This document is an excerpt from the EUR-Lex website
Document 32015R2265
Council Regulation (EU) 2015/2265 of 7 December 2015 opening and providing for the management of autonomous Union tariff quotas for certain fishery products for the period 2016-2018
Regolament tal-Kunsill (UE) 2015/2265 tas-7 ta' Diċembru 2015 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
Regolament tal-Kunsill (UE) 2015/2265 tas-7 ta' Diċembru 2015 li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
ĠU L 322, 8.12.2015, p. 4–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2018: This act has been changed. Current consolidated version: 01/01/2016
|
8.12.2015 |
MT |
Il-Ġurnal Uffiċjali tal-Unjoni Ewropea |
L 322/4 |
REGOLAMENT TAL-KUNSILL (UE) 2015/2265
tas-7 ta' Diċembru 2015
li jiftaħ u jipprevedi l-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2016–2018
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 31 tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Il-provvisti tal-Unjoni ta' ċerti prodotti tas-sajd attwalment jiddependu fuq l-importazzjonijiet minn pajjiżi terzi. Fl-aħħar 18-il sena, l-Unjoni saret aktar dipendenti fuq l-importazzjonijiet biex tissodisfa l-konsum tagħha tal-prodotti tas-sajd. Sabiex ma jipperikolawx il-produzzjoni tal-Unjoni tal-prodotti tas-sajd u sabiex tiġi żgurata l-provvista adegwata għall-industrija tal-ipproċessar tal-Unjoni, id-dazji tal-importazzjoni għandhom jitnaqqsu jew jiġu sospiżi għal għadd ta' prodotti tas-sajd fil-kwoti tariffarji ta' volum xieraq. Għandha titqies ukoll is-sensittività ta' prodotti tas-sajd individwali fis-suq tal-Unjoni biex ikunu ggarantiti kondizzjonijiet ekwivalenti ta' kompetizzjoni għall-produtturi tal-Unjoni. |
|
(2) |
Ir-Regolament tal-Kunsill (UE) Nru 1220/2012 (1) fetaħ u pprovda għall-ġestjoni ta' kwoti tariffarji awtonomi tal-Unjoni għal ċerti prodotti tas-sajd għall-perijodu 2013-2015. Minħabba li l-perijodu tal-applikazzjoni ta' dak ir-Regolament jiskadi fil-31 ta' Diċembru 2015, huwa importanti li r-regoli rilevanti li jinsabu fih jiġu riflessi fil-perijodu mill-2016–2018. |
|
(3) |
Għandu jiġi żgurat aċċess ugwali u bla interruzzjoni għall-kwoti tariffarji provduti f'dan ir-Regolament għall-importaturi kollha tal-Unjoni, u r-rati stabbiliti għall-kwoti tariffarji għandhom jiġu applikati mingħajr interruzzjoni għall-importazzjonijiet kollha tal-prodotti tas-sajd ikkonċernati fl-Istati Membri kollha sakemm il-kwoti tariffarji jkunu ntużaw kollha. |
|
(4) |
Ir-Regolament tal-Kummissjoni (KEE) Nru 2454/93 (2) jipprovdi għal sistema ta' ġestjoni ta' kwoti tariffarji li ssegwi l-ordni kronoloġiku tad-dati tal-aċċettazzjoni tad-dikjarazzjonijiet tal-aċċettazzjoni għar-rilaxx għaċ-ċirkolazzjoni libera. Il-kwoti tariffarji miftuħa b'dan ir-Regolament għandhom jiġu ġestiti mill-Kummissjoni u l-Istati Membri skont dik is-sistema. |
|
(5) |
L-applikazzjoni tal-Ftehim Ekonomiku u Kummerċjali Komprensiv bejn l-Unjoni Ewropea u l-Kanada ser tibdel l-aċċess preferenzjali disponibbli għas-suq tal-Unjoni għall-gambli u l-gambli kbar tal-ispeċi Pandalus borealis koperti minn kwota tariffarja kif stipulat f'dan ir-Regolament. Dik il-kwota għandha għalhekk tiġi adattata sabiex tiżgura l-istess livell ta' provvista preferenzjali għas-suq tal-Unjoni bħal qabel id-dħul fis-seħħ jew l-applikazzjoni proviżorja ta' dak il-Ftehim. |
|
(6) |
L-applikazzjoni tal-protokoll addizzjonali tal-ftehim bejn il-Komunità Ekonomika Ewropea u r-Renju tan-Norveġja li kien nnegozjat b'mod parallel mal-Mekkaniżmu Finanzjarju taż-ŻEE għall-2014–2021 ser tibdel l-aċċess preferenzjali disponibbli għas-suq tal-Unjoni għall-aringi koperti minn żewġ kwoti tariffarji provduti f'dan ir-Regolament. Dawk il-kwoti għandhom għaldaqstant jiġu adattati sabiex jiġi żgurat l-istess livell ta' provvista preferenzjali għas-suq tal-Unjoni bħal qabel id-dħul fis-seħħ jew l-applikazzjoni proviżorja ta' dak il-protokoll addizzjonali. |
|
(7) |
Huwa importanti li l-industrija tal-ipproċessar tal-prodotti tas-sajd tiġi pprovduta bis-sigurtà tal-provvista ta' materja prima tas-sajd sabiex jiġu permessi t-tkabbir kontinwat u l-investiment, u l-aktar importanti, biex hija tkun tista' tibdel is-sospensjonijiet bi kwoti mingħajr interruzzjoni tal-provvista. Huwa għalhekk xieraq li jsir provvediment, fir-rigward ta' ċerti prodotti tas-sajd li għalihom applikaw is-sospensjonijiet, għal sistema li toħloq żieda awtomatika fil-kwoti tariffarji applikabbli taħt ċerti kondizzjonijiet. |
|
(8) |
Biex tiġi żgurata l-effiċjenza ta' ġestjoni komuni tal-kwoti tariffarji, l-Istati Membri għandhom jingħataw permess li jieħdu mill-ammont tal-kwota tariffarja l-kwantitajiet neċessarji li jikkorrispondu mal-importazzjoni proprji tagħhom. Peress li dak il-metodu ta' ġestjoni jeħtieġ kooperazzjoni mill-qrib bejn l-Istati Membri u l-Kummissjoni, il-Kummissjoni għandha tkun tista' timmonitorja r-rata li biha jintużaw il-kwoti tariffarji u għandha tinforma lill-Istati Membri b'dan, |
ADOTTA DAN IR-REGOLAMENT:
Artikolu 1
Id-dazji tal-importazzjoni fuq il-prodotti elenkati fl-Anness għandhom jitnaqqsu jew jiġu sospiżi sakemm ma jaqbżux il-limiti tal-kwoti tariffarji bir-rati, għall-perijodi rrappurtati u sal-ammonti indikati hemmhekk.
Artikolu 2
Il-kwoti tariffarji msemmija fl-Artikolu 1 ta' dan ir-Regolament għandhom jiġu ġestiti skont l-Artikoli 308a, 308b u 308c(1) tar-Regolament (KEE) Nru 2454/93.
Artikolu 3
1. Il-kwota tariffarja applikabbli taħt in-numru tal-ordni 09.2794 għall-gambli u l-gambli kbar tal-ispeċi Pandalus borealis u Pandalus montagui, imsajrin u mqaxxra, għall-ipproċessar, stabbilita fl-Anness ta' dan ir-Regolament għal 30 000 tunellata fis-sena, għandha titnaqqas awtomatikament għal 7 000 tunnellata fis-sena mill-1 ta' Jannar tas-sena ta' wara dik li fiha l-Ftehim Ekonomiku u Kummerċjali Komprensiv bejn l-Unjoni Ewropea u l-Kanada jidħol fis-seħħ jew jiġi applikat b'mod proviżorju, skont liema jseħħ l-ewwel.
2. Il-kwota tariffarja applikabbli skont in-numru tal-ordni 09.2788 għall-aringi, ta' piż li jaqbeż 100 g l-biċċa jew qatgħat (“flaps”) ta' piż li jaqbeż 80 g l-biċċa għall-ipproċessar, iffissata fl-Anness għal dan ir-Regolament għal 17 500 tunnellata fis-sena, għandha titnaqqas awtomatikament għal 12 000 tunnellata fis-sena minn xahrejn wara li l-protokoll addizzjonali tal-ftehim bejn il-Komunità Ekonomika Ewropea u r-Renju tan-Norveġja, li kien innegozjat b'mod parallel mal-Mekkaniżmu Finanzjarju taż-ŻEE għall-2014–2021, jidħol fis-seħħ jew jiġi applikat proviżorjament, skont liema jseħħ l-ewwel. Madankollu, ma għandu japplika l-ebda tnaqqis awtomatiku meta l-bilanċ disponibbli ta' dik il-kwota tariffarja fil-mument rilevanti jkun 12 000 tunnellata jew inqas.
3. Il-kwota tariffarja applikabbli skont in-numru tal-ordni 09.2792 għall-aringi, imħawrin u/jew ippreservati fil-ħall, fis-salmura, ippreservati fi btieti b'piż nett mingħajr ilma ta' mill-inqas 70kg, għall-ipproċessar, iffissata fl-Anness għal dan ir-Regolament għal 15 000 tunnellata fis-sena, għandha awtomatikament titnaqqas għal 7 500 tunnellata fis-sena minn xahrejn wara li l-protokoll addizzjonali tal-ftehim bejn il-Komunità Ekonomika Ewropea u r-Renju tan-Norveġja, li kien innegozjat b'mod parallel mal-Mekkanżimu Finanzjarju taż-ŻEE għall-2014–2021, jidħol fis-seħħ jew jiġi applikat proviżorjament, skont liema jseħħ l-ewwel. Madankollu, ma għandu japplika l-ebda tnaqqis awtomatiku meta l-bilanċ disponibbli ta' dik il-kwota tariffarja fil-mument rilevanti jkun 7 500 tunnellata jew inqas.
4. Il-Kummissjoni għandha, mingħajr dewmien bla bżonn, tgħarraf lill-Istati Membri li l-kondizzjonijiet stabbiliti fil-paragrafi 1 sa 3 ġew sodisfatti u għandha tippubblika informazzjoni dwar il-kwota tariffarja li għadha kif saret applikabbli fis-serje C ta' Il-Ġurnal Uffiċjali tal-Unjoni Ewropea.
Artikolu 4
1. Mingħajr dewmien bla bżonn, il-Kummissjoni għandha tivverifika jekk, mit-30 ta' Settembru tas-sena kalendarja rilevanti, intużatx 80 % tal-kwota tariffarja annwali, fir-rigward ta' prodott tas-sajd li għalih japplika dan l-Artikolu skont l-Anness. Jekk dak ikun il-każ, il-kwota tariffarja annwali stabbilita fl-Anness għandha tkun meqjusa bħala miżjuda awtomatikament b'20 %. Il-kwota tariffarja annwali miżjuda għandha tkun il-kwota tariffarja applikabbli fir-rigward ta' dak il-prodott tas-sajd għas-sena kalendarja rilevanti.
2. Fuq talba ta' mill-inqas Stat Membru wieħed u mingħajr preġudizzju għall-paragrafu 1, il-Kummissjoni għandha tivverifika jekk intużatx 80 % tal-kwota tariffarja annwali fir-rigward ta' prodott tas-sajd li għalih japplika dan l-Artikolu skont l-Anness qabel it-30 ta' Settembru tas-sena kalendarja rilevanti. Jekk dak ikun il-każ, għandu japplika l-paragrafu 1.
3. Il-Kummissjoni għandha, mingħajr dewmien bla bżonn, tinforma lill-Istati Membri li l-kondizzjonijiet stabbiliti fil-paragrafu 1 jew 2 ġew sodisfatti u għandha tippubblika informazzjoni dwar il-kwota tariffarja applikabbli reċentement fis-serje C ta' Il-Ġurnal Uffiċjali tal-Unjoni Ewropea.
4. Għas-sena kalendarja rilevanti ma tista' tapplika l-ebda żieda oħra għal kwota tariffarja miżjuda skont il-paragrafu 1.
Artikolu 5
Il-Kummissjoni u l-awtoritajiet doganali tal-Istati Membri għandhom jikkooperaw mill-qrib biex jiżguraw il-ġestjoni u l-kontroll tajbin tal-applikazzjoni ta' dan ir-Regolament.
Artikolu 6
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2016 sal-31 ta' Diċembru 2018.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta' Diċembru 2015.
Għall-Kunsill
Il-President
C. CAHEN
(1) Ir-Regolament tal-Kunsill (UE) Nru 1220/2012 tat-3 ta' Diċembru 2012 dwar miżuri relatati mal-kummerċ sabiex tkun garantita l-provvista ta' ċerti prodotti tas-sajd lill-proċessuri tal-Unjoni mill-2013 sal-2015, u li jemenda r-Regolamenti (KE) Nru 104/2000 u (UE) Nru 1344/2011 (ĠU L 349, 19.12.2012, p. 4).
(2) Ir-Regolament tal-Kummissjoni (KEE) Nru 2454/93 tat-2 ta' Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (ĠU L 253, 11.10.1993, p. 1).
ANNESS
|
Nru tal-Ordni |
Kodiċi NM |
Suddiviżjoni tat-TARIC |
Deskrizzjoni |
Ammont annwali tal-kwota (tunnellati) (*) |
Dazju tal-kwota |
Perijodu tal-kwota |
|
09.2759 |
ex 0302 51 10 |
20 |
Bakkaljaw (Gadus morhua, Gadus ogac, Gadus macrocephalus) u ħut tal-ispeċi Boreogadus saida, bl-esklużjoni ta' fwied u bajd, frisk, imkessaħ jew iffriżat, għall-ipproċessar (1) (2) |
75 000 (9) |
0 % |
1.1.2016-31.12.2018 |
|
ex 0302 51 90 |
10 |
|||||
|
ex 0302 59 10 |
10 |
|||||
|
ex 0303 63 10 |
10 |
|||||
|
ex 0303 63 30 |
10 |
|||||
|
ex 0303 63 90 |
10 |
|||||
|
ex 0303 69 10 |
10 |
|||||
|
09.2765 |
ex 0305 62 00 |
20 |
Bakkaljaw (Gadus morhua, Gadus ogac, Gadus macrocephalus) u ħut tal-ispeċi Boreogadus saida, immellaħ jew fis-salmura, iżda mhux imnixxef jew affumikat, għall-ipproċessar (1) (2) |
4 000 |
0 % |
1.1.2016-31.12.2018 |
|
25 |
||||||
|
29 |
||||||
|
ex 0305 69 10 |
10 |
|||||
|
09.2776 |
ex 0304 71 10 |
10 |
Bakkaljaw, (Gadus morhua, Gadus macrocephalus), fletti iffriżati u laħam iffriżat, għall-ipproċessar (1) (2) |
38 000 |
0 % |
1.1.2016-31.12.2018 |
|
ex 0304 71 90 |
10 |
|||||
|
ex 0304 95 21 |
10 |
|||||
|
ex 0304 95 25 |
10 |
|||||
|
09.2761 |
ex 0304 79 50 |
10 |
Blue grenadier (MacruronusNovaezelandiae), fletti iffriżati u laħam ieħor iffriżat, għall-ipproċessar (1) (2) |
17 500 |
0 % |
1.1.2016-31.12.2018 |
|
ex 0304 95 90 |
11 |
|||||
|
09.2798 |
ex 0306 16 99 |
20 |
Gambli u gambli kbar tal-ispeċi Pandalus borealis u Pandalus montagui, fil-fosdqa, friski, imkessħin jew iffriżati għall-ipproċessar (1) (2) (3) |
10 000 |
0 % |
1.1.2016-31.12.2018 |
|
30 |
||||||
|
ex 0306 26 90 |
12 |
|||||
|
14 |
||||||
|
92 |
||||||
|
93 |
||||||
|
09.2794 |
ex 1605 21 90 |
45 |
Gambli u gambli kbar tal-ispeċi Pandalus borealis u Pandalus montagui, imsajra u mqaxxra, għall-ipproċessar (1) (2) (3) |
30 000 (4) |
0 % |
1.1.2016-31.12.2018 |
|
62 |
||||||
|
ex 1605 29 00 |
50 |
|||||
|
55 |
||||||
|
09.2800 |
ex 1605 21 90 |
55 |
Gambli u gambli kbar tal-ispeċi Pandalus jordani, imsajra u mqaxxra, għall-ipproċessar (1) (2) (3) |
3 500 |
0 % |
1.1.2016–31.12.2018 |
|
ex 1605 29 00 |
60 |
|||||
|
09.2802 |
ex 0306 17 92 |
20 |
Gambli u gambli kbar tal-ispeċi Penaeus vannamei u Penaeus monodon, kemm fil-fosdqa jew le, friski, imkessħin jew iffriżati, mhux imsajrin, għall-ipproċessar (1) (2) (3) |
40 000 |
0 % |
1.1.2016–31.12.2016 |
|
ex 0306 27 99 |
30 |
30 000 |
1.1.2017–31.12.2017 1.1.2018-31.12.2018 |
|||
|
09.2760 |
ex 0303 66 11 |
10 |
Merluzz (Merluccius spp. bl-esklużjoni ta' Merluccius merluccius, Urophycis spp.) u pink cusk-eel (Genypterus blacodes u Genypterus capensis), iffriżat, għall-ipproċessar (1) (2) |
30 000 |
0 % |
1.1.2016-31.12.2018 |
|
ex 0303 66 12 |
10 |
|||||
|
ex 0303 66 13 |
10 |
|||||
|
ex 0303 66 19 |
11 |
|||||
|
ex 0303 89 70 |
91 |
|||||
|
10 |
||||||
|
ex 0303 89 90 |
30 |
|||||
|
09.2774 |
ex 0304 74 19 |
10 |
Merluzz tat-Tramuntana tal-Paċifiku (Merluccius productus), fletti ffriżati u laħam ieħor għall-ipproċessar (1) (2) (3) |
15 000 |
0 % |
1.1.2016-31.12.2018 |
|
ex 0304 95 50 |
10 |
|||||
|
09.2770 |
ex 0305 63 00 |
10 |
Inċova (Engraulis anchoita), immelħa jew fis-salmura, iżda mhux imnixxfa jew affumikata, għall-ipproċessar (1) (2) |
2 500 |
0 % |
1.1.2016-31.12.2018 |
|
09.2754 |
ex 0303 89 45 |
10 |
Inċova (Engraulis anchoita u Engraulis capensis), iffriżat, għall-ipproċessar (1) (2) |
1 000 |
0 % |
1.1.2016–31.12.2018 |
|
09.2788 |
ex 0302 41 00 |
10 |
Aringi (Clupea harengus, Clupea pallasii), ta' piż li jaqbeż il-100 g kull biċċa jew qatgħat (“flaps”) b'piż li jaqbeż it-80 g kull biċċa, bl-esklużjoni tal-fwied u l-bajd, għall-ipproċessar (1) (2) (3) |
17 500 (5) |
0 % |
1.10.2016-31.12.2016 1.10.2017-31.12.2017 1.10.2018-31.12.2018 |
|
ex 0303 51 00 |
10 |
|||||
|
ex 0304 59 50 |
10 |
|||||
|
ex 0304 99 23 |
10 |
|||||
|
09.2792 |
ex 1604 12 99 |
11 |
Aringi, imħawrin u/jew bil-ħall, fis-salmura, ippreservati fi btieti ta' mill-inqas 70 kg f'piż nett mingħajr ilma, għall-ipproċessar (1) (2) (3) |
5 % |
1.1.2016-31.12.2018 |
|
|
09.2790 |
ex 1604 14 26 |
10 |
Fletti magħrufa bħala “loins” ta' tonn u palamit, għall-ipproċessar (1) (2) (3) |
25 000 |
0 % |
1.1.2016-31.12.2018 |
|
ex 1604 14 36 |
10 |
|||||
|
ex 1604 14 46 |
11 |
|||||
|
21 |
||||||
|
91 |
||||||
|
09.2785 |
ex 0307 49 59 |
10 |
Tubu (8) tal-klamari (Ommastrephes spp. — bl-esklużjoni ta' Todarodes sagittatus (synonym Ommastrephes sagittatus) –, Nototodarus spp., Sepioteuthis spp.) u Illex spp., iffriżat, bil-ġilda u l-pinen, għall-ipproċessar (1) (2) |
40 000 |
0 % |
1.1.2016-31.12.2018 |
|
ex 0307 99 11 |
10 |
|||||
|
ex 0307 99 17 |
21 |
|||||
|
09.2786 |
ex 0307 49 59 |
20 |
Klamar (Ommastrephes spp., Todarodes spp. — bl-esklużjoni ta' Todarodes sagittatus (synonym Ommastrephes sagittatus) –, Nototodarus spp., Sepioteuthis spp.) u Illex spp., iffriżat, sħiħ jew tentakli u pinen, għall-ipproċessar (1) (2) |
1 500 |
0 % |
1.1.2016-31.12.2018 |
|
ex 0307 99 11 |
20 |
|||||
|
29 |
||||||
|
09.2777 |
ex 0303 67 00 |
10 |
Merluzz tal-Alaska (Theragra chalcogramma), iffriżat, fletti ffriżati jew laħam ieħor iffriżat għall-ipproċessar (1) (2) |
300 000 (9) |
0 % |
1.1.2016-31.12.2018 |
|
ex 0304 75 00 |
10 |
|||||
|
ex 0304 94 90 |
10 |
|||||
|
09.2772 |
ex 0304 93 10 |
10 |
60 000 |
0 % |
1.1.2016-31.12.2018 |
|
|
ex 0304 94 10 |
10 |
|||||
|
ex 0304 95 10 |
10 |
|||||
|
ex 0304 99 10 |
10 |
|||||
|
09.2746 |
ex 0302 89 90 |
30 |
Southern red snapper (Lutjanus purpureus), frisk, imkessaħ, għall-ipproċessar (1) (2) |
1 500 |
0 % |
1.1.2016-31.12.2018 |
|
09.2748 |
ex 0302 90 00 |
95 |
Bajd tal-ħut iebes, frisk, imkessaħ jew iffriżat, immellaħ jew fis-salmura, għall-ipproċessar (1) (2) |
7 000 |
0 % |
1.1.2016-31.12.2018 |
|
ex 0303 90 90 |
91 |
|||||
|
ex 0305 20 00 |
30 |
|||||
|
09.2750 |
ex 1604 32 00 |
20 |
Bajd tal-ħut iebes, maħsul, imnaddaf mill-organi aderenti u sempliċiment immellaħ jew fis-salmura, għall-ipproċessar ta'sostituti tal-kavjar (1) (2) |
3 000 |
0 % |
1.1.2016-31.12.2018 |
|
09.2778 |
ex 0304 83 90 |
21 |
Pixxiċatt, fletti ffriżati u laħam ieħor tal-ħut (Limanda aspera, Lepidopsetta bilineata, Pleuronectes quadrituberculatus, Limanda ferruginea, Lepidopsetta polyxystra), għall-ipproċessar (1) (2) |
5 000 |
0 % |
1.1.2016-31.12.2018 |
|
ex 0304 99 99 |
65 |
|||||
|
09.2824 |
ex 0302 52 00 |
10 |
Merluzz tal-linja sewda (Melanogrammus aeglefinus) frisk, imkessaħ jew iffriżat bir-ras maqtugħa, mingħajr garġi u intern, għall-ipproċessar (1) (2) |
5 000 |
2,6 % |
1.1.2016-31.12.2018 |
|
ex 0303 64 00 |
10 |
|||||
|
09.2826 |
ex 0306 17 99 |
10 |
Gambli u gambli kbar tal-ispeċi Pleoticus muelleri, fil-fosdqa jew le, friski, imkessħin jew iffriżati, għall-ipproċessar (1) (2) (3) |
10 000 |
4,2 % |
1.1.2016-31.12.2018 |
|
ex 0306 27 99 |
20 |
(*) Espress f'piż nett, ħlief fejn speċifikat mod ieħor.
(1) Il-kwota tariffarja hija suġġetta għall-kundizzjonijiet stipulati fl-Artikoli 291 sa 300 tar-Regolament (KEE) Nru 2454/93.
(2) Il-kwota tariffarja mhix disponibbli għal prodotti maħsuba biss għal waħda minn dawn l-operazzjonijiet li ġejjin jew iktar:
|
— |
tindif, evixxerazzjoni, tneħħija tad-denb, tneħħija tar-ras, |
|
— |
qtugħ, |
|
— |
ippakkjar mill-ġdid ta' fletti ffriżati tal-IQF (iffriżati individwalment b'mod rapidu), |
|
— |
kampjunar, għażla, |
|
— |
tikkettar, |
|
— |
imballaġġ, |
|
— |
tkessiħ, |
|
— |
iffriżar, |
|
— |
iffriżar għal żmien twil, |
|
— |
igglejżjar, |
|
— |
ħall tal-friża, |
|
— |
separazzjoni. |
Il-kwota tariffarja mhix disponibbli għall-prodotti maħsuba li, addizzjonalment, jgħaddu minn trattament jew operazzjonijiet li jikkonferixxu intitolament għal kwota, fejn tali trattament jew operazzjonijiet jitwettqu fil-livell tal-konsumatur jew tal-fornitur tal-ikel. It-tnaqqis tad-dazji tal-importazzjoni għandu japplika biss għal prodotti intenzjonati għall-konsum mill-bniedem.
Il-kwota tariffarja hija madankollu disponibbli għal materjali maħsuba għal waħda minn dawn l-operazzjonijiet li ġejjin jew iktar:
|
— |
tqattigħ f'kubi, |
|
— |
tqattigħ fi ċrieki, tqattigħ fi strippi għal materjali taħt il-kodiċijiet tan-NM 0307 49 59, 0307 99 11, 0307 99 17, 0307 49 59, 0307 99 11, 0307 99 17, |
|
— |
iffilettjar, |
|
— |
produzzjoni ta' qatgħat, |
|
— |
qtugħ ta' blokok iffriżati, |
|
— |
separazzjoni ta' blokok iffriżati ta' fletti mwaħħlin flimkien. |
(3) Il-prodotti taħt il-kodiċijiet tan-NM 0306 16 99 (suddiviżjonijiet TARIC 20 u 30), 0306 26 90 (suddiviżjonijiet TARIC 12, 14, 92 u 93), 1605 21 90 (suddiviżjonijiet TARIC 45 u 62), 1605 29 00 (suddiviżjonijiet TARIC 50 u 55), 0306 17 92 (suddiviżjoni TARIC 20), 0306 27 99 (suddiviżjoni TARIC 30), 0306 17 99 (suddiviżjoni TARIC 10) u 0306 27 99 (suddiviżjoni TARIC 20) għandhom, minkejja n-nota f'qiegħ il-paġna (2), jikkwalifikaw għall-kwota jekk jgħaddu minn operazzjoni li tissuġġetta l-gambli u l-gambli kbar għal trattament tal-ipproċessar bil-gassijiet tal-imballaġġ kif definit fl-Anness I għar-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (ĠU L 354, 31.12.2008, p. 16).
(4) Il-kwota tariffarja 09.2794 tonqos awtomatikament għal 7 000 tunnellata fis-sena mill-1 ta' Jannar tas-sena ta' wara dik li fiha l-Ftehim Ekonomiku u Kummerċjali Komprensiv bejn l-Unjoni Ewropea u l-Kanada jidħol fis-seħħ jew jiġi applikat proviżorjament, skont liema jseħħ l-ewwel.
(5) Il-kwota tariffarja 09.2788 awtomatikament titnaqqas għal 12 000 tunnellata fis-sena, minn xahrejn wara li l-protokoll addizzjonali tal-Ftehim bejn il-Komunità Ekonomika Ewropea u r-Renju tan-Norveġja, li kien negozjat b'mod parallel mal-Mekkaniżmu Finanzjarju taż-ŻEE 2014-2021, jidħol fis-seħħ jew jiġi applikat proviżorjament, skont liema jseħħ l-ewwel.
(6) Il-kwota tariffarja 09.2792 awtomatikament titnaqqas għal 7 500 tunnellata fis-sena, minn xahrejn wara li l-protokoll addizzjonali tal-Ftehim bejn il-Komunità Ekonomika Ewropea u r-Renju tan-Norveġja, li kien nnegozjat b'mod parallel mal-Mekkaniżmu Finanzjarju taż-ŻEE 2014-2021, jidħol fis-seħħ jew jiġi applikat proviżorjament, skont liema jseħħ l-ewwel.
(7) Espress f'piż nett mingħajr ilma.
(8) Ġisem taċ-ċefalopod jew il-klamar mingħajr ras u mingħajr tentakli, bil-ġilda u l-pinen.
(9) Japplika l-Artikolu 4.