This document is an excerpt from the EUR-Lex website
Document 32016D1838
Council Decision (EU) 2016/1838 of 13 October 2016 on guidelines for the employment policies of the Member States for 2016
Deċiżjoni tal-Kunsill (UE) 2016/1838 tat-13 ta' Ottubru 2016 dwar il-linji gwida għal-linji politiċi dwar l-impjiegi tal-Istati Membri għall-2016
Deċiżjoni tal-Kunsill (UE) 2016/1838 tat-13 ta' Ottubru 2016 dwar il-linji gwida għal-linji politiċi dwar l-impjiegi tal-Istati Membri għall-2016
ĠU L 280, 18.10.2016, p. 30–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
18.10.2016 |
MT |
Il-Ġurnal Uffiċjali tal-Unjoni Ewropea |
L 280/30 |
DEĊIŻJONI TAL-KUNSILL (UE) 2016/1838
tat-13 ta' Ottubru 2016
dwar il-linji gwida għal-linji politiċi dwar l-impjiegi tal-Istati Membri għall-2016
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 148(2) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-opinjoni tal-Parlament Ewropew (1),
Wara li kkunsidra l-opinjoni tal-Kumitat Ekonomiku u Soċjali Ewropew (2),
Wara li kkonsulta l-Kumitat tar-Reġjuni,
Wara li kkunsidra l-opinjoni tal-Kumitat tal-Impjiegi (3),
Billi:
(1) |
It-Trattat dwar il-Funzjonament tal-Unjoni Ewropea (TFUE) jistipula li l-Istati Membri u l-Unjoni għandhom jaħdmu flimkien biex jiżviluppaw strateġija kkoordinata għall-impjiegi u b'mod partikolari għall-promozzjoni ta' forza tax-xogħol kompetenti, imħarrġa u li adattabbli, kif ukoll swieq tax-xogħol li jirreaġixxu għat-tibdil ekonomiku bl-għan li jinkisbu l-objettivi definiti fl-Artikolu 3 tat-Trattat dwar l-Unjoni Ewropea. |
(2) |
L-Istrateġija Ewropa 2020 għat-tkabbir intelliġenti, sostenibbli u inklużiv (l-“Istrateġija Ewropa 2020”) proposta mill-Kummissjoni tippermetti lill-Unjoni torjenta l-ekonomija tagħha lejn tkabbir intelliġenti, sostenibbli u inklużiv, akkumpanjat minn livelli għola ta' impjiegi, produttività u koeżjoni soċjali. Ħames miri ewlenin jikkostitwixxu objettivi kondiviżi li jiggwidaw l-azzjoni tal-Istati Membri, u jikkunsidraw il-pożizzjonijiet inizjali u ċ-ċirkustanzi nazzjonali rispettivi tagħhom, kif ukoll il-pożizzjonijiet u ċ-ċirkustanzi tal-Unjoni. Fl-14 ta' Lulju 2015, il-Kunsill adotta r-Rakkomandazzjoni (UE) 2015/1184 (4) dwar linji gwida ġenerali għall-politiki ekonomiċi tal-Istati Membri u tal-Unjoni. Barra minn hekk, fil-5 ta' Ottubru 2015, il-Kunsill adotta d-Deċiżjoni (UE) 2015/1848 (5) dwar linji gwida għal-linji politiċi dwar l-impjiegi tal-Istati Membri għall-2015 (“linji gwida dwar l-impjiegi”). Dawk iż-żewġ settijiet ta' linji gwida jifformaw il-linji gwida integrati għall-implimentazzjoni tal-istrateġija Ewropa 2020 (“linji gwida integrati ta' Ewropa 2020”). L-Istrateġija Ewropea dwar l-Impjiegi għandha r-rwol primarju fl-implimentazzjoni tal-objettivi marbutin mal-impjiegi u mas-suq tax-xogħol tal-istrateġija ta' Ewropa 2020. |
(3) |
Dawn il-linji gwida integrati ta' Ewropa 2020 huma allinjati mal-konklużjonijiet tal-Kunsill Ewropew tas-17 u t-18 ta' Marzu 2016 u mal-Patt ta' Stabbiltà u Tkabbir. Huma jagħtu gwida preċiża lill-Istati Membri fid-definizzjoni tal-Programmi Nazzjonali ta' Riforma tagħhom u fl-implimentazzjoni tar-riformi, filwaqt li jirriflettu l-interdipendenza. Il-linji gwida dwar l-impjiegi għandhom jiffurmaw il-bażi għal kwalunkwe rakkomandazzjoni speċifika għall-pajjiż li l-Kunsill jista' jindirizza lill-Istati Membri taħt l-Artikolu 148(4) TFUE, b'mod parallel mar-rakkomandazzjonijiet speċifiċi għall-pajjiż indirizzati lill-Istati Membri taħt l-Artikolu 121(2) TFUE. Il-linji gwida dwar l-impjiegi għandhom ukoll jifformaw il-bażi għall-istabbiliment tar-Rapport Konġunt dwar l-Impjiegi li jintbagħat kull sena mill-Kunsill u mill-Kummissjoni lill-Kunsill Ewropew. |
(4) |
L-eżami ta' Programmi Nazzjonali ta' Riforma tal-Istati Membri li jinsab fir-Rapport Konġunt dwar l-Impjiegi juri li l-Istati Membri għandhom jagħmlu kull sforz biex tingħata spinta lid-domanda għax-xogħol, tissaħħaħ il-provvista tax-xogħol, il-kompetenzi u l-kompetenzi, jissaħħaħ il-funzjonament tas-suq tax-xogħol, tiġi promossa l-inklużjoni soċjali, il-ġlieda kontra l-faqar u l-promozzjoni ta' opportunitajiet indaqs. |
(5) |
L-Istati Membri għandhom jesploraw l-użu tal-Fond Soċjali Ewropew fl-implimentazzjoni tal-linji gwida dwar l-impjiegi. |
(6) |
Il-linji gwida dwar l-impjiegi għandhom jibqgħu stabbli sabiex jiġi żgurat fokus fuq l-implimentazzjoni tagħhom. Kwalunkwe aġġornament tal-linji gwida dwar l-impjiegi għandu għalhekk jibqa' strettament limitat. Fid-dawl ta' valutazzjoni tal-iżviluppi tas-swieq tax-xogħol u tas-sitwazzjoni soċjali mill-adozzjoni tal-linji gwida dwar l-impjiegi fl-2015, mhuwiex neċessarju aġġornament. Ir-raġunijiet għall-adozzjoni tagħhom fl-2015 għadhom validi, għalhekk dawk il-linji gwida għandhom jinżammu, |
ADOTTA DIN ID-DEĊIŻJONI:
Artikolu 1
Il-linji gwida għal-linji politiċi dwar l-impjiegi tal-Istati Membri, kif indikat fl-Anness għad-Deċiżjoni (UE) 2015/1848, jinżammu għall-2016 u għandhom ikunu kkunsidrati mill-Istati Membri fil-linji politiċi tagħhom dwar l-impjiegi.
Artikolu 2
Din id-Deċiżjoni hija indirizzata lill-Istati Membri.
Magħmul fil-Lussemburgu, it-13 ta' Ottubru 2016.
Għall-Kunsill
Il-President
J. RICHTER
(1) Opinjoni tal-15 ta' Settembru 2016 (għadha ma ġietx ippubblikata fil-Ġurnal Uffiċjali).
(2) ĠU C 264, 20.7.2016, p. 134.
(3) Opinjoni tas-16 ta' Frar 2016.
(4) Rakkomandazzjoni tal-Kunsill (UE) 2015/1184 tal-14 ta' Lulju 2015 dwar linji gwida ġenerali għall-politiki ekonomiċi tal-Istati Membri u tal-Unjoni Ewropea (ĠU L 192, 18.7.2015, p. 27).
(5) Deċiżjoni tal-Kunsill (UE) 2015/1848 tal-5 ta' Ottubru 2015 dwar linji gwida għal-linji politiċi dwar l-impjiegi tal-Istati Membri għall-2015 (ĠU L 268, 15.10.2015, p. 28).