This document is an excerpt from the EUR-Lex website
Document 32016D0608
Council Decision (CFSP) 2016/608 of 18 April 2016 concerning the temporary reception by Member States of the European Union of certain Palestinians
Deċiżjoni tal-Kunsill (PESK) 2016/608 tat-18 ta' April 2016 dwar l-ilqugħ temporanju ta' ċerti Palestinjani minn Stati Membri tal-Unjoni Ewropea
Deċiżjoni tal-Kunsill (PESK) 2016/608 tat-18 ta' April 2016 dwar l-ilqugħ temporanju ta' ċerti Palestinjani minn Stati Membri tal-Unjoni Ewropea
ĠU L 104, 20.4.2016, p. 18–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.4.2016 |
MT |
Il-Ġurnal Uffiċjali tal-Unjoni Ewropea |
L 104/18 |
DEĊIŻJONI TAL-KUNSILL (PESK) 2016/608
tat-18 ta' April 2016
dwar l-ilqugħ temporanju ta' ċerti Palestinjani minn Stati Membri tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 u l-Artikolu 31(1) tiegħu,
Billi:
(1) |
Fil-5 ta' Marzu 2015, il-Kunsill adotta d-Deċiżjoni (PESK) 2015/363 (1) dwar l-ilqugħ temporanju ta' ċerti Palestinjani minn Stati Membri li pprovdiet għal estensjoni tal-validità tal-permessi nazzjonali tagħhom għad-dħul, u s-soġġorn, fit-territorju tal-Istati Membri msemmija fil-Pożizzjoni Komuni 2002/400/PESK (2) għal perijodu ulterjuri ta' 24 xahar. |
(2) |
Fuq il-bażi ta' evalwazzjoni tal-applikazzjoni tal-Pożizzjoni Komuni 2002/400/PESK, il-Kunsill iqis li jkun xieraq li l-validità ta' dawk il-permessi tiġi estiża għal perijodu ulterjuri ta' 24 xahar, |
ADOTTA DIN ID-DEĊIŻJONI:
Artikolu 1
L-Istati Membri msemmija fl-Artikolu 2 tal-Pożizzjoni Komuni 2002/400/PESK għandhom jestendu l-validità ta' permessi nazzjonali għad-dħul u s-soġġorn mogħtija f'konformità mal-Artikolu 3 tal-Pożizzjoni Komuni għal perijodu ulterjuri ta' 24 xahar li jibda mill-31 ta' Jannar 2016.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-18 ta' April 2016.
Għall-Kunsill
Il-President
F. MOGHERINI
(1) Id-Deċiżjoni tal-Kunsill (PESK) 2015/363 tal-5 ta' Marzu 2015 dwar l-ilqugħ temporanju ta' ċerti Palestinjani mill-Istati Membri tal-Unjoni Ewropea (ĠU L 62, 6.3.2015, p. 24).
(2) Il-Pożizzjoni Komuni tal-Kunsill 2002/400/PESK tal-21 ta' Mejju 2002 dwar l-ilqugħ temporanju minn Stati Membri tal-Unjoni Ewropea ta' ċerti Palestinjani (ĠU L 138, 28.5.2002, p. 33).