This document is an excerpt from the EUR-Lex website
Document 32015R0827
Council Regulation (EU) 2015/827 of 28 May 2015 amending Regulation (EU) No 36/2012 concerning restrictive measures in view of the situation in Syria
Regolament tal-Kunsill (UE) 2015/827 tat-28 ta' Mejju 2015 li jemenda r-Regolament (UE) Nru 36/2012 dwar miżuri ristrettivi fid-dawl tas-sitwazzjoni fis-Sirja
Regolament tal-Kunsill (UE) 2015/827 tat-28 ta' Mejju 2015 li jemenda r-Regolament (UE) Nru 36/2012 dwar miżuri ristrettivi fid-dawl tas-sitwazzjoni fis-Sirja
ĠU L 132, 29.5.2015, pp. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
29.5.2015 |
MT |
Il-Ġurnal Uffiċjali tal-Unjoni Ewropea |
L 132/1 |
REGOLAMENT TAL-KUNSILL (UE) 2015/827
tat-28 ta' Mejju 2015
li jemenda r-Regolament (UE) Nru 36/2012 dwar miżuri ristrettivi fid-dawl tas-sitwazzjoni fis-Sirja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill 2013/255/PESK tal-31 ta' Mejju 2013 dwar miżuri restrittivi kontra s-Sirja (1),
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà u tal-Kummissjoni Ewropea,
Billi:
|
(1) |
Ir-Regolament tal-Kunsill (UE) Nru 36/2012 (2) jagħti effett lil miżuri previsti fid-Deċiżjoni 2013/255/PESK, inkluż projbizzjoni fuq il-kummerċ ta' proprjetà kulturali u oġġetti oħrajn li tneħħew mis-Sirja mid-9 ta' Mejju 2011. |
|
(2) |
Fit-12 ta' Frar 2015 il-Kunsill tas-Sigurtà tan-Nazzjonijiet Uniti adotta r-Riżoluzzjoni KSNU 2199 (2015), li l-paragrafu 17 tagħha jipprojbixxi l-kummerċ ta' proprjetà kulturali Sirjana u oġġetti oħra li tneħħew illegalment mis-Sirja mill-15 ta' Marzu 2011. Fit-28 ta' Mejju 2015 l-Kunsill adotta d-Deċiżjoni (PESK) 2015/837 (3) li temenda d-Deċiżjoni 2013/255/PESK sabiex tallinja d-Deċiżjoni 2013/255/PESK mal-KSNU 2199 (2015) billi tapplika dik id-Deċiżjoni għall-oġġetti li tneħħew illegalment mis-Sirja mill-15 ta' Marzu 2011. |
|
(3) |
Din il-miżura taqa' fil-kamp ta' applikazzjoni tat-Trattat dwar il-Funzjonament tal-Unjoni Ewropea u, għalhekk, partikolarment bil-ħsieb li tiġi żgurata l-applikazzjoni uniformi tal-miżura mill-operaturi ekonomiċi fl-Istati Membri kollha, hija meħtieġa azzjoni regolatorja fil-livell tal-Unjoni sabiex tiġi implimentata. |
|
(4) |
Għaldaqstant, ir-Regolament (UE) Nru 36/2012 għandu jiġi emendat skont dan, |
ADOTTA DAN IR-REGOLAMENT:
Artikolu 1
Fl-Artikolu 11c(2) tar-Regolament (UE) Nru 36/2012, il-punt (a) jiġi sostitwit b'dan li ġej:
|
“(a) |
l-oġġetti ġew esportati mis-Sirja qabel il-15 ta' Marzu 2011; jew” |
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f' Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Mejju 2015.
Għall-Kunsill
Il-President
E. RINKĒVIČS
(1) ĠU L 147, 1.6.2013, p. 14.
(2) Ir-Regolament tal-Kunsill (UE) Nru 36/2012 tat-18 ta' Jannar 2012 dwar miżuri restrittivi fid-dawl tas-sitwazzjoni fis-Sirja u li jħassar ir-Regolament (UE) Nru 442/2011 (ĠU L 16, 19.1.2012, p. 1).
(3) Id-Deċiżjoni tal-Kunsill (PESK) 2015/837 tat-28 ta' Mejju 2015 li temenda d-Deċiżjoni 2013/255/PESK dwar miżuri restrittivi kontra s-Sirja (ara l-paġna 82 ta' dan il-Ġurnal Uffiċjali).