This document is an excerpt from the EUR-Lex website
Document 32016D0123
Council Decision (EU) 2016/123 of 26 October 2015 on the signing, on behalf of the European Union, and provisional application of the Enhanced Partnership and Cooperation Agreement between the European Union and its Member States, of the one part, and the Republic of Kazakhstan, of the other part
Deċiżjoni tal-Kunsill (UE) 2016/123 tas-26 ta' Ottubru 2015 dwar l-iffirmar, f'isem l-Unjoni Ewropea, u l-applikazzjoni provviżorja tal-Ftehim Imsaħħaħ ta' Sħubija u Kooperazzjoni bejn l-Unjoni Ewropea u l-Istati Membri tagħha, min-naħa l-waħda, u r-Repubblika tal-Każakistan, min-naħa l-oħra
Deċiżjoni tal-Kunsill (UE) 2016/123 tas-26 ta' Ottubru 2015 dwar l-iffirmar, f'isem l-Unjoni Ewropea, u l-applikazzjoni provviżorja tal-Ftehim Imsaħħaħ ta' Sħubija u Kooperazzjoni bejn l-Unjoni Ewropea u l-Istati Membri tagħha, min-naħa l-waħda, u r-Repubblika tal-Każakistan, min-naħa l-oħra
ĠU L 29, 4.2.2016, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2016/123/oj
|
4.2.2016 |
MT |
Il-Ġurnal Uffiċjali tal-Unjoni Ewropea |
L 29/1 |
DEĊIŻJONI TAL-KUNSILL (UE) 2016/123
tas-26 ta' Ottubru 2015
dwar l-iffirmar, f'isem l-Unjoni Ewropea, u l-applikazzjoni provviżorja tal-Ftehim Imsaħħaħ ta' Sħubija u Kooperazzjoni bejn l-Unjoni Ewropea u l-Istati Membri tagħha, min-naħa l-waħda, u r-Repubblika tal-Każakistan, min-naħa l-oħra
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 37 u l-Artikolu 31(1) tiegħu,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 91, l-Artikolu 100(2) u l-Artikoli 207 u 209, flimkien mal-Artikolu 218(5) u t-tieni subparagrafu tal-Artikolu 218(8) tiegħu,
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u mill-Kummissjoni Ewropea,
Billi:
|
(1) |
Fit-13 ta' April 2011, il-Kunsill awtorizza lill-Kummissjoni biex tiftaħ negozjati mar-Repubblika tal-Każakistan dwar Ftehim Imsaħħaħ ta' Sħubija u Kooperazzjoni (“il-Ftehim”). |
|
(2) |
In-negozjati dwar il-Ftehim irnexxew u l-Ftehim ġie inizjalat fl-20 ta' Jannar 2015. |
|
(3) |
L-Artikolu 281 tal-Ftehim jipprovdi għall-applikazzjoni provviżorja sħiħa jew parzjali tal-Ftehim qabel ma jidħol fis-seħħ. |
|
(4) |
Il-Ftehim għandu jiġi ffirmat f'isem l-Unjoni u jiġi applikat parzjalment fuq bażi provviżorja, sakemm jitlestew il-proċeduri għall-konklużjoni tiegħu. |
|
(5) |
L-iffirmar tal-Ftehim f'isem l-Unjoni u l-applikazzjoni provviżorja ta' partijiet tal-Ftehim bejn l-Unjoni u r-Repubblika tal-Każakistan huwa mingħajr preġudizzju għall-allokazzjoni ta' kompetenzi bejn l-Unjoni u l-Istati Membri tagħha skont it-Trattati, |
ADOTTA DIN ID-DEĊIŻJONI:
Artikolu 1
1. L-iffirmar f'isem l-Unjoni tal-Ftehim Imsaħħaħ ta' Sħubija u Kooperazzjoni bejn l-Unjoni Ewropea u l-Istati Membri tagħha, min-naħa l-waħda, u r-Repubblika tal-Każakistan, min-naħa l-oħra, huwa b'dan awtorizzat, soġġett għall-konklużjoni tal-imsemmi Ftehim.
2. It-test tal-Ftehim huwa mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat li jinnomina l-persuna jew persuni li jkollhom is-setgħa li jiffirmaw il-Ftehim f'isem l-Unjoni.
Artikolu 3
1. Sakemm il-Ftehim jidħol fis-seħħ, skont l-Artikolu 281 tal-Ftehim u soġġett għan-notifiki previsti fih, il-partijiet segwenti tal-Ftehim għandhom jiġu applikati b'mod provviżorju bejn l-Unjoni u r-Repubblika tal-Każakistan, iżda biss sa fejn dawn ikopru materji li jaqgħu fil-kompetenza tal-Unjoni, inklużi materji li jaqgħu fil-kompetenza tal-Unjoni għad-definizzjoni u l-implimentazzjoni ta' politika estera u ta' sigurtà komuni:
|
(a) |
Titolu I; |
|
(b) |
Titolu II: l-Artikoli 4, 5, 9 u 10; |
|
(c) |
Titolu III (bl-eċċezzjoni tal-Artikoli 56 u 58, l-Artikolu 62 sal-punt li jikkonċerna l-infurzar kriminali tad-drittijiet dwar il-proprjetà intellettwali, u l-Artikolu 147). L-applikazzjoni provviżorja tal-Artikolu 141 m'għandhiex taffettwa d-drittijiet sovreni tal-Istati Membri fuq ir-riżorsi tagħhom tal-idrokarburi skont id-dritt internazzjonali, inklużi d-drittijiet u l-obbligi tagħhom bħala Partijiet għall-Konvenzjoni tan-Nazzjonijiet Uniti tal-1982 dwar il-Liġi tal-Baħar. |
|
(d) |
Titolu IV: il-Kapitoli 5, 6 u 7 (bl-eċċezzjoni tal-punt (c) tal-Artikolu 210 u l-punti (b), (f), (g), (h) u (i) tal-Artikolu 212), u l-Kapitoli 12 u 15; |
|
(e) |
Titolu V: l-Artikolu 235 u l-Artikolu 238 (bl-eċċezzjoni tal-paragrafi 2 u 3); |
|
(f) |
Titolu VI: Kapitoli 5 u 9; |
|
(g) |
Titolu VII; |
|
(h) |
Titolu VIII (safejn id-dispożizzjonijiet ta' dak it-Titolu huma limitati għall-fini li tiġi żgurata l-applikazzjoni provviżorja tal-Ftehim); |
|
(i) |
Titolu IX (bl-eċċezzjoni tal-Artikolu 281(7), safejn dawk id-dispożizzjonijiet ta' dak it-Titolu huma limitati għall-fini li tiġi żgurata l-applikazzjoni provviżorja tal-Ftehim f'konformità ma' dan l-Artikolu); |
|
(j) |
L-Annessi I sa VII kif ukoll il-Protokoll dwar l-Assistenza Amministrattiva Reċiproka fi Kwistjonijiet Doganali. |
2. Id-data minn meta l-Ftehim għandu jiġi applikat provviżorjament għandha tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.
Artikolu 4
Din id-Deċiżjoni għandha tidħol fis-seħħ fil-jum ta' wara dak tal-adozzjoni tagħha.
Magħmul fil-Lussemburgu, is-26 ta' Ottubru 2015.
Għall-Kunsill
Il-President
F. MOGHERINI