This document is an excerpt from the EUR-Lex website
Document 32015R1365
Commission Delegated Regulation (EU) 2015/1365 of 30 April 2015 on the transmission format for research and development expenditure data (Text with EEA relevance)
Regolament ta' Delega tal-Kummissjoni (UE) 2015/1365 tat-30 ta' April 2015 dwar il-format ta' trażmissjoni tad-dejta tan-nefqa tar-riċerka u l-iżvilupp (Test b'rilevanza għaż-ŻEE)
Regolament ta' Delega tal-Kummissjoni (UE) 2015/1365 tat-30 ta' April 2015 dwar il-format ta' trażmissjoni tad-dejta tan-nefqa tar-riċerka u l-iżvilupp (Test b'rilevanza għaż-ŻEE)
ĠU L 211, 8.8.2015, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.8.2015 |
MT |
Il-Ġurnal Uffiċjali tal-Unjoni Ewropea |
L 211/1 |
REGOLAMENT TA' DELEGA TAL-KUMMISSJONI (UE) 2015/1365
tat-30 ta' April 2015
dwar il-format ta' trażmissjoni tad-dejta tan-nefqa tar-riċerka u l-iżvilupp
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 549/2013 tal-Parlament Ewropew u tal-Kunsill tal-21 ta' Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea (1), u b'mod partikolari l-Artikolu 2(5) tiegħu,
Billi:
|
(1) |
Is-Sistema Ewropea tal-Kontijiet stabbilita permezz tar-Regolament (UE) Nru 549/2013 (ESA 2010) tistabbilixxi sistema ta' kontijiet nazzjonali u reġjonali biex tissodisfa r-rekwiżiti tal-politika ekonomika, soċjali u reġjonali tal-Unjoni. |
|
(2) |
Minħabba l-importanza tar-riċerka u l-iżvilupp għall-ekonomija, ġew żviluppati metodi addizzjonali u formats tat-trażmissjoni armonizzati u komparabbli għad-dejta tar-riċerka u l-iżvilupp fil-kuntest tas-Sistema Ewropea tal-Istatistika, li hija s-sħubija bejn il-Kummissjoni (Eurostat) u l-Uffiċċji Nazzjonali tal-Istatistika u awtoritajiet nazzjonali oħrajn responsabbli fl-Istati Membri għall-iżvilupp, il-produzzjoni u d-disseminazzjoni tal-istatistika Ewropea. |
|
(3) |
Ir-regoli metodoloġiċi previsti fl-Anness A tar-Regolament (UE) Nru 549/2013 għandhom jiġu applikati meta tiġi rreġistrata n-nefqa tar-riċerka u l-iżvilupp bħala formazzjoni grossa tal-kapital fiss. |
|
(4) |
Il-programm tat-trażmissjoni stabbilit fl-ESA 2010 jinkludi informazzjoni annwali dwar l-assi fissi u l-formazzjoni grossa tal-kapital fiss f'dawk l-assi. Jeħtieġ li l-Istati Membri jittrażmettu dejta affidabbli u komparabbli lill-Kummissjoni f'format speċifiku, sabiex jiżguraw livell għoli ta' kwalità tal-kontijiet nazzjonali, |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi l-format tan-nefqa tar-riċerka u l-iżvilupp tal-kontijiet nazzjonali li skontu għandha tiġi trażmessa d-dejta mill-Istati Membri lill-Kummissjoni (Eurostat), sabiex ikunu żgurati l-affidabbiltà u l-komparabbiltà ta' dik id-dejta.
Artikolu 2
Format tat-trażmissjoni tad-dejta
Meta l-Istati Membri jittrażmettu d-dejta tan-nefqa tar-riċerka u l-iżvilupp għall-ekonomija totali lill-Kummissjoni (Eurostat), għandhom japplikaw il-format li ġej:
|
(a) |
AN.1171 g, assi tar-riċerka u l-iżvilupp, gross; |
|
(b) |
AN.1171n, assi tar-riċerka u l-iżvilupp, nett; |
|
(c) |
P.51 g, AN.1171, formazzjoni ta' kapital fiss gross fir-riċerka u l-iżvilupp |
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika għal dejta li għandha tiġi trażmessa mill-1 ta' Awwissu 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta' April 2015.
Għall-Kummissjoni
Il-President
Jean-Claude JUNCKER
(1) ĠU L 174, 26.6.2013, p. 1.