This document is an excerpt from the EUR-Lex website
Document 32016D1636
Political and Security Committee Decision (CFSP) 2016/1636 of 6 September 2016 on the acceptance of third States' contributions to the European Union CSDP Military Training Mission in the Central African Republic (EUTM RCA) (EUTM RCA/1/2016)
Deċiżjoni tal-Kumitat Politiku u ta' Sigurtà (PESK) 2016/1636 tas-6 ta' Settembru 2016 dwar l-aċċettazzjoni tal-kontributi ta' Stati terzi għall-Missjoni ta' Taħriġ tal-PSDK tal-Unjoni Ewropea fir-Repubblika Ċentru-Afrikana (EUTM RCA) (EUTM RCA/1/2016)
Deċiżjoni tal-Kumitat Politiku u ta' Sigurtà (PESK) 2016/1636 tas-6 ta' Settembru 2016 dwar l-aċċettazzjoni tal-kontributi ta' Stati terzi għall-Missjoni ta' Taħriġ tal-PSDK tal-Unjoni Ewropea fir-Repubblika Ċentru-Afrikana (EUTM RCA) (EUTM RCA/1/2016)
ĠU L 243, 10.9.2016, p. 13–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
10.9.2016 |
MT |
Il-Ġurnal Uffiċjali tal-Unjoni Ewropea |
L 243/13 |
DEĊIŻJONI TAL-KUMITAT POLITIKU U TA' SIGURTÀ (PESK) 2016/1636
tas-6 ta' Settembru 2016
dwar l-aċċettazzjoni tal-kontributi ta' Stati terzi għall-Missjoni ta' Taħriġ tal-PSDK tal-Unjoni Ewropea fir-Repubblika Ċentru-Afrikana (EUTM RCA) (EUTM RCA/1/2016)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill (PESK) 2016/610 tad-19 ta' April 2016 dwar Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA) (1),
Billi:
(1) |
Skont l-Artikolu 8(2) tad-Deċiżjoni tal-Kunsill (PESK) 2016/610, il-Kunsill awtorizza lill-Kumitat Politiku u ta' Sigurtà (KPS) biex jieħu d-deċiżjonijiet rilevanti dwar l-aċċettazzjoni tal-kontributi proposti minn Stati terzi. |
(2) |
Wara rakkomandazzjoni mill-Kmandant tal-Missjoni tal-UE dwar kontribut mill-Georgia u l-parir mill-Kumitat Militari tal-Unjoni Ewropea, il-kontribut mill-Georgia għandu jiġi aċċettat. |
(3) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness għat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża. Konsegwentement, id-Danimarka mhux qed tieħu sehem fl-adozzjoni ta' din id-Deċiżjoni u la hi marbuta biha u lanqas mhija soġġetta għall-applikazzjoni tagħha, |
ADOTTA DIN ID-DEĊIŻJONI:
Artikolu 1
Kontributi ta' Stati Terzi
1. Il-kontribut mill-Georgia għal EUTM RCA huwa aċċettat u meqjus bħala sinifikanti.
2. Il-Georgia hija eżentata minn kontribuzzjonijiet finanzjarji għall-baġit tal-EUTM RCA.
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, is-6 ta' Settembru 2016.
Għall-Kumitat Politiku u ta' Sigurtà
Il-President
W. STEVENS
(1) ĠU L 104, 20.4.2016, p. 21.