This document is an excerpt from the EUR-Lex website
Document 32016D1850
Council Decision (EU) 2016/1850 of 21 November 2008 on the signature and provisional application of the stepping stone Economic Partnership Agreement between Ghana, of the one part, and the European Community and its Member States, of the other part
Deċiżjoni tal-Kunsill (UE) 2016/1850 tal-21 ta' Novembru 2008 dwar l-iffirmar u l-applikazzjoni provviżorja tal-Ftehim ta' Sħubija Ekonomika interim bejn il-Gana, minn naħa waħda, u l-Komunità Ewropea u l-Istati Membri tagħha, min-naħa l-oħra
Deċiżjoni tal-Kunsill (UE) 2016/1850 tal-21 ta' Novembru 2008 dwar l-iffirmar u l-applikazzjoni provviżorja tal-Ftehim ta' Sħubija Ekonomika interim bejn il-Gana, minn naħa waħda, u l-Komunità Ewropea u l-Istati Membri tagħha, min-naħa l-oħra
ĠU L 287, 21.10.2016, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2016/1850/oj
|
21.10.2016 |
MT |
Il-Ġurnal Uffiċjali tal-Unjoni Ewropea |
L 287/1 |
DEĊIŻJONI TAL-KUNSILL (UE) 2016/1850
tal-21 ta' Novembru 2008
dwar l-iffirmar u l-applikazzjoni provviżorja tal-Ftehim ta' Sħubija Ekonomika interim bejn il-Gana, minn naħa waħda, u l-Komunità Ewropea u l-Istati Membri tagħha, min-naħa l-oħra
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 133 u 181, flimkien mal-ewwel sentenza tal-ewwel sottoparagrafu tal-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Fit-12 ta' Ġunju 2002 il-Kunsill awtorizza lill-Kummissjoni biex tiftaħ negozjati għal Ftehimiet ta' Sħubija Ekonomika mal-pajjiżi tal-AKP. |
|
(2) |
In-negozjati ta' Ftehim ta' Sħubija Ekonomika interim (minn hawn 'il quddiem “EPA interim”) ġew konklużi mal-Gana u kien hemm qbil dwar l-EPA interim fit-13 ta' Diċembru 2007. |
|
(3) |
L-Artikolu 75 tal-EPA interim jipprevedi l-applikazzjoni provviżorja tiegħu sakemm dan jidħol fis-seħħ. |
|
(4) |
L-EPA interim għandu jkun iffirmat f'isem il-Komunità u applikat, għal dak li jirrigwarda elementi li jaqgħu taħt il-kompetenza tal-Komunità, fuq bażi provviżorja suġġett għall-konklużjoni tiegħu f'data aktar tard. |
IDDEĊIEDA KIF ĠEJ:
Artikolu 1
L-iffirmar tal-Ftehim ta' Sħubija Ekonomika interim bejn il-Gana, min-naħa waħda, u l-Komunità Ewropea u l-Istati Membri tagħha, min-naħa l-oħra, huwa b'dan approvat f'isem il-Komunità, suġġett għad-Deċiżjoni tal-Kunsill li tikkonċerna l-konklużjoni tal-imsemmi Ftehim.
It-test tal-EPA interim huwa mehmuż ma' din id-Deċiżjoni.
Artikolu 2
Għall-finijiet tal-Artikolu 73(2) tal-EPA interim, il-Kumitat tal-EPA huwa ffurmat, minn naħa waħda, mill-membri tal-Kunsill u mir-rappreżentanti tal-Kummissjoni u, min-naħa l-oħra, mir-rappreżentanti tal-gvern tal-Gana. Il-Kummissjoni għandha tipproponi lill-Kunsill, għad-deċiżjoni tiegħu, il-pożizzjoni tal-Komunità Ewropea bil-ħsieb tan-negozjazzjoni tar-regoli ta' proċedura tal-Kumitat tal-EPA.
Artikolu 3
Il-President tal-Kunsill huwa b'dan awtorizzat li jaħtar lill-persuna/i mogħtija s-setgħa li jiffirmaw l-EPA interim f'isem il-Komunità Ewropea suġġett għall-konklużjoni tiegħu.
Artikolu 4
Għal dak li jirrigwarda l-elementi li jaqgħu taħt il-kompetenza tal-Komunità, l-EPA interim għandu jkun applikat fuq bażi provviżorja kif stipulat fl-Artikolu 75 tiegħu, sakemm titlesta l-proċedura għall-konklużjoni tiegħu. Il-Kummissjoni għandha tippubblika notifika li tagħti tagħrif dwar id-data tal-applikazzjoni provviżorja.
Magħmul fi Brussell, il-21 ta' Novembru 2008.
Għall-Kunsill
Il-President
E. WOERTH