32015D2394

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2015/2394 - EN - EUR-Lex

Help

Search tips

Need more search options? Use the Advanced search

Document 32015D2394

Deċiżjoni tal-Kunsill (UE) 2015/2394 tat-8 ta' Diċembru 2015 dwar il-pożizzjoni li trid tittieħed mill-Istati Membri f'isem l-Unjoni Ewropea, fir-rigward tad-deċiżjonijiet li trid tadotta l-Kummissjoni Permanenti tal-Eurocontrol, rigward ir-rwoli u l-kompiti tal-Eurocontrol u dwar is-servizzi ċentralizzati

ĠU L 332, 18.12.2015, p. 136–139 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2015/2394/oj

HTML

PDF

Official Journal

18.12.2015

Il-Ġurnal Uffiċjali tal-Unjoni Ewropea

L 332/136

DEĊIŻJONI TAL-KUNSILL (UE) 2015/2394

tat-8 ta' Diċembru 2015

dwar il-pożizzjoni li trid tittieħed mill-Istati Membri f'isem l-Unjoni Ewropea, fir-rigward tad-deċiżjonijiet li trid tadotta l-Kummissjoni Permanenti tal-Eurocontrol, rigward ir-rwoli u l-kompiti tal-Eurocontrol u dwar is-servizzi ċentralizzati

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 100(2) u l-Artikolu 218(9) tiegħu,

Wara li kkunsidra l-proposta tal-Kummissjoni Ewropea,

Billi:

(1)

Il-Kummissjoni Permanenti tal-Eurocontrol (“il-Kummissjoni Permanenti”), permezz tad-Deċiżjoni Nru 123 tiegħu tal-4 ta' Diċembru 2013, stabbilixxiet Grupp ta' Studju biex jinvestiga b'liema mod i l-Konvenzjoni Internazzjonali tal-Eurocontrol dwar il-Kooperazzjoni għas-Sigurtà tan-Navigazzjoni bl-Ajru tat-13 ta' Diċembru 1960 (“il-Konvenzjoni tal-Eurocontrol”), jista' jkun tkun teħtieġ li tiġi emendata sabiex din tirrifletti ix-xenarju tal-ġestjoni tat-traffiku tal-ajru li dejjem qed jevolvi fl-Ewropa.

(2)	Fid-19 ta' Ottubru 2015, il-Grupp ta' Studju inkariga lill-Aġenzija Eurocontrol bit-tfassil ta' abbozz ta' Att tal-Kummissjoni Permanenti li jiddefinixxi r-rwoli u l-kompiti futuri tal-Eurocontrol.

(3)	Abbozz ta' deċiżjoni tal-Kummissjoni Permanenti dwar ir-rwoli u l-kompiti tal-Eurocontrol se jkun fuq l-aġenda tagħha għall-approvazzjoni fil-laqgħa fit-8 u fid-9 ta' Diċembru 2015.

(4)

Ladarba adottata, dik id-deċiżjoni se jkollha effetti legali. Skont il-qafas istituzzjonali applikabbli, stabbilit fil-Konvenzjoni tal-Eurocontrol, kif emendat bil-Protokoll iffirmat fi Brussell fit-12 ta' Frar 1981 (“il-Konvenzjoni Emendata”), il-Kummissjoni Permanenti hija responsabbli biex “tifformula l-politika ġenerali tal-Eurocontrol”. Id-definizzjoni tar-rwoli u tal-kompiti se tirregola l-azzjoni futura tal-Eurocontrol u bl-istess mod se tirrifletti neċessarjament dak li l-Eurocontrol tqis bħala attività leġittima. Din se torbot lill-Membri kollha tal-Eurocontrol, inklużi l-Istati Membri tal-Unjoni.

(5)

Id-definizzjoni tar-rwoli u tal-kompiti tal-Eurocontrol, jista' jkollha konsegwenzi rigward l-applikazzjoni tal-liġi tal-Unjoni u, b'mod partikolari, l-integrità tal-kompetenzi tal-UE, peress li l-leġislazzjoni tal-Unjoni tkopri oqsma importanti li fihom hija attiva l-Eurocontrol. F'xi każijiet, ir-rwol u l-attività tal-Eurocontrol jiddependu mid-deċiżjonijiet meħuda fil-livell tal-Unjoni.

(6)	Għaldaqstant, huwa importanti li jiġi żgurat li d-definizzjoni tar-rwoli u tal-kompiti tal-Eurocontrol ma tkunx f'kunflitt mal-liġi tal-Unjoni, b'mod partikolari mal-kompetenzi tal-Unjoni, u li din ma tippreġudikax azzjoni futura tal-Unjoni.

(7)

Fil-laqgħa tagħha tat-8 u d-9 ta' Diċembru 2015, il-Kummissjoni Permanenti tista' wkoll tadotta deċiżjoni dwar is-servizzi ċentralizzati. Bħalissal-Unjoni ma għandhiex biżżejjed informazzjoni biex tevalwa s-sustanza ta' tali deċiżjoni, li tista' tippreġudika l-attività futura tal-Eurocontrol u b'mod li jista' jkun ta' ħsara għall-attività tal-Unjoni f'dan il-qasam, b'mod partikolari fir-rigward tar-Riċerka dwar il-Ġestjoni tat-Traffiku bl-Ajru tal-Ajru Uniku Ewropew (SESAR). Għaldaqstant għandha tiġi posposta deċiżjoni dwar din il-kwistjoni.

(8)	Għalhekk għandha tiġi stabbilita l-pożizzjoni li trid tittieħed f'isem l-Unjoni fil-Kummissjoni Permanenti tal-Eurocontrol,

ADOTTA DIN ID-DEĊIŻJONI:

Artikolu 1

Il-pożizzjoni li jridu jieħdu l-Istati Membri f'isem l-Unjoni Ewropea fil-Kummissjoni Permanenti tal-Eurocontrol dwar ir-rwoli u l-kompiti tal-Eurocontrol u s-servizzi ċentralizzati, għandha tkun skont l-Anness.

L-Istati Membri għandhom jaġixxu b'mod konġunt fl-interess tal-Unjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, it-8 ta' Diċembru 2015.

Għall-Kunsill

Il-President

P. GRAMEGNA

ANNESS

I. Ir-rwoli u l-kompiti tal-Eurocontrol

L-Unjoni titlob li t-test propost dwar is-servizzi, ir-rwoli u l-kompiti tal-Eurocontrol ma jaffettwa bl-ebda mod il-kompetenzi tal-Unjoni u li ma jippreġudikax l-azzjoni futura tal-Unjoni. Meta l-kompiti speċifiċi jkunu attwalment imwettqa mill-Eurocontrol fi ħdan il-qafas ġuridiku tal-Unjoni fuq bażi temporanja, dawk il-kompiti ma għandhomx jiġu ppreżentati bħala kompiti indipendenti mid-deċiżjonijiet tal-Unjoni.

L-Unjoni titlob il-bidliet li ġejjin għal-lista tar-rwoli u tal-kompiti tal-Eurocontrol, stipulata fl-anness tad-dokument ta' azzjoni CN-SG-6-2015 tal-Eurocontrol dwar ir-rwoli u l-kompiti tal-organizzazzjoni tas-16 ta' Novembru 2015

(1)

Fir-rigward tal-Artikolu 2(1) dwar “Funzjonijiet u Servizzi”:

(a)	Ġestjoni tal-Fluss tat-Traffiku tal-Ajru Ċentrali;

(b)	Il-funzjonijiet tan-netwerk tal-ATM jekk mogħtija mill- f'isem l-Unjoni Ewropea;

(c )	Funzjonijiet Kompiti tal-ATM f'isem l-ICAO għar-Reġjun EUR/NAT;

(d)	L-istabbiliment, il-fatturazzjoni u l-ġbir ta' Tariffi tan-Navigazzjoni bl-Ajru;

(e)	Il-forniment ta' servizzi tat-traffiku tal-ajru fil-MUAC, soġġett għar-riżultati tad-diskussjonijiet bejn l-Istati Membri u EUROCONTROL l-Aġenzija;

(f)	Il-funzjonijiet u s-servizzi ċentrali, bħal EAD, ARTAS/CAMOS, u servizzi ċentrali oħrajn li jistgħu jiġu fdati lilha mill-Kummissjoni Permanenti, bi qbil f'kooperazzjoni mill-qrib mal-Unjoni.

(2)

Fir-rigward tal-Artikolu 2(2) dwar ir-“Rwoli”:

(a)

Fir-rigward tal-“Appoġġ”, it-tibdil għandu jkun kif ġej:

(i)	Appoġġ lill-Istati Membri tagħha, lill-NSAs, lill-ANSPs u lil partijiet ikkonċernati rilevanti oħra;

(ii)	Appoġġ lill-UE korpi inkluż l-għoti ta' speċjalizzazzjoni biex jiġu appoġġjati l-attivitajiet regolatorji f'konformità skont il-Ftehim ta' Livell Għoli bejn l-UE u l-Eurocontrol tad-29 ta' Ottubru 2012 fuq it-talba ta' dawn il-korpi;

(iii).

Faċilitazzjoni u promozzjoni tal-interessi Ewropej fi Stati li mhumiex membri tal-ECAC fi kwistjonijiet tal-ATM b'kooperazzjoni mill-qrib mal-Istati Membri tagħha, mal-ANSPs u mal-industrija tagħhomu l-UE, ħlief għall-oqsma koperti mir-regoli tal-UE u b'kundizzjoni li jiġu rrispettati l-kompetenzi tal-UE;

(iv)

Kontribuzzjoni għal SESAR (R&Ż, żamma u tnedija tal-Pjan Regolatorju tal-ATM) — billi tibni fuq l-għarfien espert fl-ATM tagħha, il-kopertura pan-Ewropea tagħha, l-aspett ċivili-militari tagħha u r-rwol tal-ġestjoni tan-netwerk tal-fluss ċentrali tan-netwerk, f'konformità mal-leġslazzjoni rilevanti tal-UE;

(v)	Jiġu pprovduti faċilitajiet ta' riċerka u ta' simulazzjoni relatati, eż. għal SESAR, jitwettqu attivitajiet ta' riċerka flimkien ma' SESAR u jsir tibdil fl-ispazju tal-ajru f'konformità mal-leġislazzjoni rilevanti tal-UE, fejn applikabbli;

(vi)	L-għoti ta' taħriġ/edukazzjoni lill-organizzazzjonijiet tal-Istati Membri.

(b)

Fir-rigward tal-“Mekkaniżmi għall-kooperazzjoni”, it-tibdil għandu jkun kif ġej:

(i)	Tiġi ffaċilitata u promossa l-koordinazzjoni ċivili-militari fuq l-iżviluppi ATM/ANS;

(ii)	Jingħata appoġġ lill-Istati Membri fil-ħidma tal-ICAO, bil-kundizzjoni li jiġu rrispettati l-kompetenzi tal-UE;

(iii)

Issir kooperazzjoni ma' reġjuni oħra fid-dinja, soġġetta għal ftehim mal-Istati Membri li jiżgura l-koordinazzjoni mal-UE;

(iv)	Kooperazzjoni/koordinazzjoni internazzjonali (ICAO, FAA, NATO, eċċ.) f'isem l-Istati Membri tagħha, għajr l-Istati Membri tal-UE bil-kundizzjoni li jiġu rrispettati l-kompetenzi tal-UE;

(v)

Jingħata parir li mhumiex fl-UE fuq talba tagħhom stess, lil dawk l-Istati Membri li mhumiex Stati Membri tal-UE u li ma kkonkludewx ftehimiet mal-Unjoni, dwar kwistjonijiet ta' Sikurezza u Prestazzjoni tal-ATM, bl-użu ta' f'konformità mar-regoli tal-ICAO, b'koordinazzjoni mal-UE u bil-kundizzjoni li jiġu rrispettati l-kompetenzi tagħha regoli tal-UE u tal-EASA f'dan il-qasam biex jikkontribwixxu għat-tisħiħ tal-armonizzazzjoni, għas-sikuerzza, għall-effiċjenza operattiva u għall-ekonomiji ta' skala.;

(c)

Fir-rigward tal-“Informazzjoni u tad-data dwar l-ATM fil-livell pan-Ewropew” it-tibdil għandu jkun kif ġej:

(i)	Il-ġbir u l-analiżi tad-data, li tista' tinkludi data dwar il-prestazzjoni, data tas-sikurezza, eċċ. (sabiex “jinżammu” s-sistemi u d-data b'appoġġ għall-ħidma regolatorja) għall-Istati li mhumiex Stati Membri tal-UE u, jekk dan il-kompitu jiġi kkonferit lilha mill-UE, għall-Istati Membri tal-UE;

(ii)	L-analiżi u t-tfassil ta' rapporti (informazzjoni) dwar id-data miġbura (eż. ACE, PRR) għall-Istati li mhumiex Stati Membri tal-UE u, jekk dan il-kompitu jiġi kkonferit lilha mill-UE, għall-Istati Membri tal-UE;

(iii)

Imexxu l-proċess ESSIP/LSSIP, jekk jiġi kkonferit mill-Unjoni Ewropea;

(iv)	, inkluż Ir-rappurtar lill-ICAO dwar l-implimentazzjoni ta' Pjan ta' Navigazzjoni bl-Ajru Globali (GANP) u tal-Aġġornamenti tal-Blokok tas-Sistemi tal-Avjazzjoni (ASBUs) u tiġi żgurata l-koordinazzjoni mal-mekkaniżmi ta' rappurtar tal-UE bi ftehim mal-Unjoni Ewropea;

(v)	Ġbir ta' data dwar it-traffiku u l-għoti tal-previżjonijiet STATFOR.

II. Servizzi Ċentralizzati

Il-pożizzjoni tal-Unjoni hija li d-deċiżjoni dwar is-servizzi ċentralizzati f'dan l-istadju għandha tiġi posposta.

Bħalissa l-Unjoni ma għandhiex biżżejjed informazzjoni biex tevalwa s-sustanza ta' tali deċiżjoni dwar servizzi ċentralizzati. Tali deċiżjoni tista' tippreġudika l-attività futura tal-Eurocontrol u b'mod li jista' jkun ta' ħsara għall-attività tal-Unjoni f'dan il-qasam, b'mod partikolari fir-rigward tar-Riċerka dwar il-Ġestjoni tat-Traffiku bl-Ajru tal-Ajru Uniku Ewropew (SESAR).

Top

Choose the experimental features you want to try