This document is an excerpt from the EUR-Lex website
Document 32015D1293
Council Decision (EU) 2015/1293 of 20 July 2015 on the conclusion, on behalf of the European Union, of the European Convention on the legal protection of services based on, or consisting of, conditional access
Deċiżjoni tal-Kunsill (UE) 2015/1293 tal-20 ta' Lulju 2015 dwar il-konklużjoni, f'isem l-Unjoni Ewropea, tal-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali
Deċiżjoni tal-Kunsill (UE) 2015/1293 tal-20 ta' Lulju 2015 dwar il-konklużjoni, f'isem l-Unjoni Ewropea, tal-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali
ĠU L 199, 29.7.2015, p. 3–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
29.7.2015 |
MT |
Il-Ġurnal Uffiċjali tal-Unjoni Ewropea |
L 199/3 |
DEĊIŻJONI TAL-KUNSILL (UE) 2015/1293
tal-20 ta' Lulju 2015
dwar il-konklużjoni, f'isem l-Unjoni Ewropea, tal-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 207(4) flimkien mal-Artikolu 218(6)(a)(v) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
(1) |
Fis-16 ta' Lulju 1999, il-Kunsill awtorizza lill-Kummissjoni sabiex tinnegozja fi ħdan il-Kunsill tal-Ewropa, f'isem il-Komunità Ewropea, konvenzjoni dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali. |
(2) |
Il-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali (“il-Konvenzjoni”) ġiet adottata mill-Kunsill tal-Ewropa fl-24 ta' Jannar 2001 u daħlet fis-seħħ fl-1 ta' Lulju 2003. |
(3) |
Il-Konvenzjoni tistabbilixxi qafas regolatorju li huwa kważi identiku għal dak stabbilit fid-Direttiva 98/84/KE tal-Parlament Ewropew u tal-Kunsill (1). |
(4) |
Fil-21 ta' Diċembru 2011 il-Konvenzjoni ġiet iffirmata f'isem l-Unjoni (2). |
(5) |
Il-konklużjoni tal-Konvenzjoni tista' tgħin biex l-applikazzjoni ta' dispożizzjonijiet simili għal dawk tad-Direttiva 98/84/KE tiġi estiża lil hinn mill-fruntieri tal-Unjoni, u tistabbilixxi liġi dwar servizzi bbażati fuq aċċess kondizzjonali li tkun applikabbli fil-kontinent Ewropew kollu. |
(6) |
Il-Konvenzjoni għandha tiġi approvata f'isem l-Unjoni, |
ADOTTA DIN ID-DEĊIŻJONI:
Artikolu 1
Il-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali (3) hija b'dan approvata f'isem l-Unjoni Ewropea.
Artikolu 2
Il-President tal-Kunsill huwa b'dan awtorizzat sabiex jinnomina l-persuna jew persuni bis-setgħa li jiddepożita(w) f'isem l-Unjoni l-istrument tal-approvazzjoni previst fl-Artikolu 12 tal-Konvenzjoni, sabiex jesprimi/u l-kunsens tal-Unjoni li tintrabat biha.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, l-20 ta' Lulju 2015.
Għall-Kunsill
Il-President
F. MOGHERINI
(1) Direttiva 98/84/KE tal-Parlament Ewropew u tal-Kunsill tal-20 ta' Novembru 1998 dwar il-protezzjoni legali ta' servizzi bbażati fuq, jew li jikkonsistu minn, aċċess kondizzjonali (ĠU L 320, 28.11.1998, p. 54).
(2) Il-Konvenzjoni ġiet iffirmata abbażi tad-Deċiżjoni tal-Kunsill 2011/853/UE tad-29 ta' Novembru 2011 dwar l-iffirmar, f'isem l-Unjoni, tal-Konvenzjoni Ewropea dwar il-Protezzjoni Legali tas-Servizzi ibbażata fuq, jew tikkonsisti minn aċċess kondizzjonali (ĠU L 336, 20.12.2011, p. 1). Minn dakinhar 'l hawn, dik id-Deċiżjoni ġiet sostitwita bid-Deċiżjoni tal-Kunsill 2014/243/UE tal-14 ta' April 2014 dwar l-iffirmar, f'isem l-Unjoni, tal-Konvenzjoni Ewropea dwar il-protezzjoni legali tas-servizzi bbażati fuq, jew jikkonsistu minn, aċċess kondizzjonali (ĠU L 128, 30.4.2014, p. 61).
(3) It-test tal-Konvenzjoni ġie ppubblikat fil-ĠU L 336, 20.12.2011, p. 2.
ANNESS
DIKJARAZZJONI TAL-UE (*)
Waqt li tirrikonoxxi b'mod sħiħ l-objettivi segwiti mill-Konvenzjoni Ewropea dwar il-protezzjoni legali ta' servizzi bbażati fuq, jew li jikkonsistu minn, aċċess kondizzjonali, l-Unjoni tesprimi t-tħassib tagħha dwar l-applikazzjoni tal-Artikolu 9 u l-Artikolu 10(3) tal-Konvenzjoni, wara l-adeżjoni tal-Unjoni magħha, abbażi tal-kompetenza esklussiva tagħha.
Din id-Dikjarazzjoni hija mingħajr preġudizzju għall-proċeduri ta' votazzjoni fi ħdan il-Kumitat tal-Ministri tal-Kunsill tal-Ewropa.
(*) Għandha tiġi kkomunikata lis-Segretarju Ġenerali tal-Kunsill tal-Ewropa meta jkun qed isir id-depożitu tal-istrument ta’ approvazzjoni tal-Konvenzjoni.