This document is an excerpt from the EUR-Lex website
Document 32016R0277
Council Regulation (EU) 2016/277 of 25 February 2016 amending Regulation (EC) No 765/2006 concerning restrictive measures in respect of Belarus
Regolament tal-Kunsill (UE) 2016/277 tal-25 ta' Frar 2016 li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
Regolament tal-Kunsill (UE) 2016/277 tal-25 ta' Frar 2016 li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
ĠU L 52, 27.2.2016, pp. 22–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
27.2.2016 |
MT |
Il-Ġurnal Uffiċjali tal-Unjoni Ewropea |
L 52/22 |
REGOLAMENT TAL-KUNSILL (UE) 2016/277
tal-25 ta' Frar 2016
li jemenda r-Regolament (KE) Nru 765/2006 dwar miżuri restrittivi fir-rigward tal-Belarussja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill 2012/642/PESK tal-15 ta' Ottubru 2012 dwar miżuri restrittivi kontra l-Bjelorussja (1),
Wara li kkunsidra l-proposta konġunta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà u tal-Kummissjoni Ewropea,
Billi:
|
(1) |
Ir-Regolament tal-Kunsill (KE) Nru 765/2006 (2) jipprevedi l-iffriżar ta' assi tal-President Lukashenko u ta' ċerti uffiċjali tal-Belarussja, kif ukoll ta' assi ta' persuni responsabbli għal ksur serju tad-drittijiet tal-bniedem jew għar-repressjoni tas-soċjetà ċivili u tal-oppożizzjoni demokratika, u ta' persuni u entitajiet li jibbenefikaw minn, jew li jappoġġaw, ir-reġim ta' Lukashenko, inklużi, b'mod partikolari, persuni u entitajiet li jipprovdu appoġġ finanzjarju jew materjali lil dak ir-reġim. |
|
(2) |
L-applikazzjoni tal-iffriżar tal-assi għandha tinżamm fir-rigward ta' erba' persuni elenkati fl-Anness I tar-Regolament (KE) Nru 765/2006. |
|
(3) |
Il-persuni u l-entitajiet kollha elenkati fl-Anness IV tar-Regolament (KE) Nru 765/2006 li fir-rigward tagħhom ġiet sospiża l-applikazzjoni tal-iffriżar tal-assi għandhom jitħassru, u s-sospensjoni tal-applikazzjoni tal-projbizzjoni għandha tintemm. |
|
(4) |
Din il-miżura taqa' fil-kamp ta' applikazzjoni tat-Trattat u għalhekk hija meħtieġa azzjoni regolatorja fil-livell tal-Unjoni sabiex din issir effettiva, partikolarment bil-ħsieb li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha. |
|
(5) |
Ir-Regolament (KE) Nru 765/2006 għalhekk għandu jiġi emendat kif meħtieġ, |
ADOTTA DAN IR-REGOLAMENT:
Artikolu 1
Ir-Regolament (KE) Nru 765/2006 huwa emendat kif ġej:
|
(1) |
fl-Artikolu 2, jitħassar il-paragrafu 6; |
|
(2) |
l-Artikolu 8b jitħassar; |
|
(3) |
l-Anness IV jitħassar. |
Artikolu 2
Dan ir-Regolament jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta' Frar 2016.
Għall-Kunsill
Il-President
K.H.D.M. DIJKHOFF
(1) ĠU L 285, 17.10.2012, p. 1.
(2) Regolament tal-Kunsill (KE) Nru 765/2006 tat-18 ta' Mejju 2006 dwar miżuri restrittivi fir-rigward tal-Bjelorussja (ĠU L 134, 20.5.2006, p. 1).