25.6.2015   

MT

Il-Ġurnal Uffiċjali tal-Unjoni Ewropea

L 159/70

(1)

L-Artikolu 300(3) tat-Trattat jeħtieġ li membri jew membri supplenti tal-Kumitat tar-Reġjuni, minbarra li jkunu rappreżentanti ta' korpi reġjonali jew lokali, jew ikollhom mandat elettorali ta' awtorità reġjonali jew lokali jew ikunu politikament responsabbli quddiem assemblea eletta.

(2)

L-Artikolu 305 tat-Trattat jipprevedi li l-membri tal-Kumitat tar-Reġjuni u numru ugwali ta' membri supplenti jinħatru mill-Kunsill għal ħames snin skont il-proposti magħmula minn kull Stat Membru.

(3)

Ladarba l-mandat tal-membri u l-membri supplenti tal-Kumitat tar-Reġjuni skada fil-25 ta' Jannar 2015, kien jeħtieġ li jinħatru membri u membri supplenti ġodda.

(4)

Fis-26 ta' Jannar 2015, il-Kunsill adotta d-Deċiżjoni (UE) 2015/116 (2) li taħtar il-membri u l-membri supplenti proposti mill-Gvernijiet tal-Belġju, tal-Bulgarija, tar-Repubblika Ċeka, tad-Danimarka, tal-Estonja, tal-Irlanda, tal-Greċja, ta' Spanja, ta' Franza, tal-Kroazja, tal-Italja, ta' Ċipru, tal-Latvja, tal-Litwanja, tal-Lussemburgu, tal-Ungerija, ta' Malta, tan-Netherlands, tal-Awstrija, tal-Portugall, tar-Rumanija, tas-Slovenja, tas-Slovakkja, tal-Finlandja, u tal-Isvezja, 23 membru u 23 membru supplenti proposti mill-Gvern Ġermaniż u 18-il membru u 16-il membru supplenti proposti mill-Gvern Pollakk għall-perijodu mis-26 ta' Jannar 2015 sal-25 ta' Jannar 2020. Il-membri u l-membri supplenti li n-nomini tagħhom ma ġewx ikkomunikati lill-Kunsill sat-22 ta' Jannar 2015 ma setgħux jiġu inklużi fid-Deċiżjoni (UE) 2015/116.

(5)

Fil-5 ta' Frar 2015, il-Kunsill adotta d-Deċiżjoni (UE) 2015/190 (3) li taħtar il-membru u l-membru supplenti li fadal proposti mill-Gvern Ġermaniż u l-membri u l-membri supplenti proposti mill-Gvern tar-Renju Unit.

(6)

Wara l-adozzjoni tad-Deċiżjonijiet (UE) 2015/116 u (UE) 2015/190, baqgħu vojta l-postijiet ta' tliet membri Pollakki u ħames membri supplenti Pollakki.

(7)

Fid-29 ta' Mejju 2015, ġiet ippreżentata lill-Kunsill lista li fiha tliet membri u ħames membri supplenti proposti mill-gvern Pollakk. Din il-lista tinkludi is-sitt membru supplenti, billi s-Sur Marek Karol OLSZEWSKI, li qabel kien membru supplenti, għandu jinħatar bħala membru tal-Kumitat tar-Reġjuni. Dawk il-membri u l-membri supplenti għandhom jinħatru għall-istess perijodu mis-26 ta' Jannar 2015 sal-25 ta' Jannar 2020 bħala l-membri u l-membri s-supplenti maħturin bid-Deċiżjonijiet (UE) 2015/116 u d-Deċiżjoni (UE) 2015/190. Din id-Deċiżjoni għandha għalhekk tapplika retroattivament mis-26 ta' Jannar 2015,

—

bħala membri, il-persuni elenkati minn kull Stat Membru fl-Anness I;

—

bħala membri supplenti, il-persuni elenkati minn kull Stat Membru fl-Anness II.