This document is an excerpt from the EUR-Lex website
Document 32016R0452
Commission Regulation (EU) 2016/452 of 29 March 2016 amending Annexes II and III to Regulation (EC) No 396/2005 of the European Parliament and of the Council as regards maximum residue levels for captan, propiconazole and spiroxamine in or on certain products (Text with EEA relevance)
Regolament tal-Kummissjoni (UE) 2016/452 tad-29 ta' Marzu 2016 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta' residwu għall-kaptan, il-propikonażol u s-spirossammina f'ċerti prodotti jew fuqhom (Test b'rilevanza għaż-ŻEE)
Regolament tal-Kummissjoni (UE) 2016/452 tad-29 ta' Marzu 2016 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta' residwu għall-kaptan, il-propikonażol u s-spirossammina f'ċerti prodotti jew fuqhom (Test b'rilevanza għaż-ŻEE)
C/2016/1704
ĠU L 79, 30.3.2016, pp. 10–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.3.2016 |
MT |
Il-Ġurnal Uffiċjali tal-Unjoni Ewropea |
L 79/10 |
REGOLAMENT TAL-KUMMISSJONI (UE) 2016/452
tad-29 ta' Marzu 2016
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta' residwu għall-kaptan, il-propikonażol u s-spirossammina f'ċerti prodotti jew fuqhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u li jemenda d-Direttiva tal-Kunsill 91/414/KEE (1), u b'mod partikolari l-Artikolu 14(1)(a), u l-Artikolu 49(2) tiegħu,
Billi:
|
(1) |
Għall-kaptan, il-propikonażol u s-spirossammina, il-livelli massimi ta' residwu (MRLs) huma stipulati fl-Anness II u l-Parti B tal-Anness III tar-Regolament (KE) Nru 396/2005. |
|
(2) |
Fil-każ tal-kaptan, l-Awtorità Ewropea dwar is-Sigurtà fl-Ikel, minn hawn 'il quddiem imsejħa “l-Awtorità”, ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (2). Hija pproponiet li d-definizzjoni tar-residwu tal-komoditajiet tal-pjanti tinbidel. Hija rrakkomandat li tgħolli jew iżżomm l-MRLs eżistenti għal ċerti prodotti. L-Awtorità kkonkludiet li dwar l-MRLs permissibbli fit-tuffieħ, fil-lanġas,fin-naspli, fl-isfarġel, fil-berquq, fiċ-ċiras, fil-ħawħ, fl-għanbaqar, fil-frawli, fit-tut, fil-lampun, fil-mirtill, fil-passolina, fir-ribes, u fit-tadam, xi informazzjoni ma kinitx disponibbli u li kienet meħtieġa aktar konsiderazzjoni mill-maniġers tar-riskji. Billi ma hemmx riskju għall-konsumaturi, l-MRLs għal dawn il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Se ssir evalwazzjoni ta' dawn l-MRLs; l-evalwazzjoni se tqis l-informazzjoni disponibbli fi żmien sentejn mill-pubblikazzjoni ta' dan ir-Regolament. L-Awtorità kkonkludiet li fir-rigward tal-MRLs għall-lewż, għall-għeneb tal-mejda u tal-inbid, għall-patata, għall-ħjar, għall-bettieħ, għall-iskalora, għall-kurrat, għall-qamħirrum u għas-sorgu, l-ebda informazzjoni ma kienet disponibbli u li kien hemm bżonn ta' aktar kunsiderazzjoni mill-maniġers tar-riskju. L-MRLs għal dawn il-prodotti għandhom jiġu ffissati fil-limitu speċifiku ta' kwantifikazzjoni. |
|
(3) |
Għall-propikonażol, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (3).Hija kkonkludiet li dwar l-MRLs għat-tronġ, il-lumi, ix-xkomp, il-mandolin, tuffieħ, berquq, l-għeneb tal-mejda u tal-inbid, il-banana, iż-żerriegħa tal-kolza, il-ħbub tax-xgħir, il-ħbub tal-ħafur, il-ħbub tar-ross, il-ħbub tas-segala, il-ħbub tal-qamħ, il-pitravi taz-zokkor (għeruq), il-muskoli u x-xaħam tal-ħnieżer, il-muskoli u x-xaħam tal-annimali bovini, il-muskoli u x-xaħam tan-nagħaġ, il-muskoli u x-xaħam tal-mogħoż, il-muskoli u tax-xaħam tal-pollam, il-ħalib tal-baqar, tan-nagħaġ u tal-mogħoż u l-bajd tal-għasafar, xi informazzjoni ma kinitx disponibbli u li kienet meħtieġa aktar konsiderazzjoni mill-maniġers tar-riskji. Billi ma hemmx riskju għall-konsumaturi, l-MRLs għal dawn il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Se ssir evalwazzjoni ta' dawn l-MRLs; ir-reviżjoni se tqis l-informazzjoni disponibbli fi żmien sentejn mill-pubblikazzjoni ta' dan ir-Regolament. L-Awtorità kkonkludiet li dwar l-MRLs għal-lewż, għaċ-ċirasa, għall-għanbaqar, għall-frawli, għall-passolina (ħamra, sewda, u bajda), għar-ribes, għall-bżar, għall-ħjar, għall-qaqoċċ, għall-karawett u għat-te, l-ebda informazzjoni ma kienet disponibbli u li kienet meħtieġa aktar konsiderazzjoni mill-maniġers tar-riskji. L-MRLs għal dawn il-prodotti għandhom jiġu ffissati fil-limitu speċifiku ta' kwantifikazzjoni. |
|
(4) |
Għall-ispirossammina, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (4). Hija pproponiet li tinbidel id-definizzjoni tar-residwu u kkonkludiet li fir-rigward tal-MRLs għall-għeneb tal-mejda u tal-inbid, il-banana, ix-xgħir, il-ħafur, is-segala, il-qamħ, il-muskoli tal-pollam, ix-xaħam u l-fwied u l-bajd tat-tjur, xi informazzjoni ma kinitx disponibbli u li kienet meħtieġa aktar konsiderazzjoni mill-maniġers tar-riskji. Billi ma hemmx riskju għall-konsumaturi, l-MRLs għal dawn il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Se ssir evalwazzjoni ta' dawn l-MRLs; ir-reviżjoni se tqis l-informazzjoni disponibbli fi żmien sentejn mill-pubblikazzjoni ta' dan ir-Regolament. Huwa xieraq li tiġi stabbilita definizzjoni tar-residwi għal prodotti ta' oriġini tal-annimali bħala “aċidu karbossiliku spirossammina metabolit M 06, espress bħala spirossammina (it-total tal-iżomeri)”, u hemm biżżejjed informazzjoni disponibbli biex jiġu stabbiliti l-MRLs għall-muskoli tal-ħanżir, ix-xaħam, il-fwied u l-kliewi, il-muskoli tal-bovini, ix-xaħam, il-fwied u l-kliewi, il-muskoli tan-nagħaġ, ix-xaħam, il-fwied u l-kliewi, il-muskoli tal-mogħoż, ix-xaħam, il-fwied u l-kliewi u l-ħalib tal-bovini, tan-nagħaġ u tal-mogħoż. Peress li l-MRLs għax-xgħir u l-ħafur ta' 0,4 mg/kg huma bbażati fuq prattika agrikola tajba li ma għadhiex appoġġata, il-MRLs għal dawk il-prodotti għandu jitnaqqas għal 0,05 mg/kg. |
|
(5) |
Fir-rigward ta' prodotti li fuqhom mhux awtorizzat l-użu tal-prodott għall-protezzjoni tal-pjanti kkonċernat, u li għalihom ma jeżistux tolleranzi tal-importazzjoni jew limiti massimi tar-residwi Codex (CXLs), l-MRLs għandhom jiġu stabbiliti fil-limitu speċifiku tad-determinazzjoni jew għandu japplika l-MRL li japplika s-soltu, kif stipulat fl-Artikolu 18(1)(b) tar-Regolament (KE) Nru 396/2005. |
|
(6) |
Il-Kummissjoni kkonsultat mal-laboratorji ta' referenza tal-Unjoni Ewropea dwar ir-residwi tal-pestiċidi rigward il-ħtieġa li jiġu adattati ċerti limiti tad-determinazzjoni. Għal għadd ta' sustanzi, dawk il-laboratorji kkonkludew li għal ċerti prodotti, l-iżvilupp tekniku jippermetti li jiġu stabbiliti limiti speċifiċi ta' kwantifikazzjoni. |
|
(7) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, l-emendi xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
|
(8) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ. Waslu kummenti minn diversi pajjiżi terzi fuq definizzjoni tar-residwu l-ġdid u l-MRL għall-kaptan fl-għeneb tal-inbid. Huwa xieraq li tinżamm id-definizzjoni tar-residwi u l-MRL li hemm bħalissa sabiex tkun tista' tiġi ġġenerata dejta dwar ir-residwi fil-każ tal-għeneb tal-inbid skont id-definizzjoni tar-residwi li għadha kif ġiet proposta. Se ssir evalwazzjoni ta' dak l-MRL; ir-reviżjoni se tqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
|
(9) |
Għalhekk, ir-Regolament (KE) Nru 396/2005 għandu jiġi emendat skont dan. |
|
(10) |
Biex jippermetti l-kummerċjalizzazzjoni, l-ipproċessar u l-konsum normali tal-prodotti, dan ir-Regolament għandu jistipula arranġament tranżizzjonali għall-prodotti li ġew immanifatturati qabel il-modifika tal-MRLs u li għalihom l-informazzjoni turi li nżamm livell għoli ta' protezzjoni tal-konsumaturi. |
|
(11) |
Għandu jitħalla jgħaddi perjodu raġonevoli ta' żmien qabel ma jibdew jiġu applikati l-MRLs modifikati sabiex l-Istati Membri, il-pajjiżi terzi u l-operaturi tan-negozji tal-ikel jingħataw żmien biex jitħejjew biex ikunu konformi mar-rekwiżiti l-ġodda li jirriżultaw mill-modifika tal-MRLs. |
|
(12) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness ta' dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat permezz ta' dan ir-Regolament jibqa' japplika għall-prodotti li kienu manifatturati qabel id-19 ta' Ottubru 2016.
Artikolu 3
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Jibda japplika mid-19 ta' Ottubru 2016.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta' Marzu 2016.
Għall-Kummissjoni
Il-President
Jean-Claude JUNCKER
(2) EFSA (L-Awtorità Ewropea dwar is-Sigurtà fl-Ikel), 2014. Reasoned opinion on the review of the existing maximum residue levels (MRLs) for tolclofos-methyl according to Article 12 of Regulation (KE) Nru 396/2005 EFSA Journal 2014;12(4):3663, 55 p.
(3) L-Awtorità Ewropea dwar is-Sigurtà fl-Ikel; Review of the existing maximum residue levels (MRLs) for propiconazole according to Article 12 of Regulation (KE) Nru 396/2005. The EFSA Journal 2015;13(1):3975.
(4) L-Awtorità Ewropea dwar is-Sigurtà fl-Ikel; Review of the existing maximum residue levels (MRLs) for spiroxamine according to Article 12 of Regulation (KE) Nru 396/2005. The EFSA Journal 2015;13(1):3992.
ANNESS
L-Annessi II u III tar-Regolament (KE) Nru 396/2005 huma emendati kif ġej:
|
(1) |
Fl-Anness II, il-kolonni għall-kaptan, il-propikonażol u s-spirossammina huma sostitwiti b'dan li ġej: “Residwi ta' pestiċidi u livelli massimi ta' residwi (f'mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
Fl-Anness II, il-Parti B, jitħassru l-kolonni għall-kaptan, il-propikonażol u s-spirossammina. |
(*1) Jindika limitu iktar baxx ta' kwantifikazzjoni analitika
(1) Għal-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, għandha ssir referenza għall-Anness I.