14.5.2016   

MT

Il-Ġurnal Uffiċjali tal-Unjoni Ewropea

L 126/3

(1)

Ir-Regolament (UE) Nru 1315/2013 jipprevedi l-possibilità li jiġu adattati mapep indikattivi tan-netwerk trans-Ewropew tat-trasport (TEN-T) li ġie estiż għall-pajjiżi ġirien speċifiċi abbażi ta' ftehimiet ta' livell għoli dwar netwerks tat-l-infrastruttura tan- tat-trasport bejn l-Unjoni u l-pajjiżi ġirien ikkonċernati.

(2)

Ftehim ta' livell għoli bejn l-Unjoni u l-pajjiżi Balkani tal-Punent; l-Albanija, il-Bożnija-Ħerzegovina, il-Kosovo, l-Eks-Repubblika Jugoslava tal-Maċedonja, il-Montenegro u s-Serbja, ġie approvat fis-27 ta' Awwissu 2015 waqt is-Summit tas-Sitta tal-Balkani tal-Punent ta' Vjenna dwar l-adattament ta' estensjoni indikattiva tal-mapep komprensivi tat-TEN-T, kif ukoll fuq l-identifikazzjoni ta' konnessjonijiet tan-netwerk ewlieni fuq il-mapep komprensivi tan-netwerk. Il-ftehim jikkonċerna l-linji tan-netwerks ferrovjarji u tat-toroq, kif ukoll il-portijiet u l-ajruporti. L-adattament tal-mapep komprensivi tan-netwerk indikattivi u, b'mod partikolari, l-identifikazzjoni ta' netwerk ewlieni indikattiv, għandu jippermetti lill-Unjoni timmira aħjar l-kooperazzjoni tagħha, inkluż f'termini ta' appoġġ finanzjarju, mal-Balkani tal-Punent.

(3)

Ftehim ta' livell għoli bejn l-Unjoni u l-Iżlanda u n-Norveġja ntlaħaq fit-30 ta' Ottubru 2015, fil-qafas tal-Kumitat Konġunt stabbilit bil-Ftehim dwar iż-Żona Ekonomika Ewropea dwar l-adattament ta' estensjoni indikattiva tal-mapep komprensivi tat-TEN-T f'dawk il-pajjiżi. L-adattament jikkonċerna numru limitat ta' aġġustamenti fil-mapep tan-netwerk tat-toroq, tal-portijiet u tal-ajruporti ta', sabiex jirriflettu b'mod aktar preċiż l-allinjament TEN-T indikattiv mal-metodoloġija tat-TEN-T (2).

(4)

Għalhekk ir-Regolament (UE) Nru 1315/2013 jiġi emendat skont dan.