22.12.2015   

MT

Il-Ġurnal Uffiċjali tal-Unjoni Ewropea

L 334/15

(1)

Permezz ta' ittri rreġistrati mal-Kummissjoni fit-8 ta' April 2015 u t-30 ta' Lulju 2015, il-Latvja talbet l-awtorizzazzjoni biex tkompli tapplika, b'ċerti modifiki, miżura ta' deroga mill-punt (a) tal-Artikolu 26(1), l-Artikoli 168 u 168a tad-Direttiva 2006/112/KE sabiex tkun tista' tillimita d-dritt għal tnaqqis tat-taxxa fuq il-valur miżjud (VAT) fejn jidħlu l-ispejjeż fuq ċerti karozzi tal-passiġġieri li ma jintużawx biss għal finijiet kummerċjali.

(2)

B'konformità mat-tieni subparagrafu tal-Artikolu 395(2) tad-Direttiva 2006/112/KE,, il-Kummissjoni infurmat lill-Istati Membri l-oħrajn permezz ta' ittri ddatati l-21 u l-24 ta' Awwissu 2015, bit-talba tal-Latvja. Permezz ta' ittra li ġġib id-data tal-24 ta' Awwissu 2015, il-Kummissjoni nnotifikat lil-Latvja li kellha l-informazzjoni kollha meħtieġa sabiex tikkunsidra it-talba.

(3)

L-Artikoli 168 u 168a tad-Direttiva 2006/112/KE jistabbilixxu d-dritt ta' persuna taxxabbli li tnaqqas il-VAT imposta fuq provvisti ta' oġġetti u servizzi rċevuti minnha għall-użu fit-tranżazzjonijiet taxxabbli tagħha. Il-punt (a) tal-Artikolu 26(1) ta' dik id-Direttiva jesiġi li persuni taxxabbli jiddikjaraw il-VAT meta assi kummerċjali jintuża għal għanijiet mhux kummerċjali.

(4)

Id-Deċiżjoni ta' Implimentazzjoni tal-Kunsill 2013/191/UE (2) tawtorizza lil-Latvja biex tapplika miżura ta' deroga skont l-Artikolu 395(1) tad-Direttiva 2006/112/KE sabiex tillimita d-dritt ta' tnaqqis tal-VAT tal-input għal 80 % fir-rigward tax-xiri, l-akkwist intra-Komunitaru u l-importazzjoni ta' karozzi tal-passiġġieri speċifiċi u dwar nefqa marbuta maħhom, inkluż ix-xiri tal-fjuwil, meta l-vetturi ma jkunux jintużaw biss għal finijiet kummerċjali. Id-Deċiżjoni ta' Implimentazzjoni tal-Kunsill se tiskadi fil-31 ta' Diċembru 2015.

(5)

Flimkien mat-talba, il-Latvja ressqet rapport li jkopri l-applikazzjoni tal-Artikolu 6 tad-Deċiżjoni ta' Implimentazzjoni tal-Kunsill 2013/191/UE li jinkludi rieżami tal-perċentwal previst għal-limitazzjoni tad-dritt tat-tnaqqis. Mill-informazzjoni provduta mil-Latvja jidher li r-rata ta' 80 % ta' tnaqqis ma għadhiex tikkorrispondi maċ-ċirkostanzi attwali u li din ir-rata għandha titnaqqas għal 50 %. L-informazzjoni hija bbażata fuq ċifri statistiċi derivati minn taxxa speċjali fuq vetturi ħfief li huma proprjetà ta' operaturi kummerċjali jew miżmuma minnhom li huma użati għal attivitajiet privati u kummerċjali.

(6)

Il-limitazzjoni tad-dritt ta' tnaqqis taħt l-awtorizzazzjoni għandha tapplika għall-VAT imħallas fuq ix-xiri, il-kiri fit-tul, l-akkwist intra-Komunitarju u l-importazzjoni ta' karozzi tal-passiġġieri speċifikati u fuq l-infiq marbut magħhom, inkluż ix-xiri ta' fjuwil.

(7)

Il-miżura għandha tapplika biss għal karozzi tal-passiġġieri b'piż massimu awtorizzat ta' mhux aktar minn 3 500 kilogramma u li ma jkollhomx aktar minn tmien postijiet minbarra l-post tas-sewwieq. Kwalunkwe użu mhux kummerċjali ta' karozzi tal-passiġġieri li jeċċedu t-3 500 kilogramma jew li jkollhom aktar minn tmien postijiet minbarra l-post tas-sewwieq huwa negliġibbli minħabba n-natura tagħhom jew it-tip ta' kummerċ li għalih jintużaw. Għandha tiġi pprovduta wkoll lista dettaljata ta' karozzi tal-passiġġieri speċifiċi esklużi minn din l-awtorizzazzjoni, abbażi tal-użu partikolari tagħhom.

(8)

Għaldaqstant il-Latvja għandha għalhekk tkun awtorizzata li tapplika l-miżura ta' deroga għal perjodu limitat, sal-31 ta' Diċembru 2018.

(9)

F'każ li l-Latvja tqis li titlob estensjoni ulterjuri tal-miżura ta' deroga lil hinn mill-2018, jeħtieġ li tissottometti lill-Kummissjoni rapport ġdid li jinkludi rieżami tal-perċentwal applikabbli, flimkien mat-talba għal estensjoni, sal-31 ta' Marzu 2018.

(10)

Id-deroga se jkollha biss effett negliġibbli fuq l-ammont ġenerali tad-dħul mit-taxxa miġbur fl-istadju tal-konsum finali u mhux se jkollha effett negattiv fuq ir-riżorsi proprji tal-Unjoni li jinġabru mill-VAT,

(a)

karozzi mixtrija biex jerġgħu jinbiegħu, għall-kiri jew għall-kiri fit-tul;

(b)

karozzi użati għat-trasportazzjoni tal-passiġġieri bi ħlas, inklużi servizzi tat-taxi;

(c)

karozzi użati għall-provvista ta' trasportazzjoni ta' oġġetti;

(d)

karozzi użati biex jingħataw lezzjonijiet tas-sewqan;

(e)

karozzi użati għall-provvista ta' servizzi ta' għassa;

(f)

karozzi użati bħala vettura ta' emerġenza;

(g)

karozzi li jintużaw bħala dimostrazzjoni għal vetturi għall-bejgħ.