Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R2000

Regolament ta' Implimentazzjoni tal-Kummissjoni (UE) 2015/2000 tad-9 ta' Novembru 2015 li jemenda r-Regolamenti (KE) Nru 546/2003, (KE) Nru 1342/2003, (KE) Nru 952/2006, (KE) Nru 826/2008, (KE) Nru 1295/2008, (KE) Nru 1296/2008, (UE) Nru 1272/2009, (UE) Nru 738/2010, u r-Regolamenti ta' Implimentazzjoni (UE) Nru 543/2011 u (UE) Nru 511/2012 fir-rigward tal-obbligi ta' notifika fi ħdan l-organizzazzjoni komuni tas-swieq agrikoli

ĠU L 292, 10.11.2015, pp. 4–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2015/2000/oj

10.11.2015   

MT

Il-Ġurnal Uffiċjali tal-Unjoni Ewropea

L 292/4

REGOLAMENT TA' IMPLIMENTAZZJONI TAL-KUMMISSJONI (UE) 2015/2000

tad-9 ta' Novembru 2015

li jemenda r-Regolamenti (KE) Nru 546/2003, (KE) Nru 1342/2003, (KE) Nru 952/2006, (KE) Nru 826/2008, (KE) Nru 1295/2008, (KE) Nru 1296/2008, (UE) Nru 1272/2009, (UE) Nru 738/2010, u r-Regolamenti ta' Implimentazzjoni (UE) Nru 543/2011 u (UE) Nru 511/2012 fir-rigward tal-obbligi ta' notifika fi ħdan l-organizzazzjoni komuni tas-swieq agrikoli

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/ 72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikolu 223(3) tiegħu,

Billi:

(1)

Ir-Regolament tal-Kummissjoni (KE) Nru 792/2009 (2) jistabbilixxi regoli komuni għan-notifikar tal-informazzjoni u tad-dokumenti mill-Istati Membri lill-Kummissjoni. B'mod partikolari, dawn ir-regoli jkopru l-obbligu tal-Istati Membri li jużaw is-sistemi tal-informazzjoni li għamlet disponibbli l-Kummissjoni u l-validazzjoni tad-drittijiet tal-aċċess tal-awtoritajiet jew l-individwi awtorizzati biex jibagħtu n-notifiki. Ir-Regolament (KE) Nru 792/2009 jistabbilixxi wkoll prinċipji komuni li japplikaw għas-sistemi tal-informazzjoni sabiex jiżguraw l-awtentiċità, l-integrità u l-leġibbiltà tad-dokumenti matul iż-żmien, u jipprevedi l-protezzjoni tad-dejta personali. L-obbligu li jintużaw dawn is-sistemi tal-informazzjoni għandu jiġi previst f'kull Regolament li jistabbilixxi obbligu speċifiku ta' notifika.

(2)

Il-Kummissjoni żviluppat sistema ta' informazzjoni li, fil-proċeduri ta' ħidma interni tagħha u fir-relazzjonijiet tagħha mal-awtoritajiet involuti fil-politika agrikola komuni, tippermettilha tamministra d-dokumenti u l-proċeduri b'mod elettroniku.

(3)

Bosta obbligi ta' komunikazzjoni u ta' notifika jistgħu jitwettqu permezz ta' dik is-sistema, b'mod partikolari dawk previsti fir-Regolamenti tal-Kummissjoni (KE) Nru 546/2003 (3), (KE) Nru 1342/2003 (4), (KE) Nru 952/2006 (5), (KE) Nru 826/2008 (6), (KE) Nru 1295/2008 (7), (KE) Nru 1296/2008 (8), (UE) Nru 1272/2009 (9), (UE) Nru 738/2010 (10), u r-Regolamenti ta' Implimentazzjoni tal-Kummissjoni (UE) Nru 543/2011 (11) and (UE) Nru 511/2012 (12).

(4)

Fl-interess ta' amministrazzjoni effiċjenti u filwaqt li tittieħed inkunsiderazzjoni l-esperjenza, uħud mill-obbligi ta' notifika għandhom jiġu emendati.

(5)

Għaldaqstant ir-Regolamenti (KE) Nru 546/2003, (KE) Nru 1342/2003, (KE) Nru 952/2006, (KE) Nru 826/2008, (KE) Nru 1295/2008, (KE) Nru 1296/2008, (UE) Nru 1272/2009, (UE) Nru 738/2010, u r-Regolamenti ta' Implimentazzjoni (UE) Nru 543/2011 u (UE) Nru 511/2012 għandhom jiġu emendati skont dan.

(6)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Fl-Artikolu 1 tar-Regolament (KE) Nru 546/2003, il-paragrafu 3 jinbidel b'dan li ġej:

“3.   In-notifika msemmija fil-paragrafu 1 għandha ssir skont ir-Regolament tal-Kummissjoni (KE) Nru 792/2009 (*1).

(*1)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 2

Fl-Artikolu 16 tar-Regolament (KE) Nru 1342/2003, jiżdiedu l-paragrafi 3 u 4 li ġejjin:

“3.   L-Istati Membri ma għandhomx ikunu meħtieġa jinnotifikaw l-informazzjoni msemmija fil-punti (a)(ii) u (iii) kif ukoll fil-punti (b) u (c) tal-paragrafu 1 matul il-perjodi meta ma tkun stabbilita l-ebda rifużjoni fuq l-esportazzjoni, l-ebda taxxa fuq l-esportazzjoni jew l-ebda għajnuna alimentari.

4.   In-notifiki u l-komunikazzjonijiet imsemmija fil-paragrafi 1 u 2 għandhom isiru skont ir-Regolament tal-Kummissjoni (KE) Nru 792/2009 (*2).

(*2)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 3

Fl-Artikolu 15a tar-Regolament (KE) Nru 952/2006, it-tieni paragrafu jinbidel b'dan li ġej:

“Kull Stat Membru għandu jikkomunika lill-Kummissjoni qabel it-tmiem ta' kull xahar, il-medji tal-prezzijiet miġbura fil-livell nazzjonali, kif ukoll it-total tal-kwantitajiet korrispondenti u d-devjazzjonijiet standard. Il-medji u d-devjazzjonijiet standard għandhom ikunu pponderati bil-kwantitajiet ikkomunikati mill-impriżi skont il-paragrafu preċedenti. Il-komunikazzjoni għandha ssir skont ir-Regolament tal-Kummissjoni (KE) Nru 792/2009 (*3).

(*3)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 4

L-Artikolu 12 tar-Regolament (KE) Nru 826/2008 huwa emendat kif ġej:

(1)

il-paragrafi 3 u 4 jinbidlu b'dan li ġej:

“3.   In-notifiki msemmija fil-paragrafu 1, inkluż notifiki 'xejn', għandhom isiru skont ir-Regolament (KE) Nru 792/2009.

4.   Aktar informazzjoni ddettaljata dwar in-notifiki għandha tiġi stabbilita fir-Regolamenti li jiftħu l-proċedura tas-sejħa għall-offerti inkwestjoni.”

(2)

il-paragrafu 5 jitħassar.

Artikolu 5

Fl-Artikolu 9 tar-Regolament (KE) Nru 1295/2008, jiżdied il-paragrafu 5 li ġej:

“5.   In-notifiki msemmija fil-paragrafi 2 u 4 għandhom isiru skont ir-Regolament tal-Kummissjoni (KE) Nru 792/2009 (*4).

(*4)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 6

Fir-Regolament (UE) Nru 1296/2008, l-Artikolu 21a jinbidel b'dan li ġej:

“Artikolu 21a

In-notifiki msemmija f'dan ir-Regolament għandhom isiru skont ir-Regolament tal-Kummissjoni (KE) Nru 792/2009 (*5).

(*5)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 7

Fir-Regolament (UE) Nru 1272/2009, l-Artikolu 58 jinbidel b'dan li ġej:

“Artikolu 58

Il-metodu li japplika għall-obbligi ta' notifika

In-notifiki msemmija f'dan ir-Regolament għandhom isiru skont ir-Regolament tal-Kummissjoni (KE) Nru 792/2009 (*6).

(*6)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 8

Fl-Artikolu 5 tar-Regolament (UE) Nru 738/2010, jiżdied il-paragrafu 10 li ġej:

“10.   In-notifika msemmija fil-paragrafu 9 għandha ssir skont ir-Regolament tal-Kummissjoni (KE) Nru 792/2009 (*7).

(*7)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 9

Fl-Artikolu 146 tar-Regolament ta' Implimentazzjoni (UE) Nru 543/2011, il-paragrafu 3 jinbidel b'dan li ġej:

“3.   In-notifiki stipulati fl-Artikolu 9(2), l-Artikolu 18(3) u (4), l-Artikoli 97 u 128, l-Artikolu 129(1), l-Artikoli 130 u 131, l-Artikolu 134(1) u f'dan l-Artikolu u t-talba prevista fl-Artikolu 92(1), għandhom isiru skont ir-Regolament (KE) Nru 792/2009.”

Artikolu 10

Ir-Regolament ta' Implimentazzjoni (UE) Nru 511/2012 huwa emendat kif ġej:

(1)

fl-Artikolu 1(1) jiżdied il-punt d) li ġej:

“(d)

 In-numru totali ta' organizzazzjonijiet tal-produtturi, assoċjazzjonijiet u organizzazzjonijiet interprofessjonali rikonoxxuti fi tmiem is-sena kalendarja preċedenti.”

(2)

Fl-Artikolu 3(1), il-punt (a) jinbidel b'dan li ġej:

“(a)

 il-volum totali ta' ħalib mhux ipproċessat, speċifikat għal kull Stat Membru ta' produzzjoni, ikkonsenjat fit-territorju tagħhom skont kuntratti nnegozjati permezz tal-organizzazzjonijiet tal-produtturi u l-assoċjazzjonijiet rikonoxxuti skont l-Artikolu 149(2)(f) tar-Regolament (UE) Nru 1308/2013 tal-Parlament Ewropew u tal-Kunsill (*8) fis-sena kalendarja preċedenti, kif notifikat lill-awtoritajiet kompetenti skont l-Artikolu 2(3) ta' dan ir-Regolament, u bin-numru ta' organizzazzjonijiet tal-produtturi u ta' assoċjazzjonijiet u l-volumi kkonsenjati rispettivi.

(*8)  Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).” "

(3)

jiddaħħal l-Artikolu 5a li ġej:

“Artikolu 5a

In-notifiki msemmija f'dan ir-Regolament, bl-eċċezzjoni ta' dawk imsemmija fl-Artikolu 3(2), għandhom isiru skont ir-Regolament tal-Kummissjoni (KE) Nru 792/2009 (*9).

(*9)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).” "

Artikolu 11

Dan ir-Regolament jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Japplika mis-16 ta' Novembru 2015.

Madankollu, l-Artikolu 3 japplika mill-1 ta' Ottubru 2016.

Dan ir-Regolament jorbot fl-intier tiegħu u japplika direttament fl-Istati Membri skont it-Trattati.

Magħmul fi Brussell, id-9 ta' Novembru 2015.

Għall-Kummissjoni

Il-President

Jean-Claude JUNCKER

(1)   ĠU L 347, 20.12.2013, p. 671.

(2)  Ir-Regolament tal-Kummissjoni (KE) Nru 792/2009 tal-31 ta' Awwissu 2009 li jistipula regoli dettaljati għan-notifiki tal-Istati Membri lill-Kummissjoni dwar informazzjoni u dokumenti fl-implimentazzjoni tal-organizzazzjoni komuni tas-swieq, l-iskema tal-pagamenti diretti, il-promozzjoni tal-prodotti agrikoli u s-sistemi applikabbli għar-reġjuni l-aktar imbiegħda u l-gżejjer iż-żgħar tal-Eġew (ĠU L 228, 1.9.2009, p. 3).

(3)  Ir-Regolament tal-Kummissjoni (KE) Nru 546/2003 tas-27 ta' Marzu 2003 dwar ċerti notifiki li jirrigwardjaw l-applikazzjoni tar-Regolamenti tal-Kunsill (KEE) Nru 2771/75, (KEE) Nru 2777/75 u (KEE) Nru 2783/75 fis-setturi tal-bajd u l-laħam tat-tjur (ĠU L 81, 28.3.2003, p. 12).

(4)  Ir-Regolament tal-Kummissjoni (KE) Nru 1342/2003 tat-28 ta' Lulju 2003 li jistabbilixxi regoli speċjali u dettaljati għall-applikazzjoni tas-sistema ta' liċenzji tal-importazzjoni u l-esportazzjoni ta' ċereali u ross (ĠU L 189, 29.7.2003, p. 12.).

(5)  Ir-Regolament tal-Kummissjoni (KE) Nru 952/2006 tad-29 ta' Ġunju 2006 li jipprovdi regoli dettaljati għar-Regolament tal-Kunsill (KE) Nru 318/2006 dwar il-ġestjoni tas-suq intern taz-zokkor u l-iskema tal-kwoti (ĠU L 178, 1.7.2006, p. 39).

(6)  Ir-Regolament tal-Kummissjoni (KE) Nru 826/2008 tal-20 ta' Awwissu 2008 li jipprovdi regoli komuni għall-għotja ta' għajnuna għall-ħażna privata ta' ċerti prodotti agrikoli (ĠU L 223, 21.8.2008, p. 3).

(7)  Ir-Regolament tal-Kummissjoni (KE) Nru 1295/2008 tat-18 ta' Diċembru 2008 dwar l-importazzjoni tal-ħops minn pajjiżi terzi (ĠU L 340, 19.12.2008, p. 45).

(8)  Ir-Regolament tal-Kummissjoni (KE) Nru 1296/2008 tat-18 ta' Diċembru 2008 dwar regoli dettaljati għall-applikazzjoni ta' kwoti ta' tariffi għall-importazzjoni ta' qamħirrum u sorgu fi Spanja u importazzjoni ta' qamħirrum fil-Portugall (ĠU L 340, 19.12.2008, p. 57):

(9)  Ir-Regolament tal-Kummissjoni (UE) Nru 1272/2009 tal-11 ta' Diċembru 2009 li jistabbilixxi regoli komuni dettaljati għall-implimentazzjoni tar-Regolament tal-Kunsill (KE) Nru 1234/2007 f'dak li għandu x'jaqsam max-xiri u l-bejgħ ta' prodotti agrikoli taħt intervent pubbliku (ĠU L 349, 29.12.2009, p. 1).

(10)  Ir-Regolament tal-Kummissjoni (UE) Nru 738/2010 tas-16 ta' Awwissu 2010 li jistabbilixxi regoli dettaljati dwar pagamenti lil organizzazzjonijiet tal-produtturi Ġermaniżi fis-settur tal-ħops (ĠU L 216, 17.8.2010, p. 11).

(11)  Ir-Regolament ta' Implimentazzjoni tal-Kummissjoni (UE) Nru 543/2011 tas-7 ta' Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (ĠU L 157, 15.6.2011, p. 1).

(12)  Ir-Regolament ta' Implimentazzjoni tal-Kummissjoni (UE) Nru 511/2012 tal-15 ta' Ġunju 2012 dwar notifiki li jikkonċernaw l-organizzazzjonijiet tal-produtturi u dawk interprofessjonali u negozjati kuntrattwali u relazzjonijiet previsti fir-Regolament tal-Kunsill (KE) Nru 1234/2007 fis-settur tal-ħalib u tal-prodotti tal-ħalib (ĠU L 156, 16.6.2012, p. 39).

Top