32015R2003

This document is an excerpt from the EUR-Lex website

EUROPA
EUR-Lex home
Regolament - 2015/2003 - EN - EUR-Lex

Help

Search tips

Need more search options? Use the Advanced search

Document 32015R2003

Help

Regolament tal-Kummissjoni (UE) 2015/2003 tal-10 ta' Novembru 2015 li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà tal-informazzjoni (Test b'rilevanza għaż-ŻEE)

ĠU L 294, 11.11.2015, pp. 32–49 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2015/2003/oj

HTML

PDF

Official Journal

11.11.2015

Il-Ġurnal Uffiċjali tal-Unjoni Ewropea

L 294/32

REGOLAMENT TAL-KUMMISSJONI (UE) 2015/2003

tal-10 ta' Novembru 2015

li jimplimenta r-Regolament (KE) Nru 808/2004 tal-Parlament Ewropew u tal-Kunsill dwar l-istatistiċi tal-Komunità dwar is-soċjetà tal-informazzjoni

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 808/2004 tal-Parlament Ewropew u tal-Kunsill tal-21 ta' April 2004 dwar l-istatistiċi tal-Komunità dwar is-soċjetà tal-informazzjoni (1), u b'mod partikolari l-Artikolu 8 (2) tiegħu,

Billi:

(1)	Ir-Regolament (KE) Nru 808/2004 jistabbilixxi qafas komuni għall-produzzjoni sistematika ta' statistika Ewropea dwar is-soċjetà tal-informazzjoni.

(2)

Huma meħtieġa l-miżuri ta' implimentazzjoni biex jiġi deċiż liema dejta għandha titressaq għat-tħejjija tal-istatistika fil-Modulu 1: “L-intrapriżi u s-soċjetà tal-informazzjoni” u fil-Modulu 2: “Individwi, djar u s-soċjetà tal-informazzjoni”, u biex jiġu ffissati l-iskadenzi għat-trażmissjoni tagħhom.

(3)	Il-miżuri stipulati f'dan ir-Regolament jikkonformaw mal-opinjoni tal-Kumitat Ewropew tas-Sistema tal-Istatistika.

ADOTTAT DAN IR-REGOLAMENT:

Artikolu 1

Id-dejta li trid tiġi trażmessa għall-produzzjoni tal-istatistika Ewropea dwar is-soċjetà tal-informazzjoni kif imsemmi fl-Artikoli 3(2) u 4 tar-Regolament (KE) Nru 808/2004, għandha tkun dik speċifikata fil-Modulu 1: “L-intrapriżi u s-soċjetà tal-informazzjoni” tal-Anness I u fil-Modulu 2: “L-individwi, l-unitajiet domestiċi u s-soċjetà tal-informazzjoni” fl-Anness II ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-10 ta' Novembru 2015.

Għall-Kummissjoni

Il-President

Jean-Claude JUNCKER

(1) ĠU L 143, 30.4.2004, p. 49.

ANNESS I

Modulu 1: L-intrapriżi u s-soċjetà tal-informazzjoni

A. Is-suġġetti u d-dettalji tagħhom

(1)

Is-suġġetti li jridu jiġu koperti għas-sena ta' referenza 2016, magħżula mil-lista fl-Anness I tar-Regolament (KE) Nru 808/2004, se jkunu dawn li ġejjin:

(a)	is-sistemi tal-ICT u l-użu tagħhom fl-intrapriżi;

(b)	l-użu tal-Internet u networks elettroniċi oħra mill-intrapriżi;

(c)	il-kummerċ elettroniku;

(d)	il-proċessi u l-aspetti organizzattivi tan-negozju elettroniku;

(e)	il-kompetenza fl-ICT fl-unità tal-intrapriża u l-bżonn ta' ħiliet fl-ICT;

(f)	ostakli għall-użu tal-ICT, tal-Internet, u ta' networks elettroniċi oħra, kif ukoll għall-użu ta' proċessi tal-kummerċ elettroniku u tan-negozju elettroniku;

(g)	L-aċċess għat-teknoloġiji li jiffaċilitaw konnessjoni mal-Internet jew networks oħra minn kullimkien kull ħin (konnettività ubikwa), u l-użu tagħhom.

(2)

Għandhom jinġabru d-dettalji li ġejjin dwar l-intrapriżi:

(a)

is-sistemi tal-ICT u l-użu tagħhom fl-intrapriżi

(i)

dwar l-intrapriżi kollha:

—	l-użu tal-kompjuter;

(ii)

dwar l-intrapriżi li jużaw il-kompjuter:

—	(fakultattiv) il-persuni impjegati jew perċentwal tat-total ta' persuni impjegati li jużaw il-kompjuter għall-għanijiet tan-negozju.

(b)

L-użu tal-Internet u networks elettroniċi oħra mill-intrapriżi

(i)

dwar l-intrapriżi li jużaw il-kompjuter:

—	l-aċċess għall-Internet;

—	il-ħruġ jew it-trażmissjoni ta' fatturi;

(ii)

dwar l-intrapriżi li għandhom aċċess għall-Internet:

—	il-persuni impjegati, jew perċentwal tal-għadd totali ta' persuni impjegati li jużaw il-kompjuters b'aċċess għall-Internet għall-għanijiet tan-negozju;

—	konnessjoni mal-Internet: DSL jew kull tip ieħor ta' konnessjoni fissa broadband;

—	konnessjoni mal-Internet: konnessjoni broadband ċellulari permezz ta' apparat portabbli bl-użu tan-netwerks tat-telefown ċellulari (“3G” jew “4G”);

—	(fakultattiv) konnessjoni mal-Internet: konnessjoni broadband ċellulari permezz ta' kompjuter portabbli bl-użu tan-netwerks tat-telefown ċellulari (“3G” jew “4G”);

—	(fakultattiv) konnessjoni mal-Internet: konnessjoni broadband mobbli permezz ta' apparati portabbli oħrajn bħalma huma l-ismartphones, bl-użu tan-netwerks tat-telefown ċellulari (“3G” jew “4G”);

—	il-persuni impjegati jew perċentwal tal-għadd totali tal-persuni impjegati li għandhom apparat portabbli li ngħatalhom mill-intrapriża, li jippermetti konnessjoni mal-Internet permezz tan-netwerks tat-telefown ċellulari, għall-użu tan-negozju;

—	il-forniment lill-impjegati għall-għanijiet tan-negozju, ta' apparati portabbli li jippermettu konnessjoni mobbli mal-Internet;

—	li għandhom websajt;

—	l-użu ta' netwerks soċjali, mhux biss biex jiddaħħlu r-reklami mħallsa;

—	l-użu ta' blogs jew mikroblogs tal-intrapriża, mhux biss biex jiddaħħlu r-reklami mħallsa;

—	l-użu ta' websajts li jqassmu kontenut multimedjali, mhux biss biex jiddaħħlu r-reklami mħallsa;

—	l-użu ta' għodod ta' tqassim tal-għarfien bbażati fuq il-wiki, mhux biss biex jiddaħħlu r-reklami mħallsa;

(iii)

dwar l-intrapriżi li għandhom id-DSL, jew kwalunkwe tip ieħor ta' konnessjoni broadband fissa, mal-Internet:

—	il-veloċità massima għat-tniżżil ikkuntrattata tal-iktar konnessjoni tal-Internet fissa veloċi f'Mbit/s fil-meded: [0,< 2], [2,< 10], [10,< 30], [30,< 100], [≥100];

(iv)

dwar l-intrapriżi li għandhom websajt, informazzjoni dwar il-forniment tal-faċilitajiet li ġejjin:

—	deskrizzjoni tal-prodotti jew tas-servizzi, listi tal-prezzijiet;

—	il-faċilità biex tordna, tirriżerva jew tibbukkja onlajn;

—	il-possibbiltà li l-viżitaturi jippersonalizzaw jew jiddisinjaw il-prodotti jew is-servizzi onlajn;

—	it-traċċar jew informazzjoni dwar l-istatus tal-ordnijiet li jkunu saru;

—	kontenut ippersonalizzat fil-websajt għall-viżitaturi regolari/rikorrenti;

—	ħoloq jew referenzi għall-profili tal-intrapriża fil-mezzi soċjali;

—	(fakultattiv) ir-reklamar ta' postijiet tax-xogħol battala jew applikazzjonijiet għal xogħol onlajn;

(v)

dwar l-intrapriżi li jipprovdu apparat portabbli lill-impjegati li jippermetti konnessjoni mobbli mal-Internet għall-użu tan-negozju:

—	il-forniment ta' apparati portabbli biex dawn ikunu jistgħu jaċċessaw is-sistema tal-posta elettronika tal-intrapriża;

—	il-forniment ta' apparati portabbli lill-impjegati biex dawn ikunu jistgħu jaċċessaw u jimmodifikaw id-dokumenti tal-intrapriża;

—	il-forniment ta' apparati portabbli lill-impjegati biex ikunu jistgħu jużaw applikazzjonijiet tas-softwer iddedikati għan-negozju.

(c)

Il-kummerċ elettroniku

(i)

dwar l-intrapriżi li jużaw il-kompjuter:

—	il-wasla ta' ordnijiet għal prodotti jew għal servizzi li jkunu saru permezz ta' websajts jew applikazzjonijiet (bejgħ bl-Internet), fis-sena kalendarja preċedenti;

—	il-wasla ta' ordnijiet għal prodotti jew servizzi permezz ta' messaġġi tat-tip EDI (bejgħ tat-tip EDI), fis-sena kalendarja preċedenti;

—	(fakultattiv) l-ordnijiet li saru għal prodotti jew għal servizzi permezz ta' websajt, applikazzjoni, jew messaġġi tat-tip EDI, fis-sena kalendarja preċedenti;

(ii)

dwar l-intrapriżi li rċevew ordnijiet permezz ta' websajts jew applikazzjonijiet matul is-sena kalendarja preċedenti:

—	il-valur jew il-perċentwal tad-dħul totali tal-bejgħ kummerċjali elettroniku li jirriżulta minn ordnijiet li saru bil-websajts, jew b'applikazzjoni fis-sena kalendarja preċedenti;

—	il-perċentwal tal-bejgħ elettroniku (dħul) lil konsumaturi privati (min-Negozju għall-Konsumatur: B2C) li kien riżultat ta' ordnijiet magħmulin permezz ta' websajts jew applikazzjonijiet matul is-sena kalendarja preċedenti;

—	il-perċentwal tal-bejgħ elettroniku (dħul) lil intrapriżi oħra (min-Negozju għal Negozju: B2B) u bejgħ elettroniku lil awtoritajiet pubbliċi (min-Negozju għall-Gvern: B2G) li kien riżultat ta' ordnijiet magħmulin permezz ta' websajts jew applikazzjonijiet matul is-sena kalendarja preċedenti;

—	(fakultattiv) l-użu ta' sistemi ta' ħlas onlajn għal bejgħ permezz ta' websajt jew applikazzjoni, jiġifieri ħlas integrat mat-transazzjoni tal-ordni;

—	(fakultattiv) l-użu ta' sistemi ta' ħlas offlajn għal bejgħ permezz ta' websajt jew applikazzjoni, jiġifieri ħlas mhux integrat mat-transazzjoni tal-ordni;

(iii)

dwar l-intrapriżi li rċevew ordnijiet għal prodotti jew għal servizzi permezz ta' messaġġi tat-tip EDI:

—	il-valur jew il-perċentwal tad-dħul totali tal-bejgħ elettroniku li kien riżultat ta' ordnijiet li waslu permezz ta' messaġġi tat-tip EDI, fis-sena kalendarja preċedenti;

(iv)

dwar l-intrapriżi li għamlu ordnijiet permezz ta' websajt jew applikazzjoni jew messaġġ tat-tip EDI, l-informazzjoni li ġejja hija fakultattiva:

—	l-ordnijiet għal prodotti jew għal servizzi mibgħuta permezz ta' websajt jew applikazzjoni, fis-sena kalendarja preċedenti;

—	l-ordnijiet għal prodotti jew servizzi mibgħuta permezz ta' messaġġi tat-tip EDI, fis-sena kalendarja preċedenti;

—	l-ordnijiet li saru għal prodotti jew servizzi sa valur ta' mill-inqas 1 % tal-valur totali tax-xiri, permezz ta' websajt, applikazzjoni jew messaġġ tat-tip EDI tul is-sena kalendarja preċedenti.

(d)

Il-proċessi u l-aspetti organizzattivi tan-negozju elettroniku

(i)

dwar l-intrapriżi li jużaw il-kompjuter:

—	(fakultattiv) l-analiżi ta' Big Data bl-użu tad-dejta tal-intrapriża bħala sors ta' dejta minn apparati jew sensers intelliġenti, tul is-sena kalendarja preċedenti;

—	(fakultattiv) l-analiżi ta' Big Data bl-użu tad-dejta ta' ġeolokalizzazzjoni bħala sors ta' dejta, tul is-sena kalendarja preċedenti;

—	(fakultattiv) l-analiżi ta' Big Data bl-użu ta' dejta ġġenerata mill-midja soċjali bħala sors ta' dejta, tul is-sena kalendarja preċedenti;

—	(fakultattiv) l-analiżi ta' Big Data bl-użu ta' sorsi ta' dejta oħrajn mhux speċifikati f'dan il-punt, tul is-sena kalendarja preċedenti;

(ii)

dwar l-intrapriżi li janalizzaw il-Big Data:

—	(fakultattiv) l-użu tal-impjegati tal-intrapriża biex iwettqu l-analiżijiet tal-Big Data;

—	(fakultattiv) l-użu ta' fornituri ta' servizzi esterni biex iwettqu l-analiżijiet tal-Big Data;

(iii)

dwar l-intrapriżi li jużaw il-kompjuter:

—	Il-ħruġ jew it-trażmissjoni ta' kull tip ta' fattura, kemm f'forma elettronika kif ukoll fuq il-karta lil intrapriżi oħrajn tul is-sena kalendarja preċedenti;

—	Il-ħruġ jew it-trażmissjoni ta' kull tip ta' fattura, kemm f'forma elettronika kif ukoll fuq il-karta lill-awtoritajiet pubbliċi tul is-sena kalendarja preċedenti;

—	Il-ħruġ jew it-trażmissjoni ta' kull tip ta' fattura, kemm f'forma elettronika kif ukoll fuq il-karta lill-konsumaturi privati tul is-sena kalendarja preċedenti;

—	il-perċentwal tal-fatturi kollha li waslu bħala fatturazzjoni elettronika, ta' struttura standard li hija addattata għall-ipproċessar awtomatiku (fatturi-e), tul is-sena kalendarja preċedenti;

—	il-perċentwal tal-fatturi kollha li waslu bħala fatturi jew fuq il-karta jew elettroniċi f'forma li mhijiex addattata għall-ipproċessar awtomatiku, tul is-sena kalendarja preċedenti;

(iv)

jinġabru dwar l-intrapriżi li ħarġu/bagħtu fatturi lil intrapriżi oħrajn jew lill-awtoritajiet pubbliċi tul is-sena kalendarja preċedenti:

—	il-perċentwal tal-fatturi kollha li ntbagħtu bħala fatturi elettroniċi ta' struttura standard li hija addattata għall-ipproċessar awtomatiku (fatturi-e), lil intrapriżi oħra jew lill-awtoritajiet pubbliċi, matul is-sena kalendarja preċedenti;

—	il-perċentwal tal-fatturi kollha li nħarġu/ntbagħtu bħala fatturi elettroniċi f'forma li mhijiex addattata għall-ipproċessar awtomatiku, lil intrapriżi oħra jew lill-awtoritajiet pubbliċi, tul is-sena kalendarja preċedenti;

—	il-perċentwal tal-fatturi kollha li nħarġu/ntbagħtu biss bħala fatturi fuq il-karta, lil intrapriżi oħra jew lill-awtoritajiet pubbliċi, tul is-sena kalendarja preċedenti.

(e)

Il-kompetenza fl-ICT fl-unità tal-intrapriża u l-bżonn ta' ħiliet fl-ICT

(i)

dwar l-intrapriżi li jużaw il-kompjuter:

—	l-impjieg ta' speċjalisti tal-ICT;

—	l-għoti ta' kull tip ta' taħriġ għall-iżvilupp ta' ħiliet marbutin mal-ICT għall-ispeċjalisti tal-ICT, matul is-sena kalendarja preċedenti;

—	l-għoti ta' kull tip ta' taħriġ għall-iżvilupp ta' ħiliet marbutin mal-ICT għal persuni impjegati oħra, matul is-sena kalendarja preċedenti;

—	ir-reklutaġġ, jew tentattiv li jiġu reklutati, speċjalisti tal-ICT, matul is-sena kalendarja preċedenti;

—

it-twettiq tax-xogħlijiet tal-ICT li jidhru hawn taħt tul is-sena kalendarja preċedenti (“B'mod ewlieni mill-impjegati stess tal-intrapriża, fosthom dawk li jkunu impjegati fl-intrapriża prinċipali jew f'intrapriża affiljata”, “B'mod prinċipali minn fornitur estern”, jew “Ma japplikax”:

—	il-manutenzjoni tal-infrastruttura tal-ICT (servers, kompjuters, stampaturi, netwerks);

—	is-sostenn tas-softwer li jintuża fl-uffiċċju;

—	żvilupp ta' softwer/sistemi tal-ġestjoni ta' negozju;

—	is-sostenn ta' softwer/sistemi tal-ġestjoni ta' negozju;

—	l-iżvilupp ta' applikazzjonijiet tal-web;

—	is-sostenn tal-applikazzjonijiet tal-web;

—	is-sigurtà u l-protezzjoni tad-dejta;

(ii)

dwar l-intrapriżi li jużaw il-kompjuter u li rreklutaw jew ippruvaw jirreklutaw speċjalisti tal-ICT fis-sena kalendarja preċedenti:

—	postijiet tax-xogħol battala għal speċjalisti tal-ICT li kien diffiċli li wieħed jimlihom.

(f)

Ostakli għall-użu tal-ICT, tal-Internet, u ta' networks elettroniċi oħra, kif ukoll għall-użu ta' proċessi tal-kummerċ elettroniku u tan-negozju elettroniku

(i)

dwar l-intrapriżi li jużaw il-kompjuter:

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba li l-prodotti jew is-servizzi ma jkunux addattati biex jinbiegħu bl-Internet;

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba problemi loġistiċi;

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba problemi marbutin mal-ħlas;

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba problemi tal-ICT marbutin mas-sigurtà jew mal-protezzjoni tad-dejta;

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba problemi marbutin mal-qafas legali;

—	(fakultattiv) ostakli li jillimitaw jew jipprevjenu l-bejgħ permezz ta' websajt jew applikazzjoni minħabba spejjeż ta' investiment għoljin meta mqabbla mal-benefiċċji mistennija.

(g)

L-aċċess għat-teknoloġiji li jippermettu konnessjoni mal-Internet jew ma' networks oħra minn kullimkien, kull ħin (konnettività ubikwa), u l-użu tagħhom

(i)

dwar l-intrapriżi li għandhom aċċess għall-Internet:

—	il-forniment ta' aċċess mill-bod għas-sistema tal-posta elettronika, għad-dokumenti jew għall-applikazzjonijiet tal-intrapriża;

—	il-ħlas ta' reklami minn fuq l-Internet;

—	l-użu ta' servizzi tal-cloud computing, minbarra s-servizzi mingħajr ħlas;

(ii)

dwar l-intrapriżi li jħallsu biex jirreklamaw fuq l-Internet b'xi wieħed minn dawn il-metodi ta' reklamar immirat:

—	il-metodu ta' reklamar ibbażat fuq il-kontenut tal-paġna web jew fuq il-kliem ewlieni li l-utent juża għat-tiftix;

—	il-metodu ta' reklamar ibbażat fuq is-segwiment tal-attivitajiet jew tal-profil tal-utent;

—	il-metodu ta' reklamar ibbażat fuq il-pożizzjoni ġeografika tal-utenti tal-Internet;

—	kull metodu ieħor ta' reklamar immirat li jsir fuq l-Internet u li mhuwiex speċifikat hawn fuq;

(iii)

dwar l-intrapriżi li għandhom aċċess għall-Internet u li jixtru s-servizzi tal-cloud computing:

—	l-użu tal-posta elettronika bħala servizz tal-cloud computing;

—	l-użu tas-softwer tal-uffiċċju bħala servizz tal-cloud computing;

—	l-ospitar tal-bażi(jiet) tad-dejta tal-intrapriża bħala servizz tal-cloud computing;

—	il-ħżin ta' fajls bħala servizz tal-cloud computing;

—	l-użu tas-softwer tal-finanzi jew tal-kontabilità bħala servizz tal-cloud computing;

—	l-użu ta' Servizz tal-Ġestjoni tar-Relazzjonijiet mal-Klijenti bħala servizz tal-cloud computing;

—	l-użu tas-saħħa informatika għat-tmexxija tas-softwer tal-intrapriża bħala servizz tal-cloud computing;

—	l-użu tas-servizzi tal-cloud computing mibgħuta minn servers komuni tal-fornituri tas-servizzi;

—	l-użu tas-servizzi tal-cloud computing mibgħuta minn servers ta' fornituri tas-servizzi, riżervati esklussivament għall-intrapriża.

(3)

Id-dettalji li ġejjin dwar il-kuntest ta' kull-impriża għandhom jinġabru jew jinkisbu minn sorsi alternattivi:

—	l-attività ekonomika prinċipali tal-intrapriża, fis-sena kalendarja preċedenti;

—	il-medja tal-għadd ta' persuni impjegati, fis-sena kalendarja preċedenti;

—	id-dħul totali, eskluża l-VAT, fis-sena kalendarja preċedenti.

B. Kopertura

Id-dettalji speċifikati fl-intestaturi A(2) u (3) jridu jinġabru għall-kategoriji ta' intrapriżi li ġejjin:

(1)

Attività ekonomika: intrapriżi kklassifikati fil-kategoriji li ġejjin tan-NACE Rev. 2:

Kategorija NACE	Deskrizzjoni
Taqsima C	“Manifattura”
Taqsima D, E	“Elettriku, gass u fwar, provvista tal-ilma, immaniġġjar ta' dranaġġ u ta' skart”
Taqsima F	“Kostruzzjoni”
Taqsima G	“Negozju bl-ingrossa u bl-imnut; tiswija ta' vetturi bil-mutur u ta' muturi”
Taqsima H	“Trasport u ħażna”
Taqsima I	“Akkommodazzjoni u attivitajiet ta' servizzi marbuta mal-ikel”
Taqsima J	“Informazzjoni u komunikazzjoni”
Taqsima L	“Attivitajiet marbuta ma' proprjetà immobbli”
Diviżjonijiet 69-74	“Attivitajiet professjonali, xjentifiċi u tekniċi”
Taqsima N	“Attivitajiet amministrattivi u ta' sostenn”
Grupp 95.1	“Tiswija ta' kompjuters u tagħmir għall-komunikazzjoni”;

(2)	Id-daqs tal-intrapriża: intrapriżi b'10 impjegati jew aktar. Intrapriżi b'inqas minn 10 impjegati jistgħu jiġu koperti b'mod fakultattiv.

(3)	L-ambitu ġeografiku: intrapriżi li jinsabu fi kwalunkwe parti tat-territorju tal-Istat Membru.

C. Perjodi ta' referenza

Il-perjodu ta' referenza huwa s-sena 2015 rigward id-dettalji li jirreferu għas-sena kalendarja preċedenti. Il-perjodu ta' referenza huwa l-2016 rigward id-dettalji l-oħra.

D. Diżaggregazzjoni tad-dejta

Iridu jingħataw id-dettalji kuntestwali li ġejjin rigward is-suġġetti u d-dettalji elenkati fl-intestatura (2) tal-Parti A:

(1)

Diżaggregazzjoni tal-attività ekonomika: skont l-aggregati NACE Rev. 2 li ġejjin:

Aggregazzjoni tan-NACE Rev. 2

għall-kalkolu possibbli tal-aggregati nazzjonali

10–18

19–23

24–25

26–33

35–39

41–43

45–47

49–53

58–63

69–74

77–82

26.1–26.4, 26.8, 46.5, 58.2, 61, 62, 63.1, 95.1

Aggregazzjoni tan-NACE Rev. 2

għall-kalkolu possibbli tal-aggregati Ewropej

10–12

13–15

16–18

27–28

29–30

31–33

55–56

58–60

62–63

77–78 + 80–82

95.1

(2)

diżaggregazzjoni skont il-klassifika tad-daqs: id-dejta għandha tinqasam skont il-klassifikazzjonijiet tad-daqs li ġejjin skont l-għadd ta' persuni impjegati:

Klassifikazzjoni tad-daqs

10 persuni impjegati jew aktar

minn 10 sa 49 persuna impjegata

minn 50 sa 249 persuna impjegata

250 persuni impjegati jew aktar

Id-dejta koperta għandha tingħata diżaggregata skont it-tabella li ġejja:

Klassifikazzjoni tad-daqs

Inqas minn 10 persuni impjegati (fakultattiv)

Inqas minn 5 persuni impjegati (fakultattiv)

minn 5 sa 9 persuni impjegati (fakultattiv)

E. Perjodiċità

Id-dejta meħtieġa minn dan l-Anness għandha tingħata darba għas-sena 2016.

F. Skadenzi għat-trażmissjoni tar-riżultati

(1)

Id-dejta aggregata msemmija fl-Artikolu 6 u fl-Anness I(6) tar-Regolament (KE) Nru 808/2004, immarkata fejn jeħtieġ bħala kunfidenzjali jew mhux affidabbli, trid tiġi trażmessa lill-Eurostat qabel il-5 ta' Ottubru 2016. Sa dakinhar, il-ġabra tas-sett tad-dejta għandha tkun iffinalizzata, ivvalidata u aċċettata.

(2)

Il-metadejta msemmija fl-Artikolu 6 tar-Regolament (KE) Nru 808/2004 trid tintbagħat lill-Eurostat qabel il-31 ta' Mejju 2016.

(3)

Ir-rapport tal-kwalità msemmi fl-Artikolu 7(3) tar-Regolament (KE) Nru 808/2004 irid jintbagħat lill-Eurostat qabel il-5 ta' Novembru 2016.

(4)

Id-dejta u l-metadejta għandhom jingħataw lill-Eurostat skont l-istandard ta' skambju speċifikat mill-Eurostat permezz tas-servizzi tal-Punt tad-Dħul Uniku. Il-metadejta u r-rapport tal-kwalità għandhom jingħataw bl-istruttura standard tal-metadejta ddefinita mill-Eurostat.

ANNESS II

Modulu 2: Individwi, familji u s-soċjetà tal-informazzjoni

A. Is-suġġetti u d-dettalji tagħhom

(1)

Is-suġġetti li jridu jiġu koperti għas-sena ta' referenza 2016, magħżula mil-lista fl-Anness II tar-Regolament (KE) Nru 808/2004, se jkunu dawn li ġejjin:

(a)	l-aċċess għall-ICTs u l-użu tagħhom minn individwi u/jew unitajiet domestiċi;

(b)	l-użu tal-Internet u networks elettroniċi oħra għal raġunijiet differenti minn individwi u/jew unitajiet domestiċi;

(c)	is-sigurtà u l-fiduċja fl-ICT;

(d)	kompetenzi u ħiliet fl-ICT;

(e)	l-ostakli għall-użu tal-ICT u l-Internet;

(f)	l-użu tal-ICT minn individwi biex jiskambjaw l-informazzjoni u s-servizzi ma' amministrazzjonijiet governattivi u pubbliċi (amministrazzjoni elettronika);

(g)	l-aċċess għat-teknoloġiji li jippermettu konnessjoni mal-Internet jew ma' networks oħra minn kullimkien kull ħin (konnettività ubikwa), u l-użu tagħhom.

(2)

Għandhom jinġabru d-dettalji li ġejjin:

(a)

Aċċess għal-ICT u l-użu tiegħu minn individwi u/jew minn unitajiet domestiċi

(i)

dwar l-unitajiet domestiċi kollha:

—	l-aċċess għall-Internet mid-dar (bi kwalunkwe apparat);

(ii)

dwar l-unitajiet domestiċi li għandhom aċċess għall-Internet:

—	konnessjoni mal-Internet: konnessjoni broadband fissa, pereżempju DSL, ADSL, VDSL, kejbil, kejbil fibrottiku, satellita, konnessjonijiet WiFi pubbliċi;

—	konnessjoni mal-Internet: konnessjoni broadband mobbli (permezz ta' netwerk tat-telefown ċellulari, ta' mill-inqas 3G, pereżempju UMTS bl-użu ta' (SIM) card, jew ċavetta USB, telefown ċellulari jew smartphone li jintużaw bħala modem);

—	(fakultattiv) konnessjoni mal-Internet: aċċess bil-linja normali tat-telefown billi jċempel jew permezz ta' ISDN;

—	(fakultattiv) konnessjoni mal-Internet: konnessjoni narrowband mobbli (permezz ta' netwerk tat-telefown ċellulari, ta' mill-inqas 3G, pereżempju 2G+/GPRS bl-użu ta' (SIM) card, jew ċavetta USB, telefown ċellulari jew smartphone li jintużaw bħala modem).

(b)

L-użu tal-Internet għal raġunijiet differenti minn individwi u/jew unitajiet domestiċi

(i)

dwar l-individwi kollha:

—	l-aktar użu riċenti tal-Internet (f'dawn l-aħħar tliet xhur; bejn tliet xhur u sena ilu; aktar minn sena ilu; qatt ma użaw l-Internet);

(ii)

dwar l-individwi li diġà jkunu użaw l-Internet:

—	l-aktar attività ta' kummerċ bl-Internet riċenti għall-użu privat (f'dawn l-aħħar tliet xhur; bejn tliet xhur u sena ilu; aktar minn sena ilu; qatt ma xtraw jew ordnaw xejn fuq l-Internet);

(iii)

dwar l-individwi li jkunu użaw l-Internet f'dawn l-aħħar tliet xhur:

—	il-frekwenza medja ta' użu tal-Internet f'dawn l-aħħar tliet xhur (kuljum jew kważi kuljum; tal-inqas darba fil-ġimgħa (iżda mhux kuljum); inqas minn darba fil-ġimgħa);

—	l-użu ta' kompjuter desktop għall-aċċess tal-Internet f'dawn l-aħħar tliet xhur;

—	l-użu ta' kompjuter laptop għall-aċċess tal-Internet f'dawn l-aħħar tliet xhur;

—	l-użu ta' kompjuter tablet għall-aċċess tal-Internet f'dawn l-aħħar tliet xhur;

—	l-użu ta' telefown ċellulari jew smartphone għall-aċċess tal-Internet f'dawn l-aħħar tliet xhur;

—	l-użu ta' apparat mobbli ieħor (eż. apparat li jaqra l-multi media jew il-logħob, apparat li jaqra l-kotba elettroniċi, arloġġi intelliġenti) għall-aċċess tal-Internet f'dawn l-aħħar tliet xhur;

—	l-użu ta' TV konness (konness direttament mal-Internet, eż. permezz tal-WiFi, mhux permezz ta' apparat ieħor biex imbagħad it-televixin jintuża bħala skrin ikbar) għall-aċċess tal-Internet f'dawn l-aħħar tliet xhur;

—	l-użu tal-Internet f'dawn l-aħħar tliet xhur għal skopijiet privati biex jibgħatu u jirċievu l-posta elettronika;

—	l-użu tal-Internet f'dawn l-aħħar tliet xhur għal skopijiet privati għal telefonati minn fuq l-Internet, għat-telefonati viżivi (permezz ta' webcam) minn fuq l-Internet (bl-użu ta' applikazzjonijiet);

—	l-użu tal-Internet f'dawn l-aħħar tliet xhur għal skopijiet privati ta' parteċipazzjoni f'netwerks soċjali (ħolqien ta' profil tal-utent, impustar ta' messaġġi jew xi kontribuzzjoni oħra);

—	l-użu tal-Internet f'dawn l-aħħar tliet xhur għal skopijiet privati biex wieħed jaqra l-aħbarijiet, gazzetti u rivisti tal-aħbarijiet onlajn;

—	l-użu tal-Internet f'dawn l-aħħar tliet xhur għal skopijiet privati biex wieħed isib l-informazzjoni dwar oġġetti jew servizzi;

—	l-użu tal-Internet f'dawn l-aħħar tliet xhur għal skopijiet privati biex wieħed jilgħab jew iniżżel il-logħob;

—	l-użu tal-Internet f'dawn l-aħħar tliet xhur għal skopijiet privati biex wieħed jismal-mużika (eż. ir-radju fuq il-web, strimjar ta' mużika);

—	l-użu tal-Internet f'dawn l-aħħar tliet xhur għal skopijiet privati biex wieħed jara t-televixin strimjat fuq l-Internet (dirett jew ripetizzjoni) mix-xandara tat-televixin;

—	l-użu tal-Internet f'dawn l-aħħar tliet xhur għal skopijiet privati biex wieħed jara l-vidjos fuq talba mingħand servizzi kummerċjali;

—	l-użu tal-Internet f'dawn l-aħħar tliet xhur għal skopijiet privati biex wieħed jara l-vidjos mingħand servizzi ta' tqassim;

—	l-użu tal-Internet f'dawn l-aħħar tliet xhur għal skopijiet privati biex wieħed itella' kontenut maħluq minnu stess (testijiet, ritratti, vidjos, mużika, softwer eċċ.) għat-tqassim fi kwalunkwe websajt;

—	l-użu tal-Internet f'dawn l-aħħar tliet xhur għal skopijiet privati biex wieħed joħloq websajt jew blogg;

—	l-użu tal-Internet f'dawn l-aħħar tliet xhur għal skopijiet privati biex wieħed ifittex tagħrif dwar is-saħħa;

—	l-użu tal-Internet f'dawn l-aħħar tliet xhur għal skopijiet privati biex jiġi ffissat appuntament ma' tabib permezz ta' websajt (eż. websajt ta' sptar jew ta' ċentru tal-kura tas-saħħa);

—	l-użu tal-Internet f'dawn l-aħħar tliet xhur għal skopijiet privati biex wieħed juża servizzi marbuta mal-ivvjaġġar jew mal-akkomodazzjoni konnessa mal-ivvjaġġar;

—	l-użu tal-Internet f'dawn l-aħħar tliet xhur għal skopijiet privati għall-bejgħ ta' prodotti jew ta' servizzi, (eż. permezz ta' rkantijiet onlajn);

—	l-użu tal-Internet f'dawn l-aħħar tliet xhur għal skopijiet privati għall-użu ta' servizzi bankarji fuq l-Internet;

—	l-użu tal-Internet f'dawn l-aħħar tliet xhur għal skopijiet privati għall-użu ta' kontijiet tal-pagament għall-ħlas ta' oġġetti jew ta' servizzi li jinxtraw minn fuq l-Internet;

—	l-użu tal-ispazju ta' ħżin fl-Internet f'dawn l-aħħar tliet xhur għal skopijiet privati biex wieħed iżomm fajls ta' dokumenti, ritratti, mużika, vidjo jew oħrajn (eż. Google Drive, Dropbox, Windows OneDrive, iCloud, Amazon Cloud Drive);

—	l-użu tal-Internet f'dawn l-aħħar tliet xhur għal attivitajiet ta' tagħlim fil-forma ta' kors onlajn għal skopijiet edukattivi, professjonali jew privati;

—

l-użu tal-Internet f'dawn l-aħħar tliet xhur għal attivitajiet ta' tagħlim li ma jikkonsistux minn kors sħiħ, għal skopijiet edukattivi, professjonali jew privati, billi dak li jkun juża materjal li jinsab onlajn (bħal materjali awdjoviżivi, softwer tat-tagħlim onlajn, kotba tat-tagħlim elettroniċi);

—	l-użu tal-Internet f'dawn l-aħħar tliet xhur għal skopijiet edukattivi biex dak li jkun jieħu sehem f'attivitajiet ta' tagħlim fil-forma ta' komunikazzjoni onlajn ma' għalliema jew ma' studenti permezz ta' websajts/portali edukattivi;

—	(fakultattiv) l-użu tal-Internet f'dawn l-aħħar tliet xhur għal attivitajiet oħrajn ta' tagħlim għal skopijiet edukattivi, professjonali jew privati;

(iv)

dwar l-individwi li jkunu użaw TV konness biex jidħlu għall-Internet f'dawn l-aħħar tliet xhur:

—	l-użu ta' TV konness biex jaraw it-televixin strimjat fuq l-Internet (dirett jew ripetizzjoni) fl-aħħar tliet xhur;

—	l-użu ta' TV konness biex jaraw kontenut vidjo ieħor (fuq talba jew minn servizzi tat-tqassim) fl-aħħar tliet xhur;

—	l-użu ta' TV konness tiftix fuq l-Internet permezz ta' applikazzjoni tat-tiftix fl-aħħar tliet xhur;

—	l-użu ta' applikazzjonijiet oħra permezz ta' TV konness (eż. Skype, facebook, logħob, xiri onlajn) fl-aħħar tliet xhur;

(v)

dwar l-individwi li jkunu użaw l-Internet f'dawn l-aħħar 12-il xahar għal skopijiet privati:

—	l-użu tal-Internet għax-xiri u l-bejgħ ta' ishma, bonds, fondi jew servizzi oħrajn tal-investiment, fl-aħħar 12-il xahar;

—	ix-xiri jew it-tiġdid ta' poloz tal-assigurazzjoni, inklużi dawk li jingħataw f'pakkett flimkien ma' xi servizz ieħor (eż. assigurazzjoni tal-ivvjaġġar flimkien mal-biljett tal-ajru) fl-aħħar 12-il xahar;

—	l-użu tal-Internet għall-ksib ta' self jew kreditu mingħand il-banek jew mingħand xi fornituri oħra ta' finanzjament, fl-aħħar 12-il xahar;

(vi)

dwar l-individwi li jkunu użaw l-Internet għal attivitajiet kummerċjali bl-Internet għall-użu privat f'dawn l-aħħar 12-il xahar:

—	l-użu tal-Internet biex wieħed jordna l-ikel jew il-merċa fl-aħħar 12-il xahar;

—	l-użu tal-Internet biex wieħed jordna oġġetti tad-dar fl-aħħar 12-il xahar;

—	l-użu tal-Internet biex wieħed jordna mediċina fl-aħħar 12-il xahar;

—	l-użu tal-Internet biex wieħed jordna ħwejjeġ jew oġġetti sportivi fl-aħħar 12-il xahar;

—	l-użu tal-Internet biex wieħed jordna ħardwer tal-kompjuter fl-aħħar 12-il xahar;

—	l-użu tal-Internet biex wieħed jordna tagħmir elettroniku (inklużi kameras) fl-aħħar 12-il xahar;

—	l-użu tal-Internet biex jiġu ordnati servizzi tat-telekomunikazzjoni (eż. televixin, abbonamenti għall-broadband, abbonamenti għal telefown b'linja fissa jew ċellulari, tqegħid ta' flus f'kards telefoniċi mħallsa minn qabel) f'dawn l-aħħar 12-il xahar;

—	l-użu tal-Internet biex wieħed jibbukkja l-akkomodazzjoni waqt btala (lukandi, eċċ.) fl-aħħar 12-il xahar;

—	l-użu tal-Internet biex wieħed jagħmel arranġamenti oħra ta' vvjaġġar (biljetti għat-trasport, kiri ta' karozza, eċċ.) f'dawn l-aħħar 12-il xahar;

—	l-użu tal-Internet biex wieħed jordna l-biljetti għall-avvenimenti fl-aħħar 12-il xahar;

—	l-użu tal-Internet biex wieħed jordna l-films jew il-mużika f'dawn l-aħħar 12-il xahar;

—	l-użu tal-Internet biex wieħed jordna l-kotba, ir-rivisti jew il-gazzetti (inklużi l-kotba elettroniċi) f'dawn l-aħħar 12-il xahar;

—	l-użu tal-Internet biex wieħed jordna materjal tat-tagħlim elettroniku f'dawn l-aħħar 12-il xahar;

—	l-użu tal-Internet biex wieħed jordna softwer tal-logħob tal-kompjuter, softwer ieħor tal-kompjuter u aġġornamenti ta' softwer f'dawn l-aħħar 12-il xahar;

—	l-użu tal-Internet biex wieħed jordna oġġetti jew servizzi oħrajn fl-aħħar 12-il xahar;

—	oġġetti jew servizzi li nxtraw jew ġew ordnati fl-aħħar 12-il xahar mingħand bejjiegħa nazzjonali;

—	oġġetti jew servizzi li nxtraw jew ġew ordnati fl-aħħar 12-il xahar mingħand bejjiegħa minn pajjiżi oħrajn tal-UE;

—	oġġetti jew servizzi li nxtraw jew ġew ordnati fl-aħħar 12-il xahar mingħand bejjiegħa mill-bqija tad-dinja;

—	oġġetti jew servizzi li nxtraw jew ġew ordnati fl-aħħar 12-il xahar mingħand bejjiegħa minn pajjiż mhux magħruf;

—	l-għadd ta' oġġetti jew servizzi li nxtraw minn fuq l-Internet f'dawn l-aħħar tliet xhur (l-għadd ta' ordnijiet/xirjiet jew forma ta' klassifikazzjonijiet: 1-2 ordnijiet/xirjiet; bejn > 2 u 5 ordnijiet/xirjiet; bejn > 5 u 10 ordnijiet/xirjiet, > 10 ordnijiet/xirjiet);

—

il-valur totali tal-oġġetti jew tas-servizzi (minbarra l-ishma jew servizzi finanzjarji oħra) li nxtraw minn fuq l-Internet fl-aħħar tliet xhur (l-ammont f'euro, jew fil-klassifiki: inqas minn EUR 50, bejn EUR 50 u inqas minn EUR 100, bejn EUR 100 u inqas minn EUR 500, bejn EUR 500 u inqas minn EUR 1 000, minn EUR 1 000 'il fuq; mhux magħruf);

—	(fakultattiv) problemi li nqalgħu fil-kummerċ elettroniku minħabba falliment tekniku tal-websajt waqt li kienu qegħdin jiddaħħlu l-ordni jew il-pagament;

—	(fakultattiv) problemi li nqalgħu fil-kummerċ elettroniku minħabba diffikultà biex tinstab l-informazzjoni dwar garanziji u drittijiet ġuridiċi oħra;

—	(fakultattiv) problemi li nqalgħu fil-kummerċ elettroniku minħabba konsenja li ddum iżjed milli jkun imwiegħed;

—	(fakultattiv) problemi li nqalgħu fil-kummerċ elettroniku minħabba li l-ispejjeż totali jkunu ogħla minn dawk indikati (eż. spejjeż tal-konsenja ogħla, ħlas fuq it-tranżazzjoni mhux mistenni);

—	(fakultattiv) problemi li nqalgħu fil-kummerċ elettroniku minħabba li jiġu kkonsenjati oġġetti żbaljati jew bil-ħsara;

—	(fakultattiv) problemi li nqalgħu fil-kummerċ elettroniku minħabba frodi (pereżempju ma jintbagħtux ebda oġġetti jew servizzi, jiġu abbużati d-dettalji tal-karti ta' kreditu);

—	(fakultattiv) problemi li nqalgħu fil-kummerċ elettroniku minħabba diffikultà biex wieħed idaħħal ilment jew diffikultà fir-rimedju, inkella ma jkunx hemm tweġiba sodisfaċenti meta wieħed jilmenta;

—	(fakultattiv) problemi li nqalgħu fil-kummerċ elettroniku minħabba li l-bejjiegħ barrani ma jbigħx fil-pajjiż ta' min irid jixtri;

—	(fakultattiv) problemi li nqalgħu fil-kummerċ bl-Internet:

—	(fakultattiv) problemi li nqalgħu fil-kummerċ bl-Internet;

—	il-frekwenza tal-użu ta' informazzjoni miksuba minn websajts diversi tal-bejjiegħa, tal-produtturi jew tal-fornituri ta' servizzi qabel xirja onlajn fl-aħħar 12-il xahar, bi speċifikazzjoni dwar din intużatx kull darba jew kważi kull darba, xi kultant, rarament jew qatt;

—	il-frekwenza tal-użu ta' informazzjoni miksuba minn websajts jew applikazzjonijiet tat-tqabbil, tal-prezzijiet jew tal-prodotti qabel xirja onlajn fl-aħħar 12-il xahar, bi speċifikazzjoni dwar din intużatx kull darba jew kważi kull darba, xi kultant, rarament jew qatt;

—	il-frekwenza tal-użu ta' informazzjoni miksuba minn websajts jew bloggs tal-valutazzjoni mill-klijenti qabel xirja onlajn fl-aħħar 12-il xahar, bi speċifikazzjoni dwar din intużatx kull darba jew kważi kull darba, xi kultant, rarament jew qatt;

—	oġġetti jew servizzi li nxtraw jew ġew ordnati fl-aħħar 12-il xahar permezz ta' klikkjar/xiri minnufih minn reklam f'websajt tal-midja soċjali jew f'applikazzjoni.

(c)

Is-sigurtà u l-fiduċja fl-ICT

(i)

dwar l-individwi li jkunu użaw l-Internet f'dawn l-aħħar 12-il xahar:

—	l-informazzjoni personali li ngħatat fuq l-Internet fl-aħħar 12-il xahar bħala dettalji personali (pereżempju l-isem, id-data tat-twelid, in-numru tal-karta tal-identità);

—	l-informazzjoni personali li ngħatat fuq l-Internet fl-aħħar 12-il xahar bħala dettalji tal-kuntatt (pereżempju l-indirizz tad-dar, in-numru tat-telefown, l-indirizz tal-imejl);

—	l-informazzjoni personali li ngħatat fuq l-Internet fl-aħħar 12-il xahar bħala dettalji għall-ħlas (pereżempju n-numru tal-kard tal-kreditu jew tad-debitu, in-numru tal-kont tal-bank);

—	informazzjoni personali oħra li ngħatat fuq l-Internet f'dawn l-aħħar 12-il xahar, pereżempju ritratti, pożizzjoni ġeografika attwali, informazzjoni marbuta mas-saħħa, mal-impjieg, mad-dħul;

—	ma ngħatat ebda informazzjoni personali fuq l-Internet fl-aħħar 12-il xahar;

—	qraw id-dikjarazzjonijiet dwar il-politika tal-privatezza qabel ma taw informazzjoni personali fl-aħħar 12-il xahar;

—	illimitaw l-aċċess għall-pożizzjoni ġeografika tagħhom fl-aħħar 12-il xahar;

—	illimitaw l-aċċess għall-profil jew għall-kontenut f'siti ta' netwerking soċjali fl-aħħar 12-il xahar;

—	ma tawx permess biex l-informazzjoni tagħhom personali tintuża għar-reklami fl-aħħar 12-il xahar;

—	fl-aħħar 12-il xahar aċċertaw ruħhom li l-websajt fejn intalbet l-informazzjoni personali tagħhom ma kinitx riskjuża (pereżempju siti https, logo jew ċertifikat tas-sigurtà);

—	fl-aħħar 12-il xahar talbu lill-websajts jew il-magni tat-tiftix biex jaċċessaw l-informazzjoni li dawn kellhom dwarhom, biex jaġġornawha jew iħassruha;

—	l-għarfien li l-kukis jistgħu jintużaw biex jiġu rintraċċati l-movimenti tal-utenti fuq l-Internet, biex jinħolqu l-profili ta' kull utent biex jitfasslu u jintbagħtu reklami apposta għall-utenti;

—	(fakultattiv) tħassib dwar ir-reġistrazzjoni ta' attivitajiet onlajn bil-għan li jintbagħtu reklami mfasslin speċifikament għall-utenti, il-gradi ta' tħassib speċifikati huma: mħassba sew, daqsxejn imħassbin, mhemmx inkwiet;

—	it-tibdil, imqar darba, tas-settings tas-sigurtà għall-prevenzjoni jew għal-limitazzjoni tal-kukis li jiddaħħlu fil-kompjuter ta' dak li jkun;

—	l-użu ta' softwer kontra r-rintraċċar.

(d)

Kompetenzi u ħiliet fl-ICT

(i)

dwar l-individwi li jkunu użaw l-Internet f'dawn l-aħħar 12-il xahar:

—	il-ħiliet għat-trasferiment ta' fajls bejn il-kompjuter u apparati oħra;

—	il-ħiliet biex wieħed jinstalla s-softwer jew l-applikazzjonijiet;

—	il-ħiliet biex wieħed ibiddel is-settings ta' kwalunkwe softwer, fosthom is-sistema operattiva jew programmi ta' sigurtà;

—	il-ħiliet biex wieħed jikkopja jew iċaqlaq fajls jew fowlders;

—	il-ħiliet fl-użu tas-softwer tal-word processing;

—	il-ħiliet għall-ħolqien ta' preżentazzjonijiet jew dokumenti li jintegraw test flimkien ma' stampi, tabelli jew ċarts;

—	il-ħiliet fl-użu tas-softwer tal-ispread sheets;

—	il-ħiliet ta' editjar ta' ritratti, jew fajls tal-vidjo jew tal-awdjo;

—	il-ħiliet tal-kitba ta' kodiċijiet fil-lingwaġġ tal-ipprogrammar.

(ii)

dwar l-individwi li jkunu użaw l-Internet u s-softwer tal-ispread sheets f'dawn l-aħħar 12-il xahar:

—	il-ħiliet fl-użu tal-funzjonijiet avvanzati tas-softwer tal-ispread sheets għall-organizzazzjoni u l-analiżi tad-dejta, bħalma huma klassifikazzjoni, tgħarbil, l-użu ta' formuli, il-ħolqien ta' ċarts.

(e)

L-ostakli għall-użu tal-ICT u l-Internet

(i)

għall-unitajiet domestiċi li m'għandhomx aċċess għall-Internet fid-dar, bi speċifikazzjoni tar-raġuni għal dan:

—	għandhom aċċess għall-Internet minn xi mkien ieħor;

—	m'għandhomx bżonn tal-Internet, pereżempju għaliex dan mhuwiex utli jew mhuwiex ta' interess għalihom;

—	l-ispejjeż tal-apparat huma għoljin wisq;

—	l-ispejjeż għall-aċċess huma għoljin wisq (pereżempju tat-telefown jew ta' abbonament DSL);

—	nuqqas ta' ħiliet;

—	tħassib dwar is-sigurtà jew il-privatezza;

—	l-Internet bil-broadband mhux disponibbli fiż-żona;

—	raġunijiet oħra.

(f)

L-użu tal-ICT minn individwi biex jaqsmu l-informazzjoni u s-servizzi ma' amministrazzjonijiet governattivi u pubbliċi (amministrazzjoni elettronika)

(i)

dwar l-individwi li jkunu użaw l-Internet f'dawn l-aħħar 12-il xahar:

—	l-użu tal-Internet f'dawn l-aħħar 12-il xahar għal skopijiet privati biex wieħed jikseb tagħrif minn websajts ta' awtoritajiet pubbliċi jew ta' servizzi pubbliċi;

—	l-użu tal-Internet f'dawn l-aħħar 12-il xahar għal skopijiet privati biex wieħed iniżżel formoli uffiċjali minn websajts ta' awtoritajiet pubbliċi jew ta' servizzi pubbliċi;

—	l-użu tal-Internet f'dawn l-aħħar 12-il xahar għal skopijiet privati biex jintbagħtu formoli mimlija lil awtoritajiet pubbliċi jew lil servizzi pubbliċi;

(ii)

dwar l-individwi li ma bagħtux formoli mimlija lil websajts ta' awtoritajiet pubbliċi għal skopijiet privati f'dawn l-aħħar 12-il xhar, u li dan ma għamluhx għar-raġuni li ġejja:

—	ma kienx meħtieġ tressiq ta' formoli uffiċjali;

(iii)

dwar l-individwi li ma bagħtux formoli mimlija lil websajts ta' awtoritajiet pubbliċi għal skopijiet privati f'dawn l-aħħar 12-il xhar, u li dan ma għamluhx minkejja li kien meħtieġ, għal waħda mir-raġunijiet li ġejjin:

—	ma kien hemm ebda servizz ta' websajt ta' dan it-tip disponibbli;

—	in-nuqqas ta' ħiliet jew għarfien (eż. l-utent ma kienx jaf kif juża l-websajt jew l-użu tagħha kien ikkumplikat wisq);

—	tħassib dwar il-protezzjoni u s-sigurtà tad-dejta personali;

—	(fakultattiv) nuqqas ta' firem elettroniċi jew ID/ċertifikati elettroniċi meħtieġa għall-awtentifikazzjoni jew għall-użu tas-servizz, jew problemi biex dawn jintużaw;

—	dan ħa ħsiebu ħaddieħor (eż. konsulent, konsulent fiskali, qraba jew membri tal-familja);

—	raġunijiet oħra għaliex ma bagħtux formoli mimlijin lill-awtoritajiet pubbliċi permezz tal-Internet.

(g)

L-aċċess għat-teknoloġiji li jippermettu konnessjoni mal-Internet jew ma' networks oħra minn kullimkien kull ħin (konnettività ubikwa), u l-użu tagħhom

(i)

dwar l-individwi li jkunu użaw l-Internet f'dawn l-aħħar tliet xhur:

—	l-użu ta' telefown ċellulari jew smartphone biex jinkiseb aċċess għall-Internet minn barra d-dar jew ix-xogħol fl-aħħar tliet xhur;

—	l-użu ta' telefown ċellulari jew smartphone biex jinkiseb aċċess għall-Internet permezz ta' netwerk ċellulari minn barra d-dar jew ix-xogħol fl-aħħar tliet xhur;

—	l-użu ta' telefown ċellulari jew smartphone biex jinkiseb aċċess għall-Internet permezz ta' netwerk mingħajr fili minn barra d-dar jew ix-xogħol fl-aħħar tliet xhur;

—	l-użu ta' kompjuter portabbli (pereżempju laptop jew tablet) biex jinkiseb aċċess għall-Internet minn barra d-dar jew ix-xogħol fl-aħħar tliet xhur;

—	l-użu ta' kompjuter portabbli (pereżempju laptop jew tablet) permezz ta' netwerk ċellulari, bl-użu ta' ċavetta USB jew ta' SIM kard jew telefown ċellulari jew smartphone bħala modem, għall-aċċess tal-Internet minn barra d-dar jew ix-xogħol, fl-aħħar tliet xhur;

—	l-użu ta' kompjuter portabbli (pereżempju laptop jew tablet) biex jinkiseb aċċess għall-Internet permezz ta' netwerk mingħajr fili (eż. WiFi) minn barra d-dar jew ix-xogħol fl-aħħar tliet xhur;

—	l-użu ta' apparat mobbli ieħor (eż. apparat li jaqra l-multi media jew il-logħob, apparat li jaqra l-kotba elettroniċi, arloġġi intelliġenti) għall-aċċess tal-Internet minn barra d-dar jew ix-xogħol f'dawn l-aħħar tliet xhur;

—	l-ebda użu ta' apparati mobbli biex jinkiseb aċċess għall-Internet minn barra d-dar jew ix-xogħol fl-aħħar tliet xhur.

B. Kopertura

(1)

L-unitajiet statistiċi għad-dettalji elenkati fl-intestatura A(2) ta' dan l-Anness li jikkonċernaw lill-unitajiet domestiċi huma dawk l-unitajiet domestiċi li fihom mill-inqas membru wieħed fl-età ta' bejn is-16 u l-74 sena.

(2)

L-unitajiet statistiċi għad-dettalji elenkati fl-intestatura A(2) ta' dan l-Anness li jikkonċernaw lill-individwi huma dawk l-individwi li għandhom età ta' bejn is-16 u l-74 sena.

(3)

L-ambitu ġeografiku fih unitajiet domestiċi jew individwi, jew unitajiet domestiċi u individwi, li jkunu jgħixu fi kwalunkwe parti tat-territorju tal-Istat Membru kkonċernat.

C. Perjodu ta' referenza

Il-perjodu ewlieni ta' referenza għall-ġbir tal-istatistika huwa l-ewwel kwart tal-2016.

D. Dettalji tal-kuntest soċjoekonomiku

(1)

Għas-suġġetti u d-dettalji tagħhom elenkati fl-intestatura A(2) ta' dan l-Anness li għandhom x'jaqsmu mal-unitajiet domestiċi, għandom jinġabru d-dettalji kuntestwali li ġejjin:

(a)	ir-reġjun ta' residenza speċifikat skont il-klassifikazzjoni tar-reġjuni NUTS1;

(b)	(fakultattiv) ir-reġjun ta' residenza speċifikat skont il-klassifikazzjoni NUTS2;

(c)	il-pożizzjoni ġeografika, jiġifieri, jgħixux f'reġjuni mhux wisq żviluppati, f'reġjuni li qegħdin f'tranżizzjoni, jew f'reġjuni żviluppati;

(d)	il-livell ta' urbanizzazzjoni, jiġifieri jgħixux f'żoni ta' popolazzjoni kbira, f'żoni ta' popolazzjoni medja, jew f'żoni ta' popolazzjoni żgħira;

(e)

it-tip ta' unità domestika, bi speċifikazzjoni dwar: l-għadd ta' membri, (fakultattiv) l-għadd ta' persuni li għandhom bejn is-16 u l-24 sena, (fakultattiv) l-għadd ta' persuni li għandhom bejn il-25 u l64 sena, (fakultattiv) l-għadd ta' persuni li għandhom minn 65 sena 'l quddiem, u, dettalji li jridu jinġabru separati, l-għadd ta' tfal ta' taħt is-16-il sena, (fakultattiv) l-għadd ta' tfal li għandhom bejn 14 u 15-il sena, (fakultattiv) l-għadd ta' tfal li għandhom bejn il-ħames snin u t-13-il sena, (fakultattiv) l-għadd ta' tfal li għandhom minn 4 snin 'l isfel);

(f)	(fakultattiv) id-dħul nett fix-xahar tal-unità domestika, dettall li għandu jinġabar bħala valur jew bħala faxex kompatibbli mad-dħul kwartili;

(g)	(fakultattiv) dħul nett totali fix-xahar għall-unità domestika ekwivalizzat, trażmess fi kwintili.

(2)

Għas-suġġetti u d-dettalji tagħhom elenkati fl-intestatura A(2) ta' dan l-Anness li għandhom x'jaqsmu mal-individwi, għandom jinġabru d-dettalji kuntestwali li ġejjin:

(a)

is-sess;

(b)	il-pajjiż tat-twelid, bi speċifikazzjoni dwar jekk il-persuna twilditx fil-pajjiż jew barra, jekk il-persuna tkun twieldet barra mill-pajjiż, irid ikun speċifikat jekk twielditx fi Stat Membru tal-UE jew f'pajjiż barra l-UE;

(c)	il-pajjiż taċ-ċittadinanza bi speċifikazzjoni dwar jekk il-persuna hijiex nattiva jew le, u jekk le, hijiex nattiva ta' Stat Membru ieħor tal-UE jew ta' pajjiż barra l-UE'

(d)	l-età, fi snin magħluqa; (fakultattiv) taħt is-16-il sena u/jew aktar minn 74 sena;

(e)	fakultattiv l-istatus de facto taż-żwieġ, hijiex tgħix f'unjoni konsenswali jew le;

(f)

il-livell edukattiv miksub, bi speċifikazzjoni dwar l-ogħla livell miksub skont il-Klassifikazzjoni Standard Internazzjonali tal-Edukazzjoni (ISCED 2011) u jekk dan huwiex l-iktar livell baxx tas-sekondarja (ISCED 0, 1 jew 2) jew livell għoli tas-sekondarja, jew livell ogħla mis-sekondarja, iżda ma jilħaqx l-edukazzjoni terzjarja (ISCED 3 jew 4), jew edukazzjoni terzjarja (ISCED 5, 6, 7 jew 8), jew inqas mil-livell tal-primarja (ISCED 0), jew il-livell tal-primarja (ISCED 1), jew tas-sekondarja (ISCED 2), jew tas-sekondarja għolja (ISCED 3), jew edukazzjoni ta' wara s-sekondarja, iżda mhux terzjarja (ISCED 4), jew edukazzjoni terzjarja fuq żmien qasir (ISCED 5), jew edukazzjoni fil-livell ta' baċċellerat jew ekwivalenti (ISCED 6), jew ta' masters jew ekwivalenti (ISCED 7), jew dottorat jew ekwivalenti (ISCED 8);

(g)

is-sitwazzjoni tal-impjieg, bi speċifikazzjoni dwar il-persuna hijiex impjegata jew taħdem għal rasha, dan jinkludi ħaddiema li jaħdmu ma' tal-familja (fakultattiv: impjegata jew taħdem għal rasha full-time, impjegata jew taħdem għal rasha part time, impjegata, impjegata b'impjieg permanenti jew għal żmien mhux limitat, impjegata b'impjieg temporanju jew b'kuntratt ta' żmien limitat, taħdem għal rasha, dan jinkludi ħaddiema li jaħdmu ma' tal-familja);

(h)

(fakultattiv) speċifika s-settur ekonomiku tal-impjieg:

It-Taqsimiet tan-NACE Rev. 2	Deskrizzjoni
A	L-agrikoltura, il-forestrija u s-sajd
B, C, D u E	Il-manifattura, ix-xogħol fil-minjieri u fil-barrieri, u industriji oħra
F	Bini
G, H u I	In-negozju bl-ingrossa u bl-imnut, it-trasport, l-akkomodazzjoni u l-attivitajiet tas-servizz marbuta mal-ikel
J	L-informazzjoni u l-komunikazzjoni
K	L-attivitajiet finanzjarji u tal-assigurazzjoni
L	L-attivitajiet marbuta mal-proprjetà immobbli
M u N	Is-servizzi kummerċjali
O, P, u Q	L-attivitajiet marbuta mal-amministrazzjoni pubblika, mad-difiża, mal-edukazzjoni, mas-saħħa tal-bniedem u mal-ħidma soċjali
R, S, T u U	Servizzi oħra

(i)

is-sitwazzjoni tal-impjieg bi speċifikazzjoni dwar jekk il-persuna hijiex qieghda, jew student u għalhekk ma tagħmilx parti mill-forza tax-xogħol, jew mhijiex fil-forza tax-xogħol għal xi raġuni oħra, bil-fakultà li wieħed jispeċifika jekk il-persuna tkunx irtirata, jew ħadet irtir bikri, jew ċediet in-negozju, jew għandha diżabbiltà permanenti, jekk hijiex fis-serviżż militari obbligatorju, jew qed twettaq servizz komunitarju, taħdem id-dar fuq xogħol domestiku jew ma taħdimx barra mid-dar għal xi raġuni oħra;

(j)

l-okkupazzjoni skont il-Klassifika Standard Internazzjonali tal-Okkupazzjonijiet (ISCO-08) bi speċifikazzjoni dwar il-persuna tikklassifikax bħala ħaddiem tal-idejn, ħaddiem mhux tal-idejn, ħaddiem fl-ICT, ħaddiem mhux fl-ICT u, b'mod fakultattiv, l-okkupazzjonijiet kollha skont l-ISCO-08 b'livell ta-kodifikazzjoni ta' żewġ numri.

E. Perjodiċità

Id-dejta għandha tingħata darba għas-sena 2016.

F. Skadenzi għat-trażmissjoni tar-riżultati

(1)

Ir-rekords tad-dejta individwali, li ma jippermettux l-identifikazzjoni diretta tal-unitajiet statistiċi kkonċernati, imsemmija fl-Artikolu 6 u fl-Anness II(6) tar-Regolament (KE) Nru 808/2004 iridu jintbagħtu lill-Eurostat qabel il-5 ta' Ottubru 2016. Sa dakinhar, il-ġabra tas-sett tad-dejta għandha tkun iffinalizzata, ivvalidata u aċċettata.

(2)

Il-metadejta msemmija fl-Artikolu 6 tar-Regolament (KE) Nru 808/2004 trid tintbagħat lill-Eurostat qabel il-31 ta' Mejju 2016.

(3)

Ir-rapport tal-kwalità msemmi fl-Artikolu 7(3) tar-Regolament (KE) Nru 808/2004 irid jintbagħat lill-Eurostat qabel il-5 ta' Novembru 2016.

(4)

Top

Choose the experimental features you want to try