This document is an excerpt from the EUR-Lex website
Document 32015R2065
Commission Implementing Regulation (EU) 2015/2065 of 17 November 2015 establishing, pursuant to Regulation (EU) No 517/2014 of the European Parliament and of the Council, the format for notification of the training and certification programmes of the Member States (Text with EEA relevance)
Regolament ta' Implimentazzjoni tal-Kummissjoni (UE) 2015/2065 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, il-format għan-notifika tal-programmi ta' taħriġ u ta' ċertifikazzjoni tal-Istati Membri (Test b'rilevanza għaż-ŻEE)
Regolament ta' Implimentazzjoni tal-Kummissjoni (UE) 2015/2065 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, il-format għan-notifika tal-programmi ta' taħriġ u ta' ċertifikazzjoni tal-Istati Membri (Test b'rilevanza għaż-ŻEE)
ĠU L 301, 18.11.2015, p. 14–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.11.2015 |
MT |
Il-Ġurnal Uffiċjali tal-Unjoni Ewropea |
L 301/14 |
REGOLAMENT TA' IMPLIMENTAZZJONI TAL-KUMMISSJONI (UE) 2015/2065
tas-17 ta' Novembru 2015
li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, il-format għan-notifika tal-programmi ta' taħriġ u ta' ċertifikazzjoni tal-Istati Membri
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 517/2014 tal-Parlament Ewropew u tal-Kunsill tas-16 ta' April 2014 dwar gassijiet fluworurati b'effett ta' serra u li jħassar ir-Regolament (KE) Nru 842/2006 (1), u b'mod partikolari l-Artikolu 10(13) tiegħu,
Billi:
|
(1) |
Il-format tan-notifika skont l-Artikolu 10(10) tar-Regolament (UE) Nru 517/2014 għandu jkun armonizzat, billi jispeċifika t-tagħrif essenzjali meħtieġ, sabiex jippermetti l-awtentikazzjoni ta' ċertifikat jew attestazzjoni konformi mar-rekwiżiti minimi u mal-kundizzjonijiet għall-għarfien reċiproku li ġew stabbiliti. |
|
(2) |
Il-Kummissjoni Ewropea aġġornat ir-rekwiżiti minimi u l-kundizzjonijiet għal rikonoxximent reċiproku billi adottat ir-Regolament ta' Implimentazzjoni tal-Kummissjoni (UE) 2015/2067 (2) u r-Regolament ta' Implimentazzjoni tal-Kummissjoni (UE) 2015/2066 (3). |
|
(3) |
Għalhekk ir-Regolament (KE) Nru 308/2008 (4) għandu jitħassar. |
|
(4) |
Il-miżuri stipulati f'dan ir-Regolament huma skont l-opinjoni tal-Kumitat stabbilit mill-Artikolu 24 tar-Regolament (UE) Nru 517/2014, |
ADOTTAT DAN IR-REGOLAMENT:
Artikolu 1
L-Istati Membri għandhom jużaw il-formoli li ġejjin għan-notifiki msemmija fl-Artikolu 10(10) tar-Regolament (UE) Nru 517/2014:
|
(1) |
għal tagħmir stazzjonarju ta' refriġerazzjoni, arja kundizzjonata u bil-pompa tas-sħana, u unitajiet ta' refriġerazzjoni ta' trakkijiet u trejlers refriġerati, il-formola tan-notifika stabbilita fl-Anness I ta' dan ir-Regolament; |
|
(2) |
għal sistemi stazzjonarji ta' protezzjoni min-nar u għal pompi tat-tifi tan-nar, il-formola ta' notifika speċifikata fl-Anness II ta' dan ir-Regolament; |
|
(3) |
għal tagħmir għat-tqassim tal-elettriku l-formola ta' notifika speċifikata fl-Anness III ta' dan ir-Regolament; |
|
(4) |
għal tagħmir li fih solventi b'bażi ta' gass fluworurat b'effett ta' serra l-formola ta' notifika speċifikata fl-Anness IV ta' dan ir-Regolament; |
|
(5) |
għal sistemi ta' kondizzjonament tal-arja f'vetturi bil-mutur il-formola ta' notifika speċifikata fl-Anness V ta' dan ir-Regolament. |
Artikolu 2
Ir-Regolament (KE) Nru 308/2008 jitħassar.
Ir-referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw b'konformità mat-tabella ta' korrelazzjoni mogħtija fl-Anness VI.
Artikolu 3
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta' Novembru 2015.
Għall-Kummissjoni
Il-President
Jean-Claude JUNCKER
(1) ĠU L 150, 20.5.2014, p. 195.
(2) Ir-Regolament ta' Implimentazzjoni tal-Kummissjoni (UE) 2015/2067 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni ta' persuni fiżiċi f'dak li għandu x'jaqsam ma' sistemi stazzjonarji ta' tkessiħ u tagħmir ta' kondizzjonament tal-arja u ta' pompi tas-sħana u unitajiet ta' refriġerazzjoni ta' trakkijiet u trejlers refriġerati li fihom gassijiet fluworurati b'effett ta' serra, u għaċ-ċertifikazzjoni ta' kumpaniji f'dak li għandu x'jaqsam ma' sistemi stazzjonarji ta' tkessiħ u tagħmir ta' kondizzjonament tal-arja u ta' pompi tas-sħana, li fihom gassijiet fluworurati b'effett ta' serra (ara l-paġna 28 ta' dan il-Ġurnal Uffiċjali).
(3) Ir-Regolament ta' Implimentazzjoni tal-Kummissjoni (UE) 2015/2066 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni ta' persuni fiżiċi li jwettqu l-istallazzjoni, l-għoti ta' servizz, il-manutenzjoni, it-tiswija jew id-dekummissjonar ta' tagħmir għat-tqassim tal-elettriku li fihom gassijiet fluworurati b'effett ta' serra jew l-irkupru ta' gassijiet b'effett ta' serra fluworinati minn tagħmir għat-tqassim tal-elettriku stazzjonarju (ara l-paġna 22 ta' dan il-Ġurnal Uffiċjali).
(4) Ir-Regolament tal-Kummissjoni (KE) Nru 308/2008 tat-2 ta' April 2008 li jistabbilixxi, skont ir-Regolament (KE) Nru 842/2006 tal-Parlament Ewropew u tal-Kunsill, il-format għan-notifika tal-programmi ta' taħriġ u ċertifikazzjoni tal-Istati Membri (ĠU L 92, 3.4.2008, p. 28).
ANNESS I
SISTEMI STAZZJONARJI TA' REFRIĠIRAZZJONI, TA' KONDIZZJONAMENT TAL-ARJA U TA' TAGĦMIR TA' POMPI TAS-SĦANA U UNITAJIET TA' REFRIĠERAZZJONI TA' TRAKKIJIET U TREJLERS REFRIĠERATI
NOTIFIKA
BIEX L-ISTATI MEMBRI JISTABBILIXXU JEW JADATTAW IR-REKWIŻITI TA' TAĦRIĠ U TA' ĊERTIFIKAZZJONI TAGĦHOM GĦALL-KUMPANIJI U GĦALL-PERSUNI FIŻIĊI INVOLUTI F'ĦIDMIET KOPERTI MILL-ARTIKOLU 10(1) TAR-REGOLAMENT (UE) Nru 517/2014 DWAR GASSIJIET FLUWORURATI B'EFFETT TA' SERRA
INFORMAZZJONI ĠENERALI
|
|
||
|
|
||
|
|
Parti A — Persuni fiżiċi
Is-sistemi li ġejjin għall-persuni fiżiċi involuti fl-istallazzjoni, it-tiswija, il-manutenzjoni, is-servisjar, id-dekommissjonar jew il-kontroll għat-tnixxija ta' tagħmir stazzjonarju tar-refriġirazzjoni, il-kondizzjonament tal-arja u l-pompi tas-sħana, u l-unitajiet tar-refriġirazzjoni ta' trakkijiet u trejlers refriġirati, li fihom gassijiet fluworurati b'effett ta' serra jew fl-irkupru ta' dawk il-gassijiet mit-tali tagħmir, jissodisfaw ir-rekwiżiti minimi u l-kundizzjonijiet għall-għarfien reċiproku kif jistipulaw l-Artikoli 4 u 10 tar-Regolament ta' Implimentazzjoni tal-Kummissjoni (UE) 2015/2067 (1).
|
Titolu taċ-Ċertifikat |
Kategorija (I, II, III u/jew IV) |
Il-korp taċ-Ċertifikazzjoni għal persuni fiżiċi (l-isem u d-dettalji ta' kuntatt) |
|
|
|
|
|
|
|
|
|
|
|
|
|
|
|
(…) |
Parti B — Kumpaniji
Is-sistemi ta' ċertifikazzjoni li ġejjin għall-kumpaniji involuti fl-istallazzjoni, il-manutenzjoni, is-servisjar jew id-dekumissjonar ta' tagħmir stazzjonarju ta' refriġirazzjoni, ta' kondizzjonament tal-arja u ta' pompi tas-sħana li fihom gassijiet fluworurati b'effett ta' serra, tissodisfa/jissodisfaw ir-rekwiżiti minimi u l-kundizzjonijiet għall-għarfien reċiproku stipulati fl-Artikoli 6 u 10 tar-Regolament (UE) 2015/2067.
|
Titolu taċ-Ċertifikat |
Il-Korp ta' Ċertifikazzjoni tal-Kumpaniji (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
(1) Ir-Regolament ta' Implimentazzjoni tal-Kummissjoni (UE) 2015/2067 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni ta' persuni fiżiċi f'dak li għandu x'jaqsam ma' sistemi stazzjonarji ta' refriġirazzjoni u tagħmir ta' kondizzjonament tal-arja u ta' pompi tas-sħana u unitajiet ta' refriġerazzjoni ta' trakkijiet u trejlers refriġerati li fihom gassijiet fluworurati b'effett ta' serra, u għaċ-ċertifikazzjoni ta' kumpaniji f'dak li għandu x'jaqsam ma' sistemi stazzjonarji ta' refriġirazzjoni u tagħmir ta' kondizzjonament tal-arja u ta' pompi tas-sħana, li fihom gassijiet fluworurati b'effett ta' serra (ĠU L 301, 18.11.2015, p. 28).
ANNESS II
TAGĦMIR TA' PROTEZZJONI TAN-NAR STAZZJONARJU
NOTIFIKA
BIEX L-ISTATI MEMBRI JISTABBILIXXU/JADATTAW IR-REKWIŻITI TA' TAĦRIĠ U TA' ĊERTIFIKAZZJONI TAGĦHOM GĦALL-KUMPANIJI U GĦALL-PERSUNI FIŻIĊI INVOLUTI F'ĦIDMIET KOPERTI MILL-ARTIKOLU 10(1) TAR-REGOLAMENT (UE) Nru 517/2014 DWAR GASSIJIET FLUWORURATI B'EFFETT TA' SERRA
INFORMAZZJONI ĠENERALI
|
|
||
|
|
||
|
|
Parti A — Persuni fiżiċi
Is-sistema/sistemi ta' ċertifikazzjoni li ġejja/ġejjin għall-persuni fiżiċi involuti fl-istallazzjoni, il-manutenzjoni, is-servisjar, id-dekomissjonar jew il-kontrolli għat-tnixxija ta' sistemi stazzjonarji tal-protezzjoni min-nar li fihom gassijiet fluworurati b'effett ta' serra jew fl-irkupru ta' dawk il-gassijiet minn sistemi stazzjonarji ta' protezzjoni min-nar u pompi tat-tifi tan-nar, tissodisfa/jissodisfaw ir-rekwiżiti minimi u l-kundizzjonijiet għall-għarfien reċiproku mniżżlin fl-Artikoli 5 u 13 tar-Regolament tal-Kummissjoni (KE) Nru 304/2008 (1).
|
Titolu taċ-Ċertifikat |
Il-korp taċ-Ċertifikazzjoni għal persuni fiżiċi (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
Parti B — Kumpaniji
Is-sistema/sistemi ta' ċertifikazzjoni li ġejja/ġejjin għall-kumpaniji involuti fl-istallazzjoni, il-manutenzjoni, is-servisjar jew id-dekomissjonar ta' sistemi stazzjonarji ta' protezzjoni min-nar li fihom gassijiet fluworurati b'effett ta' serra, tissodisfa/jissodisfaw ir-rekwiżiti minimi u l-kundizzjonijiet għall-għarfien reċiproku stipulati fl-Artikoli 8 u 13 tar-Regolament (KE) Nru 304/2008.
|
Titolu taċ-Ċertifikat |
Il-Korp ta' Ċertifikazzjoni tal-Kumpaniji (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
(1) Ir-Regolament tal-Kummissjoni (KE) Nru 304/2008 tat-2 ta' April 2008 li jistabbilixxi, skont ir-Regolament (KE) Nru 842/2006 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni tal-kumpaniji u tal-persunal f'dak li għandu x'jaqsam ma' sistemi stazzjonarji ta' protezzjoni min-nar u ma' pompi tat-tifi tan-nar li fihom ċerti gassijiet fluworurati b'effett ta' serra (ĠU L 92, 3.4.2008, p. 12).
ANNESS III
TAGĦMIR TAT-TQASSIM TAL-ELETTRIKU
NOTIFIKA
BIEX L-ISTATI MEMBRI JISTABBILIXXU/JADATTAW IR-REKWIŻITI TA' TAĦRIĠ U TA' ĊERTIFIKAZZJONI TAGĦHOM GĦALL-PERSUNI FIŻIĊI INVOLUTI F'ĦIDMIET KOPERTI MILL-ARTIKOLU 10(1) TAR-REGOLAMENT (UE) Nru 517/2014 DWAR GASSIJIET FLUWORURATI B'EFFETT TA' SERRA
INFORMAZZJONI ĠENERALI
|
|
||
|
|
||
|
|
Is-sistema/sistemi ta' ċertifikazzjoni li ġejja/ġejjin għall-persuni fiżiċi involuti fl-istallazzjoni, it-tiswija, il-manutenzjoni, is-servisjar, jew id-dekomissjonar ta' tagħmir tat-tqassim tal-elettriku li fih gassijiet fluworurati b'effett ta' serra jew fl-irkupru ta' dawk il-gassijiet minn sistemi stazzjonarji ta' tagħmir tat-tqassim tal-elettriku, tissodisfa/jissodisfaw ir-rekwiżiti minimi u l-kundizzjonijiet għall-għarfien reċiproku mniżżlin fl-Artikoli 3 u 7 tar-Regolament ta' Implimentazzjoni tal-Kummissjoni (UE) 2015/2066 (1).
|
Titolu taċ-Ċertifikat |
Il-Korp taċ-Ċertifikazzjoni għal persuni fiżiċi (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
(1) Ir-Regolament ta' Implimentazzjoni tal-Kummissjoni (UE) 2015/2066 tas-17 ta' Novembru 2015 li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni ta' persuni fiżiċi li jwettqu l-istallazzjoni, l-isservisjar, il-manutenzjoni, it-tiswija jew id-dekummissjonar ta' tagħmir tat-tqassim tal-elettriku li fih gassijiet fluworurati b'effett ta' serra jew l-irkupru ta' gassijiet fluworurati b'effett ta' serra minn tagħmir għat-tqassim tal-elettriku stazzjonarju (ĠU L 301, 18.11.2015, p. 22).
ANNESS IV
TAGĦMIR LI JINKLUDI SOLVENTI B'BAŻI TA' GASS FLOWURURAT B'EFFETT TA' SERRA
NOTIFIKA
BIEX L-ISTATI MEMBRI JISTABBILIXXU/JADATTAW IR-REKWIŻITI TA' TAĦRIĠ U TA' ĊERTIFIKAZZJONI TAGĦHOM GĦALL-PERSUNI FIŻIĊI INVOLUTI F'ĦIDMIET KOPERTI MILL-ARTIKOLU 10(1) TAR-REGOLAMENT (UE) Nru 517/2014 DWAR GASSIJIET FLUWORURATI B'EFFETT TA' SERRA
INFORMAZZJONI ĠENERALI
|
|
||
|
|
||
|
|
Is-sistema/i ta' ċertifikazzjoni li ġejja/ġejjin għall-persuni fiżiċi involuti fl-irkupru ta' solventi b'bażi ta' gass fluworurat b'effett ta' serra mit-tagħmir, tissodisfa/jissodisfaw ir-rekwiżiti minimi u l-kondizzjonijiet għall-għarfien reċiproku mniżżlin fl-Artikoli 3 u 7 tar-Regolament tal-Kummissjoni (KE) Nru 306/2008 (1).
|
Titolu taċ-Ċertifikat |
Il-korp taċ-Ċertifikazzjoni għal persuni fiżiċi (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
(1) Ir-Regolament tal-Kummissjoni (KE) Nru 306/2008 tat-2 ta' April 2008 li jistabbilixxi, skont ir-Regolament (KE) Nru 842/2006 tal-Parlament Ewropew u tal-Kunsill, ir-rekwiżiti minimi u l-kundizzjonijiet għall-għarfien reċiproku għaċ-ċertifikazzjoni tal-persunal li jkun qed jagħmel xogħol ta' rkupru ta' ċerti solventi b'bażi ta' gass fluworurat b'effett ta' serra mit-tagħmir (ĠU L 92, 3.4.2008, p. 21).
ANNESS V
SISTEMI TAL-IKKONDIZZJONAR TAL-ARJA F'VETTURI BIL-MUTUR
NOTIFIKA
BIEX L-ISTATI MEMBRI JISTABBILIXXU/JADATTAW IR-REKWIŻITI TA' TAĦRIĠ U TA' KWALIFIKAZZJONI TAGĦHOM GĦALL-PERSUNI FIŻIĊI INVOLUTI F'ĦIDMIET KOPERTI MILL-ARTIKOLU 10(1) TAR-REGOLAMENT (UE) Nru 517/2014 DWAR GASSIJIET FLUWORURATI B'EFFETT TA' SERRA
INFORMAZZJONI ĠENERALI
|
|
||
|
|
||
|
|
Il-programm(i) ta' taħriġ li ġej/ġejjin għall-persuni fiżiċi involuti fl-irkupru ta' gassijiet fluworurati b'effett ta' serra minn sistemi tal-ikkondizzjonar tal-arja fil-vetturi bil-mutur, tissodisfa/jissodisfaw ir-rekwiżiti minimi u l-kondizzjonijiet għall-għarfien reċiproku stipulati fl-Artikoli 2(1) u 5 tar-Regolament tal-Kummissjoni (KE) Nru 307/2008 (1).
|
It-Titolu tal-Attestazzjoni |
Il-Korp tal-Attestazzjoni għal persuni fiżiċi (l-isem u d-dettalji ta' kuntatt) |
|
|
|
|
|
|
|
|
|
|
|
(…) |
(1) Ir-Regolament tal-Kummissjoni (KE) Nru 307/2008 tat-2 ta' April 2008 li jistabbilixxi, skont ir-Regolament (KE) Nru 842/2006 tal-Parlament Ewropew u tal-Kunsill, ir-rekwiżiti minimi għall-programmi ta' taħriġ u l-kondizzjonijiet għall-għarfien reċiproku tal-attestazzjonijiet ta' taħriġ tal-persunal f'dak li għandu x'jaqsam ma' sistemi ta' kondizzjonament tal-arja li fihom ċerti gassijiet fluworurati b'effett ta' serra f'vetturi bil-mutur (ĠU L 92, 3.4.2008, p. 25).
ANNESS VI
Tabella ta' korrelazzjoni
|
Ir-Regolament (KE) Nru 308/2008 |
Dan ir-Regolament |
|
Artikolu 1 |
Artikolu 1 |
|
— |
Artikolu 2 |
|
Artikolu 2 |
Artikolu 3 |
|
Anness I |
Anness I |
|
Anness II |
Anness II |
|
Anness III |
Anness III |
|
Anness IV |
Anness IV |
|
Anness V |
Anness V |
|
— |
Anness VI |