This document is an excerpt from the EUR-Lex website
Document 32016D1763
Council Decision (EU, Euratom) 2016/1763 of 29 September 2016 appointing three members of the Court of Auditors
Deċiżjoni tal-Kunsill (UE, Euratom) 2016/1763 tad-29 ta' Settembru 2016 li taħtar tliet membri tal-Qorti tal-Awdituri
Deċiżjoni tal-Kunsill (UE, Euratom) 2016/1763 tad-29 ta' Settembru 2016 li taħtar tliet membri tal-Qorti tal-Awdituri
ĠU L 269, 4.10.2016, p. 13–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force
|
4.10.2016 |
MT |
Il-Ġurnal Uffiċjali tal-Unjoni Ewropea |
L 269/13 |
DEĊIŻJONI TAL-KUNSILL (UE, Euratom) 2016/1763
tad-29 ta' Settembru 2016
li taħtar tliet membri tal-Qorti tal-Awdituri
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 286(2) tiegħu,
Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a tiegħu,
Wara li kkunsidra l-proposti mir-Repubblika ta' Ċipru, Malta u r-Repubblika Portugiża,
Wara li kkunsidra l-opinjoni tal-Parlament Ewropew (1),
Billi:
|
(1) |
Il-mandat tas-Sur Louis GALEA skada fis-6 ta' Mejju 2016. |
|
(2) |
Il-mandat tas-Sur Lazaros S. LAZAROU ser jiskadi fl-1 ta' Novembru 2016. |
|
(3) |
Permezz tal-ittra datata 20 ta' Mejju 2016, is-Sur Vítor Manuel da SILVA CALDEIRA ħabbar ir-riżenja tiegħu. |
|
(4) |
Għaldaqstant għandhom isiru ħatriet ġodda, |
ADOTTA DIN ID-DEĊIŻJONI:
Artikolu 1
1. Is-Sur Leo BRINCAT huwa b'dan maħtur bħala membru tal-Qorti tal-Awdituri għall-perijodu mill-1 ta' Ottubru 2016 sat-30 ta' Settembru 2022.
2. Is-Sur Lazaros S. LAZAROU huwa b'dan maħtur membru tal-Qorti tal-Awdituri għall-perijodu mit-2 ta' Novembru 2016 sal-1 ta' Novembru 2022.
3. Is-Sur João Alexandre TAVARES GONÇALVES DE FIGUEIREDO huwa b'dan maħtur bħala membru tal-Qorti tal-Awdituri għall-perijodu mill-1 ta' Ottubru 2016 sat-28 ta' Frar 2018.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-29 ta' Settembru 2016.
Għall-Kunsill
Il-President
P. ŽIGA
(1) Opinjoni ta' 13 ta' Settembru 2016 (għadha ma ġietx ippubblikata fil-Ġurnal Uffiċjali).