Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015D0886

Deċiżjoni tal-Kummissjoni (UE) 2015/886 tat-8 ta' Ġunju 2015 li temenda d-Deċiżjoni 2014/312/UE li tistabbilixxi l-kriterji ekoloġiċi għall-għoti tal-ekotikketta tal-UE għaż-żebgħa u l-verniċ ta' barra u ta' ġewwa (notifikata bid-dokument C(2015) 3782) (Test b'rilevanza għaż-ŻEE)

C/2015/3782

ĠU L 144, 10.6.2015, pp. 12–16 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 16/12/2025; Impliċitament imħassar minn 32025D2607

ELI: http://data.europa.eu/eli/dec/2015/886/oj

10.6.2015   

MT

Il-Ġurnal Uffiċjali tal-Unjoni Ewropea

L 144/12

DEĊIŻJONI TAL-KUMMISSJONI (UE) 2015/886

tat-8 ta' Ġunju 2015

li temenda d-Deċiżjoni 2014/312/UE li tistabbilixxi l-kriterji ekoloġiċi għall-għoti tal-ekotikketta tal-UE għaż-żebgħa u l-verniċ ta' barra u ta' ġewwa

(notifikata bid-dokument C(2015) 3782)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta' Novembru 2009 dwar skema ta' Ekotikketta tal-UE (1), u b'mod partikolari l-Artikolu 8(2) tiegħu,

Wara li kkonsultat il-Bord tal-Ekotikkettar tal-Unjoni Ewropea,

Billi:

(1)

Id- Deċiżjoni tal-Kummissjoni 2014/312/UE (2) tipprevedi perjodu tranżizzjonali għall-produtturi li l-prodotti tagħhom ikunu ngħataw l-Ekotikketta tal-UE għaż-żebgħa u l-verniċ ta' barra u ta' ġewwa, sabiex ikollhom biżżejjed żmien biex jadattaw il-prodotti tagħhom ħalli b'hekk jikkonformaw mal-kriterji u r-rekwiżiti riveduti. Minkejja dan, l-Istati Membri għarrfu lill-Kummissjoni li huma ma jkunux jistgħu jivverifikaw il-prodotti Ekotikkettati fiż-żmien li ngħatalhom ta' 12-il xahar minħabba n-numru kbir ta' prodotti u r-rekwiżiti addizzjonali. Perjodu addizzjonali huwa meħtieġ biex tkun żgurata tranżizzjoni mingħajr intoppi.

(2)

L-esperti tekniċi nnotifikaw lill-Kummissjoni u xi Stati Membri li l-formulazzjoni attwali tal-punt 14 tal- Artikolu 2 mhix ċara. Id-definizzjoni li ngħatat tippermetti l-interpretazzjoni ħażina fir-rigward tar-referenza għal “sistemi polari”. It-terminu “sistema polari” li jirreferi għas-sistema analitika u mhux għas-sistema tal-kisi jeħtieġ li jiġi ċċarat. Barra minn hekk, ġie rrakkomandat li fid-definizzjoni jiġi speċifikat parametru tekniku addizzjonali, il-pressjoni tal-fwar. Kwalunkwe bidla fil-kliem tal-punt 14 tal-Artikolu 2 għandha, f'ġieħ il-konsistenza u ċ-ċarezza, tkun riflessa wkoll fil-kliem tal-punt 13 tal- Artikolu 2 rigward il-VOCs.

(3)

Abbażi ta' diskussjonijiet li saru f'Novembru 2014 Il-Bord tal-Ekotikkettjar tal-Unjoni Ewropea u f'laqgħat tal-Forum tal-Korp Kompetenti jeħtieġ li jiġi ċċarat li l-kriterju 3(a) u referenza assoċjata fit-Tabella 2 ma jkunux japplikaw għal prodotti adeżivi tal-ewwel passata (primers) u kwalunkwe kisi ieħor trasparenti, iżda japplikaw għal dawk semitrasparenti.

(4)

Għal raġunijiet ta' konsistenza fil-kriterju 3 (Effiċjenza fl-użu), it-Tabella 2 — il-ħames kolonna (“Kisi dekorattiv magħqud ta' barra u ta' ġewwa (l))” fl-ewwel linja (li jirreferi għall-kriterji tar-rata ta' tixrid 3(a)) tad-Deċiżjoni 2014/312/UE, l-unità tal-kejl (1 m2/L) għandha toħdilha postha “1m2/kg”.

(5)

Il-Kriterju 5(a)(i) tad- Deċiżjoni 2014/312/UE jipprevedi lista ta' gruppi ta' sustanzi li huma indikati b'mod espliċitu bħala suġġett ta' valutazzjoni u verifika tal-kriterju 5(a). Madankollu, ġie ppruvat li din il-lista ta' sustanzi mhix eżawrjenti u grupp addizzjonali ta' sustanzi jeħtieġ li jiżdied fiha, jiġifieri “8. Sustanzi f'binders u d-dispersjonijiet tal-polimeri 8a. Binders u aġenti li jgħaqqdu trasversali, 8b. Prodotti tar-reazzjoni u residwi”. Barra minn hekk, għal raġunijiet ta' ċarezza, il-lista ta' gruppi ta' sustanzi għandha tiġi tiddaħħal mat-test ta' valutazzjoni u verifika tal-kriterju peress li din il-lista tintuża għall-valutazzjoni u l-verifika.

(6)

Fl-Anness tad-Deċiżjoni 2014/312/UE, il-punt 7(a) jiffissal-limiti tal-konċentrazzjoni għall-preżenza ta' formaldeid fil-prodott finali, iżda l-limiti ta' konċentrazzjoni fit-tabella mhumiex f'lokhom. Dik it-tabella għandha turi b'mod ċar li l-limiti ta' konċentrazzjoni għall-prodotti kollha huma ta' 0,0010 %, sakemm ma japplikawx xi derogi.

(7)

Il-miżuri stipulati f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010.

(8)

Id-Deċiżjoni 2014/312/UE għandha għalhekk tiġi emendata skont dan.

ADOTTAT DIN ID-DEĊIŻJONI:

Artikolu 1

Id-Deċiżjoni 2014/312/UE hija emendata kif ġej:

(1)

Fl-Artikolu 2, il-punt 13 huwa sostitwit b'dan li ġej:

“13.

 ‘komposti organiċi volatili’ (VOCs) tfisser kwalunkwe kompost organiku li jagħli inizjalment f'temperatura ta' 250 °C jew inqas, imkejla fi pressjoni standard ta' 101,3 kPa kif iddefinit fid-Direttiva 2004/42/KE u li, f'kolonna kapillari, jgħaddi minn elużjoni sa n-Tetradekan (C14H30) u jinkludih;”

(2)

Fl-Artikolu 2, il-punt 14 huwa sostitwit b'dan li ġej:

“14.

 ‘komposti organiċi semivolatili’ (SVOCs) tfisser kwalunkwe kompost organiku li jagħli f'temperatura ogħla minn 250 °C u anqas minn 370 °C imkejla fi pressjoni standard ta' 101,3 kPa u li, f'kolonna kapillari, jgħaddi minn elużjoni b'firxa ta' ritenzjoni wara n-Tetradekan (C14H30) u sa n-Dokosan (C22H46) u jinkludih;”

;

(3)

Fl-Artikolu 7, il-paragrafu 2 jinbidel b'dan li ġej:

“2.   Il-liċenzji għall-Ekotikketta tal-UE mogħtija skont il-kriterji stabbiliti fid-Deċiżjonijiet 2009/543/KE u 2009/544/KE jistgħu jintużaw għal 21 xahar mid-data tal-adozzjoni ta' din id-Deċiżjoni.”

;

(4)

L-Anness huwa emendat skont l-Anness ta' din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, it-8 ta' Ġunju 2015.

Għall-Kummissjoni

Karmenu VELLA

Membru tal-Kummissjoni

(1)   ĠU L 27, 30.1.2010, p. 1.

(2)  Id-Deċiżjoni tal-Kummissjoni 2014/312/UE tat-28 ta' Mejju 2014 li tistabbilixxi l-kriterji ekoloġiċi għall-għoti tal-ekotikketta tal-UE għaż-żebgħa u l-verniċ ta' barra u ta' ġewwa (ĠU L 164, 3.6.2014, p. 45).

ANNESS

L-Anness tad-Deċiżjoni 2014/312/UE huwa emendat kif ġej:

(1)

fil-kriterju 3 (effiċjenza fl-użu), Tabella 2 l-isem tal-kriterju 3a huwa sostitwit b'dan li ġej: “3(a) Rata ta' tixrid (għaż-żebgħa l-bajda u għaż-żebgħa ta' kulur ċar biss, inkluża ż-żebgħa ta' bażi l-bajda li tintuża fis-sistemi li jagħtu l-lewn)) — ISO 6504/1. Ma japplikax għall-verniċ, għal-lażuri (il-likwidi li jlewnu l-injam), għaż-żebgħa trasparenti ta' adeżjoni tal-ewwel passata jew għal kwalunkwe kisi trasparenti ieħor.”

(2)

fil-kriterju 3 (Effiċjenza fl-użu), Tabella 2, fit-tmien u d-disa' kolonni li jirreferu għal “Żebgħa tal-ewwel passata (g)” u “Żebgħa ta' taħt u żebgħa tal-ewwel passata (h)” it-test “6 m2/L (mingħajr opaċità)” huwa sostitwit fiż-żewġ kolonni b'dan li ġej: “6 m2/L (mingħajr opaċità jew b'karatteristiċi speiċifiċi”.

(3)

fil-kriterju 3(a), il-ħames paragrafu huwa sostitwit b'dan li ġej:

“Iż-żebgħa tal-ewwel passata u ta' taħt semitrasparenti għandu jkollhom rata ta' tixrid ta' mill-inqas 6 m2 u dawk opaki ta' mill-inqas 8 m2. Iż-żebgħa tal-ewwel passata opaka li jkollha karatteristiċi speċifiċi sabiex tibblokka/tissiġilla u tippenetra/tgħaqqad u ż-żebgħa tal-ewwel passata li jkollha karatteristiċi speċjali ta' adeżjoni għandu jkollha rata ta' tixrid ta' mill-inqas 6 m2 għal kull litru tal-prodott.”

(4)

il-kriterju 4 huwa emendat kif ġej:

(a)

fir-raba' paragrafu, is-sentenza li ġejja “L-indikaturi mogħtija fit-Tabella 4 għandhom jintużaw bħala l-bażi għad-delimitazzjoni tar-riżultati tal-kromatografija b'fażi gassuża għall-KOSV” hija sostitwita b'dan li ġej “It-test għandu jsir bl-użu tas-sistema analitika kif identifikat fil-Manwal tal-Utenti dwar il-Kriterji.”;

(b)

it-Tabella 4 titħassar;

(c)

fit-taqsima Valutazzjoni u verifika, it-tieni paragrafu, it-tieni sentenza hija sostitwita b'dan li ġej:

“It-test għandu jitwettaq b'referenza għall-modifki għall-ISO 11890-2 disponibbli fil-Manwal tal-Utenti dwar il-Kriterji.”;

(5)

fil-kriterju 5, il-punt (a)(i) huwa sostitwit b'dan li ġej:

“Għall-użu ta' dan il-grupp ta' prodotti, ingħataw derogi għal gruppi definiti ta' sustanzi li jistgħu jinsabu fil-prodott finali. Dawn id-derogi jistipulaw il-klassifikazzjonijiet ta' periklu li ngħataw deroga għal kull grupp ta' sustanzi speċifiku u l-kundizzjonijiet tad-deroga assoċjati u l-limiti tal-konċentrazzjoni li japplikaw. Id-derogi huma stipulati fl-Appendiċi.”

;

(6)

fil-kriterju 5(a)(ii), it-tieni paragrafu, it-tieni inċiż huwa sostitwit b'dan li ġej:

“—

L-ingredjenti tal-formula taż-żebgħa jew tal-verniċ li jaqgħu fi ħdan il-gruppi ta' sustanzi elenkati hawn taħt:

(1)

Preżervattivi miżjudin mas-sustanzi li jagħtu l-kulur, mal-binders u mal-prodott finali

(a)

Preżervattivi ta' ġol-bottijiet,

(b)

Preżervattivi użati fil-magni tal-lewn,

(c)

Preżervattivi b'saff niexef,

(d)

Stabbilizzaturi tal-preżervattivi,

(2)

Aġenti li jnixxfu u għal kontra t-tqaxxir,

(a)

Aġenti li jnixxfu,

(b)

Aġenti għal kontra t-tqaxxir,

(3)

Inibituri tal-korrużjoni,

(a)

Inibituri tal-korrużjoni,

(b)

Prevenzjoni tal-firdirram,

(4)

Tensjoattivi,

(a)

Tensjoattivi ta' użu ġenerali,

(b)

Alkilfenoletoksilati (APEOs),

(c)

Tensjoattivi perfluworinati,

(5)

Sustanzi funzjonali mixxellanji b'applikazzjoni ġenerali,

(a)

Emulsjoni tar-raża tas-siliċju fiż-żebgħa l-bajda, s-sustanzi li jagħtu l-kulur u l-bażijiet għall-għoti ta' lewn ħafif,

(b)

Metalli u l-komposti tagħhom,

(c)

Materja prima minerali, inkluż materjal għall-mili,

(d)

Aġenti li jinnewtralizzaw,

(e)

Luminanti ottiċi,

(f)

Pigmenti,

(6)

Sustanzi funzjonali mixxellanji b'applikazzjonijiet speċjalizzati,

(a)

Protetturi UV u stabbilizzaturi,

(b)

Plastifikanti,

(7)

Fdalijiet li jista' jkun hemm fil-prodott finali,

(a)

Formaldeid,

(b)

Solventi,

(c)

Monomeri li ma jirreaġixxux,

(d)

Komposti Aromatiċi Volatili u komposti aloġenati,

(8)

Sustanzi f'binders u d-dispersjonijiet tal-polimeri,

(a)

Binders u aġenti li jgħaqqdu traversali,

(b)

Prodotti tar-reazzjoni u residwi,

u li huma preżenti f'konċentrazzjonijiet ta' aktar minn 0,010 %”

;

(7)

fl-Appendiċi 5, l-entrati għall-formaldeid għandhom jiġu sostitwiti b'dan li ġej:

“7.   Fdalijiet ta' sustanzi li jista' jkun hemm fil-prodott finali

(a)

Formaldeid

Applikabbiltà:

Il-prodotti kollha.

Il-formaldeid liberu ma għandux jiżdied intenzjonalment mal-prodott finali. Il-prodott finali għandu jiġi ttestjat sabiex jiġi stabbilit il-kontenut ta' formaldeid liberu fih. Ir-rekwiżiti tal-kampjunar għall-ittestjar għandhom jirriflettu l-firxa tal-prodotti.

Għandu japplika l-valur ta' limitu tal-għadd totali li ġej:

Id-derogi li ġejjin huma magħmula mir-rekwiżit stabbilit fl-ewwel paragrafu:

(i)

Fejn huma meħtieġa preżervattivi li huma donaturi tal-formaldeid bħala preżervattivi ta' ġol-bottijiet biex jipproteġu tip speċifiku ta' żebgħa jew verniċ u fejn il-formaldeid donatur jintuża minflok il-preżervattivi tal-iżotijażolinon.

(ii)

Fejn id-dispersjonijiet tal-polimeri (binders) jipprovdu, permezz tal-livelli tal-formaldeid li jibqa', il-funzjoni ta' donaturi tal-formaldeid minflok il-preżervattivi ta' ġol-bottijiet.

Fiż-żewġ każijiet (i) u (ii) l-għadd totali ma għandux jaqbeż il-valur ta' limitu li ġej:

 

Verifika:

Il-kontenut tal-formaldeid liberu għandu jiġi stabbilit għall-bażi l-bajda jew għall-bażi trasparenti għall-għoti ta' lewn ħafif li tkun maħsuba li jkun fiha l-ogħla ammont teoretiku ta' formaldeid. Għandu jiġi stabbilit ukoll il-kontenut tal-bażi li tagħti l-lewn li tkun maħsuba li jkun fiha l-ogħla ammont teoretiku ta' formaldeid.

Metodu tat-test:

 

Valur ta' limitu ta' 0,0010 %:

Determinazzjoni tal-konċentrazzjoni ta' ġol-bottijiet bl-użu tal-metodu Merckoquant. Jekk l-eżitu ma jkunx definittiv bl-użu ta' dan il-metodu, allura għandha tintuża l-kromatografija likwida ta' prestazzjoni għolja (HPLC) biex tiġi kkonfermata l-konċentrazzjoni ta' ġol-bottijiet.

 

Valur ta' limitu ta' 0,010 %:

(1)

Iż-żebgħa kollha: Determinazzjoni tal-konċentrazzjoni ta' formaldeid ta' ġol-bottijiet permezz ta' analiżi bl-użu tal-VdL-RL 03 jew tal-kromatografija likwida ta' rendiment għoli (HPLC).

(2)

Iż-żebgħa u l-verniċ ta' ġewwa: Determinazzjoni permezz ta' analiżi skont l-istandard ISO 16000-3. L-emissjonijiet ma għandhomx ikunu ta' iktar minn 0,25 ppm mal-ewwel applikazzjoni u għandhom ikunu ta' inqas minn 0,05 ppm wara 24 siegħa mill-ewwel applikazzjoni.”

0,0010 %

0,010 %
Top