Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R1342

    Regolament ta' Delega tal-Kummissjoni (UE) 2015/1342 tat-22 ta' April 2015 li jemenda l-metodoloġija tal-klassifikazzjoni tal-prodotti skont l-attività mniżżla fl-Anness A tar-Regolament (UE) Nru 549/2013 tal-Parlament Ewropew u tal-Kunsill (Test b'rilevanza għaż-ŻEE)

    C/2015/2590

    ĠU L 207, 4.8.2015, p. 35–36 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2015/1342/oj

    4.8.2015   

    MT

    Il-Ġurnal Uffiċjali tal-Unjoni Ewropea

    L 207/35

    REGOLAMENT TA' DELEGA TAL-KUMMISSJONI (UE) 2015/1342

    tat-22 ta' April 2015

    li jemenda l-metodoloġija tal-klassifikazzjoni tal-prodotti skont l-attività mniżżla fl-Anness A tar-Regolament (UE) Nru 549/2013 tal-Parlament Ewropew u tal-Kunsill

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 549/2013 tal-Parlament Ewropew u tal-Kunsill tal-21 ta' Mejju 2013 dwar is-sistema Ewropea tal-kontijiet nazzjonali u reġjonali fl-Unjoni Ewropea (1), u b'mod partikolari l-Artikolu 2(2) tiegħu,

    Billi:

    (1)

    Is-Sistema Ewropea tal-Kontijiet stabbilita permezz tar-Regolament (UE) Nru 549/2013 (ESA 2010) hija sistema ta' kontijiet nazzjonali u reġjonali mfassla biex tissodisfa r-rekwiżiti tal-politika ekonomika, soċjali u reġjonali tal-Unjoni.

    (2)

    L-Anness tar-Regolament (KE) Nru 451/2008 tal-Parlament Ewropew u tal-Kunsill (2), li jistipula l-klassifikazzjoni tal-prodotti skont l-attività (CPA), ġie adottat biex jirrifletti r-rekwiżiti tal-Unjoni fil-qasam tal-istatistika. Ġie ssostitwit bir-Regolament tal-Kummissjoni (UE) Nru 1209/2014 (3).

    (3)

    Ir-referenzi li jsiru fis-sistema Ewropea tal-Kontijiet (ESA 2010) tal-klassifiki tal-prodotti skont l-attività (CPA) jridu jaqblu mal-klassifiki ġodda stabbiliti bir-Regolament tal-Kummissjoni (UE) Nru 1209/2014.

    (4)

    Għaldaqstant, ir-Regolament (UE) Nru 549/2013 għandu jiġi emendat skont dan,

    ADDOTTAT DAN IR-REGOLAMENT:

    Artikolu 1

    L-Anness A tar-Regolament (UE) Nru 549/2013 jiġi emendat b'konformità mal-Anness ta' dan ir-Regolament.

    Artikolu 2

    Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-22 ta' April 2015.

    Għall-Kummissjoni

    Il-President

    Jean-Claude JUNCKER

    (1)  ĠU L 174, 26.6.2013, p. 1.

    (2)  Ir-Regolament (KE) Nru 451/2008 tal-Parlament Ewropew u tal-Kunsill tat-23 ta' April 2008 li jistabbilixxi klassifikazzjoni statistiska ġdida tal-prodotti skont l-attività (KPA) u jħassar ir-Regolament tal-Kunsill (KEE) Nru 3696/93 (ĠU L 145, 4.6.2008, p. 65).

    (3)  Ir-Regolament tal-Kummissjoni (UE) Nru 1209/2014 tad-29 ta' Ottubru 2014 li jemenda r-Regolament (KE) Nru 451/2008 tal-Parlament Ewropew u tal-Kunsill li jistabbilixxi klassifikazzjoni statistika ġdida tal-prodotti skont l-attività (KPA) u jħassar ir-Regolament tal-Kunsill (KEE) Nru 3696/93 (ĠU L 336, 22.11.2014, p. 1).

    ANNESS

    L-Anness A tar-Regolament (UE) Nru 549/2013 huwa emendat kif ġej:

    1.

    It-termini “CPA Rev. 2” u “CPA 2008” huma sostitwiti b'dan li ġej:

    “CPA”.

    2.

    Fl-Anness 7.1, it-terminu “Gruppi 261: tagħmir u bords elettroniċi” huwa sostitwit b'dan li ġej:

    “Gruppi 261: komponenti u bords elettroniċi”.

    3.

    Il-Kapitolu 23 huwa emendat kif ġej:

    (a)

    Fit-Tabella P*3 il-paragrafu “Tħaffir fil-minjieri u fil-barrieri; prodotti mmanifatturati; ġestjoni tal-elettriku, tal-gass, tal-ilma u tal-iskart; kostruzzjonijiet u xogħol ta' kostruzzjoni” huwa sostitwit bil-paragrafu li ġej:

    “Tħaffir fil-minjieri u fil-barrieri; prodotti mmanifatturati; l-elettriku, il-gass, il-fwar u l-arja kkundizzjonata; il-provvista tal-ilma; is-sistemi ta' dranaġġ, il-ġestjoni tal-iskart u s-servizzi ta' rimedju; kostruzzjonijiet u xogħlijiet ta' kostruzzjoni”.

    (b)

    It-Tabella P*10 hija emendata kif ġej:

    (i)

    “Tħaffir fil-minjieri u fil-barrieri; prodotti mmanifatturati; ġestjoni tal-elettriku, tal-gass, tal-ilma u tal-iskart” tiġi ssostitwita b'dan li ġej:

    “Tħaffir fil-minjieri u fil-barrieri; prodotti mmanifatturati; l-elettriku, il-gass, il-fwar u l-arja kkundizzjonata; provvista tal-ilma; sistemi ta' dranaġġ, ġestjoni tal-iskart u servizzi ta' rimedju”;

    (ii)

    “Kostruzzjonijiet u xogħol ta' kostruzzjoni” tiġi ssostitwita minn “Kostruzzjonijiet u xogħlijiet ta' kostruzzjoni”;

    (iii)

    “Servizzi ta' kummerċ bl-ingrossa u bl-imnut; servizzi ta' tiswija ta' vetturi bil-mutur u ta' muturi; servizzi ta' trasport u ta' ħżin; akkomodazzjoni u servizzi tal-ikel” huwa mibdul b'dan li ġej:

    “Servizzi ta' kummerċ bl-ingrossa u bl-imnut; servizzi ta' tiswija ta' vetturi bil-mutur u ta' muturi; servizzi ta' trasport u ta' ħżin; servizzi ta' akkomodazzjoni u tal-ikel”;

    (iv)

    “servizzi amministrattivi u ta' sostenn” huwa mibdul b'dan li ġej:

    “servizzi amministrattivi u ta' sostenn”;

    (v)

    “Servizzi ta' amministrazzjoni pubblika u ta' difiża; servizzi ta' sigurtà soċjali obbligatorja; edukazzjoni; servizzi marbuta mas-saħħa tal-bniedem u mal-ħidma soċjali” huwa sostitwit b'dan li ġej;

    “Servizzi ta' amministrazzjoni pubblika u ta' difiża; servizzi ta' sigurtà soċjali obbligatorja; servizzi tal-edukazzjoni; servizzi marbuta mas-saħħa tal-bniedem u mal-ħidma soċjali”;

    (vi)

    “Servizzi ta' arti, ta' divertiment u ta' rikreazzjoni, tiswija ta' prodotti tal-unitajiet domestiċi u servizzi oħra” huwa sostitwit minn dan li ġej:

    “Servizzi ta' arti, ta' divertiment u ta' rikreazzjoni; servizzi oħra; servizzi ta' unitajiet domestiċi bħala dawk li jħaddmu; oġġetti u servizzi mhux differenzjati pprodotti minn unitajiet domestiċi għall-użu proprju; servizzi pprovduti minn organizzazzjonijiet u korpi barra mit-territorju”.

    (c)

    It-Tabella P*38 hija emendata kif ġej:

    (i)

    “Tessuti, ilbies u prodotti tal-ġilda” huwa sostitwit b'dan li ġej: “Tessuti; ilbies; prodotti tal-ġilda u oħrajn relatati”;

    (ii)

    “Prodotti tal-injam u tal-karta, u servizzi tal-istampar” huwa sostitwit minn dan “Prodotti tal-injam u tal-karta, u servizzi tal-istampar u ta' reġistrar”;

    (iii)

    [ma japplikax għall-Malti]

    (iv)

    [ma japplikax għall-Malti]

    (d)

    It-Tabella P*64 hija emendata kif ġej:

    (i)

    “irkupru ta' materjali” huwa sostitwit b'dan li ġej: “servizzi ta' irkupru ta' materjali”;

    (ii)

    [Ma japplikax għall-Malti]

    (e)

    [Ma japplikax għall-Malti]
    Top