2.10.2015   

MT

Il-Ġurnal Uffiċjali tal-Unjoni Ewropea

L 257/42

(1)

Fil-31 ta' Lulju 2014, il-Kunsill adotta d-Deċiżjoni 2014/512/PESK (1) dwar miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukraina.

(2)

Il-Kunsill jikkunsidra li dawk il-miżuri restrittivi ma għandhomx jaffettwaw l-industrija spazjali Ewropea.

(3)

Għalhekk, għandhom ikunu permessi ċerti operazzjonijiet li jirrigwardaw pirotekniċi speċifiċi msemmija fil-Lista Militari Komuni tal-Unjoni Ewropea (2), li huma neċessarji għall-użu ta' lanċaturi operati minn fornituri ta' servizzi ta' llanċar tal-Istati Membri jew stabbiliti fi Stat Membru, jew għall-użu ta' operazzjonijiet ta' llanċar ta' programmi spazjali tal-Unjoni, tal-Istati Membri tiegħu jew tal-Aġenzija Spazjali Ewropea, jew għar-riforniment ta' satelliti minn produtturi ta' satelliti stabbiliti fi Stat Membru,

(1)

Fl-Artikolu 2 il-paragrafi li ġejjin huma miżjuda:

“5.   Il-projbizzjonijiet fil-paragrafi 1 u 3 ma għandhomx japplikaw għal:

għall-użu ta' lanċaturi operati minn fornituri Ewropej ta' servizzi ta' llanċar, jew għall-użu ta' operazzjonijiet ta' llanċar ta' programmi spazjali, jew għar-riforniment ta' satelliti minn produtturi ta' satelliti minn produtturi Ewropej ta' satelliti.

L-ammont ta' kull esportazzjoni ta' idrażin għandu jiġi kkalkolat skont l-operazzjoni jew l-operazzjonijiet ta' llanċar jew is-satelliti li għalihom ikun sar u ma għandux jeċċedi kwantità totali ta' 800 Kg għal kull operazzjoni individwali ta' llanċar jew satellita. L-ammont ta' kull esportazzjoni ta' idrażin monometil għandu jiġi kkalkolat skont l-operazzjoni jew l-operazzjonijiet ta' llanċar jew is-satelliti li għalihom ikun sar.

6.   Il-projbizzjonijiet fil-paragrafu 2 ma għandhomx japplikaw għall-forniment ta' assistenza teknika, servizzi ta' intermedjazzjoni jew servizzi oħra u għall-forniment ta' finanzjamenti jew assistenza finanzjarja, relatati mal-operazzjonijiet imsemmijin fil-punti (a), (b) u (c) tal-paragrafu 5.

7.   L-operazzjonijiet imsemmijin fil-punti (a), (b) u (c) tal-paragrafu 5 u fil-paragrafu 6 għandhom ikunu soġġetti għall-awtorizzazzjoni minn qabel tal-awtoritajiet kompetenti tal-Istati Membri. L-Istati Membri għandhom debitament jinfurmaw lill-Kunsill fil-każijiet kollha fejn huma jagħtu awtorizzazzjoni. L-informazzjoni għandha tinkludi d-dettalji tal-ammonti ttrasferiti u tal-utent finali.”.

(2)

Fl-Artikolu 9(1) is-subparagrafu li ġej huwa miżjud:

“L-Artikolu 2(6) għandu japplika mid-9 ta' Ottubru 2015.”