This document is an excerpt from the EUR-Lex website
Document 32016D2063
Commission Decision (EU) 2016/2063 of 24 November 2016 confirming the participation of Ireland in Regulation (EU) 2015/2219 of the European Parliament and of the Council on the European Union Agency for Law Enforcement Training (CEPOL)
Deċiżjoni tal-Kummissjoni (UE) 2016/2063 tal-24 ta' Novembru 2016 li tikkonferma l-parteċipazzjoni tal-Irlanda fir-Regolament (UE) 2015/2219 tal-Parlament Ewropew u tal-Kunsill dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL)
Deċiżjoni tal-Kummissjoni (UE) 2016/2063 tal-24 ta' Novembru 2016 li tikkonferma l-parteċipazzjoni tal-Irlanda fir-Regolament (UE) 2015/2219 tal-Parlament Ewropew u tal-Kunsill dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL)
C/2016/7691
ĠU L 319, 25.11.2016, p. 46–46
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
25.11.2016 |
MT |
Il-Ġurnal Uffiċjali tal-Unjoni Ewropea |
L 319/46 |
DEĊIŻJONI TAL-KUMMISSJONI (UE) 2016/2063
tal-24 ta' Novembru 2016
li tikkonferma l-parteċipazzjoni tal-Irlanda fir-Regolament (UE) 2015/2219 tal-Parlament Ewropew u tal-Kunsill dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat il-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta' libertà, sigurtà u ġustizzja, u b'mod partikolari l-Artikolu 4 tiegħu,
Billi:
|
(1) |
Permezz ta' ittra lill-President tal-Kunsill tas-26 ta' Lulju 2016, l-Irlanda nnotifikat ix-xewqa tagħha li tipparteċipa fir-Regolament (UE) 2015/2219 tal-Parlament Ewropew u tal-Kunsill (1). |
|
(2) |
Ma hemm l-ebda kundizzjonijiet speċifiċi marbuta mal-parteċipazzjoni tal-Irlanda fir-Regolament imsemmi hawn fuq u l-ebda ħtieġa għal miżuri tranżizzjonali. Il-Kummissjoni tinnota li l-Irlanda stabbiliet unità nazzjonali tas-CEPOL, skont l-Artikolu 6 tar-Regolament (UE) 2015/2219. |
|
(3) |
Jeħtieġ li l-parteċipazzjoni tal-Irlanda fir-Regolament (UE) 2015/2219 għalhekk tiġi kkonfermata. |
|
(4) |
Sabiex tippermetti lill-Irlanda li tipparteċipa f'attivitajiet tas-CEPOL kemm jista' jkun malajr, jeħtieġ li din id-Deċiżjoni tidħol fis-seħħ fil-jum wara dak tal-pubblikazzjoni tagħha. |
ADOTTAT DIN ID-DEĊIŻJONI:
Artikolu 1
Il-parteċipazzjoni tal-Irlanda fir-Regolament (UE) 2015/2219 hija kkonfermata.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-24 ta' Novembru 2016.
Għall-Kummissjoni
Il-President
Jean-Claude JUNCKER
(1) Ir-Regolament (UE) 2015/2219 tal-Parlament Ewropew u tal-Kunsill tal-25 ta' Novembru 2015 dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u li jissostitwixxi u jħassar id-Deċiżjoni tal-Kunsill 2005/681/ĠAI (ĠU L 319, 4.12.2015, p. 1).