Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016D0598

    Deċiżjoni ta' Implimentazzjoni tal-Kummissjoni (UE) 2016/598 tal-14 ta' April 2016 li tawtorizza l-estensjoni tal-użu tal-estratt tal-lipidi mill-Krill tal-Antartiku (Euphausia superba) bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill

    C/2016/2104

    ĠU L 103, 19.4.2016, p. 34–36 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec_impl/2016/598/oj

    19.4.2016   

    MT

    Il-Ġurnal Uffiċjali tal-Unjoni Ewropea

    L 103/34

    DEĊIŻJONI TA' IMPLIMENTAZZJONI TAL-KUMMISSJONI (UE) 2016/598

    tal-14 ta' April 2016

    li tawtorizza l-estensjoni tal-użu tal-estratt tal-lipidi mill-Krill tal-Antartiku (Euphausia superba) bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill

    (It-test bl-Ingliż biss huwa awtentiku)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (1), u b'mod partikolari l-Artikolu 7 tiegħu,

    Billi:

    (1)

    Id-Deċiżjoni tal-Kummissjoni 2009/752/KE (2) awtorizzat, f'konformità mar-Regolament (KE) Nru 258/97, it-tqegħid fis-suq tal-estratt tal-lipidi mill-Krill tal-Antartiku (Euphausia superba) bħala ingredjent tal-ikel ġdid biex jintuża f'ċertu ikel u oġġetti tal-ikel.

    (2)

    Fl-11 ta' Diċembru 2009, il-kumpanija Aker BioMarine Antarctic AS innotifikat lill-Kummissjoni dwar l-intenzjoni li tqiegħed fis-suq estratt tal-lipidi mill-Krill tal-Antartiku (Euphausia superba) abbażi ta' opinjoni mogħtija mill-entità kompetenti għall-valutazzjoni tal-ikel tal-Finlandja dwar l-ekwivalenza sostanzjali tal-estratt tal-lipidi tagħha mill-Krill tal-Antartiku (Euphausia superba) awtorizzat permezz tad-Deċiżjoni 2009/752/KE.

    (3)

    Fil-15 ta' Settembru 2014, il-kumpanija Aker BioMarine Antarctic AS talbet lill-awtoritajiet kompetenti tal-Irlanda għal estensjoni tal-użi tal-estratt tal-lipidi mill-Krill tal-Antartiku (Euphausia superba) bħala ingredjent tal-ikel ġdid.

    (4)

    Fit-23 ta' Diċembru 2014, l-entità kompetenti għall-valutazzjoni tal-ikel tal-Irlanda ħarġet l-ewwel rapport ta' valutazzjoni tagħha. F'dak ir-rapport, ikkonkludiet li l-estensjoni tal-użi tal-estratt tal-lipidi mill-Krill tal-Antartiku (Euphausia superba) tissodisfa l-kriterji tal-ikel il-ġdid stabbiliti fl-Artikolu 3(1) tar-Regolament (KE) Nru 258/97.

    (5)

    Fit-22 ta' Jannar 2015, il-Kummissjoni għaddiet l-ewwel rapport ta' valutazzjoni lill-Istati Membri l-oħra.

    (6)

    Matul il-perjodu ta' 60 jum stabbilit fl-ewwel subparagrafu tal-Artikolu 6(4) tar-Regolament (KE) Nru 258/97, tqajmu xi oġġezzjonijiet motivati. B'konsegwenza ta' dan, l-applikant biddel it-talba dwar il-kategoriji tal-ikel proposta. Din il-bidla u l-ispjegazzjonijiet addizzjonali min-naħa tal-applikant taffew it-tħassib għas-sodisfazzjon tal-Istati Membri u l-Kummissjoni.

    (7)

    Id-Direttiva 2002/46/KE tal-Parlament Ewropew u tal-Kunsill (3) tistabbilixxi rekwiżiti dwar is-supplimenti tal-ikel. L-użu tal-estratt tal-lipidi mill-Krill tal-Antartiku (Euphausia superba) għandu jkun awtorizzat mingħajr preġudizzju għar-rekwiżiti ta' dik il-leġiżlazzjoni.

    (8)

    Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DIN ID-DEĊIŻJONI:

    Artikolu 1

    L-estratt tal-lipidi mill-Krill tal-Antartiku (Euphausia superba) kif speċifikat fl-Anness I jista' jitqiegħed fis-suq tal-Unjoni bħala ingredjent tal-ikel ġdid għall-użi definiti u fil-livelli massimi stabbiliti fl-Anness II mingħajr preġudizzju għad-dispożizzjonijiet speċifiċi tad-Direttiva 2002/46/KE.

    Artikolu 2

    Id-denominazzjoni ta' estratt tal-lipidi mill-Krill tal-Antartiku (Euphausia superba) awtorizzata permezz ta' din id-Deċiżjoni dwar it-tikkettar tal-oġġetti tal-ikel li fihom dan l-ingredjent għandha tkun “estratt tal-lipidi mill-krustaċju Krill tal-Antartiku (Euphausia superba)”.

    Artikolu 3

    Din id-Deċiżjoni hija indirizzata lil Aker BioMarine Antarctic AS, PO Box 496 NO-1327, Lysaker, in-Norveġja.

    Magħmul fi Brussell, l-14 ta' April 2016.

    Għall-Kummissjoni

    Vytenis ANDRIUKAITIS

    Membru tal-Kummissjoni

    (1)  ĠU L 43, 14.2.1997, p. 1.

    (2)  Id-Deċiżjoni tal-Kummissjoni 2009/752/KE tat-12 ta' Ottubru 2009 dwar l-awtorizzazzjoni għat-tqegħid fis-suq ta' estratt lipidu mill-Krill tal-Antartiku Euphausia superba bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill (ĠU L 268, 13.10.2009, p. 33).

    (3)  Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).

    ANNESS I

    Speċifikazzjoni ta' estratt tal-lipidi mill-Krill tal-Antartiku (Euphausia superba)

    Deskrizzjoni: Sabiex jiġi prodott l-estratt tal-lipidi mill-Krill tal-Antartiku (Euphausia superba), il-krill tal-Antartiku mitħun jiġi soġġett għall-estrazzjoni bl-etanol. Il-proteini u l-krill jitneħħew mill-estratt tal-lipidi permezz tal-filtrazzjoni. L-etanol u l-ilma li jibqa' jitneħħew permezz tal-evaporazzjoni.

    Test

    Speċifikazzjoni

    Valur tas-saponifikazzjoni

    Mhux aktar minn 185 mg KOH/g

    Valur tal-perossidu (PV)

    Mhux aktar minn 2 meq O2/kg żejt

    Umdità u volatili

    Mhux aktar minn 0,6 (1)

    Fosfolipidi

    Mhux anqas minn 35 % w/w

    Aċidi xaħmin trans

    Mhux aktar minn 1 % w/w

    EPA (aċidu ejkosapentenojku)

    Mhux anqas minn 15 % tal-aċidi xaħmin totali

    DHA (aċidu dokosaeżaenojku)

    Mhux anqas minn 7 % tal-aċidi xaħmin totali

    (1)  Espress bħala attività tal-ilma f'25 °C.

    ANNESS II

    Użi awtorizzati tal-estratt tal-lipidi mill-Krill tal-Antartiku (Euphausia superba)

    Kategorija tal-ikel

    Kontenut massimu ta' DHA u EPA kombinati

    Supplimenti tal-ikel kif definiti fid-Direttiva 2002/46/KE.

    3 g kuljum għall-popolazzjoni ġenerali

    450 mg kuljum għan-nisa tqal u li jreddgħu

    Nota: Il-prodotti kollha tal-ikel li fihom iż-żejt rikk fid-DHA u l-EPA mill-Krill tal-Antartiku għandhom juru l-istabbiltà ossidattiva permezz ta' metodoloġija tal-ittestjar nazzjonali/internazzjonali xierqa u rikonoxxuta (eż. AOAC).
    Top