Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016D2143

Deċiżjoni tal-Kunsill (UE) 2016/2143 tal-1 ta' Diċembru 2016 dwar il-pożizzjoni li għandha tiġi adottata f'isem l-Unjoni Ewropea fil-Kumitat tal-Kummerċ u tal-Iżvilupp CARIFORUM-UE tal-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra, rigward it-twaqqif ta' Kumitat Speċjali għall-Agrikoltura u s-Sajd

ĠU L 332, 7.12.2016, pp. 18–21 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 07/12/2016

ELI: http://data.europa.eu/eli/dec/2016/2143/oj

7.12.2016   

MT

Il-Ġurnal Uffiċjali tal-Unjoni Ewropea

L 332/18

DEĊIŻJONI TAL-KUNSILL (UE) 2016/2143

tal-1 ta' Diċembru 2016

dwar il-pożizzjoni li għandha tiġi adottata f'isem l-Unjoni Ewropea fil-Kumitat tal-Kummerċ u tal-Iżvilupp CARIFORUM-UE tal-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra, rigward it-twaqqif ta' Kumitat Speċjali għall-Agrikoltura u s-Sajd

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 207 flimkien mal-Artikolu 218(9) tiegħu,

Wara li kkunsidra l-proposta tal-Kummissjoni Ewropea,

Billi:

(1)

Il-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra (1) (“il-Ftehim”), ġie ffirmat fil-15 ta' Ottubru 2008, u ġie applikat provviżjorjament mid-29 ta' Diċembru 2008.

(2)

Bis-saħħa tal-Artikolu 230(4) tal-Ftehim, il-Kumitat tal-Kummerċ u tal-Iżvilupp CARIFORUM-UE jista' jistabbilixxi u jissorvelja kwalunkwe kumitat speċjali sabiex jitratta kwistjonijiet li jaqgħu taħt il-kompetenza tiegħu.

(3)

Sabiex jinkisbu l-objettivi stipulati fl-Artikolu 37 tal-Ftehim, għandu jitwaqqaf Kumitat Speċjali għall-Agrikoltura u s-Sajd sabiex jitratta b'mod aktar effiċjenti l-kwistjonijiet relatati mal-agrikoltura u s-Sajd, kif ġie miftiehem f'laqgħat preċedenti tal-Kumitat tal-Kummerċ u tal-Iżvilupp CARIFORUM-UE.

(4)

Huwa xieraq li tkun stabbilita l-pożizzjoni li għandha tiġi adottata f'isem l-Unjoni fil-Kumitat tal-Kummerċ u tal-Iżvilupp CARIFORUM-UE rigward it-twaqqif ta' Kumitat Speċjali għall-Agrikoltura u s-Sajd.

(5)

Il-pożizzjoni tal-Unjoni fil-Kumitat tal-Kummerċ u tal-Iżvilupp CARIFORUM-UE għandha għalhekk tkun ibbażata fuq l-abbozz tad-deċiżjoni mehmuż,

ADOTTA DIN ID-DEĊIŻJONI:

Artikolu 1

Il-pożizzjoni li għandha tiġi adottata f'isem l-Unjoni fil-Kumitat tal-Kummerċ u tal-Iżvilupp CARIFORUM-UE tal-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra, rigward it-twaqqif ta' Kumitat Speċjali għall-Agrikoltura u s-Sajd għandha tkun bbażata fuq l-abbozz tad-deċiżjoni tal-Kumitat tal-Kummerċ u tal-Iżvilupp CARIFORUM-UE mehmuż ma' din id-Deċiżjoni.

Ir-rappreżentanti tal-Unjoni fil-Kumitat tal-Kummerċ u tal-Iżvilupp CARIFORUM-UE jistgħu jaqblu dwar bidliet tekniċi fl-abbozz tad-deċiżjoni mingħajr deċiżjoni ulterjuri tal-Kunsill.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, l-1 ta' Diċembru 2016.

Għall-Kunsill

Il-President

A. ÉRSEK

(1)   ĠU L 289, 30.10.2008, p. 3.

ABBOZZ

DEĊIŻJONI Nru …/2016 TAL-KUMITAT TAL-KUMMERĊ U TAL-IŻVILUPP CARIFORUM-UE

ta' …

stabbilit bil-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra, rigward it-twaqqif ta' Kumitat Speċjali għall-Agrikoltura u s-Sajd

IL-KUMITAT TAL-KUMMERĊ U TAL-IŻVILUPP CARIFORUM-UE

Wara li kkunsidra l-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra, u b'mod partikolari l-Artikolu 230(4)(a) tiegħu,

Wara li kkunsidra r-Regoli ta' Proċedura tal-Kumitat tal-Kummerċ u tal-Iżvilupp CARIFORUM-UE, stabbilit mill-Kunsill Konġunt CARIFORUM-UE fis-17 ta' Mejju 2010 permezz tad-Deċiżjoni Nru 1/2010, u b'mod partikolari l-Artikolu 11 tagħha,

Billi huwa xieraq li jiġi stabbilit Kumitat Speċjali għall-Agrikoltura u s-Sajd sabiex jintlaħqu l-objettivi tad-dispożizzjonijiet dwar l-agrikoltura u s-sajd tal-Ftehim ta' Sħubija Ekonomika bejn l-Istati tal-CARIFORUM, minn naħa, u l-Komunità Ewropea u l-Istati Membri tagħha, min-naħa l-oħra (il-“Ftehim”),

ADOTTA DIN ID-DEĊIŻJONI:

Artikolu 1

1.   Il-Kumitat Speċjali għall-Agrikoltura u s-Sajd CARIFORUM-UE huwa b'dan stabbilit biex iwettaq il-funzjonijiet previsti fl-Artikolu 2.

2.   Il-Kumitat Speċjali għall-Agrikoltura u s-Sajd CARIFORUM-UE għandu jkun ukoll forum fejn il-Partijiet jistgħu jiskambjaw esperjenzi, informazzjoni u l-aħjar prattiki, u jikkonsultaw dwar il-kwistjonijiet kollha relatati mal-objettivi previsti fil-Kapitolu 5 tat-Titolu I tal-Parti II tal-Ftehim u li huma rilevanti għall-kummerċ bejn il-Partijiet.

Artikolu 2

Il-Kumitat Speċjali għall-Agrikoltura u s-Sajd għandu:

(a)

b'mod ġenerali isegwi l-aspetti kollha tal-Kapitolu 5 — Agrikoltura u Sajd — tat-Titolu I tal-Parti II, tal-Ftehim;

(b)

b'mod ġenerali isegwi l-aspetti l-oħra kollha tal-Ftehim li jirrigwardaw l-agrikoltura u s-sajd, inklużi l-oqsma li ġejjin tat-Titolu I tal-Parti II — Kummerċ ta' merkanzija:

(i)

Kapitolu 1 — Il-kwistjonijiet kollha li jirrigwardaw il-kummerċ ta' prodotti agrikoli u tas-sajd, inklużi t-tariffi;

(ii)

Kapitolu 3 — Artikolu 28 — Sussidji fuq l-esportazzjonijiet agrikoli;

(iii)

Kapitolu 6 — Ostakli tekniċi għall-kummerċ, f'dak li għandu x'jaqsam ma' prodotti agrikoli u tas-sajd; kif ukoll

(iv)

Kapitolu 7 — Il-miżuri sanitarji u fitosanitarji, f'dak li għandu x'jaqsam ma' prodotti agrikoli u tas-sajd;

(c)

b'mod ġenerali isegwi l-aspetti kollha tat-Titolu IV, il-Kapitolu 2 –Innovazzjoni u Proprjetà Intelletwali, f'dak li għandu x'jaqsam ma' prodotti agrikoli u tas-sajd, inkluż l-Artikolu 145 — Indikazzjonijiet ġeografiċi u l-Artikolu 149 — Varjetajiet tal-pjanti;

(d)

jidħol fi djalogu dwar kwistjonijiet li jirrigwardaw l-agrikoltura u mas-sajd, inkluż fl-oqsma li ġejjin:

(i)

il-produzzjoni, il-konsum u l-kummerċ ta' prodotti agrikoli u dwar l-iżviluppi rispettivi fis-suq tal-prodotti agrikoli u tas-sajd;

(ii)

il-promozzjoni tal-investiment u tat-trasferiment tal-għarfien fis-setturi agrikoli, alimentari u tas-sajd fil-CARIFORUM, inkluż fil-livell ta' attivitajiet fuq skala żgħira;

(iii)

il-politiki, il-liġijiet u r-regolamenti dwar l-agrikoltura, l-iżvilupp rurali u s-sajd;

(iv)

il-bidliet ta' politika u dawk istituzzjonali meħtieġa għas-sostenn tat-trasformazzjoni tas-setturi agrikoli u tas-sajd kif ukoll il-formulazzjoni u l-implimentazzjoni ta' politiki reġjonali dwar l-agrikoltura, l-ikel, l-iżvilupp rurali u s-sajd bil-mira ta' integrazzjoni reġjonali;

(v)

it-teknoloġiji ġodda, ir-riċerka u l-innovazzjoni kif ukoll il-politiki u l-miżuri relatati mal-kwalità; u

(vi)

l-iżviluppi fil-politika kummerċjali rigward komoditajiet u prodotti agrikoli tradizzjonali, inklużi l-banana, ir-rum, ir-ross u z-zokkor;

(e)

jassisti lill-Kumitat tal-Kummerċ u tal-Iżvilupp CARIFORUM-UE rigward il-funzjonijiet li ġejjin:

(i)

biex jissorvelja u jkun responsabbli mill-implimentazzjoni u l-applikazzjoni korretta tad-dispożizzjonijiet tal-Ftehim rigward l-agrikoltura u s-sajd u biex jiddiskuti u jirrakkomanda prijoritajiet għall-kooperazzjoni f'dan ir-rigward;

(ii)

biex jissorvelja l-emenda futuritad-dispożizzjonijiet tal-Ftehim rigward l-agrikoltura u s-sajdu jevalwa l-applikazzjoni tagħhom;

(iii)

biex jieħu azzjoni sabiex jevita tilwim u jirriżolvi tilwim li jista' jinqala' rigward l-interpretazzjoni jew l-applikazzjoni tad-dispożizzjonijiet tal-Ftehim dwar l-agrikoltura u s-sajd, konformement mad-dispożizzjonijiet tal-Parti III tiegħu;

(iv)

biex jiddiskuti u jieħu azzjonijiet li jistgħu jiffaċilitaw il-kummerċ, l-investiment u l-opportunitajiet ta' negozju fis-setturi tal-agrikoltura u tas-sajd bejn il-Partijiet; u

(v)

biex jiddiskuti kwistjonijiet li jikkonċernaw id-dispożizzjonijiet tal-Ftehim dwar l-agrikoltura u s-sajd u kull aspett li jista' jaffettwa l-ilħuq tal-objettivi tiegħu;

(f)

jagħmel rakkomandazzjonijiet lill-Kumitat tal-Kummerċ u tal-Iżvilupp CARIFORUM-UE bl-għan li jissaħħu l-implimentazzjoni u l-funzjonament tad-dispożizzjonijiet tal-Ftehim dwar l-agrikoltura u s-sajd.

Artikolu 3

Il-Kumitat Speċjali għall-Agrikoltura u s-Sajd għandu jkun magħmul minn rappreżentanti tal-Kummissjoni, minn naħa, u rappreżentanti tad-Direttorat tal-CARIFORUM u tal-Istati Firmatarji tal-CARIFORUM, min-naħa l-oħra.

Artikolu 4

Din id-Deċiżjoni għandha tidħol fis-seħħ fi …

Magħmul fi ….

għall-Kumitat tal-Kummerċ u tal-Iżvilupp

CARIFORUM-UE

Top