This document is an excerpt from the EUR-Lex website
Document 32015D0927
Political and Security Committee Decision (CFSP) 2015/927 of 9 June 2015 on the appointment of the Head of Mission of the European Union mission to provide advice and assistance for security sector reform in the Democratic Republic of the Congo (EUSEC RD Congo) and repealing Decision EUSEC/1/2012 (EUSEC/1/2015)
Deċiżjoni tal-Kumitat Politiku u ta' Sigurtà (PESK) 2015/927 tad-9 ta' Ġunju 2015 dwar il-ħatra tal-Kap ta' Missjoni għall-missjoni ta' konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) u li tħassar id-Deċiżjoni EUSEC/1/2012 (EUSEC/1/2015)
Deċiżjoni tal-Kumitat Politiku u ta' Sigurtà (PESK) 2015/927 tad-9 ta' Ġunju 2015 dwar il-ħatra tal-Kap ta' Missjoni għall-missjoni ta' konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) u li tħassar id-Deċiżjoni EUSEC/1/2012 (EUSEC/1/2015)
ĠU L 150, 17.6.2015, p. 21–22
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/06/2016
17.6.2015 |
MT |
Il-Ġurnal Uffiċjali tal-Unjoni Ewropea |
L 150/21 |
DEĊIŻJONI TAL-KUMITAT POLITIKU U TA' SIGURTÀ (PESK) 2015/927
tad-9 ta' Ġunju 2015
dwar il-ħatra tal-Kap ta' Missjoni għall-missjoni ta' konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) u li tħassar id-Deċiżjoni EUSEC/1/2012 (EUSEC/1/2015)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill 2010/565/PESK tal-21 ta' Settembru 2010 dwar il-missjoni ta' konsulenza u assistenza tal-Unjoni Ewropea fil-qasam tar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) (1), u b'mod partikolari l-Artikolu 8 tagħha,
Billi:
(1) |
Skont l-Artikolu 8 tad-Deċiżjoni 2010/565/PESK, il-Kumitat Politiku u ta' Sigurtà (KPS) huwa awtorizzat, b'konformità mat-tielet paragrafu tal-Artikolu 38 tat-Trattat dwar l-Unjoni Ewropea, jieħu d-deċiżjonijiet rilevanti sabiex jeżerċita l-kontroll politiku u d-direzzjoni strateġika tal-EUSEC RD Congo, inklużi deċiżjonijiet dwar il-ħatra ta' Kap tal-Missjoni. |
(2) |
Fit-8 ta' Ġunju 2015, il-Kunsill adotta d-Deċiżjoni (PESK) 2015/883 (2) li testendi il-missjoni ta' konsulenza u assistenza tal-Unjoni Ewropea fil-qasam tar-riforma tas-settur tas-sigurtà fir-Repubblika Demokratika tal-Kongo (“EUSEC RD Congo”) sat-30 ta' Ġunju 2016. |
(3) |
Fit-2 ta' Ottubru 2012, il-KPS adotta d-Deċiżjoni EUSEC/1/2012 (3) għall-ħatra tal-Kurunell Jean-Louis NURENBERG bħala l-Kap tal-Missjoni tal-EUSEC RD Congo. |
(4) |
Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà (“RGħ”) pproponiet il-ħatra tal-Kurunell Johan DE LAERE bħala l-Kap tal-Missjoni tal-EUSEC RD Congo bħala s-sostitut tal-Kurunell Jean-Louis NURENBERG mill-1 ta' Lulju 2015 għal perijodu ta' sena, |
ADOTTA DIN ID-DEĊIŻJONI:
Artikolu 1
Il-Kurunell Johan DE LAERE huwa b'dan maħtur bħala Kap tal-Missjoni għall-missjoni ta' konsulenza u assistenza tal-Unjoni Ewropea għar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) mill-1 ta' Lulju 2015 sat-30 ta' Ġunju 2016.
Artikolu 2
Id-Deċiżjoni tal-Kumitat Politiku u ta' Sigurtà EUSEC/1/2012 hija mħassra b'effett mill-1 ta' Lulju 2015.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Hija għandha tapplika mill-1 ta' Lulju 2015.
Magħmul fi Brussell, id-9 ta' Ġunju 2015.
Għall-Kumitat Politiku u ta' Sigurtà
Il-President
W. STEVENS
(1) ĠU L 248, 22.9.2010, p. 59.
(2) Id-Deċiżjoni tal-Kunsill (PESK) 2015/883 tat-8 ta' Ġunju 2015 li temenda u testendi d-Deċiżjoni 2010/565/PESK dwar il-missjoni ta' konsulenza u assistenza tal-Unjoni Ewropea fil-qasam tar-riforma tas-settur tas-sigurtà fir-Repubblika Demokratika tal-Kongo (EUSEC RD Congo) (ĠU L 143, 9.6.2015, p. 14).
(3) Id-Deċiżjoni tal-Kumitat Politiku u ta' Sigurtà EUSEC/1/2012 tat-2 ta' Ottubru 2012 dwar il-ħatra tal-Kap ta' Missjoni għall-missjoni ta' konsulenza u assistenza tal-Unjoni Ewropea għar- riforma tas-settur tas-sigurtà fir-Repubblika Demokratika tal-Kongo (EUSEC RD Congo) (ĠU L 272, 6.10.2012, p. 19).