This document is an excerpt from the EUR-Lex website
Document 32016R0214
Council Regulation (EU) 2016/214 of 15 February 2016 amending Regulation (EC) No 314/2004 concerning certain restrictive measures in respect of Zimbabwe
Regolament tal-Kunsill (UE) 2016/214 tal-15 ta' Frar 2016 li jemenda r-Regolament (KE) Nru 314/2004 dwar ċerti miżuri restrittivi fir-rigward taż-Żimbabwe
Regolament tal-Kunsill (UE) 2016/214 tal-15 ta' Frar 2016 li jemenda r-Regolament (KE) Nru 314/2004 dwar ċerti miżuri restrittivi fir-rigward taż-Żimbabwe
ĠU L 40, 17.2.2016, pp. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.2.2016 |
MT |
Il-Ġurnal Uffiċjali tal-Unjoni Ewropea |
L 40/1 |
REGOLAMENT TAL-KUNSILL (UE) 2016/214
tal-15 ta' Frar 2016
li jemenda r-Regolament (KE) Nru 314/2004 dwar ċerti miżuri restrittivi fir-rigward taż-Żimbabwe
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,
Wara li kkunsidra l-proposta konġunta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà u tal-Kummissjoni Ewropea,
Billi:
|
(1) |
Fil-15 ta' Frar 2016, il-Kunsill adotta d-Deċiżjoni (PESK) 2016/220 (1) li permezz tagħha tħallew seba' persuni u entità waħda fl-Anness I u ħames persuni fl-Anness II għad-Deċiżjoni 2011/101/PESK (2). |
|
(2) |
Ir-Regolament tal-Kunsill (KE) Nru 314/2004 (3) jimplimenta diversi miżuri restrittivi previsti fid-Deċiżjoni tal-Kunsill 2011/101/PESK, inkluż l-iffriżar tal-fondi u tar-riżorsi ekonomiċi ta' ċerti persuni fiżiċi jew ġuridiċi, entitajiet u korpi. |
|
(3) |
Fil-16 ta' Frar 2016, ir-Regolament ta' Implimentazzjoni tal-Kummissjoni (UE) 2016/218 ħalla seba' persuni u entità waħda fl-Anness III għar-Regolament (KE) Nru 314/2004 (4). |
|
(4) |
L-Anness IV għar-Regolament tal-Kunsill (KE) Nru 314/2004 għandu jiġi emendat skont dan. |
|
(5) |
Biex jiġi żgurat li l-miżuri stipulati minn dan ir-Regolament ikunu effettivi, dan ir-Regolament irid jidħol fis-seħħ fil-jum ta' wara dak tal-pubblikazzjoni tiegħu, |
ADOTTA DAN IR-REGOLAMENT:
Artikolu 1
L-Anness IV għar-Regolament (KE) Nru 314/2004 huwa sostitwit bit-test li jidher fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta' Frar 2016.
Għall-Kunsill
Il-President
F. MOGHERINI
(1) Deċiżjoni tal-Kunsill (PESK) 2016/220 tal-15 ta' Frar 2016 li temenda d-Deċiżjoni tal-Kunsill 2011/101/PESK dwar miżuri restrittivi kontra ż-Żimbabwe (ara l-paġna 11 ta' dan il-Ġurnal Uffiċjali).
(2) Deċiżjoni tal-Kunsill 2011/101/PESK tal-15 ta' Frar 2011 dwar miżuri restrittivi kontra ż-Żimbabwe (ĠU L 42, 16.2.2011, p. 6).
(3) Regolament tal-Kunsill (KE) Nru 314/2004 tad-19 ta' Frar 2004 dwar ċerti miżuri restrittivi fir-rigward taż-Żimbabwe (ĠU L 55, 24.2.2004, p. 1).
(4) Regolament ta' Implimentazzjoni tal-Kummissjoni (UE) 2016/218 tal-16 ta' Frar 2016 li jemenda r-Regolament tal-Kunsill (KE) Nru 314/2004 dwar ċertu miżuri restrittivi fir-rigward taż-Żimbabwe (ara l-paġna 7 ta' dan il-Ġurnal Uffiċjali).
ANNESS
“ANNESS IV
Lista ta' persuni msemmijin fl-Artikolu 6(4)
Persuni
Isem (u psewdonomi possibbli)
|
1. |
Bonyongwe, Happyton Mabhuya |
|
2. |
Chihuri, Augustine |
|
3. |
Chiwenga, Constantine |
|
4. |
Shiri, Perence (magħruf ukoll bħala Bigboy) Samson Chikerema |
|
5. |
Sibanda, Phillip Valerio (magħruf ukoll bħala Valentine)” |