwantitajiet li ma jkunux intużaw. |
(10) |
L-irtirar mis suq, in-nuqqas ta' ħsad u l-ħsad bikri huma miżuri effettivi ta' mmaniġġjar tal-kriżi fil-każ li jkun hemm eċċess ta' frott u ta' ħaxix minħabba ċirkustanzi temporanji u imprevedibbli. L-Istati Membri għandu jkollhom il-possibbiltà li jallokaw il-kwantitajiet disponibbli għalihom għal waħda jew aktar minn dawk il-miżuri sabiex isir l-aktar użu effiċjenti tal-ammonti disponibbli. |
(11) |
Bħalma huwa stipulat fir-Regolament ta' Delega (UE) Nru 932/2014, għandha titneħħa b'mod temporanju r-restrizzjoni eżistenti ta' 5 % bħala proporzjon tal-volum tal-produzzjoni kkummerċjalizzata għall-irtirar mis-suq appoġġat. Għaldaqstant, l-assistenza finanzjarja tal-Unjoni għandha tingħata anki meta l-irtirar jaqbeż il-limitu ta' 5 %. |
(12) |
L-assistenza finanzjarja temporanja tal-Unjoni mogħtija għall-irtirar mis-suq għandha tkun ibbażata fuq l-ammonti rispettivi stabbiliti fl-Anness XI tar-Regolament ta' Implimentazzjoni tal-Kummissjoni (UE) Nru 543/2011 (6) għall-irtirar għad-distribuzzjoni b'xejn u għall-irtirar għal destinazzjonijiet oħra. Għal dawk il-prodotti li għalihom l-ebda ammont ma ġie ffissat fl-Anness XI tar-Regolament ta' Implimentazzjoni (UE) Nru 543/2011, l-ammonti massimi għandhom jiġu stabbiliti f'dan ir-Regolament. |
(13) |
Filwaqt li jitqies li l-ammonti għat-tadam stabbiliti fl-Anness XI tar-Regolament ta' Implimentazzjoni (UE) Nru 543/2011 jirreferu għas-sena ta' kummerċjalizzazzjoni għat-tadam għall-ipproċessar u għat-tadam għall-konsum frisk, huwa xieraq li jiġi ċċarat li għall-iskop ta' dan ir-Regolament, l-ammont massimu applikabbli għat-tadam għall-konsum frisk huwa relatat mal-perjodu mill-1 ta' Novembru sal-31 ta' Mejju. |
(14) |
Fid-dawl tax-xkiel eċċezzjonali tas-swieq u biex jiġi żgurat li l-produtturi kollha tal-frott u l-ħaxix jirċievu appoġġ mill-Unjoni, l-assistenza finanzjarja temporanja tal-Unjoni għall-irtirar mis-suq għandha tiġi estiża għall-produtturi tal-frott u l-ħaxix li mhumiex membri ta' xi organizzazzjoni tal-produtturi rikonoxxuta. |
(15) |
Sabiex titħeġġeġ id-distribuzzjoni b'xejn ta' frott u ta' ħaxix irtirati mis-suq għal ċertu organizzazzjonijiet, bħall-organizzazzjonijiet tal-karità u l-iskejjel jew destinazzjonijiet oħra ekwivalenti approvati mill-Istati Membri, il-100 % tal-ammonti massimi ffissati fl-Anness XI tar-Regolament ta' Implimentazzjoni (UE) Nru 543/2011 għandu jkun applikabbli wkoll għall-produtturi li mhumiex membri ta' xi organizzazzjoni tal-produtturi rikonoxxuta. L-irtirar mis-suq għal destinazzjonijiet oħra għajr għad-distribuzzjoni b'xejn, għandu jirċievi 50 % tal-ammonti massimi fissi. F'dan il-kuntest, il-produtturi li mhumiex membri ta' organizzazzjoni tal-produtturi rikonoxxuta għandhom jissodisfaw kundizzjonijiet identiċi jew simili għal dawk tal-organizzazzjonijiet tal-produtturi. Għaldaqstant, bħall-organizzazzjonijiet tal-produtturi rikonoxxuti, dawn għandhom ikunu soġġetti għad-dispożizzjonijiet rilevanti tar-Regolament (UE) Nru 1308/2013 u tar-Regolament ta' Implimentazzjoni (UE) Nru 543/2011. |
(16) |
L-organizzazzjonijiet tal-produtturi huma l-atturi bażiċi tas-settur tal-frott u l-ħaxix u huma l-aktar entitajiet adattati biex jiżguraw li l-assistenza finanzjarja temporanja tal-Unjoni għall-irtirar mis-suq tingħata lill-produtturi li mhumiex membri ta' xi organizzazzjoni tal-produtturi rikonoxxuta. Huma għandhom jiżguraw li din l-assistenza tingħata lill-produtturi li mhumiex membri ta' xi organizzazzjoni tal-produtturi rikonoxxuta permezz tal-konklużjoni ta' kuntratt. Billi l-Istati Membri ma għandhomx l-istess livell ta' organizzazzjoni min-naħa tal-forniment tas-suq tal-frott u l-ħaxix, huwa xieraq li l-awtorità kompetenti tal-Istati Membri titħalla tagħti l-appoġġ direttament lill-produtturi meta dan ikun iġġustifikat kif jixraq. |
(17) |
L-ammont tal-appoġġ għan-nuqqas ta' ħsad u għall-ħsad bikri għandu jkun iffissat mill-Istati Membri għal kull ettaru f'livell li jkopri mhux aktar minn 90 % tal-ammont massimu għall-irtirar mis-suq applikabbli għall-irtirar mis-suq għal destinazzjonijiet għajr għad-distribuzzjoni b'xejn kif stabbilit fl-Anness XI tar-Regolament ta' Implimentazzjoni (UE) Nru 543/2011, għal prodotti li għalihom ma jkun ġie ffissat l-ebda ammont f'dak l-Anness, f'dan ir-Regolament. Għat-tadam għall-konsum frisk, l-ammont li għandu jitqies mill-Istati Membri għandu jkun dak stabbilit fl-Anness XI tar-Regolament ta' Implimentazzjoni (UE) Nru 543/2011 għall-perjodu mill-1 ta' Novembru sal-31 ta' Mejju. In-nuqqas ta' ħsad għandu jingħata appoġġ anki meta l-produzzjoni kummerċjali tkun ittieħdet miż-żona tal-produzzjoni inkwistjoni matul iċ-ċiklu ta' produzzjoni normali. |
(18) |
L-organizzazzjonijiet tal-produtturi jikkonċentraw il-provvista u huma kapaċi jaġixxu aktar malajr minn produtturi li mhumiex membri ta' organizzazzjonijiet bħal dawn meta jkollhom ilaħħqu ma' kwantitajiet ikbar b'impatt immedjat fuq is-suq. Għaldaqstant, biex l-implimentazzjoni tal-miżuri eċċezzjonali ta' appoġġ stipulati f'dan ir-Regolament tkun aktar effiċjenti u biex titħaffef l-istabilizzazzjoni tas-suq, huwa xieraq li, fir-rigward ta' produtturi li huma membri ta' organizzazzjonijiet tal-produtturi rikonoxxuti, l-assistenza finanzjarja temporanja tal-Unjoni għall-irtirar mis-suq għal destinazzjonijiet oħra għajr id-distribuzzjoni b'xejn, għan-nuqqas ta' ħsad u għall-ħsad bikri tiżdied għal 75 % tal-ammonti massimi rilevanti li ġew stabbiliti għall-appoġġ għall-irtirar mis-suq għal destinazzjonijiet oħra. |
(19) |
Fir-rigward tal-irtirar mis-suq, l-assistenza finanzjarja temporanja tal-Unjoni għall-operazzjonijiet ta' nuqqas ta' ħsad u ta' ħsad bikri għandha tiġi estiża għall-produtturi li mhumiex membri ta' xi organizzazzjoni tal-produtturi rikonoxxuta. L-assistenza finanzjarja għandha tkun 50 % tal-ammonti massimi ta' appoġġ li ġew stabbiliti għall-organizzazzjonijiet tal-produtturi. |
(20) |
Minħabba l-għadd kbir ta' produtturi li mhumiex membri ta' organizzazzjoni tal-produtturi u l-ħtieġa li jitwettqu kontrolli li huma affidabbli iżda fattibbli, l-assistenza finanzjarja temporanja tal-Unjoni ma għandhiex tingħata lil produtturi li mhumiex membri ta' organizzazzjoni tal-produtturi, għall-ħsad bikri tal-frott u l-ħaxix li l-ħsad normali tagħhom ikun diġà beda, jew għal miżuri ta' nuqqas ta' ħsad meta l-produzzjoni kummerċjali tkun ittieħdet miż-żona tal-produzzjoni inkwistjoni matul iċ-ċiklu ta' produzzjoni normali. F'dan il-kuntest, il-produtturi li mhumiex membri ta' organizzazzjoni tal-produtturi rikonoxxuta għandhom ikunu soġġetti, bħall-organizzazzjonijiet tal-produtturi rikonoxxuti, għad-dispożizzjonijiet rilevanti tar-Regolament (UE) Nru 1308/2013 u tar-Regolament ta' Implimentazzjoni (UE) Nru 543/2011. |
(21) |
Għall-produtturi li mhumiex membri ta' organizzazzjoni tal-produtturi, il-ħlas tal-assistenza finanzjarja temporanja tal-Unjoni għal operazzjonijiet ta' nuqqas ta' ħsad u ta' ħsad bikri għandu jsir direttament mill-awtorità kompetenti tal-Istat Membru. Dik l-awtorità kompetenti għandha tħallas l-ammonti rilevanti lill-produtturi skont ir-Regolament ta' Implimentazzjoni (UE) Nru 543/2011 u r-regoli u l-proċeduri nazzjonali rilevanti. |
(22) |
Sabiex jiġi ggarantit li l-assistenza finanzjarja temporanja tal-Unjoni għall-produtturi ta' ċertu frott u ħaxix tintuża għall-għanijiet maħsuba u biex jiġi żgurat l-użu effiċjenti tal-baġit tal-Unjoni, l-Istati Membri għandhom iwettqu livell raġonevoli ta' kontrolli. B'mod partikolari, għandhom jitwettqu kontrolli tad-dokumenti, tal-identità u fiżiċi kif ukoll kontrolli fuq il-post li jkopru ammont raġonevoli ta' prodotti, żoni, organizzazzjonijiet tal-produtturi u produtturi li mhumiex membri ta' organizzazzjoni tal-produtturi rikonoxxuta. L-Istati Membri għandhom jiżguraw li l-operazzjonijiet tal-irtirar mis-suq, il-ħsad bikri u n-nuqqas ta' ħsad għat-tadam jikkonċernaw biss il-varjetajiet maħsubin għall-konsum frisk. |
(23) |
L-Istati Membri għandhom jinnotifikaw lill-Kummissjoni b'mod regolari dwar l-operazzjonijiet implimentati mill-organizzazzjonijiet tal-produtturi u mill-produtturi li mhumiex membri. |
(24) |
Sabiex jiġi evitat xkiel sever u mtawwal fis-suq u biex tiġi ggarantita l-istabbilizzazzjoni tal-prezzijiet b'mod effettiv, jenħtieġ li dawk il-miżuri ta' appoġġ li jinsabu fis-seħħ bħalissa, u li se jiskadu fit-30 ta' Ġunju 2016 jkomplu għaddejjin mingħajr intoppi. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu u għandu japplika minn dak il-jum jew mill-1 ta' Lulju 2016, skont liema minnhom ikun l-aħħar, |
ADOTTAT DAN IR-REGOLAMENT:
Artikolu 1
Suġġett u kamp ta' applikazzjoni
1. Dan ir-Regolament jistabbilixxi regoli dwar l-assistenza finanzjarja tal-Unjoni (“l-assistenza finanzjarja”) għal miżuri ta' appoġġ temporanji li jridu jingħataw lil organizzazzjonijiet tal-produtturi fis-settur tal-frott u l-ħaxix rikonoxxuti skont l-Artikolu 154 tar-Regolament (UE) Nru 1308/2013 u lil produtturi li mhumiex membri ta' organizzazzjonijiet ta' dan it-tip.
Dawn il-miżuri ta' appoġġ temporanji għandhom ikopru l-operazzjonijiet tal-irtirar mis-suq, tan-nuqqas ta' ħsad u tal-ħsad bikri.
2. L-appoġġ imsemmi fil-paragrafu 1 għandu jingħata fir-rigward tal-prodotti li ġejjin tas-settur tal-frott u l-ħaxix maħsuba għall-konsum frisk:
(a) |
tadam tal-kodiċi NM 0702 00 00; |
(b) |
karrotti tal-kodiċi NM 0706 10 00; |
(c) |
kaboċċi tal-kodiċi NM 0704 90 10; |
(d) |
bżar ħelu tal-kodiċi NM 0709 60 10; |
(e) |
pastard u brokkli bir-ras tal-kodiċi NM 0704 10 00; |
(f) |
ħjar tal-kodiċi NM 0707 00 05; |
(g) |
gherkins tal-kodiċi NM 0707 00 90; |
(h) |
faqqiegħ tal-ġens Agaricus tal-kodiċi NM 0709 51 00; |
(i) |
tuffieħ tal-kodiċi NM 0808 10; |
(j) |
lanġas tal-kodiċi NM 0808 30; |
(k) |
għanbaqar tal-kodiċi NM 0809 40 05; |
(l) |
frott artab tal-kodiċijiet NM 0810 20, 0810 30 u 0810 40; |
(m) |
għeneb tal-mejda tal-kodiċi NM 0806 10 10; |
(n) |
ribes Ċiniż (frott tal-kiwi) tal-kodiċi NM 0810 50 00; |
(o) |
larinġ ħelu tal-kodiċi NM 0805 10 20; |
(p) |
klementina tal-kodiċi NM 0805 20 10; |
(q) |
mandolin (inkluż iċ-ċitru ta' Tanġier u s-satsumas), il-wilking u ibridi taċ-ċitru simili tal-kodiċijiet NM 0805 20 30, 0805 20 50, 0805 20 70 u 0805 20 90. |
(r) |
lumi tal-kodiċi NM 0805 50 10; |
(s) |
ħawħ inkluż nuċiprisk tal-kodiċi NM 0809 30; |
(t) |
ċirasa ħelwa tal-kodiċi NM 0809 29 00; |
(u) |
kaki tal-kodiċi NM 0810 70 00; |
3. L-appoġġ imsemmi fil-paragrafu 1 għandu jkopri l-attivitajiet imwettqa fil-perjodu mill-1 ta' Lulju 2016 jew mid-data tad-dħul fis-seħħ ta' dan ir-Regolament, liema minnhom tiġi l-aħħar, sad-data li fiha jkunu ġew eżawriti f'kull Stat Membru kkonċernat il-kwantitajiet stabbiliti fl-Artikolu 2(1) jew it-30 ta' Ġunju 2017, liema minnhom tiġi l-ewwel.
4. Jekk is-sitwazzjoni tal-importazzjoni ta' ċerti prodotti mill-Unjoni lejn ir-Russja tinbidel qabel it-30 ta' Ġunju 2017, il-Kummissjoni tista' temenda jew tħassar dan ir-Regolament kif xieraq.
Artikolu 2
Allokazzjoni ta' kwantitajiet massimi lill-Istati Membri
1. L-assistenza finanzjarja għall-miżuri ta' appoġġ imsemmija fl-Artikolu 1(1) għandha tkun disponibbli għall-Istati Membri għall-kwantitajiet ta' prodotti stabbiliti fl-Anness I.
L-assistenza finanzjarja għandha tkun disponibbli wkoll għall-Istati Membri kollha għal operazzjonijiet ta' rtirar mis-suq, ta' ħsad bikri jew ta' nuqqas ta' ħsad, fir-rigward ta' prodott wieħed jew aktar minn dawk imsemmija fl-Artikolu 1(2) kif stabbilit mill-Istat Membru, sakemm il-kwantità addizzjonali involuta ma taqbiżx it-3 000 tunnellata għal kull Stat Membru.
2. Fir-rigward tal-kwantitajiet għal kull Stat Membru li ġew imsemmija fil-paragrafu 1, l-Istati Membri jistgħu jistabbilixxu għal kull prodott imsemmi fl-Artikolu 1(2):
(a) |
il-kwantitajiet irtirati mis-suq għad-distribuzzjoni b'xejn; |
(b) |
il-kwantitajiet irtirati mis-suq għal destinazzjonijiet oħra għajr id-distribuzzjoni b'xejn; |
(c) |
iż-żona ekwivalenti għall-ħsad bikri jew għan-nuqqas ta' ħsad; |
3. Meta l-kwantitajiet effettivament irtirati fi Stat Membru bejn it-8 ta' Awwissu 2015 u t-30 ta' Ġunju 2016 skont ir-Regolament ta' Delega tal-Kummissjoni (UE) Nru 1031/2014 għal kategorija ta' prodotti kif definit fl-Anness Ib ta' dak ir-Regolament ikunu inqas minn 5 % tal-kwantitajiet totali allokati lil dak l-Istat Membru għal dik il-kategorija ta' prodotti, l-Istat Membru jista' jiddeċiedi li ma jużax il-kwantità allokata lilu f'konformità mal-Anness I. F'dak il-każ, l-Istat Membru inkwistjoni għandu jinnotifika lill-Kummissjoni dwar id-deċiżjoni tiegħu sal-31 ta' Ottubru 2016. Mill-mument tan-notifika, l-operazzjonijiet ta' irtirar mis-suq, ta' nuqqas ta' ħsad u ta' ħsad bikri li jsiru għal dik il-kategorija ta' prodotti f'dak l-Istat Membru ma għandhomx ikunu eliġibbli għal assistenza finanzjarja.
4. L-Istati Membri jistgħu jiddeċiedu li ma jużawx il-kwantità ta' 3 000 tunnellata msemmija fit-tieni subparagrafu tal-paragrafu 1, jew parti minnha, sal-31 ta' Ottubru 2016. Sal-istess data, l-Istat Membru inkwistjoni għandu jinnotifika lill-Kummissjoni dwar kwalunkwe kwantità li ma tkunx intużat. Mill-mument tan-notifika, l-operazzjonijiet ta' irtirar mis-suq, ta' nuqqas ta' ħsad u ta' ħsad bikri li jsiru għal dik il-kategorija ta' prodotti f'dak l-Istat Membru ma għandhomx ikunu eliġibbli għal assistenza finanzjarja, skont dan ir-Regolament.
Artikolu 3
Allokazzjoni tal-kwantitajiet lill-produtturi
L-Istati Membri għandhom jallokaw il-kwantitajiet imsemmija fl-Artikolu 2(1) bejn l-organizzazzjonijiet tal-produtturi u l-produtturi li mhumiex membri ta' organizzazzjonijiet tal-produtturi skont is-sistema li min jiġi l-ewwel jinqeda l-ewwel.
Madankollu, l-Istati Membri jistgħu jiddeċiedu li jistabbilixxu sistema differenti għall-allokazzjoni ta' kwantitajiet, sakemm is-sistema stabbilita tkun ibbażata fuq kriterji oġġettivi u mhux diskriminatorji. Għal dan il-għan, l-Istati Membri jistgħu jqisu kemm huma kbar l-effetti tal-projbizzjoni Russa fuq l-importazzjonijiet fuq il-produtturi inkwistjoni.
Artikolu 4
Dispożizzjonijiet komuni għall-miżuri ta' rtirar mis-suq, ta' nuqqas ta' ħsad u ta' ħsad bikri għall-organizzazzjonijiet tal-produtturi
1. L-appoġġ għall-operazzjonijiet ta' rtirar mis-suq, ta' nuqqas ta' ħsad u ta' ħsad bikri mgħoti skont dan ir-Regolament minn organizzazzjonijiet ta' produtturi għandu jingħata lill-organizzazzjonijiet tal-produtturi anki jekk il-programmi operazzjonali tagħhom u l-istrateġiji nazzjonali tal-Istati Membri ma jipprevedux dawn l-operazzjonijiet.
L-appoġġ imsemmi fil-ewwel subparagrafu ma għandux jitqies għall-iskop tal-kalkolu tal-limiti msemmija fl-Artikolu 34(2) tar-Regolament (UE) Nru 1308/2013.
L-Artikolu 32(2) tar-Regolament (UE) Nru 1308/2013 u l-Artikolu 55(4) tar-Regolament ta' Implimentazzjoni (UE) Nru 543/2011 ma għandhomx japplikaw għall-assistenza finanzjarja f'dan ir-Regolament.
2. Il-limitu ta' terz tan-nefqa msemmi fir-raba' subparagrafu tal-Artikolu 33(3) tar-Regolament (UE) Nru 1308/2013 u l-limitu massimu ta' 25 % għaż-żieda tal-fond operazzjonali msemmi fl-Artikolu 66(3)(c) tar-Regolament ta' Implimentazzjoni (UE) Nru 543/2011 ma għandhomx japplikaw għan-nefqa mġarrba għall-operazzjonijiet tal-irtirar mis-suq, ta' nuqqas ta' ħsar u ta' ħsad bikri skont dan ir-Regolament.
3. In-nefqa mġarrba skont l-Artikoli 5 u 7 għandha tifforma parti mill-fond operazzjonali tal-organizzazzjonijiet tal-produtturi.
4. Meta r-rikonoxximent ta' organizzazzjoni tal-produtturi jkun ġie sospiż skont l-Artikolu 114(2) tar-Regolament ta' Implimentazzjoni (UE) Nru 543/2011, il-membri ta' dik l-organizzazzjoni tal-produtturi għandhom jitqiesu bħala produtturi li mhumiex membri ta' organizzazzjoni tal-produtturi rikonoxxuta għall-finijiet tal-Artikoli 6 u 8.
Artikolu 5
Assistenza finanzjarja għall-irtirar mis-suq lill-organizzazzjonijiet tal-produtturi
1. Il-limitu ta' 5 % msemmi fl-Artikolu 34(4) tar-Regolament (UE) Nru 1308/2013 u fl-Artikolu 79(2) tar-Regolament ta' Implimentazzjoni (UE) Nru 543/2011 ma għandux japplika għall-operazzjonijiet f'dan ir-Regolament.
2. L-ammonti massimi tal-assistenza finanzjarja għall-irtirar mis-suq li jingħataw lill-organizzazzjonijiet tal-produtturi għandhom ikunu dawk stabbiliti fl-Anness II.
3. B'deroga mill-Artikolu 34(1) tar-Regolament (UE) Nru 1308/2013, l-assistenza finanzjarja għall-irtirar mis-suq għal destinazzjonijet oħra għajr id-distribuzzjoni b'xejn għandha tkun 75 % tal-ammonti massimi tal-appoġġ għal destinazzjonijiet oħra msemmija fl-Anness II ta' dan ir-Regolament.
Artikolu 6
Assistenza finanzjarja għall-irtirar mis-suq lill-produtturi li mhumiex membri tal-organizzazzjonijiet tal-produtturi
1. L-ammonti massimi ta' assistenza finanzjarja mogħtija lill-produtturi li mhumiex membri ta' organizzazzjoni tal-produtturi rikonoxxuta għall-irtirar mis-suq għad-distribuzzjoni b'xejn għandhom ikunu dawk stabbiliti fl-Anness II.
L-ammonti massimi tal-assistenza finanzjarja mogħtija lill-produtturi li mhumiex membri ta' organizzazzjoni tal-produtturi rikonoxxuta għall-irtirar mis-suq għal destinazzjonijiet għajr id-distribuzzjoni b'xejn għandhom ikunu 50 % tal-ammonti stabbiliti fl-Anness II.
2. Il-produtturi li mhumiex membri ta' organizzazzjoni tal-produtturi rikonoxxuta għandhom jikkonkludu kuntratt ma' organizzazzjoni bħal din għall-kwantità kollha ta' prodotti li jridu jitwasslu. L-organizzazzjonijiet tal-produtturi għandhom jaċċettaw it-talbiet raġonevoli kollha minn produtturi li mhumiex membri ta' xi organizzazzjoni tal-produtturi rikonoxxuta. Il-kwantitajiet li jitwasslu minn produtturi li ma jkunux membri għandhom ikunu konsistenti mar-rendimenti u mas-superfiċe reġjonali kkonċernati.
L-assistenza finanzjarja għandha tingħata lill-produtturi li mhumiex membri ta' xi organizzazzjoni tal-produtturi rikonoxxuta mill-organizzazzjoni tal-produtturi li magħha jkunu ffirmaw tali kuntratt.
Dik l-organizzazzjoni tal-produtturi għandha żżomm l-ammonti li jikkorrispondu għall-ispejjeż reali li tkun ġarrbet biex tirtira l-prodotti rispettivi mis-suq. L-evidenza ta' dawk l-ispejjeż għandha tintwera permezz ta' fatturi.
3. Għal raġunijiet iġġustifikati kif suppost, bħal-livell limitat ta' organizzazzjoni tal-produtturi fl-Istat Membru inkwistjoni, u b'mod mhux diskriminatorju, l-Istati Membri jistgħu jawtorizzaw li produttur li ma jkunx membru ta' organizzazzjoni tal-produtturi rikonoxxuta jkun jista' jagħmel notifika lill-awtorità kompetenti tal-Istat Membru dwar il-kwantità li trid titwassal, minflok ma jiffirma l-kuntratt imsemmi fil-paragrafu 2. Għal notifika bħal din, għandu japplika mutatis mutandis l-Artikolu 78 tar-Regolament ta' Implimentazzjoni (UE) Nru 543/2011. Il-kwantitajiet li jitwasslu minn produtturi li ma jkunux membri għandhom ikunu konsistenti mar-rendimenti u mas-superfiċe reġjonali kkonċernati.
F'dawn il-każijiet, l-awtorità kompetenti tal-Istat Membru għandha tagħti l-assistenza finanzjarja direttament lill-produttur. L-Istati Membri għandhom jadottaw regoli ġodda jew japplikaw ir-regoli jew il-proċeduri nazzjonali eżistenti għal dan l-għan.
4. Ir-Regolament (UE) Nru 1308/2013 u r-Regolament ta' Implimentazzjoni (UE) Nru 543/2011, kif ukoll l-Artikolu 4 ta' dan ir-Regolament għandhom japplikaw mutatis mutandis fir-rigward ta' dan l-Artikolu.
Artikolu 7
Assistenza finanzjarja għal nuqqas ta' ħsad u għal ħsad bikri lill-organizzazzjonijiet tal-produtturi
1. B'deroga mill-Artikolu 85(4) tar-Regolament ta' Implimentazzjoni (UE) Nru 543/2011, l-Istati Membri għandhom jistabbilixxu l-ammonti tal-appoġġ, li jinkludu kemm l-assistenza finanzjarja tal-Unjoni kif ukoll il-kontribuzzjoni tal-organizzazzjoni tal-produtturi għan-nuqqas ta' ħsad u għall-ħsad bikri, għal kull ettaru u f'livell li jkopri mhux aktar minn 90 % tal-ammonti ffissati għall-irtirar mis-suq għal destinazzjonijiet oħra għajr għad-distribuzzjoni b'xejn kif stabbilit fl-Anness II ta' dan ir-Regolament. L-appoġġ għall-ħsad bikri għandu jkopri biss il-prodotti li huma fiżikament fl-għelieqi u li effettivament jinħasdu kmieni.
B'deroga mill-Artikolu 34(4) tar-Regolament (UE) Nru 1308/2013, l-assistenza finanzjarja tal-Unjoni għan-nuqqas ta' ħsad u għall-ħsad bikri għandha tkun 75 % tal-ammonti stabbiliti mill-Istati Membri skont l-ewwel subparagrafu.
2. B'deroga mill-ewwel subparagrafu tal-Artikolu 85(3) tar-Regolament ta' Implimentazzjoni (UE) Nru 543/2011, il-miżuri tan-nuqqas ta' ħsad imsemmija fl-Artikolu 84(1)(b) ta' dak ir-Regolament jistgħu jittieħdu anke meta l-produzzjoni kummerċjali tkun ittieħdet miż-żona tal-produzzjoni inkwistjoni matul iċ-ċiklu normali tal-produzzjoni. F'każijiet bħal dawn, l-ammonti ta' appoġġ imsemmija fil-paragrafu 1 ta' dan l-Artikolu għandhom jitnaqqsu b'mod proporzjonali, filwaqt li titqies il-produzzjoni diġà maħsuda, kif stabbilit abbażi ta' rekords tal-istokkijiet u l-kontijiet finanzjarji tal-organizzazzjonijiet tal-produtturi inkwistjoni.
Artikolu 8
Assistenza finanzjarja għal nuqqas ta' ħsad u għal ħsad bikri lill-produtturi li mhumiex membri ta' organizzazzjonijiet tal-produtturi
1. B'deroga mill-Artikolu 85(3) tar-Regolament ta' Implimentazzjoni (UE) Nru 543/2011, għandu japplika dan li ġej:
(a) |
l-appoġġ għall-ħsad bikri għandu jkopri biss il-prodotti li huma fiżikament fl-għelieqi u li effettivament inħasdu kmieni u li għalihom ma jkunx beda l-ħsad normali; |
(b) |
il-miżuri ta' nuqqas ta' ħsad ma għandhomx jittieħdu meta l-produzzjoni kummerċjali tkun ittieħdet miż-żona inkwistjoni matul iċ-ċiklu ta' produzzjoni normali; |
(c) |
il-ħsad bikri u n-nuqqas ta' ħsad fl-ebda ċirkustanza ma għandhom ikunu applikati t-tnejn għall-istess prodott u fl-istess żona partikolari. |
2. L-ammonti tal-assistenza finanzjarja għall-operazzjonijiet ta' nuqqas ta' ħsad u ta' ħsad bikri għandhom ikunu 50 % tal-ammonti ffissati mill-Istati Membri skont l-Artikolu 7(1).
3. Il-produtturi li mhumiex membri ta' organizzazzjoni ta' produtturi rikonoxxuta għandhom jagħmlu notifika xierqa lill-awtorità kompetenti tal-Istat Membru skont id-dispożizzjonijiet dettaljati adottati mill-Istat Membru skont l-Artikolu 85(1)(a) tar-Regolament ta' Implimentazzjoni (UE) Nru 543/2011.
4. L-awtorità kompetenti tal-Istat Membru għandha tagħti l-assistenza finanzjarja direttament lill-produttur. L-Istati Membri għandhom jadottaw regoli ġodda jew japplikaw ir-regoli jew il-proċeduri nazzjonali eżistenti għal dan l-għan.
5. Ir-Regolament (UE) Nru 1308/2013 u r-Regolament ta' Implimentazzjoni (UE) Nru 543/2011, għandhom japplikaw mutatis mutandis fir-rigward ta' dan l-Artikolu.
Artikolu 9
Kontrolli matul l-operazzjonijiet tal-irtirar mis-suq, tan-nuqqas ta' ħsad u tal-ħsad bikri
1. L-operazzjonijiet tal-irtirar mis-suq imsemmija fl-Artikoli 5 u 6 għandhom ikunu soġġetti għal:
(a) |
kontrolli tal-ewwel livell skont l-Artikolu 108 tar-Regolament (UE) Nru 543/2011. Madankollu, dawk il-kontrolli għandhom ikopru minn tal-inqas 10 % tal-kwantità ta' prodotti rtirati mis-suq u minn tal-inqas 10 % tal-organizzazzjonijiet tal-produtturi li jibbenefikaw mill-assistenza finanzjarja msemmija fl-Artikolu 5 ta' dan ir-Regolament. Madankollu, għall-operazzjonijiet ta' rtirar mis-suq imsemmija fl-Artikolu 6(3), il-kontrolli tal-ewwel livell għandhom ikopru 100 % tal-kwantità tal-prodotti rtirati. |
(b) |
kontrolli tat-tieni livell skont l-Artikolu 109 tar-Regolament (UE) Nru 543/2011. Madankollu, il-kontrolli fuq il-post għandhom ikopru minn tal-inqas 40 % tal-entitajiet soġġetti għall-kontrolli tal-ewwel livell, u minn tal-inqas 5 % tal-kwantità ta' prodotti rtirati. |
2. L-operazzjonijiet ta' nuqqas ta' ħsad u ta' ħsad bikri msemmija fl-Artikoli 7 u 8 għandhom ikunu soġġetti għall-kontrolli u għall-kundizzjonijiet stipulati fl-Artikolu 110 tar-Regolament ta' Implimentazzjoni (UE) Nru 543/2011, ħlief fir-rigward tar-rekwiżit li ma jkun sar l-ebda ħsad parzjali meta tiġi applikata d-deroga stipulata fl-Artikolu 7(2) ta' dan ir-Regolament. Il-kontrolli għandhom ikopru minn tal-inqas 25 % taż-żoni tal-produzzjoni kkonċernati.
Għall-operazzjonijiet ta' nuqqas ta' ħsad u ta' ħsad bikri msemmija fl-Artikolu 8, il-kontrolli għandhom ikopru 100 % taż-żoni tal-produzzjoni inkwistjoni.
3. L-Istati Membri għandhom jieħdu l-miżuri xierqa ta' kontroll biex jiżguraw li l-operazzjonijiet ta' rtirar mis-suq, ta' nuqqas ta' ħsad u ta' ħsad bikri għat-tadam ikopru biss il-varjetajiet maħsuba għall-konsum frisk.
Artikolu 10
Applikazzjoni għall-assistenza finanzjarja u l-ħlas tagħha
1. L-organizzazzjonijiet tal-produtturi għandhom japplikaw għall-ħlas tal-assistenza finanzjarja msemmija fl-Artikoli 5 u 7 sal-31 ta' Lulju 2017.
2. Sal-31 ta' Lulju 2017, il-produtturi li ma jkunux membri ta' organizzazzjoni tal-produtturi rikonoxxuta u li ma ffirmawx kuntratt ma' organizzazzjoni tal-produtturi rikonoxxuta għandhom japplikaw huma stess għand l-awtoritajiet kompetenti maħtura mill-Istati Membri għall-ħlas tal-assistenza finanzjarja msemmija fl-Artikoli 6 u 8.
3. L-applikazzjonijiet għall-ħlas għandhom ikunu akkumpanjati minn dokumenti ta' sostenn li jiġġustifikaw l-ammont tal-assistenza finanzjarja kkonċernata u għandu jkun fihom garanzija bil-miktub li l-applikant ma rċeviex, u mhux se jirċievi darbtejn xi fondi jew kumpens nazzjonali jew mingħand l-Unjoni b'polza tal-assigurazzjoni fir-rigward tal-operazzjonijiet li jikkwalifikaw għall-assistenza finanzjarja mogħtija skont dan ir-Regolament.
Artikolu 11
Notifiki
1. Fl-ewwel jum ta' kull xahar sal-1 ta' Ottubru 2017, l-Istati Membri għandhom jinnotifikaw lill-Kummissjoni dwar l-informazzjoni li ġejja għal kull prodott:
(a) |
il-kwantitajiet irtirati mis-suq għal distribuzzjoni b'xejn; |
(b) |
il-kwantitajiet irtirati mis-suq għal destinazzjonijiet oħra għajr id-distribuzzjoni b'xejn; |
(c) |
iż-żona ekwivalenti għall-ħsad bikri jew għan-nuqqas ta' ħsad; |
(d) |
l-ispiża totali mġarrba għall-kwantitajiet u għaż-żoni msemmija fil-punti (a), (b) u (c). |
L-operazzjonijiet implimentati biss għandhom jiġu inklużi fin-notifiki.
Għal dawk in-notifiki, l-Istati Membri għandhom jużaw il-mudelli stabbiliti fl-Anness III.
2. Meta ssir l-ewwel notifika, l-Istati Membri għandhom jinnotifikaw lill-Kummissjoni dwar l-ammonti ta' appoġġ stabbiliti minnhom skont l-Artikolu 79(1) jew 85(4) tar-Regolament ta' Implimentazzjoni (UE) Nru 543/2011 u skont l-Artikoli 5 sa 8 ta' dan ir-Regolament, billi jużaw il-mudelli stabbiliti fl-Anness IV.
Artikolu 12
Ħlas tal-assistenza finanzjarja mill-Unjoni
In-nefqa tal-Istati Membri fir-rigward ta' dawk il-ħlasijiet skont dan ir-Regolament għandha tkun eliġibbli biss għall-assistenza finanzjarja mill-Unjoni jekk tkun tħallset sat-30 ta' Settembru 2017.
Artikolu 13
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Lulju 2016 jew mill-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea, skont liema minnhom jiġi l-aħħar.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' Ġunju 2016.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) Nru 913/2014 tal-21 ta' Awwissu 2014 li jistabbilixxi miżuri temporanji eċċezzjonali ta' appoġġ għall-produtturi tal-ħawħ u tan-nuċiprisk (ĠU L 248, 22.8.2014, p. 1).
(3) Ir-Regolament Delegat tal-Kummissjoni (UE) Nru 932/2014 tad-29 ta' Awwissu 2014 li jistabbilixxi miżuri temporanji eċċezzjonali ta' appoġġ għal produtturi ta' ċertu frott u ħaxix u li jemenda r-Regolament Delegat (UE) Nru 913/2014 (ĠU L 259, 30.8.2014, p. 2).
(4) Ir-Regolament Delegat tal-Kummissjoni (UE) Nru 1031/2014 tad-29 ta' Settembru 2014 li jistabbilixxi miżuri temporanji eċċezzjonali oħra ta' appoġġ għall-produtturi ta' ċertu frott u ħaxix (ĠU L 284, 30.9.2014, p. 22).
(5) Ir-Regolament Delegat tal-Kummissjoni (UE) 2015/1369 tas-7 ta' Awwissu 2015 li jemenda r-Regolament Delegat tal-Kummissjoni (UE) Nru 1031/2014 li jistabbilixxi miżuri temporanji eċċezzjonali oħra ta' appoġġ għall-produtturi ta' ċertu frott u ħaxix (ĠU L 211, 8.8.2015, p. 17).
(6) Ir-Regolament ta' Implimentazzjoni tal-Kummissjoni (UE) Nru 543/2011 tas-7 ta' Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (ĠU L 157, 15.6.2011, p. 1).
ANNESS I
Kwantitajiet massimi ta' prodotti allokati għal kull Stat Membru Kif imsemmi fl-Artikolu 2(1)
(tunnellati) |
|||||
|
Tuffieħ u lanġas |
Għanbaqar, għeneb tal-mejda u frott tal-kiwi |
Tadam, karotti, bżar ħelu, ħjar u gherkins |
Larinġ, klementin, mandolin u lumi |
Ħawħ u nuċiprisk |
Il-Bulgarija |
|
|
|
|
300 |
Il-Belġju |
25 700 |
|
5 000 |
|
|
Il-Ġermanja |
1 900 |
|
|
|
|
Il-Greċja |
800 |
4 900 |
400 |
2 400 |
6 300 |
Spanja |
2 300 |
1 500 |
6 900 |
16 600 |
11 500 |
Franza |
3 600 |
|
1 000 |
|
100 |
Il-Kroazja |
600 |
|
|
1 000 |
|
L-Italja |
5 300 |
4 600 |
200 |
1 000 |
2 800 |
Ċipru |
|
|
|
3 600 |
|
Il-Latvja |
200 |
|
400 |
|
|
Il-Litwanja |
|
|
900 |
|
|
L-Ungerija |
|
100 |
|
|
|
In-Netherlands |
6 900 |
|
6 800 |
|
|
L-Awstrija |
600 |
|
|
|
|
Il-Polonja |
88 900 |
500 |
9 400 |
|
600 |
Il-Portugall |
1 100 |
|
|
|
|
ANNESS II
Ammonti massimi ta' appoġġ għal irtirar mis-suq Kif imsemmi fl-Artikoli 5, 6 u 7
(f'EUR/100 kg) |
||
Prodott |
Appoġġ massimu |
|
Distribuzzjoni b'xejn |
Destinazzjonijiet oħra |
|
Pastard |
15,69 |
10,52 |
Tadam |
27,45 |
18,30 |
Tuffieħ |
16,98 |
13,22 |
Għeneb frisk tal-mejda |
39,16 |
26,11 |
Nuċiprisk |
26,90 |
26,90 |
Ħawħ |
26,90 |
26,90 |
Lanġas |
23,85 |
15,90 |
Larinġ |
21,00 |
21,00 |
Mandolin |
19,50 |
19,50 |
Klementin |
22,16 |
19,50 |
Satsumas |
19,50 |
19,50 |
Lumi |
23,99 |
19,50 |
Karrotti |
12,81 |
8,54 |
Kaboċċi |
5,81 |
3,88 |
Bżar ħelu |
44,40 |
30,00 |
Brokkoli bir-ras |
15,69 |
10,52 |
Ħjar u gherkins |
24,00 |
16,00 |
Faqqiegħ |
43,99 |
29,33 |
Għanbaqar |
34,00 |
20,40 |
Frott artab |
12,76 |
8,50 |
Frott tal-kiwi |
29,69 |
19,79 |
Kaki |
21,02 |
14,01 |
Ċirasa |
48,14 |
32,09 |
ANNESS III
Mudelli għan-notifiki kif imsemmi fl-Artikolu 11(1)
Stat Membru: … |
Perjodu kopert: … |
Data: … |
Prodott |
Organizzazzjonijiet tal-produtturi |
Produtturi mhux membri |
Kwantitajiet totali (t) |
Total tal-assistenza finanzjarja mill-Unjoni (EUR) |
||||||||
Kwantitajie (t) |
Assistenza finanzjarja mill-Unjoni (EUR) |
Kwantitajiet (t) |
Assistenza finanzjarja mill-Unjoni (EUR) |
|||||||||
irtirar missuq |
trasport |
tqassim u ppakkjar |
TOTAL |
irtirar missuq |
trasport |
tqassim u ppakkjar |
TOTAL |
|||||
(a) |
(b) |
(c) |
(d) |
(e) = (b) + (c) + (d) |
(f) |
(g) |
(h) |
(i) |
(j) = (g) + (h) + (i) |
(k) = (a) + (f) |
(l) = (e) + (j) |
|
Tuffieħ |
|
|
|
|
|
|
|
|
|
|
|
|
Lanġas |
|
|
|
|
|
|
|
|
|
|
|
|
Total ta' Tuffieħ u Lanġas |
|
|
|
|
|
|
|
|
|
|
|
|
Tadam |
|
|
|
|
|
|
|
|
|
|
|
|
Karrotti |
|
|
|
|
|
|
|
|
|
|
|
|
Bżar ħelu |
|
|
|
|
|
|
|
|
|
|
|
|
Ħjar u gherkins |
|
|
|
|
|
|
|
|
|
|
|
|
Total ta' Ħxejjex |
|
|
|
|
|
|
|
|
|
|
|
|
Għanbaqar |
|
|
|
|
|
|
|
|
|
|
|
|
Għeneb frisk tal-mejda |
|
|
|
|
|
|
|
|
|
|
|
|
Frott tal-kiwi |
|
|
|
|
|
|
|
|
|
|
|
|
Total ta' Frott Ieħor |
|
|
|
|
|
|
|
|
|
|
|
|
Larinġ |
|
|
|
|
|
|
|
|
|
|
|
|
Klementin |
|
|
|
|
|
|
|
|
|
|
|
|
Mandolin |
|
|
|
|
|
|
|
|
|
|
|
|
Lumi |
|
|
|
|
|
|
|
|
|
|
|
|
Total ta' Ċitru |
|
|
|
|
|
|
|
|
|
|
|
|
Ħawħ |
|
|
|
|
|
|
|
|
|
|
|
|
Nuċiprisk |
|
|
|
|
|
|
|
|
|
|
|
|
Total ta' Ħawħ u Nuċiprisk |
|
|
|
|
|
|
|
|
|
|
|
|
Kaboċċi |
|
|
|
|
|
|
|
|
|
|
|
|
Pastard u brokkoli birras |
|
|
|
|
|
|
|
|
|
|
|
|
Faqqiegħ |
|
|
|
|
|
|
|
|
|
|
|
|
Frott artab |
|
|
|
|
|
|
|
|
|
|
|
|
Ċirasa |
|
|
|
|
|
|
|
|
|
|
|
|
Kaki |
|
|
|
|
|
|
|
|
|
|
|
|
Total ta' Oħrajn |
|
|
|
|
|
|
|
|
|
|
|
|
TOTAL |
|
|
|
|
|
|
|
|
|
|
|
|
Nota: Għandha timtela paġna tal-Excel waħda differenti għal kull notifika. |
Stat Membru: … |
Perjodu kopert: … |
Data: … |
Prodott |
Organizzazzjonijiet tal-produtturi |
Produtturi mhux membri |
Kwantitajiet totali (t) |
Total tal-assistenza finanzjarja mill-Unjoni (EUR) |
||
Kwantitajiet (t) |
Assistenza finanzjarja mill-Unjoni (EUR) |
Kwantitajiet (t) |
Assistenza finanzjarja mill-Unjoni (EUR) |
|||
(a) |
(b) |
(c) |
(d) |
(e) = (a) + (c) |
(f) = (b) + (d) |
|
Tuffieħ |
|
|
|
|
|
|
Lanġas |
|
|
|
|
|
|
Total ta' Tuffieħ u Lanġas |
|
|
|
|
|
|
Tadam |
|
|
|
|
|
|
Karrotti |
|
|
|
|
|
|
Bżar ħelu |
|
|
|
|
|
|
Ħjar u gherkins |
|
|
|
|
|
|
Total ta' Ħxejjex |
|
|
|
|
|
|
Għanbaqar |
|
|
|
|
|
|
Għeneb frisk tal-mejda |
|
|
|
|
|
|
Frott tal-kiwi |
|
|
|
|
|
|
Total ta' Frott Ieħor |
|
|
|
|
|
|
Larinġ |
|
|
|
|
|
|
Klementin |
|
|
|
|
|
|
Mandolin |
|
|
|
|
|
|
Lumi |
|
|
|
|
|
|
Total ta' Ċitru |
|
|
|
|
|
|
Ħawħ |
|
|
|
|
|
|
Nuċiprisk |
|
|
|
|
|
|
Total ta' Ħawħ u Nuċiprisk |
|
|
|
|
|
|
Kaboċċi |
|
|
|
|
|
|
Pastard u brokkoli birras |
|
|
|
|
|
|
Faqqiegħ |
|
|
|
|
|
|
Frott artab |
|
|
|
|
|
|
Ċirasa |
|
|
|
|
|
|
Kaki |
|
|
|
|
|
|
Total ta' Oħrajn |
|
|
|
|
|
|
TOTAL |
|
|
|
|
|
|
Nota: Għandha timtela paġna tal-Excel waħda differenti għal kull notifika. |
Stat Membru: … |
Perjodu kopert: … |
Data: … |
Prodott |
Organizzazzjonijiet tal-produtturi |
Produtturi mhux membri |
Kwantitajiet totali (t) |
Total tal-assistenza finanzjarja tal-Unjoni (EUR) |
||||
Żona (ha) |
Kwantitajiet (t) |
Assistenza finanzjarja tal-Unjoni (EUR) |
Żona (ha) |
Kwantitajiet (t) |
Assistenza finanzjarja tal-Unjoni (EUR) |
|||
(a) |
(b) |
(c) |
(d) |
(e) |
(f) |
(g) = (b) + (e) |
(h) = (c) + (f) |
|
Tuffieħ |
|
|
|
|
|
|
|
|
Lanġas |
|
|
|
|
|
|
|
|
Total ta' Tuffieħ u Lanġas |
|
|
|
|
|
|
|
|
Tadam |
|
|
|
|
|
|
|
|
Karrotti |
|
|
|
|
|
|
|
|
Bżar ħelu |
|
|
|
|
|
|
|
|
Ħjar u gherkins |
|
|
|
|
|
|
|
|
Total ta' Ħxejjex |
|
|
|
|
|
|
|
|
Għanbaqar |
|
|
|
|
|
|
|
|
Għeneb frisk tal-mejda |
|
|
|
|
|
|
|
|
Frott tal-kiwi |
|
|
|
|
|
|
|
|
Total ta' Frott Ieħor |
|
|
|
|
|
|
|
|
Larinġ |
|
|
|
|
|
|
|
|
Klementin |
|
|
|
|
|
|
|
|
Mandolin |
|
|
|
|
|
|
|
|
Lumi |
|
|
|
|
|
|
|
|
Total ta' Ċitru |
|
|
|
|
|
|
|
|
Ħawħ |
|
|
|
|
|
|
|
|
Nuċiprisk |
|
|
|
|
|
|
|
|
Total ta' Ħawħ u Nuċiprisk |
|
|
|
|
|
|
|
|
Kaboċċi |
|
|
|
|
|
|
|
|
Pastard u brokkoli birras |
|
|
|
|
|
|
|
|
Faqqiegħ |
|
|
|
|
|
|
|
|
Frott artab |
|
|
|
|
|
|
|
|
Ċirasa |
|
|
|
|
|
|
|
|
Kaki |
|
|
|
|
|
|
|
|
Total ta' Oħrajn |
|
|
|
|
|
|
|
|
TOTAL |
|
|
|
|
|
|
|
|
Nota: Għandha timtela paġna tal-Excel waħda differenti għal kull notifika. |
ANNESS IV
Mudelli li għandhom jintbagħtu mal-ewwel notifika kif imsemmi fl-Artikolu 11(2)
Ammonti massimi ta' appoġġ iffissati mill-Istat Membru skont l-Artikolu 79(1) tar-Regolament ta' Implimentazzjoni (UE) Nru 543/2011 u l-Artikolu 5 ta' dan ir-Regolament
Stat Membru: … |
Data: … |
Prodott |
Kontribut tal-Organizzazzjoni tal-Produtturi (f'EUR/100 kg) |
Assistenza finanzjarja tal-Unjoni (f'EUR/100 kg) |
Tuffieħ |
|
|
Lanġas |
|
|
Tadam |
|
|
Karrotti |
|
|
Kaboċċi |
|
|
Bżar ħelu |
|
|
Pastard u brokkoli birras |
|
|
Ħjar u gherkins |
|
|
Faqqiegħ |
|
|
Għanbaqar |
|
|
Frott artab |
|
|
Għeneb frisk tal-mejda |
|
|
Frott tal-kiwi |
|
|
Larinġ |
|
|
Klementin |
|
|
Mandolin |
|
|
Lumi |
|
|
Ħawħ |
|
|
Nuċiprisk |
|
|
Ċirasa |
|
|
Kaki |
|
|
Ammonti massimi ta' appoġġ iffissati mill-Istat Membru skont l-Artikolu 85(4) tar-Regolament ta' Implimentazzjoni (UE) Nru 543/2011 u l-Artikolu 7 ta' dan ir-Regolament
Stat Membru: … |
Data: … |
Prodott |
Fil-miftuħ |
Serra |
||
Kontribut tal-Organizzazzjoni tal-Produtturi (EUR/ha) |
Assistenza finanzjarja tal-Unjoni (EUR/ha) |
Kontribut tal-Organizzazzjoni tal-Produtturi (EUR/ha) |
Assistenza finanzjarja tal-Unjoni (EUR/ha) |
|
Tuffieħ |
|
|
|
|
Lanġas |
|
|
|
|
Tadam |
|
|
|
|
Karrotti |
|
|
|
|
Kaboċċi |
|
|
|
|
Bżar ħelu |
|
|
|
|
Pastard u brokkoli birras |
|
|
|
|
Ħjar u gherkins |
|
|
|
|
Faqqiegħ |
|
|
|
|
Għanbaqar |
|
|
|
|
Frott artab |
|
|
|
|
Għeneb frisk tal-mejda |
|
|
|
|
Frott tal-kiwi |
|
|
|
|
Larinġ |
|
|
|
|
Klementin |
|
|
|
|
Mandolin |
|
|
|
|
Lumi |
|
|
|
|
Ħawħ |
|
|
|
|
Nuċiprisk |
|
|
|
|
Ċirasa |
|
|
|
|
Kaki |
|
|
|
|