Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R0782

    Regolament ta' Implimentazzjoni tal-Kummissjoni (UE) 2015/782 tad-19 ta' Mejju 2015 li jemenda r-Regolament ta' Implimentazzjoni tal-Kunsill (UE) Nru 917/2011 li jimponi dazju antidumping definittiv u biex jinġabar definittivament id-dazju provviżorju impost fuq l-importazzjonijiet tal-madum taċ-ċeramika li joriġina mir-Repubblika Popolari taċ-Ċina, billi jżid kumpanija mal-lista ta' produtturi mir-Repubblika Popolari taċ-Ċina elenkati fl-Anness I

    C/2015/3229

    ĠU L 124, 20.5.2015, p. 9–10 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 23/11/2017

    ELI: http://data.europa.eu/eli/reg_impl/2015/782/oj

    20.5.2015   

    MT

    Il-Ġurnal Uffiċjali tal-Unjoni Ewropea

    L 124/9

    REGOLAMENT TA' IMPLIMENTAZZJONI TAL-KUMMISSJONI (UE) 2015/782

    tad-19 ta' Mejju 2015

    li jemenda r-Regolament ta' Implimentazzjoni tal-Kunsill (UE) Nru 917/2011 li jimponi dazju antidumping definittiv u biex jinġabar definittivament id-dazju provviżorju impost fuq l-importazzjonijiet tal-madum taċ-ċeramika li joriġina mir-Repubblika Popolari taċ-Ċina, billi jżid kumpanija mal-lista ta' produtturi mir-Repubblika Popolari taċ-Ċina elenkati fl-Anness I

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkonsidra r-Regolament tal-Kunsill (KE) Nru 1225/2009 tat-30 ta' Novembru 2009 dwar il-protezzjoni kontra importi li jifqgħu s-suq minn pajjiżi terzi li mhumiex membri tal-Komunità Ewropea (1),

    Wara li kkunsidrat ir-Regolament ta' Implimentazzjoni tal-Kunsill (UE) Nru 917/2011 tat-12 ta' Settembru 2011 li jimponi dazju antidumping definittiv u jiġbor b'mod definittiv id-dazju provviżorju impost fuq l-importazzjonijiet ta' madum taċ-ċeramika li joriġina mir-Repubblika Popolari taċ-Ċina (2), u partikolarment l-Artikolu 3 tiegħu,

    Billi:

    A.   PROĊEDURA PREĊEDENTI

    (1)

    Il-Kunsill impona dazju antidumping definittiv fuq l-importazzjonijiet lejn l-Unjoni fuq-madum taċ-ċeramika li joriġina mir-Repubblika Popolari taċ-Ċina (“ir-RPĊ”) bir- Regolament ta' Implimentazzjoni (UE) Nru 917/2011 f'konformità mal-Artikolu 9 tar- Regolament (KE) Nru 1225/2009.

    (2)

    L-investigazzjoni oriġinali kienet limitata għal kampjun ta' produtturi esportaturi Ċiniżi f'konformità mal-Artikolu 17 tar-Regolament (KE) Nru 1225/2009.

    (3)

    Il-Kunsill impona fuq il-kumpaniji fil-kampjun rati individwali ta' dazju fuq l-importazzjonijiet ta' madum taċ-ċeramika li jvarjaw minn 26,3 % sa 36,5 %. Għall-produtturi esportaturi li kkooperaw u li ma kinux inklużi fil-kampjun ġiet imposta rata ta' dazju ta' 30,6 %. Lista ta' produtturi esportaturi li kkooperaw mhux inklużi fil-kampjun tinsab fl-Anness I tar-Regolament ta' Implimentazzjoni (UE) Nru 917/2011. Il-Kunsill impona wkoll rata ta' dazju ta' 69,7 % fuq l-importazzjoni ta'madum taċ-ċeramika minn kumpaniji Ċiniżi li jew ma ddikjarawx ruħhom jew inkella ma kkooperawx fl-investigazzjoni.

    (4)

    Il-lista ta' produtturi esportaturi li kkooperaw li jinsabu fl-Anness I tar- Regolament ta' Implimentazzjoni (UE) Nru 917/2011 kien emendat mir- Regolament ta' Implimentazzjoni (UE) Nru 567/2012 (3).

    (5)

    L-Artikolu 3 tar-Regolament ta' Implimentazzjoni (UE) Nru 917/2011 jiddikjara li fejn xi produttur ta' oġġetti taċ-ċeramika fir-RPĊ jipprovdi biżżejjed evidenza lill-Kummissjoni li:

    (1)

    ma jkunx esporta lejn l-Unjoni madum taċ-ċeramika li joriġina fir-RPĊ matul il-perjodu ta' investigazzjoni mill-1 ta' April 2009 sal- 31 ta' Marzu 2010;

    (2)

    mhux relatat mal-ebda wieħed mill-esportaturi jew produtturi li huma soġġetti għall-miżuri antidumping imposti minn dak ir-Regolament; kif ukoll

    (3)

    huwa jew effettivament esporta l-prodott ikkonċernat lejn l-Unjoni jew daħal f'obbligu kuntrattwali irrevokabbli li jesporta kwantità sinifikanti lejn l-Unjoni wara t-tmiem tal-perjodu tal-investigazzjoni, jiġifieri wara il-31 ta' Marzu 2010;

    għalhekk l-Artikolu 1(2) ta' dan ir-Regolament jista' jiġi emendat billi l-produttur esportatur il-ġdid jingħata r-rata tad-dazju applikabbli, għall-kumpaniji li jikkoperaw u li mhumiex inklużi fil-kampjun, jiġifieri għar-rata ta' dazju ponderata ta' 30,6 %.

    B.   TALBIET GĦAL TRATTAMENT TA' PRODUTTUR ESPORTATUR ĠDID

    (6)

    Produttur esportatur mir-RPĊ (“l-applikant”) saħaq li huwa jissodisfa t-tliet kriterji stabbiliti hawn fuq fil-premessa (4) u li għalhekk għandhu jingħata l-istess rata ta' dazju bħal dik applikabbli għall-kumpaniji li jikkooperaw u mhux inklużi fil-kampjun. Sabiex jissostanzja t-talba tiegħu pprovda tweġiba għall-kwestjonarju u evidenza ta' sostenn.

    (7)

    Il-Kummissjoni Ewropea eżaminat il-provi u kkonkludiet li l-applikant jissodisfa t-tliet kriterji msemmija iktar 'il fuq u li għalhekk jista' jiġi kkunsidrat bħala produttur esportatur ġdid.

    (8)

    Għalhekk, l-applikant għandu jiġi miżjud mal-kumpaniji elenkati fl-Anness I tar- Regolament ta' Implimentazzjoni (UE) Nru 917/2011, u, bħala konsegwenza, jiġu attribit rata ta' dazju ta' 30,6 %.

    (9)

    L-applikant u l-Industrija tal-Unjoni kienu mgħarrfa bis-sejbiet ta' din l-investigazzjoni u ngħataw l-opportunità li jibagħtu l-kummenti tagħhom. Ma waslu l-ebda kummenti.

    (10)

    Dan ir-Regolament huwa skont l-opinjoni tal-Kumitat stabbilit bl-Artikolu 15(1) tar-Regolament (KE) Nru 1225/2009.

    ADOTTAT DAN IR-REGOLAMENT:

    Artikolu 1

    Il-kumpanija segwenti tiżdied mal-lista ta' produtturi esportaturi mir-Repubblika Popolari taċ-Ċina fl-Anness I tar-Regolament ta' Implimentazzjoni (UE) Nru 917/2011.

    Isem

    Kodiċi addizzjonali TARIC

    “Everstone Industry (Qingdao) Co., Ltd.

    B998 ”

    Artikolu 2

    Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, id-19 ta' Mejju 2015.

    Għall-Kummissjoni

    Il-President

    Jean-Claude JUNCKER

    (1)  ĠU L 343, 22.12.2009, p. 51.

    (2)  ĠU L 238, 15.9.2011, p. 1

    (3)  Ir-Regolament ta' Implimentazzjoni tal-Kunsill (UE) Nru 567/2012 tas- 26 ta' Ġunju 2012 li jemenda r-Regolament ta' Implimentazzjoni (UE) Nru 917/2011 li jimponi dazju antidumping definittiv u biex jinġabar definittivament id-dazju provviżorju impost fuq l-importazzjonijiet tal-madum taċ-ċeramika li joriġina mir-Repubblika Popolari taċ-Ċina, billi jżid kumpanija mal-lista ta' produtturi mir-Repubblika Popolari taċ-Ċina elenkati fl-Anness I (ĠU L 169, 29.6.2012, p. 11).

    Top